महानदी  हिन्दी देवनागरी में पढ़ें।

mahanadi, udisa

mahanadi madhy bharat ke madhy chhattisagadh rajy ki pahadiyon men sihava ke pas se nikalati hai. is nadi ko 'udisa ka shok' bhi kaha jata hai, jisaka karan isaki badh vibhishika hai. udisa prachin samay se badh aur sookhe se grasit raha hai. yah nadi 'chhattisagadh rajy ki gnga' bhi kahi jati hai. is nadi ke dvara 58.48% kshetr ka jal sngrahan kiya jata hai.

mahanadi nadi ka oopari pravah uttar ki or mahattvahin dhara ke roop men hota hai aur chhattisagadh maidan ke poorvi hisse ko apavahit karata hai. baloda bazar ke niche shivanath nadi ke isase milane ke bad yah poorv disha men mudakar udisa rajy men pravesh karati hai aur uttar v dakshin men sthit pahadiyon ko apavahit karane vali dharaon se milakar isake bahav men vriddhi hoti hai. snbalapur men is nadi par nirmit hirakund bandh ke phalasvaroop 55 kilomitar lambi kritrim jhil ka nirman ho gaya hai. is bandh men kee panabijali snyntr hain. bandh ke bad mahanadi dakshin men ghumavadar raste se hote hue vanachchhadit mahakhadd ke zariye poorvi ghat ko par karati hai. poorv ki or mudakar yah katak ke pas udisa ke maidan men pravesh karati hai aur kee dharaon ke madhyam se fals paint ke pas bngal ki khadi men mil jati hai.

mahanadi ki kul lambaee 900 kilomitar hai aur isaka anumanit apavahit kshetr 132,100 varg kilomitar hai. yah bharatiy upamahadvip men sarvadhik sakriy gad jama karane vali nadiyon men se ek hai. yah nadi sinchaee ki kee naharon ko, visheshakar katak ke pas, jal pradan karati hai. isake ek muhane par sthit puri ek vikhyat tirthasthal hai. mahanadi ko mukhyat: tin bhagon men vibhakt kiya ja sakata hai-

oopari mahanadi besin

isaka adhikansh bhag bastar tatha rayapur men hai. sihava parvat se nikalakar ek snkari ghati se hoti huee uttar-pashchim ki or lagabhag 50 kilomitar doori tak pravahit hokar bastar men kanker ke nikat sthit panidongari pahadiyon tak pahunchata hai. yahan yah poorv ki or ho jati hai. yahan par pairi evn tel nadi zile ke dakshini bhag ka jal ekatr kar mahanadi men dalati hain. bastar se nadi ki lambaee 64 kilomitar tatha pravah kshetr 2,640 varg kilomitar hai.

madhy mahanadi besin

mahanadi, udisa

isake antargat durg, madhy rayapur aur bilasapur zile ka kuchh bhag sammilit hai. yah sampoorn kshetr mahanadi ki pramukh sahayak shivanath nadi ka jalagrahan kshetr hai, jisamen uttari-pashchimi evn dakshini simant uchch bhoomi se nikalane vali sabhi sahayak nadiyan evn nale akar milate hain. shivanath nadi rayapur zile men shivarinarayan se oopar kiraunji namak sthan men pashchim se akar mahanadi men milati hai. jamuniya tatha khorasi nadi dakshin se akar milati hain.

nichala mahanadi besin

isake antargat bilasapur, rayapur tatha rayagadh zile ate hain. shivanath mahanadi ke sngam sthal se mahanadi ek tivr mod lekar bilasapur aur rayapur zilon ke madhy tatha rayagadh aur sarngagadh tahasil ke madhy ek prakritik sima banati hai, jo poorvi dhalan ki or pravahit madhy pradesh se bahar nikal jati hai. is kshetr men isake uttar ki or hasado, mand evn eeb nadiyan tatha dakshin ki or se jonk evn surngi akar milati hain. rayapur zile men nadi ki lambaee 192 kilomitar tatha pravah kshetr 8,550 varg kilomitar hai.


panne ki pragati avastha
adhar
prarambhik
madhyamik
poornata
shodh

snbndhit lekh