प्रतिभा पाटिल  हिन्दी देवनागरी में पढ़ें।

pratibha patil
Pratibha-Patil.jpg
poora nam pratibha devi sinh patil
janm 19 disambar, 1934
janm bhoomi jalaganv, maharashtr
abhibhavak narayan rav patil (pita)
pati/patni daauktar devisinh ramasinh shekhavat
sntan rajendr sinh shekhavat (putr), jyoti rathaur (putri)
nagarikata bharatiy
prasiddhi bharat ki bhootapoorv mahila rashtrapati
parti kangres
pad bharat ki barahavin rashtrapati evn rajasthan ki poorv rajyapal
kary kal 25 julaee 2007 - 25 julaee 2012
shiksha em.e., snatakottar, qanoon ki upadhi
vidyalay rajakiy mahavidyalay jalaganv, maharashtr, vidhi mahavidyalay, mumbee
bhasha hindi, angrezi
jel yatra 1977 men indira gandhi ke sath 10 din ke lie jel geen.
any janakari tebal tenis men mahavidyalay aur vishvavidyalay ka pratinidhitv kiya. ek kushal khiladi ke roop men unhonne kee puraskar bhi prapt kie. mahavidyalay ki 'byooti kvin' (saundary samragyi) banane ka saubhagy bhi prapt hua.

pratibha devi sinh patil (janm- 19 disambar, 1934 jalaganv, maharashtr) svatntr bharat ke 60 sal ke itihas men, madhy vitt parivar se uthakar desh ke sarvochch pad tak pahunchane vali pratham mahila rashtrapati hain. inhen bharat ka barahavan nirvachit rashtrapati banane ka gaurav prapt hua hain. inaka rashtrapati banana nari shakti ke sandarbh men ek mahattvapoorn adhyay sabit hua hai. bharat ke lokatantrik itihas men 21 julaee, 2007 ka din is karan kafi mahattvapoorn mana jata rahega, kyonki desh ki azadi ke sath varsh bad ek mahila ko pratham bar ek rashtrapati ke roop men nirvachit hone ka mauqa mila. 25 julaee, 2007 ko shrimati pratibha patil ne rashtrapati pad ki shapath grahan ki aur desh ki pratham mahila banane ka gaurav bhi prapt kar liya. pratibha patil kangres parti ke sath kafi lambe samay se judi rahi hain, aur rashtrapati pad ke lie chune jate samay vah rajasthan ki rajyapal thin.

janm evn parivar

pratibha patil ka janm 'jalaganv' ke 'nadaganv' namak gram men 19 disambar, 1934 ko hua tha. inake pita ka nam 'narayan rav patil' tha, jo peshe se sarakari vakil the. us samay desh paradhinata ki jnjiron men jakada hua tha. aise men yah kalpana karana ki desh svadhin hoga aur svadhin bharat ki mahamahim rashtrapati nadaganv gram ki ek beti banegi, sarvatha asambhav hi tha.

vidyarthi jivan

pratibha patil ke pita sarakari vakil the, is karan parivar men beti ki shiksha ke lie anukool mahaul tha. pratibha patil ne arambhik shiksha nagarapalika ki prathamik kanya pathashala se arambh ki thi. kaksha char tak ki padhaee shrimati pratibha patil ne usi pathashala men ki. phir inhonne jalaganv ke naye angrezi skool men kaksha panch men dakhila le liya. vartaman men us skool ko 'ar.ar. vidyalay' ke nam se jana jata hai. vidyalay star ki pariksha uttirn karate hue bhi pratibha patil ne apane vyaktitv ka vikas any gatividhiyon men lipt rahate hue kiya. bhashan, vad-vivad evn khelakood ki gatividhiyon men bhi pratibha patil ka vaishishty bhav ubharakar samane aya. vah matr shaikshik pustakon men hi lipt nahin rahati thin, varanh vyaktitv ke sabhi pahaluon ki or unaka dhyan tha. pratibha patil ko shastriy sngit ke prati bhi gahara lagav tha. tebal tenis ki bhi vah nipun khiladi thin.

kushal khiladi

jab pratibha patil ne jalaganv ke moolaji jetha (em.je. kaaulej) vishvavidyalay men pravesh kiya, to unaka vyaktitv kisi dabboo nari jaisa nahin tha. vah mahavidyalay tak apani bahumukhi pratibha ke karan pahunchi thin. unhonne tebal tenis men mahavidyalay aur vishvavidyalay ka pratinidhitv kiya. ek kushal khiladi ke roop men unhonne kee puraskar bhi prapt kie. em.e. karane ke bad pratibha patil ne apane kairiyar ka chunav karake qanoon ki padhaee karane ka nishchay kiya. rajakiy mahavidyalay jalaganv se shrimati pratibha patil ne snatakottar upadhi prapt ki. yah bhi ullekhaniy hai ki sadagi ki pratimoorti pratibha patil ko mahavidyalay ki byooti kvin (saundary samragyi) banane ka saubhagy bhi prapt hua. isake bad unhonne vidhi mahavidyalay, mumbee se qanoon ki upadhi prapt ki.

pita ka prabhav

kisi bhi vyakti ki manasikata par usake as-pas ke mahaul, desh-kal evn paristhitiyon ka samagr prabhav padata hai. at: yah sambhav hi nahin tha ki pratibha patil in sabase achhooti rahatin. phir parivar ka mahaul bhi aisa tha, jahan samasyaon tatha prashnon ko lekar kee vyakti unake pita ke pas ate rahate the. tab vakil pita unaka qanooni samadhan prastut karate the. pratibha apane pita narayan rav ko logon ki samasyaon evn savalon ka samadhan karate hue dekha karati thin. is karan logon ki samasyaen door karane ki abhivritti bhi unake svabhav men vikasit ho rahi thi.

dampaty v vyavasayik jivan

patil parivar ki beti pratibha patil ka panigrahan snskar daauktar devisinh ramasinh shekhavat ke sath 31 varsh ki umr men 7 julaee, 1965 ko sampann hua tha. peshe se shikshak devisinh shekhavat mool roop se rajasthan ke sikar zile ke ganv chhoti losal ke nivasi the, lekin kafi samay poorv unake poorvaj jalaganv (maharashtr) men sthayi roop se a base the. shrimati pratibha patil ke ek beta aur ek beti hain. donon ka vivah ho chuka hai. unake bete ka nam 'rajendr sinh shekhavat' aur beti ka nam 'jyoti rathaur' hai. dadi evn nani ke roop men unhen ath bachchon ka pyar mila hai. pratibha patil ne vidhi vishvavidyalay, mumbee se qanoon ki upadhi prapt karane ke pashchath apane pita shri narayan rav patil ki bhanti vakalat karane lagin. vakalat ke peshe ke sath-sath jalaganv ki garib evn adivasi mahilaon ke utthan men bhi vah mahattvapoorn yogadan dene lagin. us samay tak shrimati pratibha patil ka rajaniti men jane ka koee irada nahin tha. vakalat ka pesha bhi achchha chal raha tha. unhonne jalaganv men apani ek svatntr pahachan saphal edavoket ke roop men bana li thi.

rajanitik jivan

jab pratibha patil samajik karyon se judi thin, tab kangres ke neta anna sahab kelakar ne unamen chhipi rajanitik pratibha ko pahachana. anna sahab kelakar ne pratibha ko kangres se jod liya aur vah parti ki karmanishth sadasya ban geen. lekin us samay tak pratibha patil ki rajanitik mahatvakankshaen shoony thin. phir aya 1962 ka vah daur, jo pratibha patil ke jivan ki dasha aur disha tay karane ke lie prarabdh ne poorv nirdharit kar rakha tha. anna sahab kelakar ne pratibha ko sakriy rajaniti men ane ka nimntran dete hue vidhanasabha chunav ladane ka agrah kiya. jalaganv ke edalabad vidhanasabha kshetr se inhen kangres ka tikat prapt hua. maharashtr ke vidarbh kshetr ke jalaganv zile men vidhanasabha ki ek sit se aise chehare ko tikat prapt hua tha, jise rajaniti ka koee anubhav nahin tha. pratibha ki sadagi aur nishkalnk chhavi ne edalabad ke matadataon ko rijhane men poori madad ki. pratibha ne bhi chunav prachar men poori shakti laga di thi. log unaki sabhaon men bhari tadad men a rahe the aur kangres ki us mahila ummidavar ke vicharon se prabhavit ho rahe the.

mntri pad

phir pratibha ne bade antar se chunav ki vaitarani par kar li. ek gair rajanitik mahila ne saphalata ka paracham laharakar rajaniti men pravesh kiya. is prakar 1962 men matr 27 varsh ki umr men hi pratibha rajaniti men sthapit ho geen. 1967 ke maharashtr vidhanasabha chunavon men unhen pun: chuna gaya. tab 1967 se 1972 tak inhonne bataur rajyamntri jan svasthy, avas, paryatan, snsadiy kary adi mahattvapoorn vibhag saphalata ke sath sambhala. unake karyon ki prashnsa bhi huee. vibhinn vibhagon se jude rahane ka pratibha ko yah atirikt labh mila ki unhen mntralayik prashasan ka poorn vyavaharik gyan ho gaya. vah 1972 ke maharashtr vidhanasabha chunav men bhi vijayi rahin. is bar unhen rajy ka kaibinet mntri banaya gaya. inhonne paryatan, samaj kalyan aur avas vibhagon ki zimmedari saphalatapoorvak nibhaee.

rajyasabha ke lie chunav

1979 men kangres parti ko maharashtr vidhanasabha chunav men bahumat nahin prapt ho saka. isake bavajood pratibha patil pun: chunav jitakar vidhanasabha men pahunchi. tab julaee, 1979 se faravari, 1980 tak unhonne vipakshi neta ki bhoomika ada ki. 1980 ke maharashtr vidhanasabha chunav men pratibha lagatar panchavin bar vijayi hueen. is bar unhonne 1982 se 1985 tak kaibinet mntri ke taur par gramin vikas, samaj kalyan evn nagarik apoorti tatha avas mntralayon ka karyabhar poori zimmedari ke sath sambhala. kangres ke kendriy alakaman ki drishti pratibha ke karyon par kendrit thi. yahi karan hai ki unaki yogyataon ko dekhate hue inhen rashtriy rajaniti ke paridrishy par lana avashyak samajha gaya. inhen 1985 men rajyasabha ke lie chun liya gaya. 1986 men pratibha ko do varsh ke lie rajyasabha ke upasabhapati pad ka dayitv saunpa gaya. is nayi zimmedari ko bhi unhonne bakhoobi anjam diya. unhonne sadan snchalan ka dayitv pad ki garima ke anukool kiya. 1990 men apana karyakal samapt hone tak pratibha patil rajyasabha men rahin. usake bad unhonne apane grih kshetr jalaganv men jakar samajik samasyaon ka samadhan karana arambh kar diya.

rajyapal ka pad

1991 men kangres parti ne shrimati pratibha patil ko amaravati sit se lokasabha ke lie apana ummidavar banaya. yah kangres ka in par kiya gaya vishvas tha. isake poorv unhen kabhi bhi lokasabha ka tikat prapt nahin hua tha. amaravati sit se vah lokasabha ke lie chuni geen. kangres parti ke lie pratibha patine ne apane jivan ke amooly varsh diye the. unaki samaj aur kangres parti ke prati pratibaddhata ko dekhate hue 2004 men unhen ek sarvatha nayi zimmedari pradan ki gee. is bar vah janapratinidhi nahin thin, balki unaka chayan rajasthan ke rajyapal pad ke lie kiya gaya tha. us samay rajasthan men bharatiy janata parti ki sarakar thi aur vahan bataur mahila mukhyamntri vasundhara raje sindhiya thin.

snkatakalin paristhitiyan

shrimati pratibha patil ko rajasthan ke rajyapal ke roop men kary karane ka koee poorv anubhav nahin tha, tathapi ve rajyapal pad ki garima ke vishay men poorn janakari rakhati thin. baharahal unaka rajasthan ka rajyapal banana is drishti se chunautipoorn kary tha, ki vahan bharatiy janata parti ki lokatantrik sarakar thi aur svayn pratibha patil poorv men kangres ki rashtriy star ki rajanitigy rah chuki thin. rajasthan ki rajyapal ke roop men unhonne n keval apane kartavyon ko achchhi tarah anjam diya, balki bharatiy janata parti ki lokatantrik sarakar ke sath mazabooti se khadi bhi najar aeen. rajyapal ke roop men shrimati pratibha patil ka maryadit acharan prashnsa ka vishay tab bana, jab rajasthan men gurjaron ne arakshan ki mang ko lekar hinsak pradarshan kie aur sadak tatha rel marg ko badhit kar diya. usase ek qadam age badhakar yah bhi hua ki mina samaj ke log janajati arakshan men bntavare ka virodh karane ke lie gurjar samaj ke mukabale men a khade hue. kuchh sthanon par donon samudayon men hinsak takarav bhi hua. rajasthan jaisa shant pradesh arakshan ke karan jatiy hinsa ki chapet men a gaya tha. rajanitik dooradarshita se hi is takarav ko tala ja sakata tha.

dhairyapoorn vyaktitv

yah vah samay tha, jab sampoorn pradesh aur desh ki nigahen pratibha patil par lagi thin. logon ko ummid thi ki 'laau end aaurdar' ke poornataya viphal hone par rajyapal dvara rashtrapati shasan ki anushnsa ki jaegi. lekin pratibha patil ne lokatantrik sarakar ko mauqa diya ki vah pradesh men qanoon vyavastha ko pun: patari par lae. vah bhi tab jabaki sarvochch nyayalay ne rajasthan ki prashasanik sthiti par tikhi pratikriya vyakt ki thi. yadi koee any duragrahi rajyapal hota, to sarvochch nyayalay ki tippani ko dhal banakar rajasthan men rashtrapati shasan lagoo karane ki anushnsa kar sakata tha, lekin shrimati pratibha patil ne aisa nahin kiya. kendr men yoo.pi.e. gathabndhan vali sarakar thi aur vam morcha usake sath tha. nivartaman rashtrapati e.pi. je. abdul kalam ka karyakal samapt hone ke bad unhen pun: rashtrapati chuna ja sakata tha. kangres adhyaksh shrimati soniya gandhi chahati thin, ki sarvadaliy sahamati se rashtrapati pad ke lie nam tay kar liya jae. is disha men unhonne apani or se pahal karake bhajapa tatha any rajanitik partiyon se is vishay par charcha karane ka prastav kiya.

rashtrapati kalam ki anichchha

isamen koee sandeh nahin tha, ki yadi 'misail main' e.pi.je. abdul kalam ke nam par am sahamati ka prastav age badhata to unaka lagatar doosara karyakal nishchit tha. lekin kuchh samay pahale jab 'misail main', rashtrapati abdul kalam se pun: rashtrapati banane ke vishay men midiya ne poochha to unhonne anichchha zahir kar di. is karan shrimati soniya gandhi ke samane unake nam par mazabooti se vichar kie jane ki koee avashyakata hi nahin thi. mahanh vyaktitv aur krititv ke dhani abdul kalam bharat ke sachche sapoot hain. unaka sampoorn jivan bharat ki unnati ke prayason men hi gujara hai. kee rajanitik samikshakon ka anuman hai ki yadi misail main ke sandarbh men vipaksh ne us samay soniya gandhi se batachit ki hoti, jab sarvasammati se rashtrapati nirvachit karane ka prastav kiya gaya tha, to unake nam par am sahamati avashy ban jati. lekin vipaksh dvara prastav thukara diye jane ke karan misail main ke pun: rashtrapati banane ki sambhavana dhoomil ho gee.

rashtrapati ka pad

rashtrapati pad ke lie yoon to kee namon par charcha ki gee, lekin ant men do nam rah ge the, jo yoo.pi.e. aur vam morcha dvara antim roop se vicharit hone the. donon nam mahila ummidavaron ke the-ek, gandhivadi vicharadhara vali nirmala deshapande aur doosari, rajasthan ki tatkalin rajyapal shrimati pratibha patil. phir shrimati pratibha patil ke nam par donon dalon dvara sahamati hote hi vipaksh ki ray lene ka intazar nahin kiya gaya. pratibha patil ki ummidavari ghoshit hone ke pashchath basapa suprimo aur uttar pradesh ki tatkalin mukhyamntri mayavati ne pratibha patil ko samarthan dene ka bharosa dilaya, jo yoo.pi.e. tatha tatha vamadalon ke lie rahat ka sandesh tha. isi prakar maharashtr men shivasena pramukh bal thakare ne bhi maharashtriyan mahila ke rashtrapati banane ki rah ko hamavar banane ka irada zahir kar diya. isase pratibha patil ka rashtrapati bhavan men jana nishchit ho gaya.

pad v gopaniyata ki shapath

14 joon, 2007 ko natakiy ghatanakram ke bad antat: yoo.pi.e. aur vamadalon ne rashtrapati pad ke ummidavar ka nam antim roop se tay kar liya. vah nam tha-rajasthan ki tatkalin rajyapal shrimati pratibha patil shekhavat ka. shrimati pratibha patil se maunt aboo men phon par bat karake unhen rashtrapati pad hetu ummidavar banaye jane ki janakari di gee. pratibha patil ne kuchh kshan hairani men gujarane ke bad apani svikriti de di. tab midiya ko rashtrapati pad hetu pratyashi ki janakari di gee. is prakar ek mah se chal rahi vartaon aur anishchitataon par viram lag gaya. navanirvachit rashtrapati shrimati pratibha patil ne budhavar 25 julaee, 2007 ko aupacharik roop se desh ke sarvochch snvaidhanik pad ka dayitv grahan kiya. unhen dopahar ke 2.30 baje snsad ke kendriy bhavan men mukhy nyayadhish ke.ji. balakrishnan ne pad evn gopaniyata ki shapath dilaee. isake sath hi e.pi. je. abdul kalam bhi aupacharik roop se rashtrapati bhavan se vida ho ge. shrimati pratibha patil ne angrezi men shapath grahan ki.

shapath lene ke bad shrimati pratibha patil ne parampara ka nirvah karate hue nivartaman rashtrapati e.pi.je. abdul kalam se sit parivartit ki. tabhi unake samman men snsad ke bahar 21 topon ki dhvani goonj uthi. yah karyakram 20 minat tak chala tha. is samaroh men pradhanamntri manamohan sinh, lokasabha adhyaksh somanath chatarji, rajyasabha ke karyavahak sabhapati ar. rahaman khan, poorv uparashtrapati bhairosinh shekhavat, yoo.pi.e. adhyaksh soniya gandhi, poorv pradhanamntri atal bihari vajapeyi evn indrakumar gujaral, lokasabha men pratipaksh ke neta lalakrishn adavani aur rajyasabha men pratipaksh ke neta jasavant sinh sahit mntri, rajyon ke rajyapal tatha mukhyamntri maujood the.

mahattvapoorv padav

  1. 27 varsh ki umr men 1962 ke dauran rajanitik jivan arambh kiya aur kangres ke tikat par pratham bar maharashtr vidhanasabha pahunchin. paryatan, samaj kalyan evn avas mntralay ka karyabhar dekha.
  2. edalabad aur jalaganv ki siton se lagatar panch bar chunav jitakar vidhanasabha sadasy ke roop men apani chhavi banaee.
  3. 1985 men rajyasabha ke lie kangres pratyashi ke roop men chuni geen.
  4. pratibha patil neharoo-gandhi parivar ke kafi najadik rahin aur unaki prabal samarthak thin.
  5. shrimati indira gandhi ko jab disambar 1977 ke dauran giraphtar kiya gaya to shrimati pratibha patil ne usaka virodh karate hue svayn bhi giraphtari di aur das din ke lie jel bhi geen.
  6. maharashtr men jab kangres sarakar pun: satta men lauti to vah sambhavit mukhyamntriyon men ek mazaboot davedar thin, lekin snjay gandhi ke vishvasapatr rahe e.ar. antule ko mukhyamntri pad mila.
  7. 1988-1990 men rajiv gandhi ne pratibha patil ko maharashtr pradesh kangres kameti ka pramukh manonit kiya.
  8. pratibha patil ne 'neshanal fedareshan aauf araban koaauparetiv baink aauf kredit sosayati' ke nideshak pad par bhi kary kiya. vah neshanal koaauparetiv yooniyan aauf indiya ki adhishasi sadasy bhi rahin.
  9. shrimati pratibha patil dasaven lokasabha chunav men bhi kangres (aee) ke tikat par amaravati sit se chuni geen. apana karyakal poorn karane ke bad unhonne sakriy rajaniti se sannyas le liya.
  10. ath varsh ki sakriy rajaniti se sannyas ke bad 2004 men pratibha patil ko rajasthan ka rajyapal banakar ek nee zimmedari saunpi gee.
  11. maharashtr ki or se rajanitigy rahate hue rajyapal ka pad grahan karane vali mahila ke roop men vah pratham, vaise dvitiy thin. unake poorv basant dada patil ne yah upalabdhi hasil ki thi.
  12. inhonne rajasthan men jab rajyapal ka padabhar grahan kiya, tab vahan mukhyamntri vasundhara raje evn vidhanasabha adhyaksh sumitra sinh bhi mahilaen hi thin.
  13. 19 julaee, 2007 ko hue rashtrapati chunav hetu yoo.pi.e. ne pratibha patil ko ummidavar banaya, jinaka samarthan valadalon ne bhi kiya.
  14. pratibha patil ne rajyapal rahate hue rajasthan sarakar ke vivadaspad dharm parivartan nishedh bil ka virodh kiya.

samajik gatividhiyan

  1. mahila kalyanarth dilli evn mumbee men karyakari mahilaon ke lie avasagrih sthapit kiya.
  2. janajati yuvaon ke lie jalaganv men abhiyantriki mahavidyalay (injiniyaring kalej) ki sthapana ki.
  3. shram sadhana trast ki karyakari trasti rahin.
  4. jalaganv shugar faiktri ki adhyaksha bhi rahin.
  5. sarakari nikay ke roop men 'mahila vikas mandal' sthapit kiya.
  6. jalaganv men netrahinon ke lie 'audyogik prashikshan snsthan' ki sthapana ki aur garib bachchon (vimukt jamati tatha adivasi) ke lie bhi vidyalay ki sthapana ka kary kiya.
  7. jalaganv men 'mahila koaauparetiv baink' ki sthapana ki.

vibhinn padon par kary

  1. 1962 se 1985 tak maharashtr rajy vidhanasabha ki sadasy rahin.
  2. 1967 se 1972 tak jan svasthy, paryatan, vidhanasabha evn snsadiy mamalon ke vibhag men maharashtr sarakar men upamntri pad par rahin.
  3. 1972 se 1974 tak pratibha patil maharashtr sarakar ke samaj kalyan mahakame men kaibinet mntri bhi rahin.
  4. 1974-1975 men janasvasthy mntralay evn samaj kalyan mntralay ka kary maharashtr sarakar men kaibinet mntri ke roop men sambhala.
  5. 1975-1976 men punarvas evn sanskritik mamalon ka vibhag kaibinet mntri ke roop men sambhala.
  6. 1977-1980 tak maharashtr vidhanasabha men vipaksh ki neta rahin.
  7. 1982-1985 tak maharashtr sarakar men kaibinet mntri ke taur par sivil saplaee evn samaj kalyan vibhag ka padabhar sambhala.
  8. joon 1985 se 1990 tak rajyasabha ke lie chuni geen.
  9. 18 navambar, 1986 se 5 navambar, 1988 tak rajyasabha ki upasabhapati ke roop men kary kiya.
  10. 1991 men lokasabha ke dasaven chunav men amaravati sit se pratham bar sansad chuni geen.
  11. 2004 se 2007 tak rajasthan ki rajyapal rahin.
  12. 25 julaee, 2007 ko bharat ki pratham mahila rashtrapati banin. inaka karyakal 25 julaee, 2012 ko samapt hua.



bharat ke rashtrapati
Arrow-left.png poorvadhikari
abdul kalam
pratibha patil uttaradhikari
pranab mukharji
Arrow-right.png
panne ki pragati avastha
adhar
prarambhik
madhyamik
poornata
shodh
[[

tika tippani aur sndarbh

snbndhit lekh