बुधु भगत  हिन्दी देवनागरी में पढ़ें।

budhu bhagat
budhu bhagat
poora nam budhu bhagat
janm 17 faravari, 1792 ee.
janm bhoomi ranchi, jharakhand
nagarikata bharatiy
prasiddhi krantikari
andolan laraka andolan
any janakari budhu bhagat ne apane daste ko gurilla yuddh ke lie prashikshit kiya tha. unhen pakadane ke lie angrez sarakar ne ek hazar rupaye inam ki ghoshana kar di thi.

budhu bhagat athava 'budu bhagat' (angrezi: Budhu Bhagat, janm- 17 faravari, 1792 ee., ranchi, jharakhand; mrityu- 13 faravari, 1832 ee.) bharatiy itihas men prasiddh krantikari ke roop men jane jate hain. inaki ladaee angrezon, zamindaron tatha sahookaron dvara kie ja rahe atyachar aur anyay ke viruddh thi.

janm

budhu bhagat ka janm aj ke jharakhand rajy men ranchi zile ke silagaee namak gram men 17 faravari, san 1792 ee. ko hua tha. kaha jata hai ki unhen daiviy shaktiyan prapt thin, jisake pratikasvaroop ve ek kulhadi sada apane sath rakhate the.[1]

balyakal

amataur par 1857 ko hi svatntrata sngram ka pratham samar mana jata hai. lekin isase isase poorv hi vir budhu bhagat ne n sirf kranti ka shnkhanad kiya tha, balki apane sahas v netritv kshamata se 1832 ee. men "laraka vidroh" namak aitihasik andolan ka sootrapatr bhi kiya.[2] chhota nagapur ke adivasi ilakon men angrez hukoomat ke dauran barbarata charam par thi. mundaon ne zamindaron, sahookaron ke viruddh pahale se hi bhishan vidroh chhed rakha tha. uranvon ne bhi bagi tevar apana liye. budhu bhagat bachapan se hi jamindaron aur angrezi sena ki kroorata dekhate aye the. unhonne dekha tha ki kis tarah taiyar fasal zamindar jabaradasti utha le jate the. garib ganv valon ke ghar kee-kee dinon tak choolha nahin jal pata tha. balak budhu bhagat silagaee ki koyal nadi ke kinare ghnton baithakar angrezon aur jamindaron ko bhagane ke bare men sochate rahate the.[3]

vidroh

ghnton ekant men baithe rahane, talavar aur dhanush-ban chalane men parngat hone ke karan logon ne budhu ko devadoot samajh liya. tejasvi yuvak budhu ki badi-badi baten sunakar adivasiyon ne unhen apana uddharakarta manana prarambh kar diya. vidroh ke lie budhu ke pas ab paryapt jan samarthan tha. unhonne anyay ke viruddh bagavat ka ahvan kiya. hazaron hath tir, dhanush, talavar, kulhadi ke sath uth khade hue. kaiptan inpe dvara bndi banae ge saikadon graminon ko vidrohiyon ne ladakar mukt kara liya. apane daste ko budhu ne gurilla yuddh ke lie prashikshit kiya. ghane jngalon aur durgam pahadiyon ka phayada uthakar kee bar angrezi sena ko parast kiya. budhu ko pakadane ke lie angrez sarakar ne ek hazar rupaye inam ki ghoshana kar di thi.

angrezon se sngharsh

hazaron logon ke hathiyarabnd vidroh se angrez sarakar aur zamindar kanp uthe. budhu bhagat ko pakadane ka kam kaiptan inpe ko saunpa gaya. banaras ki pachasavin desi paidal sena ki chhah knpani aur ghudasavar sainikon ka ek bada dal jngal men bhej diya gaya. tikoo aur asapas ke ganvon se hazaron graminon ko giraftar kar liya gaya. budhu ke daste ne ghati men hi bndiyon ko mukt kara liya. karari shikast se kaiptan baukhala gaya.

shahadat

13 faravari, san 1832 ee. ko budhu aur unake sathiyon ko kaiptan inpe ne silaganee ganv men gher liya. budhu atm samarpan karana chahate the, jisase angrezon ki or se ho rahi andhadhundh golibari men nirdosh gramin n mare jaen. lekin budhu ke bhakton ne vritakar ghera banakar unhen gher liya. chetavani ke bad kaiptan ne goli chalane ka adesh de diya. andhadhundh goliyan chalane lagin. boodhe, bachchon, mahilaon aur yuvaon ke bhishan chitkar se ilaka kanp utha. us khooni tandav men karib 300 gramin mare ge. anyay ke viruddh jan vidroh ko hathiyar ke bal par jabaran khamosh kar diya gaya. budhu bhagat tatha unake bete 'haladhar' aur 'giradhar' bhi angrezon se loha lete hue shahid ho ge.[3]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. jharakhand ke vibhooti (hindi) snvad. abhigaman tithi: 28 mee, 2015.
  2. svatntry sngram ka ek aur mahatvapoorn paksh janajatiy netritv ne di thi british sarakar ko chunauti (hindi) pnchajanya.kaaum. abhigaman tithi: 28 mee, 2015.
  3. 3.0 3.1 koyal kinare budhu bhagat ki bagavat (hindi) diva svapn. abhigaman tithi: 28 mee, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah