यशवंतराव चह्वाण  हिन्दी देवनागरी में पढ़ें।

yashavntarav chahvan
yashavntarav chahvan
poora nam yashavntarav balavntarav chahvan
janm 12 march, 1913
janm bhoomi satara zila, maharashtr
mrityu 25 navnbar, 1984
mrityu sthan dilli
nagarikata bharatiy
prasiddhi rajaneta, svatntrata senani aur lekhak
parti kangres, janata parti
pad bharat ke panchave upapradhanamntri, maharashtr ke pratham mukhyamntri
kary kal 28 julaee, 1979 se 14 janavari, 1980 (upapradhanamntri)
vishesh yogadan maharashtr men kisanon ki behatari ke lie sahakari samitiyon ko sthapit karane men mahattvapoorn yogadan diya.

yashavntarav balavntarav chahvan (janm- 12 march, 1913 - mrityu- 25 navnbar, 1984) bharat ke panchave upapradhanamntri aur maharashtr ke pratham mukhyamntri the. ek samay bharat desh ke pramukh rajaneta aur kendr sarakar ke mahattvapoorn vibhagon ke saphal mntri the. yashavntarav chahvan ek mazaboot kangres neta, svatntrata senani, sahakari neta, samajik karyakarta aur lekhak the. ye 'am adami ke neta' ke roop men lokapriy the. yashavntarav chahvan ne apane bhashanon aur lekhon men dridhata se samajavadi lokatntr ki vakalat ki aur maharashtr men kisanon ki behatari ke lie sahakari samitiyon ko sthapit karane men mahattvapoorn bhoomika nibhaee.

jivan parichay

yashavntarav balavntarav chahvan ka janm 12 march, 1914 ee. ko maharashtr ke satara zile ke ek kisan parivar men hua tha. bachapan men hi inake pitaji ka dehant ho gaya tha, isaliye inaka lalan palan inake chacha aur man ne kiya tha. apane bachapan se hi bharat ke svatntrata sngharsh se prabhavit the. pratikool parivarik sthiti ke bavajood yashavntarav apani shiksha poorn karane men saphal rahe. pune se qanoon ki digri lene ke bad ve vakalat karane lage. 1932 ke savinay avgya andolan men giraphtari ke sath unaka sarvajanik jivan arambh hua. bharat chhodo andolan men kuchh samay bhoomigat rahakar satara ke andolan men sahayata dete hue 1943 men ve phir pakad lie ge.

rajanitik jivan

jel se riha hone ke bad chahvan munbee vidhanasabha ke sadasy chune ge. 1952 ke chunav men saphal hone par unhen mntrimndal men liya gaya. phir ve munbee ke mukhyamntri aur gujarat ke prithakh rajy banane par maharashtr ke mukhyamntri bane. 1962 ke chini akraman ke samay jab krishn menan ko raksha mntri ka pad chhodana pada to yashavntarav chahvan ko desh ke raksha mntri ke pad par niyukt kiya gaya. 1966 tak ve is pad par rahe. phir unhonne kramash: grihamntri, vitt mntri aur videsh mntri ke pad snbhale.

rajanitik parti

1969 ke kangres vibhajan ke samay yashavntarav chahvan ke vyavahar ki alochana huee thi. pahale unhonne indira ji ke virodh men mat diya, kintu jab us paksh ko saphalata nahin mili to ve phir indira kangres men a ge. 1977 ki kangres ki parajay ke bad chahvan pratipaksh ke neta bane the. janata parti ki sarakar ke girane par unhonne ek bar phir dal badala aur charanasinh ke sath mil ge. charanasinh ki sarakar to nahin ban paee, logon ki drishti men chahvan ki pratishtha gir gee.

nidhan

itane uchch padon par rahane ke bad jivan ke antim pahar men ve rashtr ki rajaniti ke patal se luptapray ho ge the. yashavntarav chahvan ka 25 navnbar, 1984 ko dilli men nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy charit kosh |lekhak: liladhar sharma 'parvatiy' |prakashak: shiksha bharati, dilli |prishth snkhya: 673 |