मलखेड़ कर्नाटक  हिन्दी देवनागरी में पढ़ें।

malakhed, karnatak bhima nadi ki sahayak kngana nadi ke dakshin tat par chhota sa gram hai, jo kisi samay dakshin bharat ke prasiddh rashtrakoot rajavnsh ki samriddhashali rajadhani manyakhet ke roop men prakhyat tha.

itihas

rashtrakooton ka rajy yahan 8vin shati se 10vin shati ee. tak raha tha. gram ke asapas durg tatha bhavanon ke atirikt mandiron tatha moortiyon ke bhi vistrit avashesh mile hain. jisase gyat hota hai ki rashtrakoot kal men is nagar ka kitana vistar tha. 962 ee. men paramar naresh siyak ne nagar ko loota aur tahas-nahas kar diya. tatpashchath 14vin shati tak malakhed andhakaramay yug men pada raha. is shati men yah nagar bahamani rajy ka ek ang ban gaya. bahamanikal ke ek prasiddh hindoo darshanik jayatirth ki samadhi malakhed men aj bhi vidyaman hai. jayatirth dvaitavadi madhvasampraday ke anuyayi the. unake likhe hue grnth nyay aur sudha hain. 17vin shati ke ant men aurngazeb ne is sthan ko mugal samrajy men mila liya. prasiddh rashtrakoot naresh amoghavarsh ke shasan kal men malakhed jain dharm, sahity tatha snskriti ka mahattvapoorn kendr tha. amoghavarsh ka guru aur adi puran tatha parshvabhyooday kavy ityadi ka rachayita jinasen yahin ka nivasi tha. inake atirikt jain ganitgy mahendr, gunabhadr, pushyadant, aur kannad lekhak ponna bhi yahin ke nivasi the. amoghavarsh svayn bhi vriddhavastha men rajapat tyag kar jain shravan ban gaya tha. indraraj chaturth ne bhi jainadharm ke anusar sannyas ki diksha le li thi. malakhed men, is kal men, snskrit aur kannad bhashaon ki bahut unnati huee. jinasen ke grnthon ke atirikt, rashtrakoot nareshon ke samay men unake dvara ya unake protsahan se amoghavritti, snskrit vyakaran tika, ganitasar, mahavir ke dvara rachit, kaviraj marg, kannad kavyashastr par amoghavarsh ki rachana aur ratnamalika, amoghavarsh ki kriti adi grnthon ki bhi rachana ki gee. gunabhadr ne adipuran ka uttarabhag rashtrakoot naresh krishn dvitiy ke shasan kal men likha. isi samay ka sabase prasiddh lekhak pushpadnt tha, jisake likhe hue mahapuran, nayakumaracharipu (apabhrnsh grnth) aj bhi vidyaman hain. krishn dvitiy ke shasan kal men (939 ee.) indranandi ne jvala malini kalp aur somadev ne 959 ee. men yashastilak choonpakavy likhe. upayukt sabhi kritiyon ka sambandh manyakhet se tha jisake karan is nagar ki madhyakal men, dakshin bharat ke sabhi vidya kendron se adhik khyati thi. rashtrakoot kal men malakhed apane bhavy prasadon, vyast bazaron, pramodavanon aur udyanon ke lie prasiddh tha. vartaman samay men malakhed, siram aur nagee namak gram prachin manyakhet ke sthan par base hue hain.

digambar jain nagee

digambar jain nagee ko ab bhi tirth manate hain. yahan 16 naqqashidar stambhon ka ek bhavy mandap hai, jo kisi prachin mandir ka pravesh dvar tha. is mandir ka adhar tarakar hai, jo chaluky vastukala ka lakshan mana jata hai. isamen kale patthar ke do abhilikhit patt jade hain. pas hi hanuman mandir hai, jisaka sundar dipastambh garjarakar bana hai. siram men pnchaling mandir hai, jisaka dipadanastambh ek patthar hi men tarasha hua hai. yah 11vin, 12vin shati ki rachana hai. isake atirikt 11vin se 13vin shati ke kuchh jain mandir tatha moortiyan bhi yahan hain.

tika tippani aur sndarbh

  • aitihasik sthanavali se pej snkhya 714-715 | vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah