भुवनेश्वर  हिन्दी देवनागरी में पढ़ें।

Disamb2.jpg bhuvaneshvar ek bahuvikalpi shabd hai any arthon ke lie dekhen:- bhuvaneshvar (bahuvikalpi)
parashurameshvar mandir, bhuvaneshvar

bhuvaneshvar, udisa ki prachin rajadhani, shahar aur poorvi bharat ka ek rajy hai. isako pahale ekamrakanan bhi kahate the. bhuvaneshvar ko bahut prachin kal se hi utkal ki rajadhani bane rahane ka saubhagy mila hai.

aitihasikata

kesari vnshiy rajaon ne chauthi shati ee. ke uttarardh se 11vin shati ee. ke poorvardh tak, prayah 670 varsh ya 44 pidhiyon tak udisa par shasan kiya aur is lambi avadhi men unaki rajadhani adhikatar bhuvaneshvar men hi rahi. ek anushruti ke anusar raja yayatikesari ne 474 ee. men bhuvaneshvar men pahali bar apani rajadhani banaee thi. kaha jata hai ki kesarinareshon ne bhuvaneshvar ko lagabhag sat sahasr sundar mandiron se alnkrit kiya tha. ab kul keval panch sau mandiron ke hi avashesh vidyaman hain. inaka nirman kal 500 ee. se 1100 ee. tak hai.

mandiron ka nagar

isake aitihasik evn tisari sadi ee.poo. ke prasiddh kaling yuddh ke yuddhasthal hone ki janakari samip sthit dhaulagiri men prapt shilalekhon se milati hai. panchavin tatha dasavin shatabdi ke madhy men kee hindoo rajavnshon ki prantiy rajadhani aur shaiv mat ka pramukh dharmik kendr raha. 7vin se 14vin shatabdi ke madhy nirmit anek mandir (parashurameshvar, mukteshvar, rajarani, lingaraj, aur anant vasudev) odisi sthapaty ke pratyek daur ka pratinidhitv karane vali mnjooshaen hain.

lingaraj mandir, bhuvaneshvar

lingaraj mandir

yahan ka mukhy mandir lingaraj hai, jise lalatedukeshari (617-657 ee.) ne banavaya tha. yah jagath prasiddh mandir uttari bharat ke mandiron men rachana saundary tatha shobha aur alnkaran ki drishti se sarvashreshth mana jata hai. is mandir ka shikhar bharatiy mandiron ke shikharon ke vikas kram men prarambhik avastha ka shikhar mana jata hai. yah niche to prayah sidha tatha samakon hai kintu oopar pahunchakar dhire-dhire vakr hota chala gaya hai aur shirsh par prayah vartul dikhaee deta hai.

any nikatavarti tirth

yahan snan ke lie tirth 9 prasiddh hain-

1. vindu sarovar 2. pap nashini 3. gnga yamuna 4. kotitirth 5. devipapahara 6. medhatirth 7. alabutirth 8. ashok kund 9. brahmakund

inamen se vindu sarovar aur brahmakund men snan tatha any tirthon men marjan tarpan hota hai. brahmakund ke ghere men hi ashok kund, meghatirth abalu tirth hain. bhuvaneshvar bazar ke samip vindoo sarovar hai. vahan se do pharlang par brahmakund hai. isamen gomukh se barabar jal ata hai tatha any marg se nikalata rahata hai. kotitirth mukhyamarg ke samip hai aur devo papahara tirth mndir men hi hai.

vartaman bhuvaneshvar

udayagiri gufaen, bhuvaneshvar

aj vartaman bhuvaneshvar men ek taraf purana shahar, jisase lagabhag 30 prachin mandir aur doosari taraf 1948 ke bad ka suniyojit nagar kshetr hai, jise katak se sthanantarit karake nee rajadhani banaya gaya. is navanirmit kshetr men sachivalay v vidhanasabha ki imaraton sahit anek sarakari eemaraten, prantiy sngrahalay, utkal vishvavidyalay (jo pahale 1944 men katak men snsthapit hua tha), prantiy krishi evn takaniki vishvavidyalay, kshetriy bhautik anusndhan kendr, anek mahavidyalay, bhavy iskan mandir (antarashtriy krishn anuyayi sngh dvara nirmit) tatha avyavasthit dhng se bikhare anek vyaparik kendr hain. samip hi isase lagakar pahadon ko katakar banaee gee khndagiri evn udayagiri ki gufaen, nandan kanan prani evn vanaspati udyan evn shishupalagadh ke prachin utkhanit sthan paryatakon ke akarshan ka pramukh kendr hain. shahar ke madhy men indira gandhi ki smriti men banaya gaya udyan hai. bhuvaneshvar kolakata-chennee rashtriy rajamarg par sthit hai evn dakshin-poorvi relamarg ka ek pramukh kendr hai. yahan par ek adhunik havaee adda hai.

janasnkhya

janaganana (2001) ke anusar bhuvaneshvar ki janasnkhya n. ni. kshetr 6,47,302 hai.


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

  • (pustak 'aitihasik sthanavali' se) pej nn. 647
  • (pustak 'bharat gyanakosh' se) pej nn. 231

snbndhit lekh