भारद्वाज  हिन्दी देवनागरी में पढ़ें।

maharshi bharadvaj

maharshi bharadvaj rigved ke chhathe mandal ke drashta kah gaye hain. is mandal men bharadvaj ke 765 mantr hain. atharvaved men bhi bharadvaj ke 23 mantr milate hain. vaidik rishiyon men bharadvaj-rishi ka ati uchch sthan hai. bharadvaj ke pita brihaspati aur mata mamata thin.

bharadvaj ka vnsh

rishi bharadvaj ke putron men 10 rishi rigved ke mantr drashta hain aur ek putri jisaka nam 'ratri' tha, vah bhi ratri sookt ki mantradrashta mani gayi hai. bharadvaj ke mantradrashta putron ke nam hain- rijishva, garg, nar, payu, vasu, shas, shirambith, shunahotr, saprath aur suhotr. rigved ki sarvanukramani ke anusar 'kashipa' bharadvaj ki putri kahi gayi hai. is prakar rishi bharadvaj ki 12 sntane mantradrashta rishiyon ki koti men sammanit thin. bharadvaj rishi ne bade gahan anubhav kiye the. unaki shiksha ke ayam ativyapak the.

bharadvaj ki shiksha

  • bharadvaj ne indr se vyakaran-shastr ka adhyayan kiya tha aur use vyakhya sahit anek rishiyon ko padhaya tha. 'riktantr' aur 'aitarey brahman' donon men isaka varnan hai.
  • bharadvaj ne indr se ayurved padha tha, aisa charak rishi ne likha hai. apane is ayurved ke gahan adhyayan ke adhar par bharadvaj ne ayurved-snhita ki rachana bhi ki thi.
  • bharadvaj ne maharshi bhrigu se dharmashastr ka upadesh prapt kiya aur 'bharadvaj-smriti' ki rachana ki. mahabharat, [1] tatha hemadri ne isaka ullekh kiya hai. pancharatr-bhakti-sampraday men prachalit hai ki sampraday ki ek snhita 'bharadvaj-snhita' ke rachanakar bhi rishi bharadvaj hi the.
  • mahabharat, shantiparv ke anusar rishi bharadvaj ne 'dhanurved'- par pravachan kiya tha. [2] vahan yah bhi kaha gaya hai ki rishi bharadvaj ne 'rajashastr' ka pranayan kiya tha. [3] kautily ne apane poorv men hue arthashastr ke rachanakaron men rishi bharadvaj ko samman se svikara hai.
  • rishi bharadvaj ne 'yantr-sarvasv' namak brihadh granth ki rachana ki thi. is granth ka kuchh bhag svami brahmamuni ne 'viman-shastr' ke nam se prakashit karaya hai. is granth men uchch aur nimn star par vicharane vale vimanon ke liye vividh dhatuon ke nirman ka varnan hai.
  • is prakar ek sath vyakaranashastr, dharmashastr, shiksha-shastr, rajashastr, arthashastr, dhanurved, ayurved aur bhautik vigyanavetta rishi bharadvaj the- ise unake granth aur any granthon men diye unake granthon ke uddharan hi pramanit karate hain.
  • unaki shiksha ke vishay men ek manornjak ghatana taittiriy brahman-granth men milati hai. ghatana ka varnan is prakar hai- bharadvaj ne sampoorn vedon ke adhyayan ka yatn kiya. dridh ichchha-shakti aur kathor tapasya se indr ko prasann kiya. bharadvaj ne prasann hue indr se adhyayan hetu sau varsh ki ayu mangi. bharadvaj adhyayan karate rahe. sau varsh poore ho gaye. adhyayan ki lagan se prasann hokar dubara indr ne phir var mangane ko kaha, to bharadvaj ne pun: sau varsh adhyayan ke liye aur manga. indr ne sau varsh pradan kiye. is prakar adhyayan aur varadan ka kram chalata raha. bharadvaj ne tin sau varshon tak adhyayan kiya. isake bad pun: indr ne upasthit hokar kaha-'he bharadvaj! yadi main tumhen sau varsh aur de doon to tum unase kya karoge?' bharadvaj ne saralata se uttar diya, 'main vedon ka adhyayan karoonga.' indr ne tatkal baloo ke tin pahad khade kar diye, phir unamen se ek mutthi ret hathon men lekar kaha-'bharadvaj, samajho ye tin ved hain aur tumhara tin sau varshon ka adhyayan yah mutthi bhar ret hai. ved anant hain. tumane ayu ke tin sau varshon men jitana jana hai, usase n jana hua atyadhik hai.' at: meri bat par dhyan do- 'agni hai sab vidyaon ka svaroop. at: agni ko hi jano. use jan lene par sab vidyaon ka gyan svat: ho jayaga, isake bad indr ne bharadvaj ko savitry-agni-vidya ka vidhivat gyan karaya. bharadvaj ne us agni ko janakar usase amrit-tattv prapt kiya aur svargalok men jakar adity se sayujy prapt kiya'.[4]
  • indr dvara agni-tattv ka sakshatkar kiya, gyan se tadatmy kiya aur tanmay hokar rachanaen kin.
  • ayurved ke prayogon men ye param nipun the. isiliye unhonne rishiyon men sabase adhik ayu prapt ki thi. ve brahmanagranthon men 'dirghajivitam' pad se sabase adhik lambi ayu vale rishi gine gaye hain.[5]
  • charak rishi ne bharadvaj ko 'aparimit' ayu vala kaha.[6]
  • bharadvaj rishi kashiraj divodas ke purohit the. ve divodas ke putr pratardan ke purohit the aur phir pratardan ke putr kshatr ka bhi unhin mantradrashta rishi ne ygy sampann karaya tha. [7]
  • vanavas ke samay shri ram inake ashram men gaye the, jo aitihasik drishti se treta-dvapar ka sandhikal tha. ukt pramanon se bharadvaj rishi ko 'anoochanatam' aur 'dirghajivitam' ya 'aparimit' ayu kahe jane men koee atyukti nahin lagati hai.

sam-gayak

bharadvaj ne 'samagan' ko devataon se prapt kiya tha.

  • rigved ke dasaven mandal men kaha gaya hai- 'yon to samast rishiyon ne hi ygy ka param guhy gyan jo buddhi ki gufa men gupt tha, use jana, parntu bharadvaj rishi ne dyusthan (svargalok)-ke dhata, savita, vishnu aur agni devata se hi brihatsam ka gyan prapt kiya'. [8] yah bat bharadvaj rishi ki shreshthata aur visheshata donon darshati hai.
  • 'sam' ka arth hai (sa+am:) richaon ke adhar par alap. richaon ke adhar par kiya gaya gan 'sam' hai. rishi bharadvaj ne atmasat kiya tha 'brihatsam'.
  • brahman-granthon ki paribhashaon ke sndarbh men ham kah sakate hain ki richaon ke adhar par svar pradhan aisa gayan jo svargalok, adity, man, shreshthatv aur tejas ko svar-alap men vynjit karata ho, 'brihatsam' kaha jata hai. rishi bharadvaj aise hi brihatsam-gayak the. ve char pramukh sam-gayakon-gautam, vamadev, bharadvaj aur kashyap ki shreni men gine jate hain.
  • snhitaon men rishi bharadvaj ke is 'brihatsam' ki badi mahima batayi gayi hai. kathak-snhita men tatha aitarey-brahman men kaha gaya hai ki 'is brihatsam ke gayan se shasak sampann hota hai tatha oj, tez aur viry badhata hai. 'rajasooy ygy' samriddh hota hai. rashtr aur dridh hota hai. [9]
  • rashtr ko samriddh aur dridh banane ke liye bharadvaj ne raja pratardan se ygy men isaka anushthan karaya tha, jisase pratardan ka khoya rashtr unhen mila tha'. [10]
  • pratardan ki katha mahabharat ke anushasan parv men ayi hai.

bharadvaj ke vichar

  1. bharadvaj kahate hain agni ko dekho, yah maranadharma manavon men maujood amar jyoti hai. yah agni vishvakrishti hai arthath sarvamanushy roop hai. yah agni sab karmon men pravinatam rishi hai, jo manav men rahati hai, use prerit karati hai oopar uthane ke liye. at: pahachano. [11]
  2. manavi agni jagegi. vishvakrishti ko jab prajjvalit karenge to use dharan karane ke liye sahas aur bal ki avashyakata hogi. isake liye avashyak hai ki ap sachchaee par dridh rahen.
  3. rishi bharadvaj kahate hain- 'ham jhuken nahin. ham samarthyavan ke age bhi n jhuken. dridh vyakti ke samane bhi nahin jhuken. kroor-dusht-hinsak-dasyu ke age bhi hamara sir jhuke nahin'. [12]
  4. rishi samajhate hain ki jibh se aisi vani bolani chahiye ki sunane vale buddhiman banen. [13]
  5. hamari vidya aisi ho, jo kapati dushton ka saphaya kare, yuddhon men snrakshan de, ichchhit dhanon ka prapt karaye aur hamari buddhiyon ko nindit marg se roke. [14]
  • bharadvaj rishi ka vichar hai ki hamari sarasvati, hamari vidya itani samarth ho ki vah sabhi prakar ke manavon ka poshan kare. 'he sarasvati! sab kapati dushton ki prajaon ka nash kar.'[15]
  1. he sarasvati! too yuddhon men ham sabaka rakshan kar. [16]
  2. he sarasvati! too ham sabaki buddhiyon ki suraksha kar. [17]
  3. is prakar bharadvaj ke vicharon men vahi vidya hai, jo ham sabaka poshan kare, kapati dushton ka vinash kare, yuddh men hamara rakshan kare, hamari buddhi shuddh rakhe tatha hamen vanchhit arth dene men samarth ho.
  4. aisi vidya ko jinhonne prapt kiya hai, rishi ka unhen adesh hai- [18]are, o gyan ko pratyaksh karane vale! prajajanon ko us uttam gyan ko sunao aur jo das hain, sevak hain, unako shreshth nagarik banao. [19]
  5. gyani, vigyani, shasak, kushal yoddha aur rashtr ko abhay dene vale rishi bharadvaj ke aise hi tivr tejasvi aur prerak vichar hain.

ramayan se

  • ram, lakshman aur sita gnga par karane ke uparant chalate-chalate gnga-yamuna ke sngamasthal par shri bharadvaj ke ashram men pahunche. maharshi bharadvaj apane shishyon se ghire baithe then ram ne apana parichay diya. bharadvaj ne un tinon ka svagat kiya. rat-bhar vahan rahakar ram, sita aur lakshman ne shri bharadvaj ke paramarsh ke anusar chitrakoot parvat ki or prasthan kiya. [20]
  • ram se milane ke lie bharat apani sena ke sath van ki or chale. marg men muni bharadvaj ke ashram men pahunche. pahale bharadvaj ne shnka ki ki kahin ve ram ke ahit ki kamana se to nahin aye hain. taduparant unhen sena samet atithy svikar karane ko kaha. bharadvaj apani agnishala men gaye. achaman karane ke uparant unhonne vishvakarma ka ahvan kiya aur atithy men sahayata mangi, isi prakar indr, yam, varun, kuber se bhi unhonne sahayata mangi. phalasvaroop unhonne madira, sundar apsaraen tatha sundar mahal evn upavanon ke anayas avirbhav se un sabako poorn tript kiya. [21]


tika tippani aur sndarbh

  1. mahabharat, shantiparv (182.5
  2. mahabharat, shantiparv(210.21).
  3. mahabharat, shantiparv (58.3)
  4. taittiriy brahman 3.10.11
  5. aitarey aranyak 1.2.2).
  6. sootr-sthan 1.26
  7. jaiminiy brahman 3.2.8).
  8. riktantr 10.181.2).
  9. aitarey-brahman 36.3).
  10. kathak 21.10).
  11. pashyatemamidn jyotismritn martyeshu. (riktantr 6.9.4) pracheta agnirvedhastam rishi:. (riktantr 6.14.2
  12. n viळve namate n sthiray n shardhate dasyujootay0 (riktantr 6.24.8
  13. 'jihvaya sadamedn sumedha a' (6.67.8).
  14. riktantr 6.61 3,6,14
  15. 'ni barhay prajan vishvasy brisayasy mayin:.'
  16. 'dhinamavitryavatu॥'riktantr
  17. 'ava vajeshu' no neshi vasy:.' (6.61.3,4,6,14
  18. 'shrut shravay charshanibhy:' (6.31.5)
  19. 'dasanyaryani kar:' (6.22.10).
  20. balmiki ramayan, ayodhya kand, sarg 54, shlok 10-54
  21. balmiki ramayan, ayodhya kand, sarg 91, shlok 12-83

lekhak:(achary shridurgacharanaji shukl)


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah