बाल दिवस  हिन्दी देवनागरी में पढ़ें।

bal divas
bal divas manate bachche
vivaran 'bal divas' bharat ke pratham pradhanamntri javaharalal neharoo ke janm divas ke roop men manaya jata hai.
uddeshy bal divas ke avasar par bharat ke rashtrapati bachchon ka manobal badhate hain aur unhen utkrishth kary karane ke lie prerit karate hain.
tithi 14 navnbar
utsav evn karyakram yah bachchon ke lie ullas men doob jane ka din hai. skoolon men bhi yah din bahut utsah ke sath manaya jata hai. snpoorn bharat men is din skoolon men prashnotari, phainsi paridhan pratiyogita aur bachchon ki kala pradarshaniyon jaise kee vishesh karyakram ayojit kie jate hain.
snbndhit lekh matri divas, pitri divas, vishv parivar divas
any janakari bal divas manane ki shuruat 1925 men jineva ke ek shikhar sammelan se huee jisamen 54 logon ne bhag liya tha.

bal divas pratyek 14 navnbar ko bharat ke pratham pradhanamntri javaharalal neharoo ke janm divas ke roop men manaya jata hai. ‘bal divas’ par jagah-jagah samarahon ka ayojan kiya jata hai. pn. javahar lal neharoo ko ‘chacha neharoo’ kaha jata tha aur unhen bachchon se bahut pyar tha. bachchon ke ujjval bhavishy ke lie ‘bal divas’ skoolon tatha any snsthaon men dhoomadham se manaya jata hai.[1] bachche javahar lal neharoo ko 'chacha' isalie kahate the kyonki bachchon ko chacha jitana pyara koee nahin hota. bap se darate hain, dada-dadi kisse- kahani to suna sakate hain lekin aisakrim khilane, ghumane nahin le ja sakate, lekin chachoo, unaki pith par chadh sakate hain, khel sakate hain, sikh sakate hain, vo shikshak bhi hai aur dost bhi.

any deshon men bal divas

bharat men yah din svatntr bharat ke pahale pradhanamntri pndit javaharalal neharoo ke janmadin 14 navnbar ko manaya jata hai. kaha jata hai ki pndit neharoo bachchon se behad pyar karate the isalie bal divas manane ke lie unaka janmadin chuna gaya. asal men bal divas ki ninv 1925 men rakhi gee thi, jab bachchon ke kalyan par 'vishv kanphrens' men bal divas manane ki sarvapratham ghoshana huee. 1954 men duniya bhar men ise manyata mili. snyukt rashtr ne yah din 20 navnbar ke lie tay kiya lekin alag alag deshon men yah alag din manaya jata hai. kuchh desh 20 navnbar ko bhi bal divas manate hain. 1950 se 'bal snrakshan divas' yani 1 joon bhi kee deshon men bal divas ke roop men manaya jata hai. yah din is bat ki yad dilata hai ki har bachcha khas hai aur bachchon ke behatar bhavishy ke lie unaki mool zarooraton aur padhaee likhaee ki zarooraton ka poora hona behad zaroori hai. yah din bachchon ko uchit jivan die jane ki bhi yad dilata hai.[2]

neharoo ji ka bal prem

chacha neharoo bharat ke pahale pradhanamntri the aur tin moorti bhavan pradhanamntri ka sarakari nivas tha. ek din tin moorti bhavan ke bagiche men lage ped-paudhon ke bich se guzarate hue ghumavadar raste par neharoo ji tahal rahe the. unaka dhyan paudhon par tha. ve paudhon par chhaee bahar dekhakar khushi se nihal ho hi rahe the tabhi unhen ek chhote bachche ke rone ki avaz sunaee di. neharoo ji ne asapas dekha to unhen pedon ke bich ek-do mah ka bachcha dikhaee diya jo dahad marakar ro raha tha. neharooji ne man hi man socha- isaki man kahan hogi? unhonne idhar-udhar dekha. vah kahin bhi nazar nahin a rahi thi. chacha ne socha shayad vah bagiche men hi kahin mali ke sath kam kar rahi hogi. neharooji yah soch hi rahe the ki bachche ne rona tez kar diya. is par unhonne us bachche ki man ki bhoomika nibhane ka man bana liya.
chacha neharoo bachchon ke sath
neharooji ne bachche ko uthakar apani banhon men lekar use thapakiyan din, jhulaya to bachcha chup ho gaya aur muskurane laga. bachche ko muskurate dekh chacha khush ho ge aur bachche ke sath khelane lage. jab bachche ki man daudate vahan pahunchi to use apani ankhon par vishvas nahin hua. usaka bachcha neharooji ki god men mnd-mnd muskura raha tha. aise hi ek bar jab pndit neharoo tamilanadu ke daure par ge tab jis sadak se ve guzar rahe the vahan ve log saikilon par khade hokar to kahin divaron par chadhakar netaji ko nihar rahe the. pradhanamntri ki ek jhalak pane ke lie har adami itana utsuk tha ki jise jahan samajh aya vahan khade hokar neharoo ko niharane laga. is bhidabhare ilake men neharooji ne dekha ki door khada ek gubbare vala pnjon ke bal khada dagamaga raha tha. aisa lag raha tha ki usake hathon ke tarah-tarah ke rng-birngi gubbare mano pnditaji ko dekhane ke lie dol rahe ho. jaise ve kah rahe hon ham tumhara tamilanadu men svagat karate hain. neharooji ki gadi jab gubbare vale tak pahunchi to gadi se utarakar ve gubbare kharidane ke lie age badhe to gubbare vala hakka-bakka-sa rah gaya.
bal divas par jari dak tikat

neharooji ne apane tamil janane vale sachiv se kahakar sare gubbare kharidavae aur vahan upasthit sare bachchon ko ve gubbare bntava die. aise pyare chacha neharoo ko bachchon ke prati bahut lagav tha. neharooji ke man men bachchon ke prati vishesh prem aur sahanubhooti dekhakar log unhen chacha neharoo ke nam se snbodhit karane lage aur jaise-jaise gubbare bachchon ke hathon tak pahunche bachchon ne chacha neharoo-chacha neharoo ki tez avaz se vahan ka vatavaran ullasit kar diya. tabhi se ve chacha neharoo ke nam se prasiddh ho ge.[3]

bal shoshan

bal divas par neharoo ji ki tarah kapade pahane bachche

aj bhi chacha neharoo ke is desh men lagabhag 5 karod bachche bal shramik hain. jo chay ki dukanon par naukaron ke roop men, phaiktriyon men mazadooron ke roop men ya phir sadakon par bhatakate bhikhari ke roop men nazar a hi jate hain. inamen se kuchhek hi bachche aise hain, jinaka udaharan dekar hamari sarakar sina thokakar desh ki pragati ke dave ko sach hota batati hai. yahi nahin aj desh ke lagabhag 53.22 pratishat bachche shoshan ka shikar hai. inamen se adhikansh bachche apane rishtedaron ya mitron ke yaun shoshan ka shikar hai. apane adhikaron ke prati anabhigyta v agyanata ke karan ye bachche shoshan ka shikar hokar jane-anajane kee aparadhon men lipt hokar apane bhavishy ko andhakaramay kar rahe hain.[4] bachapan aj bhi bhola aur bhavuk hi hota hai lekin ham un par aise-aise tanav aur dabav ka bojh dal rahe hain ki ve kumhala rahe hain. unaki khanakati-khilakhilati kilakariyan barakarar rahen isake eemanadar prayas hamen hi to karane hain. desh ke ye gulabi navankur komal bachapan ki yaden sahejen, isake lie zaroori hai ki ham unhen kathor aur kroor nahin balki mayoorapnkh sa lahalahata bachapan den.[5] chacha neharoo ko do baten bahut pasnd thi pahali ve apani sheravani ki jeb men roz gulab ka phool rakhate the aur doosari ve bachchon ke prati bahut hi manaviy aur premapoorn the. yah donon hi baten unamen komal hriday hai is bat ki soochana dete hain. bachchon ko vaise hi log priy hai, jo gulab ya kamal ke saman ho.[6]

samaroh

bal divas par nrity karate bachche

har varsh bachapan ki yadon ko taja karane ke lie bal divas ka ayojan kiya jata hai. yah din hamen sikhata hai ki ek nirdosh aur jigyasu bachche ki tarah hamen sadaiv khush rahana chahie aur hamesha sikhane ki koshish karate hue muskurate rahana chahie. yah bachchon ke lie ullas men doob jane ka din hai. skoolon men bhi yah din bahut utsah ke sath manaya jata hai. snpoorn bharat men is din skoolon men prashnotari, phainsi paridhan pratiyogita aur bachchon ki kala pradarshaniyon jaise kee vishesh karyakram ayojit kie jate hain. hal ke varshon men vibhinn sanskritik, samajik aur kaauraporet snsthaon ne sabhi prishthabhoomi ke bachchon ke lie vishesh samaroh aur pratiyogitaon ka ayojan shuroo kiya hai. is tarah ke ayojan desh ke har kone men lokapriy hue hain. ab telivishzan aur any midiya netavark samaj ke pratyek star par 14 navnbar ko bachchon ke lie khas karyakram bana rahe hain.[7]

rashtrapati sahabhagita

har varsh rashtrapati bhavan men desh bhar se ae chuninda bachchon se bharat ke rashtrapati mulakat karate hain. bal divas ke avasar par rashtrapati bachchon ka manobal badhate hain aur unhen utkrishth kary karane ke lie prerit karate hain. bachche bhi is mauke par desh ke prati apane vishvas aur bhavishy men chunautiyon ka samana karane ki bhavana ko vyakt karate hain. rashtrapati shrimati pratibha devisinh patil ka manana hai ki desh ke vikas men bachchon ki shiksha tatha anushasan ka amooly yogadan hota hai. unhonne desh ke shikshakon evn chhatron ki prashnsa karate hue kaha tha ki inaki kadi mehanat tatha snskriti ne duniyabhar men desh ka nam roshan kiya hai. desh ke 11ven rashtrapati - (bhootapoorv) daauktar epije abdul kalam bhi desh ke vikas ke lie bachchon ka vikas avashyak manate hain. unhonne pad par rahate hue tatha bad men bhi kee maukon par yah sndesh diya hai ki desh ka vikas bachchon ke hathon men hi hai. unhonne kaha tha ki aj ke sath samajhauta karane par hi ham desh ke bachchon ke lie behatar kal de sakenge. bachchon ke sath unake saval-javab poore desh men kafi lokapriy hain. [7]

bal divas par jari dak tikat

bal bhavan kendr

rashtriy bal bhavan, manav snsadhan aur vikas mntralay dvara poorn roop se vitt poshit ek svayattashasi snstha hai, jo skooli shiksha aur saksharata vibhag ke tahat kary karati hain. in snsthanon ka gathan bachchon ko vibhinn gatividhiyon, avasaron evn am batachit, prayog karane aur pradarshan karane ke lie ek mnch upalabdh karakar unaki rachanatmak kshamata ko badhane ke uddeshy se kiya gaya hai. pndit javahar lal neharoo ke dvara bal bhavan kendr ke vichar ki kalpana ki gee. unaka manana tha ki aupacharik shiksha vyavastha se bachchon ke vyaktitv ke samagr vikas ki gunjaish kafi kam hai aur bal bhavan ek aisi jagah hai jo bachche ke snpoorn vikas ka vatavaran pesh karake is antar ko kam kar sakata hai. vartaman men rashtriy bal bhavan se sambaddh 68 rajy bal bhavan tatha 10 bal kendr hain.

snvidhan men bal adhikar

chacha neharoo bachchon ke sath

bharat ka snvidhan, snyukt rashtr ki yojanaon ke hi anuroop bachchon ke snrakshan evn adhikaron ki raksha ke lie kee suvidhaen deta hai. snvidhan har tarah se desh men bachchon ke kalyan tatha unaki shiksha evn balashram se mukti ke lie pratyaksh tatha apratyaksh roop se unmoolan ke lie dridh pratigy hai.

  • anuchchhed 15(3): rajy ko bachchon evn mahilaon ke sashaktikaran ke lie adhikar deta hai.
  • anuchchhed 21e: rajy ko 6 se 14 varsh tak ke bachchon ke lie anivary tatha muft shiksha dena qanooni roop se badhyakari hai.
  • anuchchhed 24: balashram ko pratibndhit tatha gairaqanooni kaha gaya hai.
  • anuchchhed 39(ee): bachchon ke svasthy aur raksha ke lie vyavastha karane ke lie rajy qanooni roop se badhy hai.
  • anuchchhed 39(eph): bachchon ko gariyamay roop se vikas karane ke lie avashyak suvidhaen upalabdh karana rajy ki naitik zimmedari hai.

bal divas par vishesh

amooman har abhibhavak apane bachche ke lie achchha sochata hai, achchhe se achchha karana chahata hai. aur use sabase age dekhana chahata hai. itana tak to thik hai aur bahut svabhavik bhi. lekin yahan dekhana hoga ki ham bachche ki pratibha ke snpoorn vikas ki ninv rakh rahe hain ya use apani mahattvakanksha ka hissa banakar usaki zindagi men andheri daladal aur tanav paros rahe hain.
bachapan men sachin tendulakar
agar andhera ghirane ko ae aur apaka bachcha chot khakar ghar laute to ap kya karenge hamamen se zyada tar man-bap use dantate-phatakarate hain. ya phir usaka khelane jana bnd kar dete hain. aj tivi, kampyootar se chipake bachchon men zyadatar aise hi hote hain jinake abhibhavak unhen bahar khelane jane se rokate hain. lekin bachcha itavar ko der sham ko ghar lauta. vah blaik end vhait tivi ka zamana tha. ek hi chainal hota tha.- dooradarshan. haphte men sirf ravivar ki sham ko film ati thi. poora parivar sath baithakar film dekhata tha. us din bhi poora parivar film ka annd le raha tha, tabhi yah das-gyarah sal ka bachcha ghar men ghusa.
bal divas par jari dak tikat
doston ke sath kriket khel raha tha. thodi chot bhi lag gee thi. kuhaniyon se khoon bah raha tha. pita ko gussa to aya lekin bole kuchh nahin. n to use kisi ne danta, n pita. agali subah usaka bada bhaee use kriket ke koch ramakant acharekar ke pas le gaya. kriket ke lie divanagi usamen itani koot-kootakar bhari thi ki n to khane ki chinta thi, n film dekhane ka shauq tha. vah bachcha age chalakar hamara pyara sachin tendulakar bana.

yahan sachin ki bat isalie ki ki hamamen se har koee chahata hai usaka bachcha amitabh, shaharukh ya sachin bane. lekin bat pratibha ko samajhane aur use nikhar dene ki hai. ham galat yahan tab ho jate hain jab ham bachche men pratisparddha ki bhavana bhar dete hain. ham usake lie snsadhan aur avasar to jutate hain, par yah bhi jata dete hain ki vah doosaron se avval ae tabhi thik hai. padosi ke bachche ke 90 pratishat ank a jaen to hamare chhitakoo ke 85 pratishat ank turnt pani men chale jate hain. dekha mishra ji ka ladaka kitana padhata hai aur tum roz sham ko do ghnte khelane chale jate ho vah phast aya aur tum thard. usaki poori mehanat aur markashit men darj 85 fisadi ank do kaudi ke ho jate hain. use adar dular milana tha, par hisse ati hai hin bhavana aur tanav. isake age ki kahaniyon se akhabar aur samachar chainal bhare pade hain. bachche kitane hinsak aur akramak ho rahe hain. hin bhavana itani bhar gee hai ki imtahan dene ke sath hi atmahtya kar rahe hain. hamamen se bahut bachche ko myujik sikhate hain, dans sikhate hain, isalie ki vah tivi ke riyaliti sho ka hissa bane. vah jitata hai to parivar hnsata hai aur hare to jar-jar ansoo bahata hai. use itani jaldi bada mat banaie. use abhi bachcha hi rahane dijie.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. aj ‘bal divas’ hai! (hindi) josh 18. abhigaman tithi: 9 navnbar, 2010.
  2. itihas men aj: 14 navnbar (hindi). . abhigaman tithi: 14 navnbar, 3013.
  3. chacha neharoo ka bal prem (hindi) veb duniya. abhigaman tithi: 9 navnbar, 2010.
  4. sahi mayane men bal divas (hindi) veb duniya. abhigaman tithi: 9 navnbar, 2010.
  5. mitha bachapan-saundha bachapan (hindi) veb duniya. abhigaman tithi: 9 navnbar, 2010.
  6. ankhon ke tare ko snbhalen (hindi) veb duniya. abhigaman tithi: 9 navnbar, 2010.
  7. 7.0 7.1 bal divas (hindi) bharat.gov.in. abhigaman tithi: 9 navnbar, 2010.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah