bharatiy prachin, brahman-sanatan-hindoo dharm-sanskriti aur pauranik granthoan par, jativadi varn vyavastha ke karan anek arop lagae jate haian. visheshakar manusmriti ko sabase adhik laanchhit kiya jata hai. svayan maian bhi jati aur dharmik bhedabhav ko bahut napasand karata hooan kintu kya yah poornat: sahi hai?
maian ek udaharan de raha hooan. is katha ko dhyan se poora padhean aur svayan nirnay lean. yah katha uttar vaidikakalin hai. samanyat: yooan kaha jae ki upanishadoan ke lekhan kal ki. pan. javaharalal neharoo ne isaka zikr apani pustak 'diskavari aauf iandiya' mean kiya hai.
tamralipti kathasarith (12.2.125) mean ek katha ka ullekh hai.
ek raja jisaka nam chandraprabha tha, piandadan karane nadi ke kinare pahuancha. piand ko hath mean lekar vah nadi mean pravahit karane ko hi tha ki nadi se tin hath piand lene ko nikale. (aisi manyata thi ki piand lene ke lie pita ka hath ata hai).
raja ashchary mean p d gaya. brahman ne kaha:
rajan! in tin hathoan mean se ek hath kisi sooli par chadhae vyakti ka hai kyoanki usaki kalaee par rassi se baandhane ka chihn bana hai, doosara hath kisi brahman ka hai kyoanki usake hath mean doob (ghas) hai aur tisara kisi raja ka hai kyoanki usaka hath rajasi pratit hota hai sath hi usaki uangali mean rajamudrika hai.”
raja ne kaha: “to thik hai phir to raja ka hath hi mere pita ka hath hoga”
brahman: “nahian rajan! yah uchit nahian hai."
raja bina piandadan kie hi lautane laga to rah mean ek vriddha mili.
vriddh stri- he rajan! tum tin hathoan vali katha nahian sunoge. jo keval mujhe maloom hai.
brahman- aurat! too kya janati hai? vah sab to brahmanoan ka kam hai ki pata lagaean.
vriddh stri- pahale meri katha sun lo phir brahmanoan ko nirnay karane do ki kya karana chahie.
vriddh stri ne kaha-
tamralipti ke samudr tat par base nagar mean ek vaishy vyapari raha karata tha, jisaka nam tha dhanapal. vah dhanikoan mean bhi dhanik tha aur apane chhote-se parivar mean bahut sukhi tha. usaki patni ka nam tha shilavati aur beti ka nam tha dhanavati, jo vivah yogy thi. ek din achanak tamralipti ke raja janasangh ne unake yahaan rajakiy sevak bheja aur kahalaya ki dhanapal turant rajakiy vastroan ke vyapar ke lie samandar par chala jae.
us samay vaishy varn mean kisan, charavahe, dastakar aur vanik yani vyapari bhi shamil the. vaishy hi mukhy karadata the, jinake karoan, chuangi aur upaharoan ke adhar par hi brahman aur kshatriy apani gujar-basar karate the. vyapari kabhi-kabhi raja ki taraf se bhi vyapar kiya karate the, jaise ki hamari kahani ka vyapari dhanapal.
dhanavati ne kaha-
dhanavati: maan ! pitaji ke lie bandaragah se doot aya hai, jaldi karane ke lie kaha hai.
shilavati: shor mat karo, tumhare pitaji aandar havan ke lie taiyari kar rahe haian. chalo ham bhi chalakar prarthana karate haian, jisase unaki yatra saphal ho jae.
prarthana karate haian:
iandr hai
ao vinati hai nayak ban ao
pathik luteroan, janavaroan ko hamare path se hatao
hamako dhan dilao, dhan dilao
dharati asaman ke bich bichhe panthoan par doodh aur ghi ki nadiyaan bahao
vanij ka labh dilao, labh dilao
hamean mool dhan par vipul labh ho, labh ho kar mean, vikram mean bhi labh ho
dhan kabhi nyoon nahian ho, pratiyogita bhi labhakar ho
he agne! ye havan siddh ho, hamare labh nashakoan ka nash ho, nash ho vinash ho
prarthana karake vyapari sudoor yatra par chala gaya. yah samudri yatra asaphal siddh huee aur rajy ka poora mal doob gaya. dusht raja ne us vyapari dhanapal ki samast sanpatti ka adhigrahan karane aur putri ko apani seva ke lie balapoorvak bulane ke lie adesh diya. jisase ki rajy ke nuqasan ki bharapaee ho sake. shilavati ke p dosi ko isaki bhanak lag gee, usane shilavati se kaha “yahaan ka raja atyant dusht hai, vah meri koee bat nahian sunega, tum apani putri ko lekar yah rajy chho dakar chali jao. meri mrityu to avashyanbhavi hai.” kisi tarah jan bachakar donoan maan-beti rajy chho d bhagian.
vyapari ki patni aur usaki yuva putri rajy chho dakar bhagane lage. jab rajy ki simaoan ke nikat pahuanche to unhoanne dekha ki jangal mean ek yuvak ko mrityudand dekar, sooli par latakaya gaya hai. vah yuvak aantim saansean le raha tha. us yuvak ne pukar kar maan-putri ko apane pas bulaya to shilavati ne poochha-
shilavati- are... bheeya, o bheeya..., tumhari aisi dasha kaise huee?
vidrohi- mujhe deshadroh ke arop mean is rajy ke nich raja ne yah dand diya hai. jabaki maian sachchaee ke lie l d raha tha. maianne shoodr shramikoan ke ek dal ka netritv kiya. vo log is bat ke lie l d rahe the ki unake sath pashuoan jaisa vyavahar n kiya jae. is sooli par bhi meri atma mujhe mukti nahian de rahi hai. ab bhi mujhamean badala lene ki prabal ichchha hai. aisa lagata hai jaise bhagavan ne tumhean meri sahayata ke lie hi bheja hai.
shilavati: ham? ham tumhari sahayata kaise kar sakate haian? ham to svayan raja ke lobh ke shikar haian.
vidrohi: meri maan! meri prarthana sun. apani avivahit kanya mujhe sauanp de.
shilavati: ye tum kya kah rahe ho. maian apani kanya ko kaise sauanp sakati hooan? ye tumhare kis kam ayegi?
vidrohi: mere marate samay koee putr nahian hai. bina putr ke maian paralok nahian ja sakata. n hi mujh par lagae ge aropoan ka badala liya ja sakata hai. ye ‘niyog' se ek santan ko janm de sakati hai. isake garbh se jo santan hogi, vo meri santan kahalayegi. bas yahi vinati hai. jaisa maian kahata hooan vaisa hi karo.
(‘niyog’ ek pratha thi jisamean stri, pati ke alava kisi doosare purush se santan utpann kar sakati thi. is santan ka pita pati hi mana jata tha.)
shilavati: maian b de asamanjas mean hooan. maian kaise isake yauvan ko vaidhavy ke lie balidan kar dooan.
vidrohi: door us pe d ko dekho. vahaan jakar khudaee karo. vahaan us patthar ke niche tumhean tin maniyaan mileangi. amooly maniyaan. unamean se ek tumhare lie hai. doosari us adami ke lie hogi, jisase meri stri garbh dharan karegi, tisari usake lie jo mere putr ko yuddh kala sikhakar kshatriy ke roop mean b da karega. tabhi is dharati ko us shapit raja se mukti mil sakegi.
shilavati: lagata hai bhagavan ne mujhe sachamuch tumhari hi sahayata ke lie bheja hai. maian svayan us nich, lobhi raja janasangh se badala lena chahati hooan. maian tumhean vachan deti hooan, jaisa tumane kaha hai vaisa hi karooangi. maian apani kuanvari kanya ko tumhean sauanpati hooan.
vidrohi: ab maian shaanti se apane poorvajoan ke pas ja sakata hooan.
phir shilavati aur dhanavati kisi tarah se vakralok pahuanch geean. vakralok pahuanch kar vasudatt namak ek brahman ke yahaan rahane lagian. kee din bit ge. achanak shilavati ko us vachan ki yad aee jo usane apani putri ke pati ko diya tha, yani us vidrohi ko, jise sooli par chadha diya gaya tha. ab shilavati din-rat us die hue vachan ko poora karane ke bare mean sochane lagi. vasudatt ne sujhaya ki vishnusvamin nam ke achary ke pas manasvamin namak ek brahman chhatr hai.
manasvamin taiyar ho gaya. putr bhi paida ho gaya lekin samay ke sath shilavati ki putri aur usake pati ka man bachche ke moh mean phans gaya. shilavati apane vachan par dridh thi at: usane vasudatt se salah li.
vasudatt: thik hai, tum apana hriday kathor kar ek kary karo. sabhi janate haian hamare maharaj sooryaprabha ko putr ratn ki lalasa hai aur maharaj pratidin nagar ke poorvi ghat par snan karane jate haian. tum is balak ko vahaan chho d do. maharaj ki drishti avashy balak par p degi. age prabhu ki ichchha.
raja sooryaprabha ko jab balak mila to raja ne kaha-
sooryaprabha: kitana suandar hai yah balak. dand, chhatr aur pataka jaise shubh chinhoan ke sath isake sabhi lakshan isake chakravarti hone ki bhavishyavani karate haian. aisa lagata hai jaise bhagavan shiv ne svayan hi mujhe yogy putr de diya hai.
yah katha sunane ke bad raja sooryaprabha ke uttaradhikari raja chandraprabha ne us vriddha se poochha-
raja chandraprabha: tum ye sab kaise janati ho? kaun ho tum?
vriddh stri: beta! maian tumhari nani shilavati hooan aur ye jo tumane mani pahani hai, vah sooli par chadhane vale, tumhare pita ne hi tumako di thi.
raja chandraprabha: vo vidrohi, vah mera pita kaise ho sakata hai? mujhe janm dene vala to vah brahman tha aur maharaj sooryaprabha ne b de la d-pyar se mera palan-poshan kiya. mujhe shikshit kiya. phir maian us vidrohi ko kaise apana pita man sakata hooan?
vriddh stri- aisa mat kaho beta. vahi tumhare pita haian, kyoanki unhoanne tumhean jine ka ek uddeshy diya hai. unaki ichchha poori karo. tamralipti ke dusht raja janasangh ka nash, yahi tumhare jivan ka param lakshy hona chahie. isalie tumako piand us vidrohi ke hath mean hi rakhana chahie.
aie ab bharatakosh par chalate haian-
is katha mean uttar vaidik kal ki manyataoan ki jhalak milati hai. ek stri ke dvara vachan nibahane ki parakashtha aur ek shoodroan ke vidrohi neta, jisaki jati ka pata nahian, ek vaishy stri se vivah karata hai. us stri ko ek brahman se beta hota hai, jise ek kshatriy raja god leta hai. isase jati ke utar-chadhav ka pata chalata hai. chandraprabha ke pita ke roop mean vidrohi ke adhikar ko hi manyata di jati hai, n ki brahman ya kshatriy ke adhikar ko. vyakti ke adhikar ke sandarbh mean jati ko koee mahattv nahian diya jata.
maian matr itana kahana chahata hooan ki hindoo dharm hi nahian apitu kisi bhi dharm athava sanskriti ki alochana se pahale, hamara gaharaee se adhyayan karana ati avashyak hai. maian n to aandhavishvas ki bat kar raha hooan aur n hi yah kah raha hooan ki dharm ko vijnan ki kasauti par n parakha jay varanh mera ashay matr itana hai ki kisi pauranik vyavastha ka vivechan desh-kal-paristhiti ko drishtigat rakhakar hona chahie.
is bar itana hi... agali bar kuchh aur...
-adity chaudhari
sansthapak evan pradhan sampadak
