बिरसा मुंडा  हिन्दी देवनागरी में पढ़ें।

birasa munda
birasa munda
poora nam birasa munda
janm 15 navambar, 1875 ee.
janm bhoomi ranchi, jharakhand
mrityu 9 joon, 1900 ee.
mrityu sthan ranchi jel
abhibhavak sugana munda
nagarikata bharatiy
prasiddhi krantikari
vishesh yogadan birasa munda ne anuyayiyon ko sngathit karake do dal banae. ek dal munda dharm ka prachar karata tha aur doosara rajanitik kary.
any janakari kaha jata hai ki 1895 men kuchh aisi alaukik ghatanaen ghatin, jinake karan log birasa ko bhagavan ka avatar manane lage. logon men yah vishvas dridh ho gaya ki birasa ke sparsh matr se hi rog door ho jate hain.

birasa munda (angrezi: Birsa Munda, janm- 15 navambar, 1875 ee., ranchi, jharakhand; mrityu- 9 joon, 1900 ee., ranchi jel) ek adivasi neta aur lokanayak the. ye munda jati se sambandhit the. vartaman bharat men ranchi aur sinhabhoomi ke adivasi birasa munda ko ab 'birasa bhagavan' kahakar yad karate hain. munda adivasiyon ko angrezon ke daman ke viruddh khada karake birasa munda ne yah samman arjit kiya tha. 19vin sadi men birasa bharatiy svatntrata andolan ke itihas men ek mukhy kadi sabit hue the.

janm tatha shiksha

birasa munda ka janm 1875 ee. men jharakhand rajy ke ranchi men hua tha. unake pita, chacha, taoo sabhi ne eesaee dharm svikar kar liya tha. birasa ke pita 'sugana munda' jarman dharm pracharakon ke sahayogi the. birasa ka bachapan apane ghar men, nanihal men aur mausi ki sasural men bakariyon ko charate hue bita. bad men unhonne kuchh din tak 'chaeebasa' ke jarman mishan skool men shiksha grahan ki. parantu skoolon men unaki adivasi snskriti ka jo upahas kiya jata tha, vah birasa ko sahan nahin hua. is par unhonne bhi padariyon ka aur unake dharm ka bhi majak udana shuroo kar diya. phir kya tha. eesaee dharm pracharakon ne unhen skool se nikal diya.

logon ka vishvas

isake bad birasa ke jivan men ek naya mod aya. unaka svami anand pande se sampark ho gaya aur unhen hindoo dharm tatha mahabharat ke patron ka parichay mila. yah kaha jata hai ki 1895 men kuchh aisi alaukik ghatanaen ghatin, jinake karan log birasa ko bhagavan ka avatar manane lage. logon men yah vishvas dridh ho gaya ki birasa ke sparsh matr se hi rog door ho jate hain.

prabhav men vriddhi

jan-samany ka birasa men kafi dridh vishvas ho chuka tha, isase birasa ko apane prabhav men vriddhi karane men madad mili. log unaki baten sunane ke lie badi snkhya men ekatr hone lage. birasa ne purane andhavishvason ka khndan kiya. logon ko hinsa aur madak padarthon se door rahane ki salah di. unaki baton ka prabhav yah pada ki eesaee dharm svikar karane valon ki snkhya teji se ghatane lagi aur jo munda eesaee ban gaye the, ve phir se apane purane dharm men lautane lage.

giraftari

birasa munda ne kisanon ka shoshan karane vale zamindaron ke viruddh sngharsh ki prerana bhi logon ko di. yah dekhakar british sarakar ne unhen logon ki bhid jama karane se roka. birasa ka kahana tha ki main to apani jati ko apana dharm sikha raha hoon. is par pulis ne unhen giraftar karane ka prayatn kiya, lekin ganv valon ne unhen chhuda liya. shighr hi ve phir giraftar karake do varsh ke lie hazaribag jel men dal diye gaye. bad men unhen is chetavani ke sath chhoda gaya ki ve koee prachar nahin karenge.

sngathan ka nirman

parantu birasa kahan manane vale the. chhootane ke bad unhonne apane anuyayiyon ke do dal banae. ek dal munda dharm ka prachar karane laga aur doosara rajanitik kary karane laga. ne yuvak bhi bharti kiye ge. is par sarakar ne phir unaki giraftari ka varnt nikala, kintu birasa munda pakad men nahin aye. is bar ka andolan balapoorvak satta par adhikar ke uddeshy ko lekar age badha. yooropiy adhikariyon aur padariyon ko hatakar unake sthan par birasa ke netritv men naye rajy ki sthapana ka nishchay kiya gaya.

shahadat

24 disambar, 1899 ko yah andolan arambh hua. tiron se pulis thanon par akraman karake unamen ag laga di gee. sena se bhi sidhi muthabhed huee, kintu tir kaman goliyon ka samana nahin kar paye. birasa munda ke sathi badi snkhya men mare ge. unaki jati ke hi do vyaktiyon ne dhan ke lalach men birasa munda ko giraftar kara diya. 9 joon, 1900 ee. ko jel men unaki mrityu ho gee. shayad unhen vish de diya gaya tha. lekin lok giton aur jatiy sahity men birasa munda aj bhi jivit hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 544 |


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah