लोक सभा  हिन्दी देवनागरी में पढ़ें।

(लोकसभा se punarnirdeshit)

pratham lokasabha ka gathan 17 aprail, 1952 ko hua tha. isaki pahali baithak 13 mee, 1952 ko huee thi. lokasabha ke gathan ke sambandh men snvidhan ke do anuchchhed, yatha 81 tatha 331 men pravadhan kiya gaya hai. mool snvidhan men lokasabha ki sadasy snkhya 500 nirdharit ki gayi thi, kintu bad men isamen vriddhi ki gayi. 31ven snvidhan snshodhan, 1974 ke dvara lokasabha ki adhikatam sadasy snkhya 547 nishchit ki gayi. vartaman men gova, daman aur div punargathan adhiniyam, 1987 dvara yah abhinirdharit kiya gaya hai ki lokasabha adhikatam sadasy snkhya 552 ho sakati hai. anuchchhed 81(1) (k) tatha (kh) ke anusar lokasabha ka gathan rajyon men pradeshik nirvachan kshetron se pratyaksh nirvachan dvara chune hue 530 se adhik n hone vale sadasyon tatha sngh rajy kshetron ka pratinidhitv karane vale 20 se adhik n hone vale sadasyon ke dvara kiya jaega. is prakar lokasabha men bharat ki janasnkhya dvara nirvachit 550 sadasy ho sakate hain. anuchchhed 331 ke anusar yadi rashtrapati ki ray men lokasabha men angl bharatiy samuday ko paryapt pratinidhitv n mila ho to vah angl bharatiy samuday ke do vyaktiyon ko lokasabha ke lie namanirdeshit kar sakata hai. at: lokasabha ki adhikatam sadasy snkhya 552 ho sakati hai. yah snkhya lokasabha ke sadasyon ki saiddhantik ganana hai aur vyahavaharat: vartaman samay men lokasabha ki prabhavi snkhya 530 (rajyon ke pratinidhi) + (sngh kshetron ke pratinidhi) + 2 rashtrapati dvara nam nirdeshit = 545 hai.

sthanon ka abntan

lokasabha men sthanon ko abntit karane ke lie do prakriya apanayi jati hain-

  1. pahala pratyek rajy ko lokasabha men sthanon ka abntan aisi riti se kiya jata hai ki sthanon ki snkhya se us rajy ki janasnkhya ka anupat sabhi rajyon ke lie yathasadhy ek hi ho, tatha
  2. doosara pratyek rajy ko pradeshik nirvachan kshetron men aisi riti se vibhajit kiya jata hai ki pratyek nirvachan kshetr ki janasnkhya ka usako abntit sthanon ki snkhya se anupat samast rajy men yathasadhy ek hi ho.

ankadon ka adhar

ukt donon kary aise pradhikari dvara aisi riti se, jise snsad vidhi dvara sunishchit kare, pratyek janaganana ki samapti par prakashit susngat ankadon ke adhar par kiye jate hain. lekin 42ven snvidhan snshodhan, 1976 ke dvara yah pravadhan kar diya gaya hai ki jab tak 2001 ki janaganana ke ankade prakashit nahin ho jate, tab tak lokasabha ki sadasy snkhya 545 hi rahegi. 91van snvidhan snshodhan adhiniyam 2001 ke dvara ab yah vyavastha 2026 tak yathavat bani rahegi.

parisiman adhiniyam

lokasabha men rajyon ke sthanon ke abntan tatha rajyon ko pradeshik kshetron men vibhajit karane ke lie snsad dvara parisiman adhiniyam, 1952 parit kiya gaya hai. parisiman adhiniyam, 1952 men pravadhan kiya gaya hai ki snsad pratyek janaganana ke susngat ankadon ke prakashan ke bad parisiman ayog ka gathan karegi. is parisiman adhiniyam ke adhin trisadasyiy parisiman ayog ka gathan kiya jata hai, jise navinatam janaganana ke ankadon ke adhar par lokasabha men vibhinn rajyon ko sthanon ke abntan ko, pratyek rajy ki vidhanasabhaon ke kul sthanon ka tatha lokasabha aur rajy ki vidhan sabha ke nirvachanon ke prayojan ke lie pratyek rajy ko pradeshik nirvachan kshetron men vibhajan ka pun: samayojan karane ka kartavy saunpa jata hain is prakar gathit ayog ne 1974 men lokasabha men rajyon tatha sngh rajy kshetron ke sthanon ka abntan kiya tha, jisake anusar 530 sthan rajyon ke lie tatha 13 sthan sngh rajyakshetron ke lie abntit kiye gaye the.

chautha parisiman ayog

lokasabha v vidhanasabhaon ke nirvachan kshetron ka parisiman karane ke liy nyayamoorti kuladip sinh ki adhyakshata men chautha parisiman ayog ka gathan varsh 2001 men kiya gaya. ayog ne apana kary 2004 men prarambh kiya. prarambh men parisiman ka kary 1991 ki janaganana ke adhar par kiya jana tha, parantu 23 aprail, 2002 ko kendriy mntrimandal ne isase sambandhit ek snshodhan vidheyak ko anumodit karate hue yah nirdharit kiya ki nirvachan kshetron ka parisiman ab 2001 ki janaganana ke adhar par kiya jaega. isake lie parisiman (87van snshodhan) adhiniyam, 2003 ko adhiniyntrit kiya gaya. nirvachan kshetron ka yah parisiman 30 varshon ke pashchath nyayamoorti kuladip sinh ki adhyakshata vale chauthe parisiman ayog ne apana karyakal 31 mee, 2008 ko samapt ghoshit kiya. halanki ayog ka karyakal 31 julaee, 2008 tak nirdharit tha. ayog ne apane karyakal men lokasabha ke 543 evn 24 vidhanasabhaon ke 4120 nirvachan kshetron ka parisiman kiya hai. panch rajyon asam, arunachal pradesh, manipur, nagalaind aur jharakhand men parisiman nahin kiya ja saka hai, jabaki jammoo-kashmir ke lie ise lagoo nahin kiya gaya tha. in chh: rajyon ko chhodakar shesh sabhi rajyon men naye parisiman ke adhar par matadata soochiyan taiyar ki gee hain.

parisiman ayog ne sarakar se yah snstuti ki hai ki anusoochit jati ke lie arakshit siton ke lie roteshan lagoo karana chahie. isake lie 2002 ke parisiman adhiniyam ke sath-sath snvidhan men bhi snshodhan karana hoga. isake sath hi ayog ne ab prati 10 varsh bad nee janaganana ke adhar par parisiman karane ki sifarish ki hai. ayog ne lokatntr ke tinon charanon pnchayat, vidhan sabha aur lokasabha ke nirvachan kshetron ka parisiman sugam banaye rakhane ke lie agami janaganana pnchayat ke adhar par karane ki snstuti ki hai. ayog ki yah sifarish usaki riport ka bhag nahin hai, at: yah sarakar ke lie badhyakari nahin hai. desh men pahala parisiman ayog 1952 men, doosara 1962 men aur tisara aisa ayog 1973 men gathit kiya gaya tha.

siton ki snkhya aur prakar

  • samany/am nirvachan kshetr - 423
  • anusoochit jati hetu arakshit nirvachan kshetr - 79
  • anusoochit janajati hetu arakshit nirvachan kshetr - 41
  • angl bharatiy samuday ke manonayan ke lie nirdharit sit - 2

kul siten = 545 (543+2)

sthanon ka arakshan

anuchchhed 330 ke tahat lokasabha men anusoochit jatiyon, anusoochit janajatiyon aur anuchchhed 331 ke tahat angl bharatiy samuday ke logon ke lie sthanon ke arakshan ka pravadhan hai. kisi rajy athava sngh shasit kshetr men anusoochit jatiyon ya janajatiyon ke lie arakshit sthanon ki snkhya up rajy ke lie lokasabha men abntit sthanon ki kul snkhya aur sambandhit rajy men anusoochit jatiyon ya janajatiyon ki kul snkhya ke anupat ke barabar hogi.

anusuchit jatiyon, janajatiyon v angl bharatiyon ke lie lokasabha men siton ke arakshan sambandhi pravadhan snvidhan ke anuchchhed 334 ke antargat moolat: 10 varshon ke lie kiya gaya tha, jise 1960 ke athaven snvidhan snshodhan, 1969 ke 23ven snvidhan snshodhan, 1980 ke 45ven snvidhan snshodhan, 1989 ke 62ven snshodhan tatha 1999 ke 79ven snvidhan snshodhan adhinayam ke dvara kramash: 10-10 varsh ke lie badhaye gaye. 1999 ke 79ven snvidhan snshodhan adhiniyam ke dvara badhaee gee 10 varsh ki avadhi 25 janavari, 2010 ko samapt hone se poorv snsad dvara agast, 2009 men 190van snvidhan snshodhan vidheyak parit karate hue lokasabha men anusoochit jatiyon, janajatiyon v angl bharatiyon ki siton ka yah arakshan agami 10 varshon arthath janavari 2020 tak upalabdh rahega. is snshodhan ke tahat anuchchhed 334 men 60 varshon ke sthan par 70 varsh shamil kiya gaya hai.

nirvachan

lokasabha ke sadasy bharat ke un nagarikon dvara chune jate hain, jo ki vayask ho gaye hain. 61ven snvidhan snshodhan adhiniyam, 1989 ke poorv un nagarikon ko vayask mana jata tha, jo ki 21 varsh ki ayu poori kar lete the, lekin is snshodhan ke dvara yah vyavastha kar di gee ki 18 varsh ki ayu poori karane vala nagarik lokasabha ya rajy vidhanasabha ke sadasyon ko chunane ke lie vayask mana jaega. lokasabha ke sadasyon ka chunav vayask matadan ke adhar par hota hai. bharat men 1952 se lekar ab tak ki avadhi men 15 lokasabha chunav hue hain. 15 lokasabha chunav hue hain.

avadhi

lokasabha ka gathan apane pratham adhiveshan ki tithi se panch varsh ke lie hota hai, lekin pradhanamntri ki salah par lokasabha ka vighatan rashtrapati dvara 5 varsh ke pahale bhi kiya ja sakata hai. pradhanamntri ki salah par lokasabha ka vighatan jab kar diya jata hai, tab lokasabha ka madhyavadhi chunav hota hai, kyonki snvidhan ke anusar lokasabha vighatan ki sthiti men 6 mas se adhik nahin rah sakati. aisa isilie bhi avashyak hai, kyonki lokasabha ke do baithakon ke bich ka samayantaral 6 mas se adhik nahin hona chahie. ab tak lokasabha ka usake gathan ke bad 5 varsh ke bhitar char bar arthath 1970 men tatkalin pradhanamntri indira gandhi ki salah par, 1979 men tatkalin pradhanamntri charan sinh ki salah par, 1991 men tatkalin pradhanamntri chandrashekhar ki salah par, 1998 men tatkalin pradhanamntri indrakumar gujaral ki salah par aur 1999 men pradhanamntri atal bihari vajapeyi ki salah par vighatan hua aur is prakar madhyavadhi chunav karaye gaye.

vishesh paristhiti men lokasabha ki avadhi 1 varsh ke lie badhayi ja sakati hai. parantu lokasabha ki avadhi ek bar men 1 varsh se adhik nahin badhayi ja sakati aur kisi bhi sthiti men apatakal ki udaghoshana ki samapti ke bad lokasabha ki avadhi 6 mah se adhik nahin badhayi ja sakati hai, arthath apat udaghoshana ki samapti ke bad 6 mah ke andar lokasabha ka samany chunav karakar usaka gathan avashyak hai. bharat men panchavin lokasabha ki avadhi 6 faravari, 1976 ko 1 varsh ke lie arthath 18 march, 1976 se 18 march, 1977 tak tatha bad men navambar, 1976 men 18 march, 1977 se 18 march, 1978 tak ke lie badha di gayi thi, lekin janavari, 1977 ko hi pradhanamntri ki salah par lokasabha ka vighatan kar diya gaya aur march, 1977 men chhathavin lokasabha ka chunav karaya gaya.

adhiveshan

lokasabha ka adhiveshan 1 varsh men kam se kam do bar hona chahie lekin lokasabha ke pichhale adhiveshan ki antim baithak ki tithi tatha agami adhiveshan ke pratham baithak ki tithi ke bich 6 mas se adhik ka antaral nahin hona chahie, lekin yah antaral 6 mah se adhik ka tab ho sakata hai, jab agami adhiveshan ke pahale hi lokasabha ka vighatan kar diya jae. anuchchhed 85 ke tahat rashtrapati ko samay-samay par snsad ke pratyek sadan, rajyasabha evn lokasabha ko ahut karane, unaka satravasan karane tatha lokasabha ka vighatan karane ka adhikar prapt hai.

vishesh adhiveshan

rashtriy apatakal ki ghoshana ko namnzoor karane ke lie lokasabha ka vishesh adhiveshan tab bulaya ja sakata hai, jab lokasabha ke adhiveshan men n rahane ki sthiti men kam se kam 110 sadasy rashtrapati ko adhiveshan bulane ke lie likhit soochana den ya jab adhiveshan chal raha ho, tab lokasabha ko is ashay ki likhit soochana den. aisi likhit soochana adhiveshan bulane ki tithi ke 14 din poorv deni padati hai. aisi soochana par rashtrapati ya lokasabhadhyaksh adhiveshan bulane ke lie badhy hain.

padadhikari

lokasabha ke nimnalikhit do padadhikari hote hain-

  1. adhyaksh aur
  2. upadhyaksh.

lokasabhadhyaksh

lokasabha adhyaksh lokasabha ka pramukh padadhikari hota hai aur lokasabha ki sabhi karyavahiyon ka snchalan karata hai- 

nirvachan

lokasabha adhyaksh ka nirvachan lokasabha ke sadasyon ke dvara kiya jata hai. nirvachan kis tithi ko hoga, ise rashtrapati nishchit karata hai aur rashtrapati ke dvara nishchit ki gayi tithi ki soochana lokasabha ka mahasachit sadasyon ko deta hai. rashtrapati ke dvara nishchit ki gayi tithi ke poorv din ke madhyahn se pahale koee bhi sadasy kisi any sadasy ko adhyaksh chune jane ka prastav mahasachiv ko likhit roop men deta hai tatha is prastav ka anumodan tisare sadasy dvara diya jata hai. is prastav ke sath us sadasy, jise adhyaksh chune jane ka prastav kiya jata hai, ka yah kathan snlagn hota hai ki vah adhyaksh ke roop men kary karane ke lie taiyar hai. is tarah se ek ya kee prastav kiye jate hain. yadi ek hi prastav pesh kiya jata hai, to chunav sarvasammat hota hai aur yadi ek se adhik prastav pesh kiye jate hain, to chunav matadan ke dvara hota hai.

shapath grahan

lokasabhadhyaksh lokasabha ke adhyaksh ke roop men shapath nahin leta hai balki vah samany sadasy ke roop men shapath leta hai. use lokasabha ka karyakari adhyaksh lokasabha ke sadasy ke roop men shapath grahan karata hai. karyakari adhyaksh ke roop men us vyakti ko namajad kiya jata hai, jo lokasabha men sabase adhik umr ho hota hai.

vetan evn bhatte

lokasabha ke adhyaksh ko rajyasabha ke sabhapati (uparashtrapati) ke saman 1.25 rupaye masik vetan evn any bhatte milate hain. 14 mee, 2002 ko snsad dvara parit ek snshodhan vidheyak ke anusar yadi lokasabha ke adhyaksh ki mrityu usake pad par rahane ki avadhi men hi ho jati hai to usake parivar yani pati ya patni ko penshan, avas aur svasthy suvidhaen mila karengi. dhyatavy hai ki yah suvidha ab tak rashtrapati evn uparashtrapati padon ke lie hi thin. sath hi lokasabhadhyaksh ko kendriy mntri ke saman bhatta dene ka bhi pravadhan kiya gaya hai.

padavadhi

lokasabhadhyaksh ek bar adhyaksh chune jane ke bad agami lokasabha chunav ke gathan ke bad usake pratham adhiveshan ki pratham baithak tak apane pad par bana rahata hai. lekin vah nimnalikhit sthitiyon men adhyaksh pad se mukt ho sakata hai-

  1. yadi vah kisi karan lokasabha ka sadasy nahin rah jata,
  2. yadi vah upadhyaksh ko apana tyagapatr de deta hai,
  3. yadi vah lokasabha ke sadasyon ke bahumat se parit snkalp dvara apane pad se hata diya jata hai. aisa koee snkalp lokasabha men pesh karane ke ashay ki soochana 14 din poorv hi di jani chahie.

jab lokasabha men aise kisi snkalp par bahas hoti hai, to lokasabha ki adhyakshata upadhyaksh ya usaki anupasthiti men any vyakti, jise lokasabha ki prakriya tatha kary snchalan niyam dvara nirdharit kiya jata hai, dvara ki jati hai. 18 disambar, 1954 ko pahali bar lokasabha ke pratham adhyaksh ganesh vasudev mavalnkar ke viruddh unhen pad se hatane ke lie ek prastav laya gaya tha. halanki yah prastav parit nahin ho saka tha.

kary evn shaktiyan

lokasabhadhyaksh ka kary evn shaktiyan lokasabha ke sambandh men kafi adhik hai, jinaka varnan nimn prakar kiya ja sakata hai-

vyavastha sambandhi shaktiyan

lokasabhadhyaksh ko lokasabha men vyavastha banaye rakhane ke sambandh men nimnalikhit shaktiyan pradan ki gayi hain-

  1. karravaee snchalit karane ke lie sadan men vyavastha v maryada banae rakhana.
  2. sadan ki karravaee ke lie samay ka nirdharan karana.
  3. snvidhan aur sadan ke prakriya sambandhi niyamon ki vyakhya karana.
  4. vivadaspad vishayon par matadan karana aur nirnay ki ghoshana karana.
  5. matadan men paksh tatha vipaksh men barabar mat padane ki sthiti men nirnayak mat dena dena.
  6. prastav, prativedan aur vyavastha ke prashnon ko svikar karana.
  7. mntriparishad ke kisi sadasy ko padatyag karane ki sthiti men use sadan ke samaksh apana vaktavy dene ki anumati dena.
  8. sadasyon ko janakari prapt karane ke lie vicharadhin mahattvapoorn vishayon ki ghoshana karana.
  9. snvidhan sambandhi mamalon par apani sammati dena.
  10. ganapoorti ke abhav men sadan ki baithak ko sthagit karana.
  11. kisi sadasy ko apani matribhasha men bolane ki anumati dena tatha usake bhashan ke hindi aur angrezi anuvad ki vyavastha karana.
  12. sadan ke neta ke anurodh par sadan ki gupt baithak ko ayojit karane ki svikriti pradan karana.

  nirikshan tatha bhartsana sambandhi shaktiyan

adhyaksh ki nirikshan tatha bhartsana sambandhi shaktiyan nimnalikhit hain-

  1. snsadiy samitiyon ki adhyakshata karana.
  2. snsadiy samitiyon ke adhyakshon ko nirdesh dena.
  3. sarvajanik hit men sadan ya samiti ko avashyak janakari pradan karane ke lie sarakar ko nirdesh dena.
  4. sadan men asnsadiy tatha anavashyak vichar-vimarsh ko rokana.
  5. sadan men bole gaye asnsadiy tatha ashlil sandarbhon ko sadan ki karravaee se nikalana.
  6. sadan men bolane ke lie sadasyon ko anumati dena.
  7. sadan ke kisi sadasy ko asnsadiy vyavahar ke karan nishkasit karana athava use marshal dvara bahar nikalavana.
  8. sadan men avyavastha ki sthiti utpann hone par sadan ki karyavahi ko sthagit kana.
  9. sadan ke simakshetr ke antargat sadan ke kisi sadasy ki giraphtari ya usake viruddh karravaee karane ki anumati dena.
  10. sadan men pesh kiye gaye visheshadhikar prastav ko svikar karana tatha jisake oopar visheshadhikar hanan ka arop lagaya gaya hai, usake viruddh giraphtari ka adesh jari karana.
  11. kisi vyakti ko sadan ki avamanana karane ya usake visheshadhikar ke ullaghnn karane par sadan dvara kiye gaye nirnay ko lagoo karana॥

  prashasan sambandhi shaktiyan

adhyaksh ko sadan ke prashasan ke sambandh men nimnalikhat shaktiyan pradan ki gayi hain-

  1. lokasabha ke sachivalay par niyatrnn rakhana.
  2. lokasabha ki darshak dirgha aur pres dirgha par niyntran rakhana.
  3. lokasabha sadasyon ke lie avas tatha any suvidhaon ki vyavastha karana.
  4. lokasabha tatha usaki samitiyon ki baithakon ki vyavastha karana.
  5. snsadiy karravaee ke abhilekhon ko surakshit rakhane ki vyavastha karana.
  6. lokasabha ke sadasyon tatha karmachariyon ke jivan aur sadan ki sampatti ki suraksha ki upayukt vyavastha karana.
  7. lokasabha ke sadasyon ka tyagapatr svikar karana athava use is adhar par asvikar karana ki tyagapatr vivashata ke karan diya gaya hai.

  vidhayi tatha any kary

vidhayi tatha any karyon ke sambandh men adhyaksh ko nimnalikhat shaktiyan prapt hain-

  1. lokasabha dvara parit vidheyak ko pramanit karana.
  2. koee vidheyak dhan vidheyak hai ya nahin, isaka nirnay karana.
  3. lokasabha tatha rajyasabha ki snyukt baithakon ki adhyakshata karana.
  4. rashtrapati tatha lokasabha ke bich sampark sootr ke roop men kary karana.
  5. arntasnsadiy sngh men bharatiy snsadiy dal ke neta ke roop men kary karana.
  6. bharat men vidhayikaon ke pithasin adhikariyon ke sammelan ki adhyakshata karana.
  7. videsh jane vale snsadiy shishtamandal ke lie sadasyon ko manonit karana.
  8. lokasabha ke dvara parit vidheyak ki spasht trutiyon ka door karana.
  9. dal badal qanoon ka ullaghnn karane vale lokasabha ke sadasyon ko sadan ki sadasyata ke ayogy ghoshit karana.

lokasabha upadhyaksh

lokasabha ke sadasy sadan ke upadhyaksh ka chunav karate hain. upadhyaksh ke chunav men vahi prakriya apanayi jati hai, jo adhyaksh ke chunav men apanayi jati hai. upadhyaksh tab tak apane pad par bana rahata hai, jab tak vah sadan ka sadasy rahata hai. vah lokasabha adhyaksh ko tyagapatr dekar apana pad chhod sakata hai, apane pad se lokasabha ke sadasyon ke dvara parit snkalp ke adhar par hataya ja sakata hai. upadhyaksh ko usake pad se hatane ke lie koee snkalp lokasabha men pesh karane ke 14 din poorv usaki soochana use di jani chahie.

lokasabha ki shaktiyan

lokasabha ko nimnalikhit shaktiyan pradan ki gayi hain-

adhyaksh tatha upadhyaksh ka nirvachan tatha unhen pad se hatana

lokasabha ke adhyaksh tatha upadhyaksh ko nirvachit karane tatha unhen pad se mukt karane ka adhikar keval lokasabha ke sadasyon ko pradan kiya gaya hai. adhyaksh tatha upadhyaksh ko snkalp parit karake padamukt kiya ja sakata hai. abhi tak lokasabha ke kisi bhi adhyaksh ko snkalp parit karake padamukt nahin kiya gaya hai, lekin 18 disambar, 1954 ko tatkalin lokasabha adhyaksh ji. vi. mavalnkar, 1966 men tatkalin adhyaksh hukam sinh aur 1988 men lokasabhadhyaksh balaram jakhad ko padamukt karane ke lie lokasabha men snkalp pesh kiya gaya tha.

mntriparishadh par niyntran

mntriparishadh snyukt roop se lokasabha ke prati uttaradayi hai aur lokasabha mntriparishadh par paryapt niyntran rakhati hai. yadi lokasabha mntriparishadh ke viruddh avishvas prastav parit kare de, to mntriparishad ko tyagapatr dena padata hai ya rashtrapati mntriparishadh ko barkhast kar deta hai. abhi tak lokasabha men keval tin bar mntriparishadh ke viruddh avishvas prastav parit ho chuka hai. halanki is tarah ka prastav kee bar pesh kiya gaya hai. 1979 men shri moraraji desaee mntriparidh ke viruddh avishvas prastav parit kiye jane ki prabal sambhavana thi, lekin moraraji desaee ne avishvas prastav ke parit hone ki sambhavana ke karan tyagapatr de diya tha. 1979 men chaudhari charan sinh mntriparishadh ke viruddh avishvas prastav parit hone ki sambhavana thi, charan sinh ne tyagapatr dekar lokasabha ko bhng karane ki sifarish kar di thi. pahali bar 1989 men rashtriy morcha ki sarakar, jisake pradhanamntri vi. pi. sinh the, ke viruddh avishvas prastav parit hua tha aur mntriparishadh ko tyagapatr dena pada tha.

isi prakar 1997 men ech. di. devagauda ke netritv vali snyukt morcha ki sarakar ko kangres ke dvara samarthan vapas lene ke bad vishvasamat prapt nahin hone ke karan tyagapatr dena pada tha. lekin bad men snyukt morcha sarakar ke hi indr kumar gujaral ke kangres dvara samarthan vapasi ke mudde par pradhanamntri pad se tyagapatr dete hue lokasabha bhng karane ki sifarish ki thi. isi prakar aprail, 1999 men bharatiy janata parti gathabndhan sarakar, jisake pradhanamntri atal bihari vajapeyi the, dvara matr ek mat ke antar se lokasabha ka vishvas prapt karane men asaphal rahane ke karan mntriparishadh ko tyagapatr dena pada. yadi lokasabha sarakar ke dvara pesh kiye gaye bajat ko namnzoor kar de ya rashtrapati ke abhibhashan ke lie usake dhanyavad prastav ko asvikrit kar de, to bhi mntriparishadh ko tyagapatr dena padata hai.

vitt par niyntran

lokasabha ka vitt par poorn niyntran rahata hai tatha rajyasabha ko is sambandh men bahut simit adhikar hain. vitt vidheyak lokasabha men hi pesh kiye jate hain. lokasabha dvara parit kiye jane par jab use rajyasabha ko pesh kiya jata hai, tab rajyasabha use keval 14 din tak apane pas rok sakati hai aur yadi rajyasabha vitt vidheyak ko parit karake 14 din ke andar lokasabha ko nahin bhejati hai, to vidheyak ko parit mana jata hai. yadi rajyasabha vitt vidheyak men koee snshodhan karati hai, to lokasabha ke vivek par nirbhar hai ki snshodhan ko svikar kare ya asvikar kare.

sadan men sthan rikt ghoshit karana

yadi lokasabha ka koee sadasy lokasabha ki anumati ke bina sadan se 60 din tak anupasthit rahe, to lokasabha us sthan ko rikt ghoshit kar sakati hai. lekin is 60 din ki avadhi ki ganana karate samay us avadhi ko nahin shamil kiya jata, jab sadan ka satr lagatar char din tak sthagit rahe ya sadan ka satravasan rahe.

rashtriy apat ki udaghoshana

lokasabha anuchchhed 352 ke adhin rashtrapati dvara jari rashtriy apat ki udaghoshana ko bhi namnzoor kar sakati hai. aisi namnzoori lokasabha ka vishesh adhiveshan bulakar ki jati hai. sadan ka vishesh adhiveshan lokasabha adhyaksh, jab sadan ka adhiveshan chal raha ho, ya rashtrapati, jab lokasabha ka adhiveshan n chal raha ho, ko sadan ke 10% sadasyon ke dvara 14 din poorv likhit soochana dekar bulaya ja sakata hai. aisi soochana ki prapti par lokasabha adhyaksh ya rashtrapati vishesh adhiveshan bulane ke lie badhy hain.

sadan se sadasy ko nishkasit karana tatha sadasy ke nishkasan ko radd karana

yadi lokasabha ka koee sadasy apane karyon se lokasabha ki garima ka ullnghan karata hai ya sadan ke visheshadhikaron ka ullnghan karata hai, to lokasabha us sadasy ko sadan se nishkasit kar sakati hai. 1993 tak lokasabha ne ab tak is adhikar keval do bar prayog kiya hai. udaharanarth, 1954 men ech. ji. budgal, jin par rishvat lekar lokasabha men prashn poochhane ka arop tha, ke nishkasan ka prastav tatkalin pradhanamntri javahar lal neharoo ke dvara pesh kiya gaya tha, lekin nishkasan ki karravaee poora hone ke pahale hi unhonne lokasabha ki sadasyata se tyagapatr de diya. lokasabha ne doosari bar is adhikar ka prayog shrimati indira gandhi ke viruddh kiya tha aur unhen lokasabha ki sadasyata se isalie nishkasit kar diya gaya tha ki unhonne maruti udyog ke sambandh men soochana ekatrit karane ke kary men vyavadhan upasthit kiya tha. lokasabha ko sadasy ke nishkasan ko radd karane ka adhikar bhi hai. 1980 men lokasabha ne shrimati indira gandhi, jinhen 1978 men nishkasit kiya gaya tha, ka nishkasan radd kiya tha.

jel bhejan ki shakti

jo vyakti lokasabha ke visheshadhikaron ka ullnghan karata hai, use lokasabha ke dvara jal bheja ja sakata hai. is adhikar ka prayog sabase pahale 1977 men kiya gaya tha, jab indradev sinh ko lokasabha men parche phenkane ke karan tihad jel bheja gaya tha. jab shrimati indira gandhi ko 1978 men lokasabha ki sadasyata se nishkasit kiya gaya tha, tab unhen bhi snsad ke adhiveshan, jisamen unhen nishkasit kiya gaya tha, tak ke lie bhej gaya tha.

niyam banane tatha nilambit karane ki shakti

lokasabha ko sadan ki karravaee snchalit karane ke lie prakriya sambandhi niyam banane ki shakti prapt hai. sath hi vah in niyamon ko nilambit bhi kar sakati hai.

vighatan ka prabhav

lokasabha ke vighatan ke nimnalikhit prabhav hote hain–

  1. lokasabha ke samaksh lambit sabhi vidheyak pas ho jate hain aur yadi in vidheyakon ko parit karana hai, to unhen agale lokasabha ke samaksh pun: pesh karana hoga.
  2. rajyasabha men lambit vidheyak, jise lokasabha ne parit nahin kiya hai, samapt ho jaenge, lekin rajyasabha men lambit vidheyak, jise lokasabha ne parit kar diya hai, samapt nahin honge, yadi rashtrapati ghoshana kar deta hai ki us vidheyak ke sambandh men donon sadano ki snyukt baithak hogi.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah