माउंट एवरेस्ट  हिन्दी देवनागरी में पढ़ें।

maunt evarest ka vihngam drishy
maunt evarest ka vihngam drishy
Panoramic View of Mount Everest

maunt evarest eshiya men nepal aur chin (tibbat) ki sima par sthit vrihad himalay parvat shrinkhala ka sarvochch shikhar hai. yah prithvi ka sarvochch sthal hai. maunt evarest ko snskrit men devagiri, tibbati men chomolungma, chini bhasha (romanikrit) men chu-mu-lang-ma-pheng, (pinayin) komolangma pheng, nepali men sagaramatha kahate hain.

bhautik visheshataen

himalay ke dakshin-poorv, poorvottar tatha pashchim ke tin bnjar katak oopar uthate hue do shikharon ka nirman karate hain; pahala 8,848 mitar (evarest) aur doosara 8,748 mitar (sauth pik) ooncha shikhar hai. is parvat ko isake poorvottar paksh se, jo tibbat ke pathar se 3,600 mitar oopar uthata hai, sidhe dekha ja sakata hai. isase kuchh mote shikhar changatse (uttar, 7,560 mitar), khoonbutse (pashchimottar, 6,655 mitar), nupatse (dakshin-pashchim, 7,861 mitar) tatha lhotse (dakshin, 8,501 mitar) hain, jo isake adhar ke charon or oopar uthate hue evarest ko nepal ki taraph se ankh se ojhal kar dete hain. evarest shikhar ki or jane vale marg ka do-tihaee bhag prithvi ke vayumndal ke us hisse men hai, jahan aauksijan ka star kam hai. oopari dhalanon par aauksijan ki kami, tez havaon tatha atyadhik thnd ke karan kisi prakar ka vanaspatik ya prani jivan sambhav nahin hai. grishmakalin manasoon (mee se sitambar) ke dauran himapat hota hai. parvat ke kinare mukhy katak dvara ek-doosare se alag hain. parvat ki dhalanon par adhar tak barf ki chadar bichhi rahati hai. shikhar chattanon ki tarah kathor barf se bana hai aur usake oopar barf ki jo paraten jami hain, unaki oonchaee varsh bhar men 1.5 se 2 mitar tak badhati-ghatati rahati hai. shikhar ki oonchaee sitambar men sabase zyada tatha mee men pashchimottar se bahakar ane vali jade ki tez hava ke karan ghatakar sabase kam rah jati hain.

himanad

maunt evarest ke asapas bahane vale pramukh svatntr himanad (gleshiyar) hain-

  • poorv men kangashung
  • poorv, mukhy tatha pashchim rongabak himanad (uttar v pashchimottar)
  • pumori himanad (pashchimottar)
  • khunboo himanad (pashchim tatha dakshin)
  • lhotse-nupatse katak
  • evarest ke bich ki barf ki ghati pashchimi kvam.

jal nikas

parvat ki jal nikas pranali shikhar se dakshin-pashchim, uttar tatha poorv ki taraf unmukh hai. khunboo himanad pighalakar nepal ki lobujya (lobuche) nadi men parivartit ho jata hai, jo age doodh kosi nadi men samahit hone se pahale dakshin-pashchim men imja nadi kahalati hai. tibbat men rong-choo nadi pumori aur rongabak himanadon se nikalati hai tatha karmachu nadi kanshashung himanad se nikalati hai. rong-choo aur doodh kosi nadi ki ghatiyan kramash: shikhar ke lie uttari tatha dakshini sampark marg banati hain.

angrez karnal sar jaaurj evarest

adhyayan evn khoj

maunt evarest sthaniy logon ke lie poojaniy hai. isake tibbati v nepali namon ka arth vishv ki matridevi hai. 1852 men bharat sarakar dvara karae ge ek sarvekshan se is tathy ko sthapit kiye jane tak ise prithvi ki satah par sarvochch shikhar ke roop men manyata nahin mili thi. pahale yah shikhar pik XV ke nam se jana jata tha. 1830 se 1843 tak bharat ke sarveyar janaral rahe the angrez karnal sar jaaurj evarest. adhunik bhooganitiy sarvekshan ki ninv bharat men unhonne hi rakhi thi. dakshin ki kanyakumari se lekar uttar ki masoori tak himalayi parvat shreni ke vrittansh (meridional ark) ko mapane jaisa asnbhav sa kary sarvapratham unhonne hi kiya tha. unake isi bahumooly tatha maulik kary ke karan 1865 men himalay ke sarvochch shikhar ka nam unake nam par rakha gaya tha. gurutvakarshan parivartanon tatha prakash apavartan ke karan badalate barf ke star ki vajah se shikhar ki sahi oonchaee aksar ek vivad ka vishay bani. vartaman men many 8,848 mitar[1] ki oonchaee 1952 se 1954 ke bich sarve aauf indiya dvara sthapit ki gee.

maunt evarest
shikhar par vijay

evarest shikhar par vijay ke prayas 1920 men tibbat ki taraf ke raste ke khulane ke bad shuroo hue. poorvottar kagar ki taraf se shikhar par pahunchane ke lagatar sat prayas (1921-38) aur dakshin-poorvi kagar ki taraf se tin prayas (1951-52) thndi-shushk tez havaon, bihad kshetr tatha atyadhik oonchaee ke karan viphal rahe.

antat: 1953 men raauyal jiograifikal sosaiti tatha alpain klab ki jauent himalayan kamiti ke prayason se evarest par vijay prapt kar li gee. is jit men parvatarohiyon ne khuli tatha band sarkit aauksijan pranali, bahari vatavaran se aprabhavit rahane vale vishesh prakar ke joote v poshak aur chhote rediyo upakaranon ka prayog kiya tha. parvatarohiyon ke dvara is abhiyan marg men ath shivir sthapit kiye ge tatha yah marg khunboo himaprapat v himanad, vest si. dablyoo. em. aur lhotse se hote hue 8,000 mitar ki oonchaee par chattani shikhar sauth kol tak pahunchata tha. yahan se 29 mee 1953 ko do parvatarohiyon nyoozilaind ke edamnd hileri (bad men sar edamnd) tatha nepal ke sherapa tenazing norge dakshin-poorvi kagar se badhate hue dakshini shikhar aur phir choti tak pahunche. isake bad se ab tak lagabhag paune char hazar parvatarohiyon ne yah prayas kiya hai, jinamen 2,436 saphal rahe, 210 ki raste men hi maut ho gee aur shesh parvatarohan adhoora chhod kar laut ae.

evarest abhiyan

amerika ka pahala saphal evarest abhiyan 1963 men hua. is dal ke jems dablyoo vhitekar tatha nepal ke navang gonboo shikhar par sabase pahale (1 mee) pahunche. char parvatarohi is choti par 22 mee ko pahunche, jinamen thaaumas ef. haaurnabin tatha viliyam ef. anasold evarest par us pashchimi parvatashreni ke raste chadhe, jahan se pahale koee bhi nahin chadh paya tha. yah jodi sauth kol ki taraf se niche utari aur viparit raston ka istemal karane vali pahali parvatarohi jodi bani. isake bad to vibhinn deshon dvara snchalit kee abhiyan dal evarest par pahunch chuke hain. japani dal ki tabeee junako tatha nepal ki ang tsering shikhar par pahunchane vali (16 mee, 1975) pahali mahilaen thin. do british parvatarohi 25 sitambar, 1975 ko pahali bar dakshin-pashchim disha se tatha do japani uttari divar ki taraf se shikhar par pahunche.

samachar

20 mee, 2011, shukravar

naya rikaaurd, 45 ki umr men evarest fatah
jharakhnd ki parvatarohi premalata agraval ne duniya ke sabase oonche parvat shikhar maunt evarest par chadhane vali sabase umradaraz़ bharatiy mahila hone ka gaurav hasil karate hue parvatarohan ke kshetr men ek naya itihas racha. 45 ki umr men premalata agraval ne guruvar rat lagabhag 26000 phut ki oonchaee par sthit chauthe shivir se chadhaee shuroo kar shukravar subah paune das baje qarib 29000 put oonchi evarest par saphalata poorvak tirnga phahara diya. unake is abhiyan men sahayog karane vale tata stil ne premalata ko is upalabdhi par badhaee di hai.

samachar ko vibhinn sroton par padhen


maunt evarest ka vihngam drishy
maunt evarest ka vihngam drishy
Panoramic View of Mount Everest


panne ki pragati avastha
adhar
prarambhik
madhyamik
poornata
shodh


tika tippani aur sndarbh

  1. anshik kam ya zyada ki gunzaish ke sath

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah