विजय दिवस  हिन्दी देवनागरी में पढ़ें।

vijay divas
vaaur memoriyal, karagil
vivaran 'vijay divas' '26 julaee' ko manaya jata hai. bharatiy sena ne pak samarthit atnkiyon ko 26 julaee, 1999 ke din 'karagil yuddh' men parast kar khaded diya tha.
tithi 26 julaee
rajy jammoo aur kashmir
zila karagil
snbndhit lekh bharatiy sashastr sena, paramavir chakr
any janakari is din bharat ke vir shahid javanon ko yad kiya jata hai aur unhen shraddhasuman arpit kiye jate hain. 'karagil yuddh' men desh ke 500 se bhi zyada javan shahid hue the.

vijay divas pratyek varsh '26 julaee' ko manaya jata hai. bharat ke jammoo aur kashmir rajy men aj se 20 varsh pahale bharatiy sena ne 26 julaee, 1999 ke hi din niyntran rekha se lagi karagil ki pahadiyon par kabza jamae atnkiyon aur unake vesh men ghus ae pakistani sainikon ko mar bhagaya tha. pakistan ke khilaf yah poora yuddh hi tha, jisamen panch sau se zyada bharatiy javan shahid hue the. in vir aur jabanj javanon ko poora desh '26 julaee' ke din yad karata hai aur shraddhapoorvak naman karata hai. desh ki is jit men karagil ke sthayi nagarikon ne bhi badi bhoomika nibhaee thi.

yuddh ki prishthabhoomi

karagil yuddh, jo ki 'karagil sngharsh' ke nam se bhi jana jata hai, bharat aur pakistan ke bich 1999 men mee ke mahine men kashmir ke karagil zile se prarnbh hua tha. is yuddh ka mahattvapoorn karan tha badi snkhya men pakistani sainikon v pak samarthit atnkavadiyon ka 'lain aauph kntrol' yani bharat-pakistan ki vastavik niyntran rekha ke bhitar ghus ana. in logon ka uddeshy tha ki kee mahattvapoorn pahadi chotiyon par kabja kar leh-laddakh ko bharat se jodane vali sadak ka niyntran hasil kar siyachin gleshiyar par bharat ki sthiti ko kamazor kar hamari rashtriy asmita ke lie khatara paida karana. poore do mahine se bhi adhik samay tak chale is yuddh men bharatiy thalasena v vayusena ne 'lain aauph kntrol' par n karane ke adesh ke bavajood apani matribhoomi men ghuse akramanakariyon ko mar bhagaya tha. svatntrata ka apana hi mooly hota hai, jo viron ke rakt se chukaya jata hai.[1]

javanon ki shahadat

is yuddh men bharat ke panch sau se bhi zyada vir yoddha shahid hue aur 1300 se jyada ghayal ho ge. inamen se adhikansh javan apane jivan ke 30 vasnt bhi nahin dekh pae the. in shahidon ne bharatiy sena ki shaury v balidan ki us sarvochch parampara ka nirvah kiya, jisaki saugandh har bharatiy sipahi tirnge ke samaksh leta hai. in ranabankuron ne bhi apane parijanon se vapas lautakar ane ka vada kiya tha, jo unhonne nibhaya bhi, magar unake ane ka andaj nirala tha. ve laute, magar lakadi ke taboot men. usi tirnge me lipate hue, jisaki raksha ki saugandh unhonne uthaee thi. jis rashtr dhvaj ke age kabhi unaka matha samman se jhuka hota tha, vahi tirnga matribhoomi ke in balidani janbajon se lipatakar unaki gaurav gatha ka bakhan kar raha tha.

yuddh ke avashesh

karagil vaaur memoriyal,
Kargil War Memorial

pakistan ke viruddh lade ge chauthe yuddh ke chihn karagil men nazar a jate hain. pakistani golabari se bachane ke lie gharon men banae ge bnkar bhi maujood hai. paryatan badhane ke sath-sath ab unhen gest haus v hotalon men parivartit kiya ja raha hai. karagil yuddh ko khatm hue 20 sal bit jane ke bad bhi sena kafi satark hai. 168 kilomitar lnbi niyntran rekha jo dras, karagil aur batalik se guzarati hai, us par nazar ke lie sena ki snkhya kafi badha di gee hai. 1999 men yah tadad jahan 4000 hazar thi, vo ab 20 hazar ke qarib hai. jis karagil ko pane ke lie saikadon javanon ko shahid hona pada, usaki jit ke itane sal poore hone par sena ek bar phir unhen shraddhanjali dekar ye dikhana chahati hai ki aj bhi unaki yaden yahan ki phijaon men zinda hai.

paryatan ka vikas

karagil ke sath hi sath dras v batalik bhi lokapriy paryatan sthal ban ge hain. gat varsh lagabhag bis hazar deshi paryatak yahan ae the. sahayak paryatan nideshak rah chuke 'mohammad husain' batate hain ki kashmir ke bigade halaton ka khamiyaja karagil ko bhi bhugatana pada hai. videshi toorist karagil ki or kam rukh kar rahe hain. lekin joon ant tak bis hazar deshi paryatak karagil pahunch chuke the. paryatan ki drishti se hue vikas ko chhod den to karagil ke halat nahin badale hain.

aaupareshan vijay, vaaur memoriyal, karagil
Operation Vijay, War Memorial, Kargil

bhaugolik sthiti

dras men 'vaaur memoriyal' ke alava kuchh nahin hai. yuddh men ujade kee ganv aj bhi nahin bas pae hain. sardiyon men chhah-sat mah tak yah poora ilaka duniya se kat jata hai, kyonki ise 'amaranath yatra' ke bes kainp balatal se jodane vala 'jojila darra' bhari barphabari ke karan bnd ho jata hai. rohatang darra bnd hone par manali-leh vala doosara rasta bhi ruk jata hai.

nagarik

yahan ke nagarik jivat vale aur milanasar hote hain. sthaniy logon ke lie ye chhah-sat mahine bahut kathin hote hain. unaki deshabhakti ki dad sena bhi deti hai. sena ka manana hai yadi ve madad nahin karate to vijay men bahut mushkilen atin. darra bnd hone ke bad rashan bhi milana mushkil ho jata hai. jojila men tanal banane ki yojana hai.

avikasit kshetr

2003 men 'aautonaaumas hil devalapament kaunsil' bani thi, lekin kuchh haee skoolon ko hayar sekndari skool men badalane aur takaniki shiksha ke lie aeetiaee khulane ke atirikt kuchh adhik vikas nahin ho paya.

ais haauki

yahan ke kuchh khiladi rashtriy star par ais haauki khelane jate hain. yahan par fon signal ki bhi pareshani rahati hai. himalay belt men karagil madhy eshiya ke lie prachin resham marg ka kendr raha hai.

vyapar

leh, kashmir, janakasar, paq kabze vale kashmir ka skadaroo aur chin ki kee jagahon se karagil barabar doori par hai. yadi karagil skadaroo rod ko khol diya jata hai to vyapar ke ne raste khulenge. bharat-pak ke bich kuchh sal pahale tin sadaken kholane par sahamati bani thi, lekin banate-bigadate rishton ke chalate in sadakon ko ab tak khola nahin gaya hai. jis raste ko poora karane men aj 4-5 din lag jate hain. karagil-skadaroo sadak ke khulane ke bad use keval 5-6 ghnto men poora kiya ja sakega.

taigar hil

sadhe solah hazar phit ki oonchaee par taigar hil ko dushman ke kabje se chhudana sena ke lie sabase kathin ladaee thi. isi ladaee men 'paramavir chakr' vijeta grenediyar yogendr sinh yadav ne shaury dikhaya tha. virata ki gatha kahane vali yah pahadi ab paryatan kendr ke roop men vikasit ho rahi hai. yahan se sooryoday v sooryast bahut sundar dikhaee deta hai. isalie is pahadi ko sanaraij aur sanaset paauint ke roop men vikasit kiya ja raha hai.

aparadh rahit kshetr

aaupareshan vijay, vaaur memoriyal, karagil
Operation Vijay, War Memorial, Kargil

karagil men aparadh n ke barabar hai. ilake ke pulis thanon men aj tak koee kes darj nahin hua, n kabhi koee badi chori ya loot ki ghatana hi huee. karagil men ladake vale shadi ke vaqt ladaki valon ko tohaphe dete hain, isalie yahan dahej ke mamale bhi nahin banate.

polo ka khel

gyarah sal pahale top ke golon se goonjane vala dras ab polo ke lie vishvabhar men jana jaega jo kshetr ki apani alag pahachan hai. hal hi men rajy sarakar ne dras-batalik ke polo graund ko antararashtriy roop dene ke lie ek lakh rupe dene ki ghoshana ki hai.

manyataen

mana jata hai ki dras men polo pakistani kabje ke baltistan se aya hai. dras ke raja ki shadi baltistan men huee thi aur rani ke sath polo bhi a gaya. dras ke drad logon ke purakhe bhi polo khelate the. isake saboot aj bhi dekhe ja sakate hain. dras aur batalik men karagil vijay divas se lekar har chhote-bade ayojan ke dauran polo maich zaroor hota. yah polo adhunik polo se hi milata-julata hai.


panne ki pragati avastha
adhar
prarambhik
madhyamik
poornata
shodh

tika tippani aur sandarbh

  1. karagil vijay divas- jara yad karo kurbani (hindi). . abhigaman tithi: 21 julaee, 2013.

snbndhit lekh