मनीभाई देसाई  हिन्दी देवनागरी में पढ़ें।

manibhaee desaee
manibhaee desaee
poora nam manibhaee bhimabhaee desaee
any nam manibhaee
janm 27 aprail, 1920
janm bhoomi soorat, gujarat
mrityu 1993
abhibhavak bhimabhaee fakir bhaee desaee
karm bhoomi bharat
karm-kshetr svatntrata senani, janaseva
puraskar-upadhi reman maigsese puraskar
vishesh yogadan bharatiy egro indasdrij phaundeshan ki sthapana
nagarikata bharatiy
any janakari svatantrata sngram ke dauran san 1943 men manibhaee gandhi ji ke sath jel bhi gaye the.

manibhaee desaee (angrezi: Manibhai Desai, janm: 27 aprail, 1920; mrityu: 1993) us pidhi ke vyakti the, jinhonne svatntrata sngram ke dauran mahatma gandhi ke sath bhi sakriy hokar kam kiya aur usake bad ajad bharat men bhi unhen pratibaddhatapoorvak kam karane ka lamba avasar mila. desh ke svatantr hone ke samay vah ek naujavan vyakti the aur svatantr roop se apani jivan dhara chun sakate the, lekin bahut pahale manibhaee desaee ne mahatma gandhi ke samane yah snkalp liya tha ki vah ajivan nirdhan ganv valon ke arthik tatha samajik vikas ke lie kam karate rahengen. yah snkalp unhonne poori nishtha ke sath nibhaya aur unake karyakshetr men unaki karmathata ka praman spasht dekha gaya. manibhaee desaee ki isi pratibaddh seva ke lie unhen 1982 ka 'maigsese puraskar' diya gaya.

jivan parichay

manibhaee desaee ka janm 27 aprail 1920 ko soorat, gujarat men unake ganv kosmada men hua tha. unake pita bhimabhaee fakir bhaee desaee asapas ke 10-15 ganvon ke pratishthit kisan the. manibhaee ke char bhaee aur ek bahan thi aur har santan ko unaki man rani bahan desaee ne chatur sayana banaya tha.

shiksha

manibhaee ki skooli shiksha 1927 men unhin ke ganv ke skool men shuroo huee. usi varsh unake pita ka dehant hua tha aur unaki man ne bachchon ki poori jimmedari snbhali thi. manibhaee hamesha kaksha men pratham rahane vale chhatr the tatha unaka yogadan khelakood tatha skaut ke roop men bhi khoob rahata tha. unhin dinon manibhaee mahatma gandhi ke sampark men ae. unhonne gandhi ji ke namak andolan men hissa liya aur sakriyata se gair qanooni namak ko ganv men jakar banta. sadagi ka bhav manibhaee ke bhitar bachapan se hi tha. unaki man is bat ke lie bahut chintit rahati thin kahin unaka beta bigad n jae. isake lie unhonne manibhaee ko apani ek chacheri bahan ke pas padhane ke lie soorat bhej diya. unaki bahan ke apane panch-chhah bachche the tatha vah parivar bahut sampann bhi nahin tha. aise men vahan manibhaee ko bahut ghareloo kam karana padata tha. unaki man ne unhen ek gay di thi, taki unhen doodh ki kami n rahe. us ghar men gay ki seva adi bhi manibhaee ko karani padati thi. manibhaee ne is sab kam ko bahut magoyog se kiya aur kabhi unake man men isake prati virodh nahin upaja lekin unaki man ko yah thik nahin laga. ek din jab vah achanak bete ke pas pahunchi, unhonne dekha ki manibhaee mitthi ke tel vali lalaten ka shisha saf kar rahe the. bas unaki man ne unhen vahan se uthakar ek hanstal men dal diya.

gandhi ji ka andolan

manibhaee ke bade bhaee chahate the ki vah injiniyar banen isalie unhonne bhautikashastr tatha ganit vishayon se padhaee shuroo ki. 1942 men unhonne jooniyar baichalar anph sains ki digri prapt ki tatha kalej ke phainal men pravesh liya. us samay gandhi ji ka andolan apane charam par tha. 9 agast 1942 ko british sarakar ne sare netaon ko giraphtar kar liya. isi din manibhaee ne bina parivar se koee ijjat lie kalej chhod diya aur gandhi ji ke sath andolan men kood pade.

gandhi ji aur manibhaee

1943 men manibhaee gandhi ji ke sath jel men the jahan unhonne gandhi ke sath gram vikas ki avashyakata par batachit bhi ki. 1944 men jab vah jel se chhoote, to unhonne tay kiya ki vah injiniyar banane ka irada bilkul bhoolakar ganvon ke vikas ke lie kam karenge. aprail 1943 men manibhaee ne apane kalej ki pariksha ka akhiri parcha diya aur usi sham, gadi pakadakar gandhi ji ke pas unake ashram men a ge. ashram me gandhi ji se unaki bhent bahut mahattvapoorn rahi tatha usaka prasng rochak bhi hai. gandhi ji ne manibhaee se kaha ki pahale ganvon men jao aur jo kuchh tumane padha hai, use bhula do. is par ve pratham shreni ke bhautik shastr tatha ganit padhe manibhaee hairat men a ge. unhonne poochha, bapoo...kya ap shiksha ke viruddh hai... bapoo ne uttar diya, mainne tumhari shiksha ko dhyan men rakhakar yah bat nahin kahi lekin vah sahabi rngadhng jo kanlej tatha samaj vyakti ko deta hai, usase pichha chhudana hoga...

bharatiy egro indasdrij phaundeshan

bharatiy egro indasdrij phaundeshan manibhaee desaee ne 1967 men shuroo kiya jisamen gorakshan ke bapoo ke siddhant ko karyaroop diya gaya. manibhaee desaee ne svny 1950 men mari huee gayon ki shaly pariksha karake khud barbar pashu chikitsik prashikshit kiya tha. yahan manibhaee desaee ne kritrim garbhadhan se denamark aur briten ki nasl ki gay jaise pashuon ki nee nasl taiyar ki jo jyada doodh de sakane men samarth thin. isi tarah pashuon ko khur tatha munh ki bimariyon se bachane ke lie vaiksin banaya gaya. jisase sal men saikadon janavaron ko marane se bachaya jane laga. bharatiy egro indastrij phaundeshan (BAIF) ke jarie is tarah ganvon men vyavastha tatha adhunikata ke jarie arthik vikas hone laga, jisaka vistar phir poore desh men pahuncha. manibhaee desaee ne (BAIF) ki patrika men 1982 men likha ki BAIF men hamane kabhi ganv ke logon ko dayaniy ya shochaniy prani nahin mana. bharat ke ganvon ke log manushyon ke bich sabase majaboot aur sundar udaharan hai.

nidhan

73 varsh ka karmath jivan bitane ke bad 1993 men manibhaee bhimabhaee desaee ne is dharati par antim sans li.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah