लोकनृत्य  हिन्दी देवनागरी में पढ़ें।

bihoo nrity, asam
Bihu Dance, Assam

bharatiy lokanrityon ke antargat annt prakar ke svaroop aur tal hain. inamen dharm, vyavasay aur jati ke adhar par antar paya jata hai. madhy aur poorvi bharat ki janajatiyan (muriya, bhil, gond, juang aur snthal) sabhi avasaron par nrity karati hain. jivan chakr aur rituon ke varshik chakr ke lie alag-alag nrity hain. nrity, dainik jivan aur dharmik anushthanon ka ang hai. badalati jivan shailiyon ke karan nrityon ki prasngikata vishisht avasaron se bhi age pahunch gee hai. nrityon ne kalatmak-nrity ka darja prapt kar liya hai. pratyek utsav ya sarvajanik ayojan men in nrityon ka dikhaee dena samany bat hai. prativarsh 26 janavari, bharatiy ganatntr divas ek aisa mahattvapoorn avasar hai, jab neshanal stediyam ke vishal kshetr aur pared ke 8 kilomitar lambe marg par nrity karane ke lie desh ke sabhi bhagon se nartak dilli ate hain.

bharatiy lokanrityon ka vargikaran karana kathin hai, lekin samany taur par inhen char vargon men rakha ja sakata hai.

  • vrittimoolak (jaise jutaee, buaee, machhali pakadana aur shikar),
  • dharmik,
  • anushthanik (tantrik anushthan dvara prasann kar devi ya danav-pretatma ke kop se mukti ke lie) aur
  • samajik (aisa prakar jo uparokt sabhi vargon men shamil hai).

prasiddh samajik lokanrityon men kolayacha (koliyon ka nrity) shamil hai. pashchimi bharat ke konkan tat ke machhuaron ke mool nrity kolayacha men naukayan ki bhavabhngima dikhaee jati hai. mahilaen apane purush sathiyon ki or rumal laharati hain aur purush thirakati chal ke sath age badhate hain. vivah ke avasar par yuva koli (machhuare) navadnmpati ke svagam men ghareloo bartan hath men pakadakar galiyon men nrity karate hain aur nrity ke charam par pahunchate hi navadnmpati bhi nachane lagate hain.

lok nrity ki takanik aur isake prakar

ghoomar nrity, rajasthan
Ghoomar Dance, Rajasthan

ghoomar rajasthan ka samajik lokanrity hai. mahilaen lambe ghaghare aur rngin chunari pahanakar nrity karati hain. is kshetr ke kachchi ghodi nartak vishesh taur par darshaniy hai. dhal aur lambi talavaron se lais nartakon ka oopari bhag doolhe ki paramparik veshabhoosha men rahata hai aur nichale bhag ko bans ke dhanche par kagaz ki lugadi se bane ghode se dhaka jata hai. nartak, shadiyon aur utsavon par barechhebazi ka muqabala karate hain. bavari log lokanrity ki is shaili ke kushal kalakar hain. pnjab kshetr men sabase adhik joshila lokanrity fasal kataee ke avasar par bhangada hai, jo bharat-pakistan sima ke donon or kiya jata hai aur lokapriy bhi hai. is nrity ke sath-sath git gaya jata hai. pratyek pnkti ki samapti par dhol goonjata hai aur antim pnkti sabhi nartak milakar gate hain. bhangada ke harshonmad ka nrity hai, jisamen har ayu ke purush nachate hain. ve masti men chillate aur golaee men ghoomate hue nrity karate hain aur unake kndhe aur koolhe dhol ki lay par thirakate hain.

andhr pradesh ka nrity

andhr pradesh ki lnbadi janajati ki khanabadosh mahilaen shishon se jade shirovastr aur ghaghare pahanati hain aur apani bajoo chaude safed haddiyon ke bane knganon se dhakati hain. ve dhire-dhire jhoomate hue nrity karati hain. jabaki purush dhol bajane aur gane ka kam karate hain. unaka samajikenrity avegapoorn shobha aur gitimayata se otaprot hota hai aur yah vishv ke any bhagon ke bnjaron ke nrity se apekshakrit kam prachnd hota hai.

kuchi pudi nrity, andhr pradesh
Kuchipudi Dance, Andhra Pradesh

madhy pradesh ka nrity

madhy pradesh men muriya janajati ka gaval-sing (pahadi bhainsa) nrity purushon aur mahilaon, donon ke dvara kiya jata hai. jo paramparik taur par barabari ka jivan vyatit karate hain. purush sing se jade shirovastr guchchhedar pnkh ke sath pahanate hain aur unake cheharon par kaudi ki jhalar latakati hai. unake gale men lakadi ke latth jaisa dhol latakata hai. mahilaon ke sir chaudi thos pital ki mala se aur sina bhari dhatu ke gahanon se dhake hote hain aur unake hathon men dhol jaise mnjire hote hain. 50 se 100 ki snkhya men stri v purush milakar nrity karate hain. gaval (baisan) ke vesh men purush ek-doosare par hamala karate v ladate hain aur singon se patton ko udate hue ve prakriti ke milan ke mausam ki gatishil abhivyakti karate hue nrityanganaon ka pichha karate hain. udisa men juang janajati sashakt paurushapoorn phurti ke sath pakshiyon aur pashuon ka nrity bade sajiv abhinay ke sath karati hain, dharmik lokanrityon ke kuchh pramukh udaharan haiah maharashtr ke dindi aur kala nrity, jo dharmik ullas ki abhivyakti hai. nartak gol chakkar men ghoomate hain aur chhoti lathiyan (dindi) zamin par marate hue samoohagan ke mukhy gayak bichon bich khade dhol vadak ka sath dete hain. lay men tezi ate hi nartak do paktiyan bana lete hain aur dany panv ko jhukakar bane panv ke sath age badhate hain aur is prakar jyamiti ke akar banate hain. kala nrity men ek bartan men dahi hona zaroori hai, jo urvarata ka pratik hai. nartakon ka samooh do vritt banata hai. jisamen ek nartak ke oopar doosara nartak hota hai. ek purush in donon vritton ke oopar chadhakar oopar lataki dahi ki mataki phodata hai. jisamen dahi nartakon ke sharir par phail jata hai. is anushthanik shuruat ke bad nartak jabaradast ran nrity ki mudra men apani lathiyan aur talavaren ghumate hain.

gujarat ka nrity

garaba nrity, gujarat
Garba Dance., Gujarat

garaba, jo vastav men ek dharmik hndiya ko kahate hain, gujarat ka suprasiddh dharmik nrity hai. yah navaratri ke nau din ke varshik utsav ke dauran 50 se 100 mahilaon ke samooh dvara devi anba ke samman men kiya jata hai. jinhen bharat ke any bhagon men durga ya kali ke nam se jana jata hai. mahilaen gol chakkar men ghoomate hue jhukati, mudati, hathon se taliyan aur kabhi-kabhi anguliyon se chutaki bajati hain. is nrity ke sath devi ki stuti men git bhi gae jate hain.

tamilanadu rajy ka nrity

dharmik anushthan se jude lokanrityon ki annt shailiyon men kee ka chamatkarik mahattv hai aur ye puratan upasana se judi hain. tamilanadu rajy ka karakam nrity mukhyatah mariyammee (mahamari ki devi) ki pratima ke samaksh varshik utsav par devi se mahamari ka prakop n phailane ki prarthana ke sath kiya jata hai. nartak ke sir par lambe bans ke dhanche se dhake kachche chaval ka bartan rakha jata hai. jise nartak ko nrity ki uchhal-kood ke dauran bina chhue sambhale rakhana hota hai. log ise devi ki kripa manate hain aur kahate hain ki nartak ke sharir men devi pravesh karati hai. jisake karan yah chamatkar hota hai. keral men hinduon ke poojy devon tatha danavon ko prasann karane ke lie therayattam utsav ayojit kiya jata hai. vismayakari veshabhoosha aur mukhauton se lais nartak ganv ke pooja sthal ke samane anokha anushthan karate hain. ek shrriddhalu murge ki bhent chadhata hai. jise nartak jhapat leta hai aur ek hi jhatake men usaka sir alag kar deta hai v ashirvad dete hue use shrriddhalu ka lauta deta hai. is samaroh ke sath lamba aur mnthar nrity chalata rahata hai.

manipuri nrity, manipur
Manipuri Dance, Manipur

arunachal pradesh ka nrity

arunachal pradesh (bhootapoorv poorvottar phrntiyar ejensi 'nepha') men sabase zyada mukhauta nrity kie jate hain. yahan tibbat ki nrity shailiyon ka prabhav dikhaee deta hai. yak nrity kashmir ke laddakh kshetr aur asam ke nikat himalay ke dakshini simavarti kshetron men kiya jata hai. yak ka roop dharan kie nartak apani pith par chadhe adami ko sath lie nrity karata hai. mukhauton ke sath kie jane vale lokanrity sada topotsen men purush nartak bhadakile zaridar resham ke lambe kurate pahanate hain. jinaki chaudi jhoolati bahen hoti hain. ve ajibo garib muskan vale lakadi ke mukhaute pahanate hain. jin par khopadiyon ka mukut hota hai. jo paralok ki atmaon ka pratinidhitv karati hai. nartak bich-bich men koodate hue takatavar lekin dhimi chakkaradar mudraen banate hain. mukhauta nrity ki ek anoothi shaili chhoo ko jharakhnd (bhootapoorv bihar) ke poorv—sarayakela riyasat ke ek shahi parivar ne snrakshit rakha hai. nartak bhagavan, pashu, pakshi, shikari, indradhanush, rat ya phool ka roop dharan karata hai. vah ek chhote prasng ka abhinay karata hai aur aprail men varshik chaitr utsav men kee bhavachitron ki ek ladi prastut karata hai. chhoo mukhaute adhikanshatah manaviy lakshanon se yukt hote hain. jinhen vividh bhav dikhane ke lie thoda-bahut paravartit kiya jata hai. sadharan sapat rngon men chitrit mukhauton ki shant abhivyakti kathakali ke vyapak roop shrringar ya kandayan mukhauton ki zaroorat se zyada pishachiy akriti aur japan ke 'no drama' se bahut alag dikhati hai. choonki chhoo nartak ka chehara bhavahin hota hai, isalie usaka sharir hi patr ke sampoorn bhavanatmak aur manovaigyanik tanavon ko vyakt karata hai. usake panv bhngima-bhasha ka prayog karate hain. usake pnje pashu ke pnjon ki tarah phurtile, sakriy aur bhavabodhak hote hain. nrity ke dauran gayan nahin hota, sirf vady sngit hota hai. udisa ke mayoorabhnj zile men kie jane vale chhoo nrity ki ek any shaili men nartak mukhaute nahin pahanate, parantu jan-boojhakar sakht aur achal chehare banakar mukhaute ka bhram dete hain. unaka nrity shram aur karatab se bhara hota hai.

lok nrity ki shailiyan

bharat ki prachin snskriti ne, lok nrityon ke vibhinn svaroopon ko janm diya hai. snskriti v parnparaon ki vividhata lok nrityon men saf jhalakati hai. vibhinn rajyon ke in nrityon men jivan ka pratibinb hai aur nrityn ki lagabhag har mudra ka vishisht arth hota hai.

bhangada, pnjab
Bhangra., Punjab

rasalila, lokanrity ki pramukh vidha ke alava chaitr tatha ashvini mas ki navaratriyon men mahilaon ke languriya nrity hote hain . isake dauran mahilayen languriya gati hain aur madhy men ek mahila dvara anek mudrajan nrity ka pradarshan hota hai . gramin anchal men holi ke doosare din se basoda ya snvatsar pratipada tak hurnga nrity chalata hai . isamen gram ke thokon ke anusar stri–purush saynkal ekatrit hokar holi gate hue nrity karate hain . nrity men yuva stri–purush hi nachate hain . shesh sabhi ayu ke stri-purush gayan vadan karate hain . vadan men nagade, dhap, dhol, khnjari' bansuri, alagoja, bam, chng, upng mochng, dhapali adi vadyon ka prayog hota hai . hurnga nrity men daooji ka hurnga prasiddh hai . vallabh sampraday ke mndiron men basnt pnchami se chaitr krishn dvitiya tak dhadha–dhadhi nrity ka ayojan hota hai . yah nrity saynkal ke samay shri thakuraji ke samane shayan ke darshanon men hota hai . kalavidh stri–purush vesh men rasiya aur dhamar pad gayan ke sath alag-alag apana nrity pradarshit kar darshakon ko bhavavibhor kar dete hain . is nrity ki parampara men mathura ka shri dvarikadhish mndir agrani hai .


nrisinh nrity vaishakh shukla chaturdashi ko sooryast ya poornima ki prat: bela men hota hai . nrisinh banane vale kalakar ko us din vrat rakhana padata hai aur nartak nrisinh vesh tatha chehare ko pahanata hai . any sabhi tabala ghanta, ghadiyal, jhanjh adi baje ek vishisht svar tal men bajate hain , jinake bol 'jai nrisinh, jai nrisinh jai, jai, jai, jai, jai nrisinh jai jai jai bhee jai jai jai, hiranakus maryo tuhi tuhi-narsiha narachai theee theee' hai .

ise nrisinh nrity n kahakar nrisinh lila bhi kaha jata hai , jisaka sambandh hiranyakashyap dvara prahalad ji ko sataye jane se lekar hiranyakashyap ki purani katha se hai . yah nrity vishesh kar mathura nagar ke dvarakadhish mndir, nrisinh bagichi bhooteshvar, golapada, manik chauk, svami ghat, kuan gali, sataghada men hota hai . inake atirikt vivahon ke dauran vibhinn jatiyon ke nrityon ka bhi janapad men chalan hai . inamen 'mandhayau jaganau', 'lalamaniya bhairo' nrity sahit kuchh any nrity bhi shamil hain.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah