ब्रह्मा  हिन्दी देवनागरी में पढ़ें।

brahma
Brahma
  • sarvashreshth pauranik tridevon men brahma, vishnu evn shiv ki ganana hoti hai. inamen brahma ka nam pahale ata hai, kyonki ve vishv ke ady srashta, prajapati, pitamah tatha hiranyagarbh hain.
  • puranon men jo brahma ka roop varnit milata hai vah vaidik prajapati ke roop ka vikas hai. prajapati ki samast vaidik gathaen brahma par aropit kar li gayi hain. prajapati aur unaki duhita ki katha puranon men brahma aur sarasvati ke roop men varnit huee hai.
  • puranon ke anusar kshirasagar men sheshashayi vishnu ke nabhikamal se brahma ki svayn utpatti huee, isalie ye svaynbhoo kahalate hain.
  • ghor tapasya ke pashchath inhonne brahmand ki srishti ki thi. vastav men srishti hi brahma ka mukhy kary hai.
  • savitri inaki patni, sarasvati putri aur hns vahan hai.
  • brahm puranon men brahma ka svaroop vishnu ke sadrish hi niroopit kiya gaya hai. ye gyanasvaroop, parameshvar, aj, mahanh tatha sampoorn praniyon ke janmadata aur antaratma batalaye gaye hain. kary, karan aur chal, achal sabhi inake antargat hain. samast kala aur vidya inhonne hi prakat ki hain. ye trigunatmika maya se atit brahm hain. ye hiranyagarbh hain aur sara brahmand inhin se nikala hai.
  • yadyapi brahm puranon men trimoorti ke antargat ye agragany aur pratham bane rahe, kintu dharmik sampradayon ki drishti se inaka sthan vishnu , shiv, shakti , ganesh, soory adi se gaun ho gaya, inaka koee prithakh sampraday nahin ban paya.
  • brahma ke mandir bhi thode hi hain. sabase prasiddh brahma ka tirth ajamer ke pas pushkar hai. vriddh pita ki tarah dev parivar men inaka sthan upekshit hota gaya.
  • markandey puran ke madhu-kaitabhavadh prasng men vishnu ka utkarsh aur brahma ki vipannata dikhayi gayi hai. brahma ki poojamoorti ke nirman ka varnan matsy puran[1] men paya jata hai.
brahma ji, brahm kund, vrindavan
Brahma Ji, Brahma Kund, Vrindavan
  • mahapralay ke bad bhagavan narayan dirgh kal tak yoganidra men nimagn rahe. yoganidra se jagane ke bad unaki nabhi se ek divy kamal prakat hua. jisaki karnikaon par svayambhoo brahma prakat hue. unhonne apane netron ko charon or ghumakar shoony men dekha. is cheshta se charon dishaon men unake char mukh prakat ho gaye. jab charon or dekhane se unhen kuchh bhi dikhalayi nahin pada, tab unhonne socha ki is kamal par baitha hua main kaun hoon? main kahan se aya hoon tatha yah kamal kahan se nikala hai?
  • dirgh kal tak tap karane ke bad brahma ji ko sheshashayya par soye hue bhagavan vishnu ke darshan hue. apane evn vishv ke karan param purush ka darshan karake unhen vishesh prasannata huee aur unhonne bhagavan vishnu ki stuti ki. bhagavan vishnu ne brahmaji se kaha ki ab ap tap:shakti se sampann ho gaye hain aur apako mera anugrah bhi prapt ho gaya hai. at: ab ap srishti karane ka prayatn kijiye.
  • bhagavan vishnu ki prerana se sarasvati devi ne brahma ji ko sampoorn vedon ka gyan karaya.
  • sabhi puranon tatha smritiyon men srishti-prakriya men sarvapratham brahma ji ke prakat hone ka varnan milata hai. ve manasik snkalp se prajapatiyon ko utpann kar unake dvara sampoorn praja ki srishti karate hain. isaliye ve prajapatiyon ke bhi pati kahe jate hain.
  • marichi, atri, angira, pulasty, pulah, kratu, bhrigu, vasishth, daksh tatha kardam- ye das mukhy prajapati hain.
brahm kund, govardhan
Brahma Kund, Govardhan
  • bhagavatadi puranon ke anusar bhagavan rudr bhi brahma ji ke lalat se utpann hue. manav-srishti ke mool maharaj manu unake dakshin bhag se utpann hue aur vam bhag se shataroopa ki utpatti huee. svayambhuv manu aur maharani shataroopa se maithuni-srishti prarambh huee.
  • sabhi devata brahma ji ke pautr mane gaye hain, at: ve pitamah ke nam se prasiddh hain. yon to brahma ji devata, danav tatha sabhi jivon ke pitamah hain, phir bhi ve vishesh roop se dharm ke pakshapati hain. isaliye jab devasuradi sngramon men parajit hokar devata brahma ke pas jate hain, tab brahma ji dharm ki sthapana ke liye bhagavan vishnu ko avatar lene ke liye prerit karate hain. at: bhagavan vishnu ke pray: chaubis avataron men ye hi nimitt banate hain.
  • shaiv aur shakt agamon ki bhanti brahma ji ki upasana ka bhi ek vishisht sampraday hai, jo vaikhanas sampraday ke nam se prasiddh hai. is vaikhanas sampraday ki sabhi sampradayon men manyata hai. puranadi sabhi shastron ke ye hi adi vakta mane gaye hain.
  • brahmaji ki pray: amoort apasana hi hoti hai. sarvatobhadr, lingatobhadr adi chakron men unaki pooja mukhy roop se hoti hai, kintu moortaroop men mandiron men inaki pooja pushkar-kshetr tatha brahmarvat-kshetr (vithur) men dekhi jati hai.
  • madhv sampraday ke adi achary bhagavan brahma hi mane jate hain. isaliye udupi adi mukhy madhvapithon men inaki pooja-aradhana ki vishesh parampara hai. devataon tatha asuron ki tapasya men pray: sabase adhik aradhana inhin ki hoti hai. viprachitti, tarak, hiranyakashipu, ravan, gajasur tatha tripur adi asuron ko inhonne hi varadan dekar avadhy kar dala tha. devata, rishi-muni, gandharv, kinnar tatha vidyadhar gan inaki aradhana men nirntar tatpar rahate hain.
  • matsy puran ke anusar brahma ji ke char mukh hain. ve apane char hathon men kramash: varamudra, aksharasootr, ved tatha kamandalu dharan kiye hain. unaka vahan hns hai.

sambndhit kathaen

saras par baithe brahma
  • savitri, gayatri, shraddha, medha aur sarasvati brahma ki kanyaen hain. inamen se ek kanya tribhuvan sundari thi. brahma svayn hi nirman karake us par asakt ho gaye. vah mrigi ke roop men bhag gayi . brahma ne mrig ka roop dharan karake usaka pichha kiya. shiv ne dharmasnkat men dekh mrigavadhik ka roop dharan karake brahma ko roka. brahma ne vah kanya vivasvat manu ko de di. panchon kanyaen darakar mahanadi gnga men ja milin.[2]
  • ek bar brahma aur vishnu men vivad chhid gaya ki donon men se kaun bada hai. mahadev ki jyotirmayi moorti donon madhy prakat huee, sath hi akashavani huee ki jo us moorti ka ant dekhega, vahi shreshth mana jayega. vishnu niche ki charam sima tatha brahma oopar ki antim sima dekhane ke lie badhe. vishnu to shighr laut aye. brahma bahut door tak shiv ki moorti ka ant dekhane gaye. unhonne lautate samay socha ki apane munh se jhooth nahin bolana chahie, at: gadhe ka ek munh (jo ki brahma ka panchavan munh kahalata hai) banakar usase bole- 'he vishnu! main to shiv ki sima dekh aya.' tatkal shiv aur vishnu ke jyotirmay svaroop ek roop ho gaye. brahma ki jhoothi vani, vani namak nadi ke roop men prakat huee. un donon ko aradhana se prasann karake vah nadi sarasvati nadi ke nam se gnga se ja mili aur tab vah shapamukt huee.[3]
brahma
  • srishti ke poorv men snpoorn vishv jalaplavit tha. shri narayan sheshashaiyya par nidralin the. unake sharir men snpoorn prani sookshm roop se vidyaman the. keval kalashakti hi jagrit thi kyonki usaka kary jagana tha. kalashakti ne jab jivon ke karmon ke lie unhen prerit kiya tab unaka dhyan ling sharir adi sookshm tattv par gaya- vahi kamal ke roop men unaki nabhi se nikala. us par brahma svayn prakat hue. at: svaynbhoo kahalaye. brahma vicharamagn ho gaye ki ve kaun hain, kahan se aye, kahan hain, at: kamal ki nal se hokar vishnu ki nabhi ke nikat tak chakkar lagakar bhi ve vishnu ko nahin dekh paye. yogabhyas se gyan prapt hone par unhonne sheshashayi vishnu ke darshan kiye. vishnu ki prerana se unhonne tap karake, bhagavat gyan anushthan karake, sab lokon ko apane ant:karan men spasht roop se dekha. tadanntar vishnu antardhan ho gaye aur brahma ne srishti ki rachana ki. sarasvati unake munh se utpann putri thi, usake prati kam-vimohit ho, ve samagam ke ichchhuk the. prajapatiyon ki rok-tok se lajjit hokar unhonne us sharir ka tyag kar doosara sharir dharan kiya. tyakt sharir andhakar athava kuhare ke roop men dishaon men vyapt ho gaya. unhonne apane char munh se char vedon ko prakat kiya. brahma ko 'k' kahate hain- unhin se vibhakt hone ke karan sharir ko kam kahate hain. un donon vibhagon se stri-purush ek-ek joda prakat hua. purush manu tatha stri shataroopa kahalayi. un donon ki avashyakata isalie padi ki prajapatiyon ki srishti ka sucharoo vistar nahin ho raha tha.[4]
  • bhagavan buddh bodhisattv prapt karake bhi chintagrast the. ve sochate the ki unake dharmopadesh ko koee manega ki nahin. prajapati brahma ne yah tad liya. at: ve 'brahmalok' se antardhan hokar bhagavan ke samane prakat hue tatha unhen dharmopadesh ke lie prerit kiya.[5]


tika tippani aur sndarbh

  1. matsy puran(249.40-44
  2. brahm puran, 102.–
  3. brahm puran, 135.–
  4. shrimadbhagavat, tritiy skndh, 8-10,12
  5. buddh charit, 1.4.-

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah