रानी गाइदिनल्यू  हिन्दी देवनागरी में पढ़ें।

rani gaidinalyoo
rani gaidinalyoo
poora nam rani gaidinalyoo
janm 26 janavari, 1915
janm bhoomi manipur, bharat
mrityu 17 faravari, 1993
karm bhoomi bharat
puraskar-upadhi padmabhooshan
prasiddhi svatntrata senani
nagarikata bharatiy
any janakari jhansi ki rani lakshmibaee ke saman hi viratapoorn kary karane ke lie rani gaidinalyoo ko 'nagalaind ki rani lakshmibaee' kaha jata hai.

rani gaidinalyoo (angrezi: Rani Gaidinliu , janm- 26 janavari, 1915, manipur, bharat; mrityu- 17 faravari, 1993) bharat ki prasiddh mahila krantikariyon men se ek thin. unhonne desh ko azadi dilane ke lie nagalaind men apani krantikari gatividhiyon ko anjam diya. jhansi ki rani lakshmibaee ke saman hi viratapoorn kary karane ke lie inhen 'nagalaind ki rani lakshmibaee' kaha jata hai. jab rani gaidinalyoo ko apani krantikari gatividhiyon ke karan angrezon ne giraftar kar liya, tab pndit javaharalal neharoo ne kee varshon ki saza kat chukin rani ko rihaee dilane ke prayas kie. kintu angrezon ne unaki is bat ko nahin mana, kyonki ve rani se bahut bhayabhit the aur unhen apane lie khataranak manate the.

janm tatha svabhav

rani gaidinalyoo ka janm 26 janavari, 1915 ee. ko bharat ke manipur rajy men pashchimi zile men hua tha. vah bachapan se hi bade svatntr aur svabhimani svabhav ki thin. 13 varsh ki umr men hi vah naga neta jadonag ke sampark men aeen. jadonag manipur se angrezon ko nikal bahar karane ke prayatn men lage hue the. ve apane andolan ko kriyatmak roop de pate, usase pahale hi giraphtar karake angrezon ne unhen 29 agast, 1931 ko fansi par lataka diya.

krantikari jivan

jadonag ke bad ab svatntrata ke lie chal rahe andolan ka netritv balika gaidinalyoo ke hathon men a gaya. unhonne mahatma gandhi ke andolan ke bare men sunakar british sarakar ko kisi bhi prakar ka kar n dene ki ghoshana ki. nagaon ke kabilon men ekata sthapit karake unhonne angrezon ke viruddh snyukt morcha banane ke lie qadam uthaye. unake tejasvi vyaktitv aur nirbhayata ko dekhakar jan-jatiy log unhen sarvashaktishali devi manane lage the. neta jadonag ko fansi de die jane se bhi logon men asntosh vyapt tha, gaidinalyoo ne use sahi disha ki or moda. solah varsh ki is balika ke sath keval char hazar sashastr naga sipahi the. inhin ko lekar bhoomigat gaidinalyoo ne angrezon ki fauj ka samana kiya. vah gurilla yuddh aur shastr snchalan men atyant nipun thin. angrez unhen badi khoonkhar neta manate the. doosari or janata ka har varg unhen apana uddharak samajhata tha.

giraftari

rani gaidinalyoo par jari dak tikat

rani dvara chalaye ja rahe andolan ko dabane ke lie angrezon ne vahan ke kee ganv jalakar rakh kar die. par isase logon ka utsah kam nahin hua. sashastr nagaon ne ek din khuleam 'asam raiphals' ki sarakari chauki par hamala kar diya. sthan badalate, angrezon ki sena par chhapamar prahar karate hue gaidinalyoo ne ek itana bada qila banane ka nishchay kiya, jisamen unake char hazar naga sathi rah saken. is par kam chal hi raha tha ki 17 aprail, 1932 ko angrezon ki sena ne achanak akraman kar diya. gaidinalyoo giraftar kar li geen. is samay rani ne kaha tha, "main unake lie jngali janavar ke saman thi, isalie ek majaboot rassi meri kamar se bandhi gee. doosare din kohima men mere doosare chhote bhaee khyooshiyang ki kroorata se pitaee ki gee. kadakadati thnd men hamare kapade chhin kar hamen raton men thithurane ke lie chhod diya gaya, par mainne dhiraj nahin khoya tha." rani ko inphal jel men rakha gaya aur un par rajadroh ka aparadh lagakar mukadama chalaya gaya, jisamen unhen ajivan karavas ki saja di gee.

angrezon ka bhay

san 1937 men pndit javaharalal neharoo ko asam jane par rani gaidinalyoo ki virata ka pata chala to unhonne unhen 'nagaon ki rani' ki sngya di. neharoo ji ne unaki rihaee ke lie bahut prayas kiya, lekin manipur ke ek deshi riyasat hone ke karan is kary men saphalata nahin mili. angrez ab bhi rani gaidinalyoo ko apane lie sabase bada khatara manate the aur unaki rihaee se bhayabhit the.

rihaee tatha samman

1947 ee. men desh ke svatntr hone par hi rani gaidinalyoo jel se bahar a sakin. jab ve riha hokar aeen, to nagalaind men unaka bhavy svagat hua. jel se riha hone ke bad kuchh samay rani ne avakash ke roop men bitaya. tatpashchat apane kshetr ke kabile ki rajanitik tatha samajik samasyaon ke samadhan ke lie unhonne mahatvapoorn bhoomika nibhana shuroo kar diya. rani ne is desh ki ajadi ke lie apani javani tak bali par chadha di thi. is apoorv tyag ke lie unhen kabhi bhulaya nahin ja sakata. unaka jivan bharatiy mahilaon ko sadaiv deshabhakti ki prerana deta rahega. svatntrata sngram men sahasapoorn yogadan ke lie pradhanamntri ki or se tamrapatr dekar aur rashtrapati ki or se 'padmabhooshan' ki manad upadhi dekar unhen sammanit kiya gaya tha.

desh ki ajadi ke sngharsh ke dauran jin mahilaon ne lnbe samay tak karavas ki saja bhugati, rani gaidinalyoo unamen se ek thin. 1932 ee. men jabaki ve 17 varsh ki thin, tab unhonne angrejon ke khilaph sngharsh prarnbh kiya tha. atah unhen bndi banakar jel men dal diya gaya tha aur 1947 men jab desh ko ajadi mili, tab unhen riha kiya gaya. is prakar nagalaind ki rani gaidinalyoo 1932 se 1947 ee. tak (ajadi se poorv tak) jel ke sinkhachaun ke pichhe rahin. jab vah riha hokar aeen, to unaki poori javani aur sundarata jel ki phauladi sinkhachaun ki bhent chadh chuki thi. san 1935 men jab desh men prantiy svashasan lagoo hua, to us samay samast bade-bade netaon ko jel se riha kar diya gaya tha. gandhiji ke prayatnon se us samay lnbi saja bhugatane vali krantikari mahilaon ko bhi jel se chhod diya gaya tha. us samay matr rani gaidinalyoo hi aisi mahila thin, jinhen jel se riha nahin kiya gaya. javaharalal neharoo ne jel men jakar gaidinalyoo se bhent ki aur unaki rihaee ke lie unhonne athak prayatn kie. yahan tak ki british adhikariyon se patr-vyavahar tak kiya. alipur men kangres ka adhiveshan hua, tab neharoo ne rani ki rihaee ke lie ek prastav bhi pas karavaya tha, parntu yah sare prayas vyarth siddh hue.

neharoo ke hriday men is bat ki jabaradast pida thi ki anek prayatnon ke bavajood bhi vah rani gaidinalyoo ko jel se mukt nahin karava sake the. ek avasar par unhonne kaha tha-

us nanhi bahadur ladaki ne apani deshabhakti ke josh men ek vishal samrajy ko chunauti di thi, magar use kitani yatanayen aur kitani ghutan sahani pad rahi hai. pahad ki taji khushanuma havaon men vah kabhi nahin a sakegi. pahad ki dhalanon aur jngali kuon men ab vah kabhi ajadi se nahin ghoom sakegi. vah chhoti chidiya-si gaidinalyoo rani chupachap baithi rahati hogi. andhere men kaid. chhoti-si kothari men akele, bilkul akele apani yatanaon ko chupachap jhelate hue. aphasos yah hai ki hindustan apani is bahadur bitiya ke bare men janata tak nahin. bharat ki bahadur beti naga pahadiyon ki vah pavitr sntan hai, jisaki sans-sans men pahadi havaon ki ajadi basi huee hai. usake pradesh ke log ise pyar se, ijjat aur du:kh se yad kar rahe hain. ek din aega, jab sara hindustan use yad karega, use ijjat bakhshega aur kaidakhane ke daravaje khol kar bahar le aega."

pndit neharoo ne angrez sarakar se uparyukt apil ki thi, parntu us par isaka koee prabhav nahin pada. usane rani gaidinalyoo ko riha nahin kiya. isake viparit vayasaray ne rani gaidinalyoo ki rihaee ke lie asam ki asenbali men prashn poochhane par pratibndh laga diya. isase spasht hota hai ki rani gaidinalyoo se angrez kitane atnkit the. ve unhen ek khataranak vidrohi manate the. atah rani ko jel se riha karake kisi prakar ka khatara mol lene ke lie taiyar nahin the. rani gaidinalyoo angrejon ki sabase bhaynkar shatru thin. isake atirikt unhonne hajaron vidrohi nagaon ki ek vishal krantikari sena gathit ki thi, vah bhi angrejon ki kattar shatru thi. angreji sena isase atynt bhayabhit evn atnkit thi. apane kshetr men rani ke prati nagaon ki itani adhik shraddha thi ki unake chhue jal ki botal us samay 10 rupaye men bikati thi, kyonki nagaon ka aisa manana tha ki is jal ko pine matr se rogon se mukti prapt ho sakati hai. rani gaidinalyoo ka apane anuyayiyon par jabaradast prabhav tha.

nidhan

rani gaidinalyoo ka nidhan 17 faravari, 1993 ko hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 720 |


snbndhit lekh