मूढ़ीवाला -सरस्वती प्रसाद  हिन्दी देवनागरी में पढ़ें।

Icon-edit.gif yah lekh svatntr lekhan shreni ka lekh hai. is lekh men prayukt samagri, jaise ki tathy, ankade, vichar, chitr adi ka, snpoorn uttaradayitv is lekh ke lekhak/lekhakon ka hai bharatakosh ka nahin.
snkshipt parichay
sarasvati prasad
lekhika sarasvati prasad
janm 28 agast, 1932
janmasthan ara, bihar
mrityu 19 sitambar, 2013
shiksha: snatak (itihas pratishtha)
pati: shri ramachndr prasad

garm hava ke jhonke udndata par utaroo hokar khidaki kivad pit rahe the ! pighalati dhoop men pyase kauve ki kanv-kanv men ghighiahat bhara vilap shamil tha. main ghar ke kam-dham se nibatakar hava ki jhany-jhany, sany- sany ko andar tak mahasoosati apane kamare men letane ki soch hi rahi thi ki get khulane ki avaz aee.
uf ! kaun hoga abhi ... soch hi rahi thi ki ek parichit hank kanon men aee- moodhi hai. avaz aisi jaise kah rahi ho - apako intazar tha, lijiye ham a ge.
kupht hokar main svayn men badabadaee - yah moodhivala bhi... samay-asamay kuchh nahin dekhata! sadhikar oonchi avaz men hank laga raha hai- main jagi hoon ya soyi, isase bekhabar !.....
use vishvas hai, main moodhi lene nikaloongi. badabadate hue stor room se moodhi ka dabba nikalakar mainne bahar ka daravaza khola ! daravaza khulate hi loo ke zoradar thapede jhulasa ge.
par moodhivala vatavaran se bekhabar baramade men moodhi vali potali aur chhitaput saman rakhakar itminan se baith chuka tha ! potali kholane ke kram men utsahit hokar bola -' bahut kurakuri moodhi laya hoon aur apaki manapasnd chij imali bhi hai'.
mainne samane ki or drishti uthaee, kolatar ki sadak jeth ki bhari dupahari men lave ki tarah pighal rahi thi! pasine se lathapath mainne moodhivale ko dekha aur poochh baithi 'joote hain na ? '
moodhivala sahaj bhav se bola 'joote pahane hue hi aya hoon malakin, abhi baramade men ate samay niche nikal kar rakh diya hai'. mera dhyan jooton ki or gaya - rabar ke kale joote dhoop men tapakar jalate honge ... ! is soch ko jhatakakar mainne moodhivale se poochha - ' moodhi ghar men banate ho ya kharid kar late ho ?'
'moodhi mere ghar men meri man banati hai malakin. mehanat-majoori men jo dhan milate hain, usi se banati hai ! kafi mehanat ka kam hai moodhi banana, par parivar ko chalane ke lie deh to chalana hi padata hai !'
'tumhari patni kyoon nahin banati ?'
'kabhi vahi banati thi- thi badi phurtili, par bimar kya padi achchhi hone ka nam hi nahin liya ! mere pas jo thoda bahut khet badhar tha use bndhak rakhakar ranchi ke bade aspatal men le gaya ! socha tha bach jaegi to din laut ayenge, par meri sari daud-dhoop par pani phir gaya. vah daga dekar chali gee ! ab ghar men main, boodhi man aur tin bachche hain, bada vala 8-9 ka hoga. ghareloo kamadham men dadi ki madad karata hai. '
mera man kaisa to hone laga, yoon hi bol uthi - 'bachchon ko padhana moodhivale - bade vale ko skool bhejo, ganv men skool to hoga hi.
'skool to hai , par kaaupi kitab pensil...! pahanane ko saf suthare kapade .. par nahin lagata'
mainne sookhe gale se sahanubhooti dikhaee, jo bekar thi. kahana chaha- 'kitaben kapiyan aur ...' bhitar ka man bola- hunh kab tak !
moodhivale ne apana saman uthaya - 'ab chalata hoon, der ho rahi hai' aur sar par moodhi ki bori rakhe age badh gaya.
main use jate dekhati rahi. get band karake age badhate hi usane poorvavat sahajata se hank lage- 'moodhi hai' aur tej tej qadamon se chalate hue ankhon se ojhal ho gaya.
do rupaye ki moodhi aur do rupaye ki imali ke sath moodhivale ki kahani lie main andar a gee aur der tak sochati rahi .... kitane drishy bane, mite, dhundhalaye aur ant men mujhe bachchan ji ki ye
pnktiyan yad aeen-

"din jaldi-jaldi dhalata hai
bachche pratyasha men honge
nidon se jhank rahe honge
ye dhyan paron men chidiyon ke
bharata kitani vihvalata hai..."

barason bit ge, aj tak moodhivala meri yadon men hai.

tika tippani aur sndarbh

snbndhit lekh

svatntr lekhan vriksh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah