प्रभुदत्त ब्रह्मचारी  हिन्दी देवनागरी में पढ़ें।

prabhudatt brahmachari
snt prabhudatt brahmachari
poora nam snt prabhudatt brahmachari
janm 1885
janm bhoomi aligadh, uttar pradesh
mrityu 1990
mrityu sthan vrindavan, mathura
pati/patni pandit mevaram tatha ayudhyadevi
karm bhoomi bharat
karm-kshetr brajabhasha ke prakand vidvanh tatha adhyatm ke purodha.
mukhy rachanaen 'bharatiy snskriti v shuddhi', 'shri shri chaitany charitavali', 'mahabharat ke pran mahatma karn', 'badrinath darshan', 'muktinath darshan', 'mahavir hanuman' adi.
bhasha snskrit, hindi, brajabhasha
prasiddhi sadhana, samaj seva, snskriti, sahity, svadhinata, shiksha adi ke samarpit poshak evn prerana-srot.
nagarikata bharatiy
jel yatra mahatma gandhi ke ahvan par prabhudatt ji ne padhaee chhod di tatha svatntrata sngram men kood pade. angrezon ke viruddh andolanon men sakriy bhag liya, jisake phalasvaroop unhen kathor karavas ka dand bhogana pada.
vishesh prabhudatt brahmachari brajabhasha ke siddhahast kavi the. unhonne sampoorn 'bhagavat' ko mahakavy ke roop men chhandon men likha tha. 'bhagavat charit kosh' brajabhasha men likhane ka ekamatr shrey inhin ko prapt hai.
any janakari bharat ki azadi ke bad rajanetaon ki vicharadhara se du:khi hokar prabhudattaji sada ke lie rajaniti se alag ho ge the aur jhoosi men 'hnsaskool' namak sthan par vat vriksh ke niche tap karane lage the.

snt prabhudatt brahmachari (angrezi: Prabhudutt Brahmachari; janm- 1885 ee., aligadh, uttar pradesh; mrityu- 1990, vrindavan, mathura) snskrit, hindi aur brajabhasha ke prakand vidvanh tatha adhyatm ke purodha the. ve sadhana, samaj seva, snskriti, sahity, svadhinata, shiksha adi ke samarpit poshak evn prerana-srot the. unake jivan ke char mukhy snkalp the- 'dilli men hanuman ji ki 40 phut oonchi pratima ki sthapana', 'rajadhani sthit pandavon ke qile (indraprasth) men bhagavan vishnu ki 60 phut oonchi pratima ki sthapana', 'gauhatya par pratibndh' tatha 'shriram janmabhoomi ki mukti'. prabhudatt brahmachari is sadi ke mahanh snt the. unhonne satath‌ nam snkirtan ki jyoti jalakar sadaiv desh aur samaj ki samriddhi ki kamana ki thi. gauraksha, gnga ki pavitrata, hindi bhasha, bharatiy snskriti aur hindoo dharm ki seva unake jivan ke param lakshy the. unhonne gauraksha ke mudde par anek anashan, andolan tatha yatraen ki thin.

janm tatha shiksha

prabhudatt brahmachari ka janm snvat 1942 (1885 ee.) men janapad aligadh, uttar pradesh ke gram ahivasi nagala men ek nirdhan parivar men hua tha. inake pita ka nam pandit mevaram tha. vidushi mata ayudhyadevi se snt sulabh snskar prapt kar unhonne ajivan brahmachary vrat dharan kiya tha. baldev, barasana, khurja, naravar evn varanasi men unhonne snskrit ka adhyayan kiya. svami karapatri ji evn sahityakar kanhaiyalal mishr prabhakar unake sahapathi the. ve 'shrikrishn govind hare murari, he nath narayan vasudev' mntr ke drashta the. prabhudatt brahmachari ji ka vyaktitv vilakshan aur virat tha. chhoti avastha men hi ve grih tyagakar gurukul men rahe, jahan shiksha-diksha grahan ki. bachapan se hi sansarikata se virakt rahe brahmachari ji ne tap ko hi jivan ka lakshy bana liya tha. ve snskrit sahity ka gahara adhyayan karate rahe.

svatntrata sngram men yogadan

mahatma gandhi ka ahvan sunakar padhaee chhodakar prabhudatt brahmachari svatntrata sngram men kood pade. angrezon ke viruddh andolanon men sakriy bhag liya, jisake phalasvaroop unhen kathor karavas ka dand bhogana pada. bharat ke svatntr hone par rajanetaon ki vicharadhara se du:khi hokar ve sada ke lie rajaniti se alag ho ge aur jhoosi men 'hnsaskool' namak sthan par vat vriksh ke niche tap karane lage. 'gayatri mahamntr' ka jap kiya. vairagy bhav se himalay ki or bhi ge aur phir mathura akar vrindavan men bas ge.

brajabhasha ke kavi

snt prabhudatt brahmachari brajabhasha ke siddhahast kavi the. unhonne sampoorn bhagavat ko mahakavy ke roop men chhandon men likha tha. 'bhagavat charit kosh' brajabhasha men likhane ka ekamatr shrey inhin ko prapt hai.

'gauhatya nirodh samiti' ka gathan

bharat men gayon ki hatya hote dekhakar prabhudatt brahmachari ko bahut du:kh hua. unhonne 'gauhatya nirodh samiti' banaee aur usake adhyaksh bane. san 1960-1961 men kashmir se kanyakumari tak unhonne kee bar bhraman kiya. 1967 men gauhatya ke prashn ko lekar unhonne 80 din tak vrat kiya aur sarakar ke vishesh agrah par apana vrat bhng kiya. brahmachari ji dvara dilli, vrindavan, badrinath aur prayag men sthapit snkirtan bhavan ke nam se char ashram aj bhi sucharoo roop se chal rahe hain.

chunav tatha parajay

prabhudatt brahmachari 'rashtriy svaynsevak sngh' ke dvitiy sarasnghachalak shriguruji ke bhi nikat rahe. isi bich javaharalal neharoo, jab hindoo samaj virodhi 'hindoo kod bil' lae to mitron ke protsahan se brahmachari ji chunav men khade hue. azad bharat ke pahale am chunav 1952 men uttar pradesh ke ilahabad ki phoolapur snsadiy sit par pndit javaharalal neharoo ko svami prabhudatt brahmachari ne bataur nirdaliy pratyashi chunauti di thi. brahmachari ji ko svami karapatri ji ki 'akhil bharatiy ram rajy parishad' v 'hindoo mahasabha' ka samarthan prapt tha. inaka virodh neharoo ji ke 'hindoo kod bil' ko lekar tha. neharoo ji ki paitrik bhoomi ilahabad men prabhudatt brahmachari ka prachar is kadar akarshak aur bhavanatmak tha ki janata se lekar midiya tak andolit the. kesariya pagadi, shanadar ainak aur safed rng jame men saje-dhaje brahmachari, unake bhajan gayakon aur nartakon ne logon ko khoob lubhaya. brahmachari bhashanon men janata ko batate ki is vidheyak se dharm ka nash hoga, parivarik shoshan badhega, bhee-bahanon men vaimanasy paida hoga, jatiy matabhed honge, snpatti vivad aur vivah men visngatiyan badhegin aur in jhagadon se vakilon ko phayada hoga. brahmachari ji ke ojasvi bhashanon ka phoolapur ki janata par koee prabhav nahin pada aur ve buri tarah parajit hue. usake sath hi karapatri ji ka 'ram rajy parishad' bhajapa ke purane ghar 'bharatiy janasngh' men sama gaya.[1]

sahity rachana

dakshin bharat ki yatra ke samay prabhudatt brahmachari ne ek sthan par 26 phut ki hanuman ji ki pratima dekhi to vaisi hi ek vishalakay pratima banavane ka aur use dilli ke ashram men dilli ke kotaval ke roop men sthapit karane ka snkalp liya. prabhudatt brahmachari bharatiy snskriti ke stambh rahe the. unhonne nimn sahityik rachanaen ki thin-

  1. 'bharatiy snskriti v shuddhi'
  2. 'shri shri chaitany charitavali'
  3. 'mahabharat ke pran mahatma karn'
  4. 'gopalan'
  5. 'shiksha'
  6. 'badrinath darshan'
  7. 'muktinath darshan'
  8. 'mahavir hanuman'

mahattvapoorn tathy

  • jhoosi pravas ke dauran prabhudatt brahmachari ne upavas ke sath gnga ke jal men pravisht ho samadhisth sthiti men gayatri mntr ka parayan kiya tha.
  • vrindavan men vastr ke sthan par tat ka prayog kar yamuna par sahastron gayon ko sath lekar gaucharan kiya.
  • ek bar gauraksha ke prakaran par ve vrindavan men shasan ke viruddh amaran anashan par baith ge. desh ke lakhon log unake sath ho lie. tatkalin pradhanamntri shrimati indira gandhi ke agrah evn ashvasan par hi unhonne ras-pan kiya tha.
  • svadhinata andolan men ve javahar lal neharoo ke sath jel men rahe the.
  • svadhinata sngram kal men unaki patrakarita bejod thi. unhonne kee pannon ka snpadan tatha prakashan kiya evn sadaiv khadi ka prayog kiya. poojy prabhudatt brahmachari ji ne apane karm, dharm, acharan evn lekhani ke dvara samaj ko jo kuchh bhi diya, vah laukik parivesh men alaukik hi hai.
  • ve ashukavi the. shrimadbhagavat gita, upanishad, brahmasootr adi atynt durooh grnthon ki saral subodh hindi men vyakhya kar tulasidas ke anuroop janakalyan kary kiya. unhonne shrimadbhagavat ko 118 bhagon men jan samany ki saral bhasha men prastut kiya tha.
  • prabhudatt brahmachari dvara rachit brajabhasha ke sulalit chhand (chhappay) bodhagamy evn gey hai, jinaka aj bhi sthan-sthan par vady-vrind sngati ke sath parayan kar log anndit hote hain.[2]

nidhan

snt prabhudatt brahmachari ne snvat 2047 (1990 ee.) ke chaitr mah men krishn paksh ki pratipada tithi ko bhautik deh ka tyag prasiddh dharmik nagari vrindavan, mathura men kiya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. lal kalin par nakali bhagavanon ki khadaoon (hindi) patrakar. abhigaman tithi: 09 navambar, 2014.
  2. snt samaj ke sumeru v mahanh vyaktitv: prabhudatt brahmachari (hindi) snt. abhigaman tithi: 09 navambar, 2014.

snbndhit lekh