मतिराम  हिन्दी देवनागरी में पढ़ें।

matiram riti kal ke mukhy kaviyon men se ek the. ve chintamani tatha bhooshan ke bhaee parnpara se prasiddh the. matiram ki rachana ki sabase badi visheshata hai, usaki saralata aur atynt svabhavikata. usamen na to bhavon ki kritrimata hai aur na hi bhasha ki. bhasha shabdadnbar se sarvatha mukt hai. bhasha ke hi saman matiram ke bhav na to kritrim hain aur na hi vynjak vyapar aur cheshtaen hain. nayika ke virah tap ko lekar bihari ke saman atishyoktipoorn varnan inhonne nahin kiya hai.

parichay

matiram ka janm tikavanpur, zila kanapur men snvat 1674 ke lagabhag hua tha. ye bahut dinon tak jivit rahe aur lamba jivan vyatit kiya. matiram boondi ke maharav bhavasinh ke yahan bahut samay tak rahe aur unhin ke ashray men apana 'lalit lalam' namak alnkar ka grnth snvat 1716 aur 1745 ke bich kisi samay banaya.

matiram satasee

inaka 'chhndasar' namak pingal grnth maharaj shnbhunath solnki ko samarpit hai. inaka param manohar grnth 'rasaraj' kisi ko samarpit nahin hai. inake atirikt inake do grnth aur hain, 'sahityasar' aur 'lakshan shrringar'. bihari satasee ke dhng par inhonne ek 'matiram satasee' bhi banaee, jo hindi pustakon ki khoj men mili hai. isake dohe sarasata men bihari ke dohon ke saman hi hain.

rachanaon ki visheshata

matiram ki rachana ki sabase badi visheshata hai, usaki saralata aur atynt svabhavikata. usamen na to bhavon ki kritrimata hai aur na hi bhasha ki. bhasha shabdadnbar se sarvatha mukt hai. keval anupras ke chamatkar ke lie ashakt shabdon ka prayog kahin nahin hai. jitane bhi shabd aur vaky hain, ve sab bhavavynjana men hi prayukt hain. riti grnth ke kaviyon men is prakar ki svachchh, chalati aur svabhavik bhasha kam hi kaviyon men milati hai, par kahin kahin vah anupras ke jal men jakadi huee lagati hai. saransh yah ki matiram ke jaisi rasasnigdh aur prasadapoorn bhasha ka anusaran kam hi milata hai.

bhavon ki saralata

bhasha ke hi saman matiram ke bhav na to kritrim hain aur na hi vynjak vyapar aur cheshtaen hain. nayika ke virah tap ko lekar bihari ke saman atishyoktipoorn varnan inhonne nahin kiya hai. inaki bhavavynjak shrinkhala sidhi aur saral hai, bihari ke saman nahin. shabd vaichitray ko ye vastavik kavy se prithakh vastu manate the, usi prakar vicharon ki jhoothi soch ko bhi. inaka sachcha kavi hriday tha. matiram yadi samay ki pratha ke anusar riti ki bndhi likon par chalane ke lie vivash n hote aur apani svabhavik prerana ke anusar chal pate, to aur bhi svabhavik aur sachchi bhavavibhooti dekhane ko milati, isamen koee sndeh nahin. bharatiy jivan se lie hue inake marmasparshi chitron men jo bhav bhare hain, ve saman roop se sabaki anubhooti ke ang hain.

grnth

'rasaraj' aur 'lalit lalam' matiram ke ye do grnth bahut prasiddh hain, kyonki ras aur alnkar ki shiksha men inaka upayog hota aya hai. apane vishay ke ye anupam grnth hain. udaharanon ki ramaniyata se anayas rason aur alnkaron ka abhyas hota chalata hai. 'rasaraj' to ati uttam grnth hai. 'lalit lalam' men bhi alnkaron ke udaharan bahut saras aur spasht hain. isi sarasata aur spashtata ke karan ye donon grnth itane sarvapriy rahe hain. riti kal ke pratinidhi kaviyon men padmakar ko chhod aur kisi kavi men matiram ki si bhasha aur saral vynjana nahin milati. bihari ki prasiddhi ka karan vagvaidagdhy hai. doosare bihari ne keval dohe kahe hain, isase unamen vah 'nad saundary' nahin a saka hai jo kavitt savaiye ki lay ke dvara snghatit hota hai -

kundan ko rng phiko lagai, jhalakai ati angani charu goraee.
aaunkhin men alasani chitauni men mnju vilasan ki sarasaee
ko binu mol bikat nahin matiram lahe musakani mithaee.
jyon jyon niharie nere hvai nainani tyaun tyaun khari nikarai si nikaee

kyon in aaunkhin son nihasnk hvai mohan ko tan panip pijai.
neku nihare kalnk lagai yahi ganv base kahu kaise kai jijai
hot rahai man yon matiram kahoon ban jay bado tap kijai.
hvai banamal hie lagie aru hvai murali adhararas pijai

keli kai rati aghane nahin din hi men lala puni ghat lagaee.
pyas lagi, kou pani dai jaiyo, bhitar baithi kai bat sunaee
jethi pathaee gee dulahi hnsi heri harain matiram bulaee.
kanh ke bol pe kan n dinhin sugeh ki dehari pai dhari aee

dooo annd so aaungan manjh birajai asadh ki sanjh suhaee.
pyari ke boojhat aur tiya ko achanak nam liyo rasikaee
aee unai munh men hnsi, kohi tiya puni chap si bhaunh chadhaee.
aaunkhin ten gire aaunsun ke boond, suhas gayo udi hns ki naee

sooban ko meti dilli des dalibe ko chamoo,
subhat samooh nisi vaki umahati hai.
kahai matiram tahi rokibe ko sngar men,
kahoo ke n himmat hie men ulahati hai
satrusal nnd ke pratap ki lapat sab,
garab ganim baragin ko dahati hai.
pati patasah ki, ijati umaravan ki,
rakhi raiya rav bhavasinh ki rahati hai


panne ki pragati avastha
adhar
prarambhik
madhyamik
poornata
shodh

tika tippani aur sndarbh

sambndhit lekh