maian nir bhari du:kh ki badali!
spandan mean chir nispand basa
krandan mean ahat vishv hansa
nayanoan mean dipak se jalate,
palakoan mean nirjharini machali!
mera pag-pag sangit bhara
shvasoan se svapn-parag jhara
nabh ke nav rang bunate dukool
chhaya mean malay-bayar pali.
maian kshitij-bhrikuti par ghir dhoomil
chinta ka bhar bani aviral
raj-kan par jal-kan ho barasi,
nav jivan-aankur ban nikali!
path ko n malin karata ana
path-chihn n de jata jana;
sudhi mere agan ki jag mean
sukh ki siharan ho ant khili!
vistrit nabh ka koee kona
mera n kabhi apana hona,
parichay itana, itihas yahi-
um di kal thi, mit aj chali!