बी डी जत्ती  हिन्दी देवनागरी में पढ़ें।

bi di jatti
basappa danappa jatti
poora nam basappa danappa jatti
janm 10 sitambar, 1912
janm bhoomi bijapur, karnatak
mrityu 7 joon, 2002
mrityu sthan bngalaur
pati/patni sngamma
nagarikata bharatiy
parti bharatiy rashtriy kangres
pad karyavahak rashtrapati, uparashtrapati, rajyapal (odisha), up-rajyapal (paaundicheri), mukhyamntri (maisoor)
kary kal karyavahak rashtrapati- 11 faravari 1977 se 25 julaee 1977

uparashtrapati- 1 sitambar 197425 julaee 1977 tak
rajyapal (odisha)- 8 navambar 197220 agast 1974
up-rajyapal (paaundicheri)- 14 aktoobar 19687 navambar 1972
mukhyamntri (maisoor)- 16 mee 19589 march 1962

shiksha el.el. bi. (vakalat)
vidyalay munbee vishvavidyalay
any janakari bharatiy snvaidhanik vyavastha ke anusar uparashtrapati ko karyavahak rashtrapati banae jane ki vyavastha hai, yadi kisi bhi karanavash rashtrapati ka pad rikt ho jae. fakharuddin ali ahamad ki mrityu ke samay bi.di jatti desh ke uparashtrapati pad par the.

basappa danappa jatti (angrezi: Basappa Danappa Jatti, janm: 10 sitambar, 1912; mrityu- 7 joon, 2002) ko fakharuddin ali ahamad ki mrityu ke bad karyavahak rashtrapati ke roop men niyukt kiya gaya tha. vah bharatavarsh ke nirvachit rashtrapati nahin the. atah inhen karyavahak rashtrapati ke roop men hi sambodhit kiya jata hai. bharatiy snvaidhanik vyavastha ke anusar uparashtrapati ko karyavahak rashtrapati banae jane ki vyavastha hai, yadi kisi bhi karanavash rashtrapati ka pad rikt ho jae. fakharuddin ali ahamad ki mrityu ke samay bi.di jatti desh ke uparashtrapati pad par the. karyavahak rashtrapati ke roop men inaka karyakal 11 faravari 1977 se 25 julaee 1977 tak raha. is dauran inhonne apana dayitv snvaidhanik garima ke sath poorn kiya.

janm evn parivar

basappa danappa jatti ka janm 10 sitambar 1912 ko bijapur zile ke savalagi gram men hua tha. bijapur zila, karnatak ka vibhajit bhag bhi bana. jab inaka janm hua, to ganv men moolabhoot suvidhaon ka sarvatha abhav tha. inaka gram munbee presidensi ki sima ke nikat tha. is karan vahan ki bhasha marathi thi, kannad bhasha nahin. shri basappa ke dadaji ne savalagi gram men ek chhota ghar tatha zamin ka ek tukada kharid liya tha. lekin arthik pareshani ke karan ghar aur zamin ko giravi rakhana pada taki parivar ka jivan nirvah kiya ja sake.

vidyarthi jivan

us samay savalagi gram men do skool the, jo prathamik star ke the. ek, ladakon ka skool aur doosara, ladakiyon ka skool. basappa bachapan men kafi shararati the. vah shararat karane ka mauqa talash karate the. basappa apani badi bahan ke balika skool men padhane jate aur vah inaki suraksha karati thin. doosari kaksha ke bad inhen ladakon ke skool men dakhila prapt ho gaya. chauthi kaksha uttirn karane ke bad inhen e. vi. skool men bharti karaya gaya, jo usi varsh khula tha. yah skool kafi achchha tha.

e. vi. skool ki padhaee samapt karane ke bad basappa siddheshvar haee skool bijapur ge taki maitrik star ki pariksha de saken. 1929 men unhonne maitrik pariksha pas kar li. tab yah skool ke chhatravas men hi raha karate the. vah khelakood men bhi ruchi rakhate the. inhen phutabaaul evn tairaki ke alava kuchh bharatiy paramparagat khelon men bhi ruchi thi. kho-kho, malakhambh, kushti, singal, bar evn dabal bar par kasarat karane ka bhi inhen shauq th. unhonne lagatar do varsh tak lait vet vali kushti chaimpiyanaship bhi jiti thi.

dampaty jivan

us samay bal vivah ki samany pratha thi aur is pratha ki chapet men basappa bhi ae. 1922 men inaka vivah bhabhanagar ki sngamma ke sath sampann hua jo rishte men inake pita ki bahan ki putri lagati thi. vivah ke samay basappa ki umr matr 10 varsh thi aur vadhoo sngamma ki ayu keval 5 varsh. bal vivah ki pratha ke antargat vivah chhoti umr men hote the lekin kanya ko sasural kuchh varshon bad bheja jata tha.

vyavasayik jivan

basappa ki qanoon ki jo padhaee adhoori rah gee thi, vah inhonne tikkekar namak tahasiladar evn pratham shreni ke dndanayak rahe vyakti ki abhiprerana se poori ki. tab vah qanoon ki shiksha ke prati poorn samarpit bhi hue. is drishti se yah manana upayukt hoga ki tikkekar inake param mitr, darshanik evn path-pradarshak sabit hue. aktoobar 1940 men basappa ne kathor shram dvara munbee vishvavidyalay se el.el. bi. ki digri kar li. upadhi prapt karane ke bad 1941 se 1945 tak basappa ne jamakhndi men vakalat ki. is dauran inaka uddeshy garibon ki madad karana raha. apane muvakkilon ko nyay dilane ke lie vah snbndhit qanooni mamalon men kafi mehanat karate the aur parishramik ki koee paravah nahin karate the. inake zyadatar grahak gramin samuday ke hote the. inaki sahridayata par eeshvar ka ashirvad barasa. unhonne kee mahattvapoorn qanooni mamalon men saphalata prapt ki. isase inaka nam jamakhndi ke prasiddh vakilon men a gaya.

rajanitik jivan

1952 ke bharat chhodo andolan men basappa ne praja parishad parti ki or se pratinidhitv kiya. jamakhndi ki praja parishad parti men inhen sekretari ka pad pradan kiya gaya. in dinon basappa ko yah pasnd nahin tha ki inhen kangresi kahakar sambodhit kiya jae. 18 apral 1945 ko vah jamakhndi stet ke mntrimndal men shamil ho ge. 25 agast 1947 ko yah praja parishad parti ki or se jamakhndi stet ke mukhyamntri nirvachit hue. lekin jab rajyon ke punargathan ka samay aya to jamakhndi stet svatntr bharat ka ek abhinn hissa ban gaya.
1952 men bharatiy ganarajy ka pratham am chunav hua. isamen basappa ne kangres ke tikat par jamakhndi sit se vidhayak ka chunav lada aur shanadar antar ke sath jit arjit ki. munbee rajy men pahali jan chayanit lokapriy sarakar bani aur moraraji desaee pratham mukhyamntri nirvachit hue. basappa ko upamntri ka darja prapt hua. yah shantilal shah ke sath kary karane lage, jinake pas svasthy aur shram ke mahakame the. shantilal shah ne basappa jatti ko kary hetu poorn svatntrata pradan ki. inhen lagata tha ki yah svayn kaibinet ministar hain. 1 navambar 1956 ko munbee provins men jo hissa kannad bhashi pradesh tha, use alag karake maisoor men mila diya gaya. is prakar basappa jamakhndi ki jis sit se vidhayak nirvachit hue the, vah sit maisoor vidhanasabha ke antargat a gee. 10 mee 1957 ko inhen maisoor rajy ki bhoomi sudhar samiti ka cheyaramain bana diya gaya. unhonne yahan avaitanik roop se poorn nishtha ke sath kary kiya.

uparashtrapati pad

27 agast 1974 ko basappa uparashtrapati pad ka chunav kafi antar ke sath jit ge. inhen 78.7 pratishat mat prapt hue. inake nikatatam pratidvndvi shri en. ee. horo ko sharmanak parajay ka samana karana pada, jo vipaksh ki kee partiyon ke snyukt ummidavar the. 31 agast 1974 ko inhen rashtrapati fakharuddin ali ahamad ne uparashtrapati pad ki shapath grahan karaee, jo rashtrapati bhavan ke ashok haaul men pratah 8.30 baje sampann huee. shapath grahan samaroh ke dauran pradhanamntri indira gandhi, unake kaibinet ke sahayogi, poorv uparashtrapati ji. es. pathak tatha basappa ki patni sngamma bhi maujood rahin. yah 10 minat ka snkshipt samaroh tha. isake turnt bad bi.di. jatti rajaghat ge aur mahatma gandhi ki samadhi par shraddhanjali arpit ki. 31 agast, 1974 ko basappa dvara padabhar snbhalane ke sath hi bharat sarakar ke gajat men adhisoochana prakashit ki gee, jisaka kramank es. o. 561 (ee) dinank 31 agast 1974 tha. uparashtrapati ke roop men unhonne apana dayitv behad kushalata ke sath nibhaya. rajyasabha ke sabhapati ke roop men bhi inhonne sadan ka nishpaksh snchalan kiya.

karyavahak rashtrapati

11 faravari 1977 ko fakharuddin ali ahamad ki mrityu rashtrapati pad par rahate hue ho gee. ek or jahan divngat rashtrapati ke antim snskar ki rooparekha taiyar ki ja rahi thi, vahin doosari or snvaidhanik vyavastha ke anusar uparashtrapati bi.di jatti ko karyavahak rashtrapati banae jane ki aupacharikataen bhi poorn ki ja rahi thin. poorv rashtrapati svargiy fakharuddin ali ahamad ki mrityu ke do ghnte bad bi. di. jatti ko pratah 10.35 baje karyavahak rashtrapati ki shapath grahan karaee gee. sarvochch nyayalay ke pramukh nyayadhish em.ech. beg ne basappa danappa jatti ko karyavahak rashtrapati ke roop men rashtrapati bhavan ke ashok haaul men sadharan samaroh ke dauran shapath grahan karaee. basappa ne yah padabhar 24 julaee 1977 tak snbhala. is dauran inhonne chhathavin lokasabha ke ne satr ka shubharnbh hone par sadan ko sambodhit bhi kiya. isake bad nilam snjiv reddi desh ke rashtrapati nirvachit hue. inake nirvachit hone ke bad bhi bi.di. jatti ne 4 sitambar 1977 se 24 sitambar 1977 tak karyavahak rashtrapati ka dayitv nibhaya kyonki nilam snjiv reddi is dauran nyooyark men chikitsa hetu ge the. jab shri nilam snjiv reddi rashtrapati pad par nirvachit ho ge to bi. di. jatti ne karyavahak rashtrapati ka padabhar tyag diya. 25 julaee 1977 ko inhonne karyavahak rashtrapati ka padabhar chhoda aur 30 agast 1979 ko unaka uparashtrapati pad ka karyakal samapt ho gaya. isake pashchath jastis muhammad hidayatullah ne uparashtrapati banae ge. 1 sitambar 1979 ko uparashtrapati pad ki garima ke anukool nirnay lete hue inhonne sakriy rajaniti se sannyas le liya aur bngalaur laut ge.

mrityu

jivan ke antim samay men bi.di jatti bngalaur men hi the. ulti tatha pet dard ki shikayat ke karan 7 joon 2002 ko pratah kal inhen aspatal men bharti karaya gaya aur usi dopahar ko unaka nidhan ho gaya. is prakar ek paramparavadi yug ka ant ho gaya, jisase gandhi darshan bhi samahit tha. us samay inake parivar men patni, tin putr evn ek putri thi.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh