महामुद्रा  हिन्दी देवनागरी में पढ़ें।

mahamudra bauddh dharm ke sadhakon dvara ki jane vali ek kathin sadhana hai. bauddh tntron men mandalachakr aur mudra-maithun men striyon ka upabhog avashyak anushthan mana jata tha, yadyapi ve is sadhana ko bhautik roop men grahan nahin karate the.

siddhon dvara parikalpit

'mudra', arthath 'mod dene vali'. is vyakhya se mudra ko nari roop men kalpit kiya gaya. siddhon ne bhagavati nairatma ko mahamudra ke roop men parikalpit kiya. mahamudra ki sadhana sabase kathin sadhana mani jati thi. is sadhana men nishnat hone ke uparant hi sadhak ki ganana siddhacharyon men hoti thi. apani samakaksh kisi yogini ko mahamudra roop men varan kar sadhak guru ke pas jata hai. vahan use abhishikt kiya jata hai, phir sadhak mahamudra ke sath mandal-chakr men pravesh karata hai. 'guhyasamajatntr' ke anusar nari mahamudra ke tan men bhi pnch tathagaton ka vas hai, at: usaki sadhana kar lene vala phir samast bahy anushthanon se mukt ho jata hai.[1]

roop aur bhag

mahamudra ko any anek roop aur bhagon men bhi banta gaya hai. siddhon ke kal men nayika-bhed bhi mahamudra ke any roopon ke adhar par kiya gaya hai, yadyapi is vibhajan athava vibhinn namon ke pichhe kavyashastr ki koee parampara n hokar hathayog tatha mudra-maithun sambndhi guhy snket hi hain. in any nayikaon men se dombi men advaitabhav pradhan rahata hai. kyonki yah gyan se sambaddh hai, is karan nairatma prgya ko bhi dombi kahate hain. dombi ko vayutattv se snlagn mana jata hai, jo pran tatha apan vayu ke nirodh se sambaddh hai. dombi parishuddhavati hai, isake nayak ko 'kapalik' kahate hain. manimool men samputikaran ke uparant chandagni prajvalit kar sadhak avadhootika ke dvara use oopar ki aur pravahit karata hai. isi chandagni ko grahan karane ke karan avadhootika ko 'chandali' kaha jata hai. mahamudra nairatma ko is pratik ke dvara pray: prakat kiya gaya hai. chandali sare chakron ko par kar lalat sthit kamalachakr tak pahunchakar anand utpann kar pun: nabhichakr men vapas a jati hai. yahi chandali apani oordhv gati men dombi aur ushnish kamal men pahunchane par sahaj-sundari kahalati hai.

grihini roop men varnan

kanhapa to prgya-mahamudra ko grihini roop men bhi varnit karate hain aur spasht kahate hain ki-

"jaise namak pani men dhul jata hai, usi prakar grihini ko apane chitt men dharan karo."[2]

bad men vaishnavon men parakiya roop par jo itana sngrah milata hai, usaka siddhon men sarvatha abhav hai. unhonne nayika ke svakiya roop par vishesh bal diya hai. ve use 'vadhoo' roop men bhi abhihit karate hain. parinay ke lie varayatra ki sari sajja ka prachur varnan milata hai.[1]

nayikaen

siddhon dvara varnit vibhinn nayikaon men 'shundini' bhi ek hai, jo do ghadon men balkal-choorn se madira khinchati hain. unake madiralay ke kee dvar hain, jinamen se dasham vairochan dvar se grahak chihn dikhakar ate hain, jinhen vah madira pilakar sntusht karati hai. ek nayika matngi bhi hai, jo gnga tatha yamuna ke bich se nav khekar le jati hai aur sabhi yatriyon ko nav par bithakar bari-bari se utarati hai. siddhon ke padon men nayikaon ka mugdhatv, madhyatv tatha praudhatv, tinon hi pravrittiyan milati hain. shabarapa ki shabari snsar se door oonche parvat par mor ke pnkhon se shrringar kiye hue abodh-prakriti balika ki bhanti rahati hai. usaki jin cheshtaon ka vivaran shabarapa ne diya hai, unase usaka mugdhatv prakat hota hai.[3]

kukkaripa dvara varnit vadhoo roop men madhyatv aur mahamudra ki praudha pravritti ka snket yogini men milata hai, jo ratipriya praudha hai evn nayak ko poorn tatha anand dene men samarth hai.[4] krishnacharyapa isi ko 'dombi vadhoo' batate hue usake sath vivah samaroh rachate hain aur isi ko 'kamachandali' ki sngya bhi dete hain. adhi rat ko kamal khilata hai, battis yoginiyan usake dalon par krida karati hain. unaki nayika ko 'padmini' kaha jata hain, kyonki mrinal banakar vah kamalaras ko pravahit kar rahi hai. yahi 'avadhootika' hai, jo mrinal banakar kamalaras ko pravahit karati hai, ise 'kamalini' bhi kaha jata hai. bauddhon ki bhavasadhana ke antargat bodhichitt aur shoonyata ki pranayakeli men vibhinn roopakon ko vyakt karane ke lie nayak tatha nayika ke roop men tathagat aur bhagavati nairatma ko mana gaya, arthath tathagat ki nayika ko 'nairatma' kaha jata hai. usi vishvavyapt pranayakeli men sadhak bodhichitt ko nayak aur nairatmgyan ko nayika manakar apane chitt men ayojit karata hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 hindi sahity kosh, bhag 1 |prakashak: gyanamandal limited, varanasi |snkalan: bharatakosh pustakalay |snpadan: daau. dhirendr varma |prishth snkhya: 491 |
  2. dohakosh
  3. charyapad
  4. charyapad

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah