प्राण  हिन्दी देवनागरी में पढ़ें।

Disamb2.jpg pran ek bahuvikalpi shabd hai any arthon ke lie dekhen:- pran (bahuvikalpi)
pran
Pran-2.jpg
poora nam pran krishn siknd
prasiddh nam pran
janm 12 faravari, 1920
janm bhoomi dilli
mrityu 12 julaee, 2013
mrityu sthan mumbee
abhibhavak lala keval krishn siknd
pati/patni shukla siknd
sntan aravind, sunil (putr) aur pinki (putri)
karm bhoomi munbee
karm-kshetr abhineta
mukhy filmen 'madhumati' (1958), 'jis desh men gnga bahati hai' (1967), 'upakar' (1967), 'jani mera nam' (1970), 'parichay' (1972), 'viktoriya nambar nn. 203' (1972), 'znjir' (1973), 'majaboor' (1974), 'kaliya' (1981), 'sharabi' (1984) adi.
puraskar-upadhi dada sahab phalke puraskar, padm bhooshan, vilen aauf d mileniyam avard[1]
nagarikata bharatiy
any janakari pran ko tin bar filmapheyar sarvashreshth sahayak abhineta ka puraskar mila hai. pran ne lagabhag 350 filmon men kam kiya.
bahari kadiyan pran

pran krishn siknd (angrezi: Pran Krishan Sikand, janm: 12 faravari, 1920; mrityu: 12 julaee, 2013) hindi filmon ke jane mane nayak, khalanayak aur charitr abhineta the. pran aise abhineta the, jinake chehare par hamesha mekap rahata hai aur bhavanaon ka toofan nazar ata hai jo apane har kiradar men jan dalate hue yah ahasas kara jata hai ki unake bina yah kiradar bekar ho jata. unaki snvad adayagi ki shaili ko aj bhi log bhoole nahin hain.

jivan parichay

pran ka janm 12 faravari, 1920 ko purani dilli ke ballimaran ilake men base ek rees parivar men hua tha. bachapan men unaka nam 'pran krishn siknd' tha. unaka parivar behad samriddh tha. pran bachapan se hi padhaee men hoshiyar the. bade hokar unaka photographar banane ka irada tha. 1940 men jab mohammad vali ne pahali bar pan ki dukan par pran ko dekha to unhen filmon men utarane ki sochi aur ek pnjabi film “yamala jat” banaee, jo behad saphal rahi. phir kya tha, isake bad pran ne kabhi mudakar dekha hi nahin. 1947 tak vah 20 se zyada filmon men kam kar chuke the aur ek hiro ki imej ke sath indrastri men kam kar rahe the. halanki log unhen vilen ke rup men dekhana zyada pasnd karate the.[2]

pran

vyaktitv

abhineta pran ko dashakon tak bure adami (khalanayak) ke taur par jana jata raha aur aisa ho bhi kyon na, parde par unaki vikaralata itani jivnt thi ki log use hi usaki vastavik chhavi manate rahe, lekin filmi parde se itar pran asal zindagi men ve behad saral, eemanadar aur dayalu vyakti the. samaj seva aur sabase achchha vyavahar karana unaka gun tha.[2]

