रंगा सियार

ranga siyar panchatantr ki prasiddh kahaniyoan mean se ek hai jisake rachayita achary vishnu sharma haian.

kahani

          ek bar ki bat haian ki ek siyar jangal mean ek purane ped ke niche khada tha. poora ped hava ke tej jhoanke se gir pada. siyar usaki chapet mean a gaya aur buri tarah ghayal ho gaya. vah kisi tarah ghisatata-ghisatata apani maand tak pahuancha. kee din bad vah maand se bahar aya. use bhookh lag rahi thi. sharir kamazor ho gaya tha tabhi use ek kharagosh najar aya. use dabochane ke lie vah jhapata. siyar kuchh door bhagakar haanphane laga. usake sharir mean jan hi kahaan rah gee thi? phir usane ek bater ka pichha karane ki koshish ki. yahaan bhi vah asaphal raha. hiran ka pichha karane ki to usaki himmat bhi n huee. vah khada sochane laga. shikar vah kar nahian pa raha tha. bhookhoan marane ki naubat aee hi samajho. kya kiya jae? vah idhar udhar ghoomane laga par kahian koee mara janavar nahian mila. ghoomata-ghoomata vah ek basti mean a gaya. usane socha shayad koee murgi ya usaka bachcha hath lag jae. so vah idhar-udhar galiyoan mean ghoomane laga.
tabhi kutte bhauan-bhauan karate usake pichhe pad ge. siyar ko jan bachane ke lie bhagana pada. galiyoan mean ghusakar unako chhakane ki koshish karane laga par kutte to kasbe ki gali-gali se parichit the. siyar ke pichhe pade kuttoan ki toli badhati ja rahi thi aur siyar ke kamazor sharir ka bal samapt hota ja raha tha. siyar bhagata hua rangarejoan ki basti mean a pahuancha tha. vahaan use ek ghar ke samane ek bada dram najar aya. vah jan bachane ke lie usi dram mean kood pada. dram mean rangarej ne kapade rangane ke lie rang ghol rakha tha.
kuttoan ka tola bhauankata chala gaya. siyar saans rokakar rang mean dooba raha. vah keval saans lene ke lie apani thoothani bahar nikalata. jab use poora yakin ho gaya ki ab koee khatara nahian hai to vah bahar nikala. vah rang mean bhig chuka tha. jangal mean pahuanchakar usane dekha ki usake sharir ka sara rang hara ho gaya hai. us dram mean rangarej ne hara rang ghol rakha tha. usake hare rang ko jo bhi jangali jiv dekhata, vah bhayabhit ho jata. unako khauph se kaanpate dekhakar range siyar ke dusht dimag mean ek yojana aee.
range siyar ne darakar bhagate jivoan ko avaz di 'bhaio, bhago mat meri bat suno.'
usaki bat sunakar sabhi janavar bhagate janavar thithake.
unake thithakane ka range siyar ne fayada uthaya aur bola 'dekho, dekho mera rang. aisa rang kisi janavar ka dharati par haian? nahian n. matalab samajho. bhagavan ne mujhe yah khas rang tumhare pas bheja haian. tum sab janavaroan ko bula lao to maian bhagavan ka sandesh sunaooan.'
          usaki batoan ka sab par gahara prabhav pada. ve jakar jangal ke doosare sabhi janavaroan ko bulakar lae. jab sab a ge to ranga siyar ek ooanche patthar par chadhakar bola 'vany praniyo, prajapati brahma ne mujhe khud apane hathoan se is alaukik rang ka prani banakar kaha ki sansar mean janavaroan ka koee shasak nahian hai. tumhean jakar janavaroan ka raja banakar unaka kalyan karana hai. tumhar nam samrat kakudum hoga. tinoan lokoan ke vany jiv tumhari praja hoange. ab tum log anath nahian rahe. meri chhatr-chhaya mean nirbhay hokar raho.'
sabhi janavar vaise hi siyar ke ajib rang se chakarae hue the. usaki batoan ne to jadoo ka kam kiya. sher, bagh v chite ki bhi oopar ki saans oopar aur niche ki saans niche rah gee. usaki bat katane ki kisi mean himmat n huee. dekhate hi dekhate sare janavar usake charanoan mean lotane lage aur ek svar mean bole 'he bahma ke doot, praniyoan mean shreshth kakudum, ham apako apana samrat svikar karate haian. bhagavan ki ichchha ka palan karake hamean badi prasannata hogi.'
ek boodhe hathi ne kaha 'he samrat, ab hamean bataie ki hamar kya kartavy haian?'
ranga siyar samrat ki tarah panja uthakar bola 'tumhean apane samrat ki khoob seva aur adar karana chahie. use koee takaliph nahian honi chahie. hamare khane-pine ka shahi prabandh hona chahie.'
sher ne sir jhukakar kaha 'maharaj, aisa hi hoga. apaki seva karake hamara jivan dhany ho jaega.'
bas, samrat kakudum bane range siyar ke shahi that ho ge. vah rajasi shan se rahane laga.
kee lomadiyaan usaki seva mean lagi rahatian bhaloo pankha jhulata. siyar jis jiv ka maans khane ki ichchha zahir karata, usaki bali di jati.
jab siyar ghoomane nikalata to hathi age-age sooand uthakar bigul ki tarah chianghadata chalata. do sher usake donoan or kamaando badi gard ki tarah hote.
roj kakudum ka darabar bhi lagata. range siyar ne ek chalaki yah kar di thi ki samrat banate hi siyaroan ko shahi adesh jari kar us jangal se bhaga diya tha. use apani jati ke siyaroan dvara pahachan lie jane ka khatara tha.
ek din samrat kakudum khoob kha-pikar apane shahi maand mean aram kar raha tha ki bahar ujala dekhakar utha. bahar aya chaandani rat khili thi. pas ke jangal mean siyaroan ki toliyaan ‘hoo hoo SSS’ ki boli bol rahi thian. us avaz ko sunate hi kakudum apana apa kho baitha. usake adanr ke janmajat svabhav ne zor mara aur vah bhi muanh chaand ki or uthakar aur siyaroan ke svar mean milakar ‘hoo hoo SSS’ karane laga.
sher aur bagh ne use ’hoo hoo SSS’ karate dekh liya. ve chauanke, bagh bola 'are, yah to siyar hai. hamean dhokha dekar samrat bana raha. maro nich ko.'
sher aur bagh usaki or lapake aur dekhate hi dekhate usaka tiya-paancha kar dala.

sikh- nakali pan ki pol der ya saber zaroor khulati hai.