prarnbhik jivan

pran ki shuruati filmen hon ya bad ki filmen unhonne apane ap ko kabhi doharaya nahin. unhonne apane har kiradar ke sath poori eemanadari se nyay kiya. phir chahe bhoomika chhoti ho ya badi, unhonne samanata hi rakhi. pran ko sabase badi saphalata 1956 men 'halakoo' film se mili jisamen unhonne dakait halakoo ka sashakt kiradar nibhaya tha. pran ne raj kapoor nirmit-nirdeshit 'jis desh men gnga bahati hai' men raka dakoo ki bhoomika nibhaee thi jisamen unhonne keval apani ankhon se hi kroorata zahir kar di thi. kabhi aisa vaqt bhi tha jab har film men pran nazar ate the khalanayak ke roop men. unake is roop ko parivartit kiya tha bharat kumar yani manoj kumar ne, jinhonne apani nirmit-nirdeshit pahali film 'upakar' men unhen malng baba ka rol diya. jisamen ve apahij ki bhoomika men the, bhoomika kuchh chhoti zaroor thi lekin thi bahut damadar. is film ke lie unako puraskrit bhi kiya gaya tha. un par filmaya gaya kasmen vade pyar vapha sab baten hain baton ka kya aj bhi logon ke dilo-dimag men chhaya hua hai. bhoole bhatake jab kabhi yah git bajata hua kanon ko sunaee deta hai to turant yad ate hain pran. aisa hi kuchh amitabh bachchan abhinit znjir men bhi hua tha. nayak ke pathan dost ki bhoomika men unhonne apane chehare ke hav bhavon aur snvad adayagi se jabaradast prabhav chho़da tha. is film ka git yari hai eeman mera, yar meri zindagi sirf aur sirf unake nrity ki vajah se yad kiya jata hai.[3]

yadagar filmen

pran

pran 1942 men bani ‘khanadan’ men nayak ban kar ae aur nayika thin noorajahan. 1947 men bharat azad hua aur vibhajit bhi. pran lahaur se munbee a ge. yahan qarib ek sal ke sngharsh ke bad unhen 'baaumbe taaukij' ki film ‘jiddi’ mili. abhinay ka saphar phir chalane laga. patthar ke sanam, tum sa nahin dekha, badi bahan, munim ji, gnvar, gopi, hamajoli, das nnbari, amar akabar enthani, dostana, karj, andha qanoon , pap ki duniya, matyudata qarib 350 se adhik filmon men pran sahab ne apane abhinay ke alag-alag rng bikhere.[4] isake atirikt pran kee samajik sngathanon se jude rahe aur unaki apani ek phutabaaul tim baaumbe dayanemas phutabaaul klab bhi rahi hai.[4]

nayakon par bhari pran ki khalanayaki

ham bolega to bologe ki bolata hai... yah snvad pran ne hi apane ek film men kaha tha, jo aj unake abhinay jivan ke sar par bhi satik baith raha hai. jivnt abhinay tatha behatarin snvad adayagi ke balaboote darshakon ke dilon men khalanayak ka bhayavah rup ukerane vale pran ki adakari ko bhi shabdon men nahin dhala ja sakata. aise men unhen lekar jitane bhi shabdajal bine jaye vo kamatar hi honge. tabhi unaka daauyalag 'ham bolega to bologe ki bolata hai' ka zikr hai, jo darshata hai ki pran ne apane snvadon ko rupahale parde par hi nahin balki jivan men bhi utara. pran ko dada sahab phalke puraskar ki ghoshana shayad is vajah se bhi jyada mahattvapoorn hai ki yah pahali bar parade par khalanayak ki bhoomika ada karane vale ek abhineta ko mil raha hai. pran sinema ke parade par khalanayaki ke paryay hain. pran ne apane kairiyar ki shuruat pnjabi film 'yamala jat' se 1940 men ki thi. 1942 vali hindi film 'khanadan' se unaki chhavi romantik hiro ki bani. lahaur se munbee ane ke bad 'jiddi' se unake baaulivud kairiyar ki shuruat huee. isake bad to vah hindi filmon ke chahete vilen hi ban ge. pran ne hindi sinema ki kee pidhiyon ke sath abhinay kiya. dilip kumar, dev annd aur rajakapoor ke sath pachas ke dashak men, sath aur sattar ke dashak men shammi kapoor, rajendr kumar aur dharmendr ke sath unaki kee filmen yadagar rahin. vah jo rol karate, usaki atma men utar jate. log unhen vilen aur sadhu, donon roopon men sarahane lage. 'pooja ke phool' aur 'kashmir ki kali' jaisi filmon se pran ne apana nata kaaumedi se bhi jod liya. assi ke dashak men rajesh khanna aur amitabh bachchan ke sath unaki kee yadagar filmen aeen.

film 'upakar' ke ek drishy men pran (malng chacha)

unaki khalanayaki ke vividh roop 'ajad', 'madhumati', devadas, 'dil diya dard liya', 'munim ji' aur 'jab pyar kisi se hota hai' men dekhe ja sakate hain. unaki hit filmon ki pheharist bhi badi lnbi hai. apane samay ki lagabhag sabhi pramukh abhinetriyon ke sath unaki filmen aeen. pnjab, uttar pradesh aur madhy pradesh men shikshit pran kisi bhi zaban aur lahaje ko apana bana lete the. unaki ada aur dayalaaug dilivari ril rol ko riyal bana deti thi. unaka dayalaaug -tumane thik suna hai barakhuradar, choron ke hi usool hote hain khoob charchit hua. sabase badi bat yah ki char sau se adhik filmen karane vale pran ne khud ko kabhi doharaya nahin. 'patthar ke sanam' ho ya 'jis desh men gnga bahati hai', 'majaboor' ho ya 'haph tikat' ya phir 'dharma', pran ne har film men apani maujoodagi ka poora ahasas karaya.[5]

film samikshakon ki drishti se

prakhyat film samikshak anirooddh sharma kahate hain ‘‘pran ki shuruati filmen dekhen ya bad ki filmen, unaki adakari men doharav kahin nazar nahin ata. unake munh se nikalane vale snvad darshak ko gahare tak prabhavit karate hain. bhoomika chahe mamooli lutere ki ho ya kisi bade giroh ke mukhiya ki ho ya phir koee lachar pita ho, pran ne sabhi ke sath nyay kiya hai.’’ film alochak manasvini deshapande kahati hain ki varsh 1956 men film halakoo mukhy bhoomika nibhane vale pran ‘jis desh men gnga bahati hai’ men 'raka dakoo' bane aur keval apani ankhon se kroorata zahir ki. lekin 1973 men ‘jnjir’ film men amitabh bachchan ke mitr sherakhan ke roop men unhonne apani ankhon se hi dosti ka bharapoor sndesh diya. vah kahati hain ‘‘unaki snvad adayagi ki vishisht shaili log abhi tak nahin bhoole hain. kuchh filmen aisi bhi hain jinamen nayak par khalanayak pran bhari pad ge. charitr bhoomikaon men bhi unhonne amit chhap chhodi hai.’’.[4]

pran ke prasiddh snvad (dayalaaug)

pran ke prasiddh snvad (dayalaaug)[6]
kramank snvad (dayalaaug) film
1. is ilaqe men ne ae ho barakhuradar, varana yahan sher khan ko kaun nahin janata. znjir
2. ram ne har yug men janm liya, lekin lakshman phir paida nahin hua. upakar
3. ye pap ki nagari hai, yahan kns aur duryodhan ka thikana hai. upakar
4. zindagi men chadhate ki pooja mat karana, doobate ki bhi sochana. upakar
5. ye phoolon ke sath sath dil kab se bechana shuroo kar diya hai. kashmir ki kali
6. ek dakoo ki ladaki pulis vale se shadi karegi, goli marie saradar. jis desh men gnga bahati hai
7. sher aur bakari jis ghat par ek sath pani pite hon, vo ghat, n hamane dekha hai aur n dekhana chahate hain. an ban
8. pahachana is ikanni ko, yah vahi ikanni hai jise barason pahale uchhalakar tumane mera mazak udaya tha. raaubart seth tumhare hi sone se tumhare hi adamiyon ko kharid kar aj main tumhari jagah pahunch gaya hoon aur tum mere qadamon men. amar akabar enthani
9. kyonki main rivaaulvar hamesha khali rakhata hoon. majaboor
10. lekin main us qism ka jelar nahin hoon. main n to chhutti par jaoonga aur n tabadale ki darakhvast karoonga. tumhara vo rikaaurd hai, to hamara bhi ek rikaaurd hai. hamari jel se sngin se sngin qaidi jo bahar gaya hai usane tumhare us darabar men dua mangi hai to yahi dua mangi hai ki agar dobara jel jae to raghuvir sinh ki jel men n jae. kaliya
11. samajhate ho ki sab samajhata hoon isase badhakar insan ki nasamajhi aur kya ho sakati hai. krodhi
12. shayad too yah bhool gaya ki is zamin par fatah khan akela paida nahin hua hai, usake sath usaki bala ki zid bhi paida huee hai. kahin meri zid kisi zid par a gee to apani beti ke raste men pade hue beshumar kanton ko to main apane daman men samet loonga lekin tere raste dahakate hue angaron se bhar doonga. sanam bevafa
13. avaz to teri ek din main nichi karoonga, sher ki tarah garajane vala billi ki zaban bolega. sanam bevafa

samman evn puraskar

film 'znjir' ke ek drishy men pran (sherakhan)

pran ko tin bar 'filmapheyar sarvashreshth sahayak abhineta' ka puraskar mila aur 1997 men unhen filmapheyar laiph taim achivament khitab se navaja gaya. aj bhi log pran ki adakari ko yad karate hain. [2] qarib 350 se adhik filmon men abhinay ke alag alag rng bikherane vale pran ko hindi sinema men unake yogadan ke lie 2001 men bharat sarakar ke padm bhooshan samman se sammanit kiya gaya tha.[3]sanh 2012 ke lie bharat sarakar ne pran ko bharatiy sinema ke sarvochch rashtriy samman dada sahab phalke puraskar se sammanit kiya.

rochak tathy

pahali film ke mile 50 rupaye

pran jab matr 19 varsh ke the to unhonne 'dalasukh pncholi' ke nirdeshan men bani pnjabi film ‘yamala jat’ me hiro ki bhoomika ada ki thi. unhen yah film lekhak 'vali muhammad vali' ne us samay aaufar ki thi jab vah 1939 men lahaur men ek pan ki dukan ke bahar khade hue the. unhen is bhoomika ke lie 50 rupaye die ge the.[7]

shayari v fotografi se lagav

pran ko shayari v fotografi se bahut adhik lagav tha. ek samay men unaka ghar unaki tasviron se bhara hua tha jo vibhinn roopon men khinchi gee thin. pran ko kabir, galib v faiz ahamad faiz ka lagabhag poora kalam yad tha aur vah set par bhi inaki shayari padhate the.

khelapremi

tash khelana v sportas bhi unako pasnd the. vah aur unaki patni munbee ke 'kriket klab aauph indiya' men niyamit jaya karate the. unhonne anek selibriti maichon ko svargiy pi. jayaraj ke sath milakar ayojit kiya. vah munbee ki phutabaaul tim 'dayanamo' ke prayojak bhi the.

sah-abhinetriyan

pran ne apane zamane ki lagabhag sabhi abhinetriyon ke sath kam kiya. 'khanadan' (1942) men 13 varshiy noorajahan to qad men itani chhoti thin ki unhen pran ke sath abhinay karate samay eeton par khada hona padata tha. vaijayntimala (bahar, 1951) v helan (halakoo, 1956) ne apani pahali film pran ke sath hi ki thin. hindi filmon ke parde par khalanayak ki bhoomika ada karane vale pran filmodyog men bhadr vyakti ke roop men jane jate the. vah apane men mast rahate the aur aj tak kisi hiroin ke sath unaka skaindal nahin hua. set par vah latife sunate, shayari sunate, lekin jab drishy poora ho jata to vah apane kamare men ja kar apane ap tak simit ho jate.

prabhavi khalanayaki

pran ne parde par aksar bure vyakti ki bhoomika ki, isalie yah andaja lagana kathin ho jata hai ki vastav men vah kitane achchhe vyakti hain. unaki khalanayaki itani prabhavi thi ki logon ne apane bachchon ka nam pran rakhana bnd kar diya tha. unake tinon bachchon pinki, aravind v sunil ko bahut sharmindagi hoti thi, jab doosare bachche pran ko khalanayak kahate the. unaki beti pinki ne ek bar unase poochha tha ki vah filmon men achchhi bhoomikaen kyon nahin karate hain? isalie jab 1967 men unhen manoj kumar ne ‘upakar’ aaufar ki to unhonne use fauran svikar kar liya. yah hindi sinema men unaki pahali sakaratmak bhoomika vali film thi.[7]

mumataj se mafi mangana

mumataz ki tvacha bahut komal thi aur us par asani se nishan pad jate the. choonki pran ke sath unaki filmon men unhen aksar parde par sngharsh karate hue dikhaya jata tha to mumataj ke badan par kale v nile nishan pad jate the. drishy poora hone ke bad pran ko bahut sharmindagi hoti thi aur vah mumataj se mafi manga karate the.

hasy ke lie pran ka nrity

pran ki ek kamazori yah rahi ki vah nrity karana nahin janate the. isalie jab film men hasy ki sthiti utpann karani hoti to pran se nrity karaya jata jaisa ki ‘munim ji’, ‘balph mastar’ adi. nrity n karane ki vajah se hi unhonne 6-7 filmon ke bad hiro ki bhoomika karana bnd kar diya tha. phir bhi parde par gae unake git bahut mashahoor hue jaise ‘yari hai eeman mera’ (znjir 1973), ‘raj ko raj hi rahane do’ (dharma 1973) ya ‘qasame, vade, pyar, vapha sab’ (upakar 1967).[7]

ghar ke bahar prashnsakon ki bhid

pran ne 1950 ke dashak men apana bngala bandra ke yooniyan park men banavaya. is jagah ko filmi duniya ke log manahoos jagah samajhate the kyonki isamen rahane vale anek kalakar jaise kaaumediyan gop, nirmata ram kamalani v sngitakar anil vishvas ko jabaradast propheshanal ghata uthana pada tha. lekin pran ne aise kisi andhavishvas ko manane se inkar kar diya. unhen jagah pasnd aee aur unhonne apane bngale ka nam apani beti ke nam par ‘pinki’ rakh diya. palihil par vah pahala mashahoor ghar tha. pran ke ghar ke age unake prashnsakon ki bhid lagi rahati thi. bachche bhi vahan jama ho jate the. pran ko bachche bahut pasnd the aur vah unhen apane ghar men amntrit karate v unhen mithaee, biskit adi khilate.[7]

any tathy
  • desh ke vibhajan ke samay pran siknd munbee ae aur itane atmavishvas se bhare the ki unhonne bhavy tajamahal hotal men kamara liya. unhen laga ki kuchh hi dinon men kam milane ke bad apana phlait kharidenge, parntu unhen ne sire se sngharsh karana pada aur lahaur men saphal nayak rahe pran ko majaboor hokar ‘grihasthi’ (1948) men khalanayak ki bhoomika karani padi, parntu mina kumari ke sath ‘halakoo’ namak film men ek barbar, sanaki aur vahashi tanashah ki bhoomika men unhonne aisa khauph paida kiya ki har badi film men unhen khalanayak ki bhoomika milane lagi. ‘halakoo’ men pran siknd ne yah sikha ki unhen apani bhoomikaon ke lie vishesh poshak, vig ityadi ka upayog karana chahie. unaki poshaken aur vig unake abhinay ka hissa ban ge.[8]
  • pran ne lagabhag 350 se jyada filmon men abhinay kiya, lekin vah apani filmon sahit bamushkil hi koee film dekhate the. pran ko ‘parichay’ (1972) men apani bhoomika sabase kathin pratit huee, jisamen unhonne ek ziddi, anushasit vyakti ki bhoomika ada ki thi. unaki sabase pasndida film ‘viktoriya nambar 203′ (1972) hai jisaka nirdeshan brij ne kiya tha.[7]
  • shammi kapoor ki lagabhag sabhi filmon men pran ne khalanayak ki bhoomika nibhaee. parde ki is dushmani ke bavajood donon apas men gahare dost the. donon ko hi mansahari bhojan v sharab bahut pasnd thi. pran ke any achchhe doston men dilip kumar v raj kapoor shamil the aur yah tikadi aksar unake bngale par mahaphilen jamati thin.[7]

samachar

pran
12 julaee, 2013 shukravar

mashahoor film adakar 'pran' ka nidhan

hindi filmon ke mashahoor vilen aur charitr abhineta pran ki shukravar 12 julaee, 2013 ko der sham munbee ke lilavati aspatal men maut ho gee. vo 93 sal ke the. unake bete sunil ne bibisi snvadadata madhoo pal ko bataya ki vo lilavati aspatal men bharti the jahan unaki maut der sham huee. samachar ejensi pitiaee ne pran ki beti pinki ke havale se kaha hai, "unaki maut lnbi bimari ke bad huee." unhen is sal dada sahab phalake puraskar se sammanit kiya gaya tha lekin vo is qadar bimar the ki ise khud svikar karane dilli nahin a pae the. bad men soochana aur prasaran mntri manish tivari ne unake ghar jakar unhen yah puraskar diya. unake nidhan par du:kh jatate hue baaulivud ne unhen bharatiy sinema ka bada stnbh bataya, jinaka kee sitaron ka jivan banane men aham yogadan tha. film indastri ke purane aur yuva abhinetaon ne pran ke nidhan par apani snvedana jataee. suparastar dilip kumar aur amitabh bachchan ne baaulivud ke lijend ke sath judi apani yaden sajha kin. pran ke sath kee filmon men kam kar chuke amitabh bachchan ne kaha ki unake jaise kaddavar abhineta ab nahin ate. unhonne kaha, 'vah ek behatarin vyakti, prashnsaniy sahayogi, snpoorn peshevar, nibhaye jane vale patron ko apane men atmasath karane vale, kam ke bad ek dilachasp sathi aur ek vicharashil manushy the.' dilip sahab ne kaha, 'main kabhi nahin bhool sakata ki pran kaise mere nikah men pahunche the. shrinagar ke kharab mausam se joojhate hue, vah vahan shooting kar rahe the. unhonne dilli ki phlait li, vahan se phir sham men munbee pahunche, bas mere nikah se thik pahale mujhe gale lagane ke lie.'

samachar ko vibhinn sroton par padhen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. adhikarik vebasait
  2. 2.0 2.1 2.2 hindi sinema ka ek tara – pran (hindi) (pi.ech.pi) jagaran jnkshan. abhigaman tithi: 14 faravari, 2011.
  3. 3.0 3.1 snvad adayagi ke guru rahe hain pran (hindi) (ech.ti.em.el) khas khabar. abhigaman tithi: 12 faravari, 2011.
  4. 4.0 4.1 4.2 pran ki snvad adayagi ke kayal log (hindi) (ech.ti.em.el) samay laiv. abhigaman tithi: 14 faravari, 2011.
  5. nayakon par bhari pran ki khalanayaki... (hindi) akash apana hai (blaaug). abhigaman tithi: 14 julaee, 2013.
  6. pran ke behatarin dayalaaug: yahan sher khan ko kaun nahin janata... (hindi) bibisi hindi. abhigaman tithi: 14 julaee, 2013.
  7. 7.0 7.1 7.2 7.3 7.4 7.5 pran ke jivan ki anasuni baten (hindi) ranchi eksapres. abhigaman tithi: 18 joon, 2013.
  8. mahila kalakar ke taur par pran ne shuroo kiya kairiyar, ramalilaon men banate the sita man (hindi) bihar deli nyooj. abhigaman tithi: 18 joon, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah