विश्वनाथ प्रताप सिंह  हिन्दी देवनागरी में पढ़ें।

vishvanath pratap sinh
V-P-Singh.jpg
poora nam vishvanath pratap sinh
janm 25 joon, 1931
janm bhoomi ilahabad zila, uttar pradesh
mrityu 27 navambar, 2008
mrityu sthan dilli
abhibhavak bahadur ray gopal sinh
pati/patni sita kumari
sntan do putr
parti kangres, janata dal
pad bharat ke athaven pradhanamntri, poorv mukhyamntri, poorv kendriy vanijy mntri, poorv vittamntri
kary kal 2 disambar, 1989 se 10 navambar 1990
vidyalay ilahabad aur poona vishvavidyalay
sthapana gopal intaramidiet kaaulej
rachanaen 'mufalis', 'aeena'

vishvanath pratap sinh (janm- 25 joon, 1931, uttar pradesh; mrityu- 27 navambar, 2008, dilli) bharat ke athaven pradhanamntri the. rajiv gandhi sarakar ke patan ke karan bane vishvanath pratap sinh ne am chunav ke madhyam se 2 disambar, 1989 ko pradhanamntri pad prapt kiya tha. sinh behad mahattvakankshi hone ke atirikt kutil rajanitigy bhi kahe jate hain.

janm evn parivar

vishvanath pratap sinh ka janm 25 joon, 1931 uttar pradesh ke ilahabad zile men hua tha. vah raja bahadur ray gopal sinh ke putr the. unaka vivah 25 joon, 1955 ko apane janm din par hi sita kumari ke sath sampann hua tha. inhen do putr ratnon ki prapti huee. sinh ne ilahabad (uttar pradesh) men 'gopal intaramidiet kaaulej' ki sthapana ki thi.

vidyarthi jivan

vishvanath pratap sinh ne ilahabad aur poona vishvavidyalay men adhyayan kiya tha. vah 1947-1948 men uday pratap kaaulej, varanasi ki vidyarthi yooniyan ke adhyaksh rahe. vishvanath pratap sinh ilahabad vishvavidyalay ki stoodent yooniyan men upadhyaksh bhi the. 1957 men unhonne 'bhoodan andolan' men sakriy bhoomika nibhaee thi. sinh ne apani zaminen dan men de din. isake lie parivarik vivad hua, jo ki nyayalay bhi ja pahuncha tha. vah ilahabad ki 'akhil bharatiy kangres samiti' ke adhishasi prakoshth ke sadasy bhi rahe. rajaniti ke atirikt inhen kavita aur peting ka bhi shauq tha. inake kavita sngrah bhi prakashit hue aur petings ki pradarshaniyan bhi lagin.

rajanitik jivan

vishvanath pratap sinh ko apane vidyarthi jivan men hi rajaniti se dilachaspi ho gee thi. vah samriddh parivar se the, is karan yuvakal ki rajaniti men unhen saphalata prapt huee. unaka sambandh bharatiy kangres parti ke sath ho gaya. 1969-1971 men vah uttar pradesh vidhanasabha men pahunche. unhonne uttar pradesh men mukhyamntri ka karyabhar bhi sambhala. unaka mukhyamntri karyakal 9 joon, 1980 se 28 joon, 1982 tak hi raha. isake pashchatt vah 29 janavari, 1983 ko kendriy vanijy mntri bane. vishvanath pratap sinh rajyasabha ke bhi sadasy rahe. 31 disambar, 1984 ko vah bharat ke vittamntri bhi bane. bharatiy rajaniti ke paridrishy men vishvanath pratap sinh us samay vittamntri the, jab rajiv gandhi ke sath men unaka takarav hua. vishvanath pratap sinh ke pas yah soochana thi ki kee bharatiyon dvara videshi bainkon men akoot dhan jama karavaya gaya hai. is par vi. pi. sinh arthath vishvanath pratap sinh ne amerika ki ek jasoos snstha 'feyarafaiks' ki niyukti kar di taki aise bharatiyon ka pata lagaya ja sake.

svidan ne 16 aprail, 1987 ko yah samachar prasarit kiya ki bharat men bophors kampani ki 410 topon ka sauda hua tha, usamen 60 karod ki rashi kamishan ke taur par di gee thi. jab yah samachar bharatiy midiya tak pahuncha to vah pratidin ise siramaur banakar pesh karane laga. is 'breking nyooj' ka upayog vipaksh ne bhi khoob kiya. usane janata tak yah sndesh pahunchaya ki 60 karod ki dalali men rajiv gandhi aur unake parivarik sadasyon ki snliptata thi. yadyapi yah ekadam jhooth tha aur bad men sabit bhi hua. rajiv gandhi ko bharatiy nyayalay ne klin chit bhi pradan kar di. bophors kand ke surkhiyon men rahate hue 1989 ke chunav bhi a ge. vi. pi. sinh aur vipaksh ne ise chunavi mudde ke roop men pesh kiya. vi. pi. sinh ne 1987 men kangres dvara nishkasit kie jane par janata ke madhy jakar yah dushprachar karana arambh kar diya ki kangres sarakar men shirsh star par bhrashtachar vyapt hai.

vi. pi. sinh ne ek or janata ke bich apani satyavadi harishchandr ki chhavi banaee to doosari or kangres ko todane ka kam bhi arambh kar diya. jo log rajiv gandhi se asntusht the, unase vi. pi. sinh ne sampark karana arambh kar diya. vah chahate the ki asntusht kangresi rajiv gandhi aur kangres parti se alag ho jaen. unaki is muhim men pahala nam tha - arif muhammad ka. arif muhammad ek azad evn pragatishil vicharon ke vyakti the. is karan vah chahate the ki islamik kuritiyon ko samapt kiya jana avashyak hai. arif muhammad tatha rajiv gandhi ek-doosare ke behad qarib the lekin ek ghatana ne unake bich gahari khaee paida kar di. darasal hua yah ki haidarabad men shahabano ko usake pati dvara talaq dene ke bad mamala adalat tak ja pahuncha. adalat ne muslim mahila shahabano ko jivan nirvah bhatte ke yogy mana. lekin muslim kattarapnthi chahate the ki 'muslim parsanal laau' ke adhar par hi phaisala kiya jae. is karan yah vivad kafi tool pakad chuka tha. aisi sthiti men rajiv gandhi ne arif muhammad se kaha ki vah ek zoradar abhiyan chalakar logon ko samajhaen ki muslimon ko naya qanoon manana chahie aur 'muslim vyaktigat qanoon' par nirbhar nahin rahana chahie.

vi. pi. sinh ne vidyacharan shukl, ramadhan tatha satapal malik aur any asntusht kangresiyon ke sath milakar 2 aktoobar, 1987 ko apana ek prithakh morcha gathit kar liya. is morche men bharatiy janata parti bhi sammilit ho gee. vamadalon ne bhi morche ko samarthan dene ki ghoshana kar di. is prakar sat dalon ke morche ka nirman 6 agast, 1988 ko hua aur 11 aktoobar, 1988 ko rashtriy morcha ka vidhivat gathan kar liya gaya.

pradhanamntri ke pad par

1989 ka lokasabha chunav poorn hua. kangres ko bhari kshati uthani padi. use matr 197 siten hi prapt hueen. vishvanath pratap sinh ke rashtriy morche ko 146 siten milin. bhajapa aur vamadalon ne rashtriy morche ko samarthan dene ka irada zahir kar diya. tab bhajapa ke pas 86 sansad the aur vamadalon ke pas 52 sansad. is tarah rashtriy morche ko 248 sadasyon ka samarthan prapt ho gaya. vi. pi. sinh svayn ko pradhanamntri pad ka ummidavar bata rahe the. unhen lagata tha ki rajiv gandhi aur kangres ki parajay unake karan hi sambhav huee hai. lekin chandrashekhar aur devilal bhi pradhanamntri pad ki daud men shariq ho ge. aise men yah tay kiya gaya ki vi. pi. sinh ki pradhanamntri pad par tajaposhi hogi aur chaudhari devilal ko upapradhanamntri banaya jaega. at: 2 disambar, 1989 ko vi. pi. sinh ne pradhanamntri pad ki shapath grahan kar li.


vishvanath pratap sinh ne sadagi ka chola dharan karake apani chalen chali thin. vah janata ke samane am adami bane lekin hriday se kutil chanaky the. pradhanamntri banate hi unhonne sikhon ke ghav par maraham rakhane ke lie svarn mandir ki or daud lagaee. 'aaupareshan blyoo star' rajiv gandhi ki mata indira gandhi dvara uthaya gaya qadam tha. vi. pi. sinh ne rajiv gandhi aur kangres parti ke bhrashtachar ka khulasa karane ka vada kiya tha, lekin vah kisi bhi arop ko sabit nahin kar sake. us samay tak rajiv gandhi ki mrityu ho chuki thi. chandrashekhar aur devilal bhi unake sath sparddha kar rahe the.

kashmir men atnkavad

kashmir ka atnkavad bhi ek samasya ban raha tha. kashmir ka masala nibatane ke lie jo samiti bani, usaka adhyaksh jaaurj farnadij ko banaya gaya. arun neharoo aur mufti muhammad seed ko bhi kashmir mamale men dakhal dene ka adhikari bana diya gaya. phir rahi-sahi qasar unhonne jagamohan ko kashmir ka rajyapal banakar poori kar di. isase zahir ho raha tha ki vah kisi par vishvas nahin kar rahe the. kul milakar rashtriy morcha sarakar sabhi kshetron men asaphalata ko prapt huee. shrilnka se bharatiy sena ki muqammal vapasi ho gee. ram mandir aur babari masjid ka mamala bhi ulajhae rakha gaya. vi. pi. sinh ne jab jagamohan ko kashmir ka rajyapal banakar vahan par bheja to farookh abdulla ne mukhyamntri pad se tyagapatr de diya. tab jagamohan ne kashmir ka shasan hastagat karane ke lie vidhanasabha bhng kar di. aise men vi. pi. sinh ne vivash hokar jagamohan ko kashmir se vapas bula liya.

janata morcha ke chandrashekhar khari bat kahane vale vyakti the. farookh abdulla ne mukhyamntri pad se is karan se tyagapatr diya tha, kyonki jagamohan ko kashmir ka rajyapal banakar bheja gaya tha. jagamohan ne 1983 men vidhayakon ko todakar farookh abdulla ko mukhyamntri pad se tyagapatr dene ke lie vivash kar diya tha. is karan chandrashekhar ne farookh abdulla ka samarthan kiya. rashtriy morcha men sabhi netaon ke paraspar sambandh bahut kharab the. charan sinh ke putr ajit sinh ko devilal pasnd nahin karate the aur chandrashekhar ko devilal napasnd the. devilal apane putr omaprakash chautala ke moh men grast the. is karan unhonne hariyana ki mukhyamntri ki kursi par omaprakash chautala ko baitha diya. chautala ne maham ki sit se chunav lada tha. dhandhaliyon ke karan nirvachan ayog ne vah chunav radd kar diya. tab chautala ko mukhyamntri pad se istifa dena pada. lekin do mah bad upapradhanamntri pita devilal ke varad hast se vah pun: hariyana ke mukhyamntri ban ge. isase rashtriy morche men antarkalah ki sthiti zyada badh gee.

omaprakash chautala ke mudde par arif muhammad aur arun neharoo ne tyagapatr de diya. tab vi. pi.sinh ne devilal se spasht kah diya ki yadi omaprakash chautala hariyana ke mukhyamntri ka pad nahin chhodate hain to vah pradhanamntri pad se tyagapatr de denge. aisi sthiti men devilal ne unhen ashvasan diya ki omaprakash chautala mukhyamntri ka pad chhod denge. devilal janate the ki unake putr omaprakash chautala par dabav banane vale vyakti arun neharoo aur arif muhammad hain. isilie unhonne donon ke viruddh bhrashtachar ka arop lagaya. arop ke samarthan men devilal ne 1987 men rashtrapati ko likhe ge vi. pi. sinh ka patr prastut kiya. jisamen arun neharoo aur arif muhammad ke bophors saude men shariq hone ki bat likh thi. vi. pi. sinh ne us patr ko n keval jali qarar diya balki chaudhari devilal ki shakti ka anuman lagae bina unhen barkhast bhi kar diya.

mndal kamishan ki riport

devilal ne apani shakti ka pradarshan karane ke lie 9 agast ko kisan raili karane ka nirnay kiya. vi. pi. sinh janate the ki chaudhari devilal ka kisanon par achchha prabhav hai. unhen pata tha ki yadi yah raili huee to dilli ka prashasan dol jaega. at: us raili ka muqabala karane ke lie vi. pi. sinh ne 7 agast ko mndal kamishan ki riport snsad men pesh kar di. darasal janata parti sarakar ne 1977-79 men mndal kamishan ka gathan kiya tha. mndan kamishan ne any pichhada varg ke sambandh men anek anushnsaen ki thin. lekin janata parti use lagoo kar pati, usake poorv hi vah toot gee aur chunav ke bad men indira gandhi satta men a geen.

vi. pi. sinh ke hath mndal kamishan ki vahi sifarishen lag gee thin. use snsad men pesh karane ke bad jab anushnsaen lagoo huee to desh men bhoochal a gaya. savarn aur any pichhada varg ke roop men do nee samasyaen paida ho geen. any pichhada varg ko naukariyon men 27 pratishat ka arakshan prapt ho raha tha jabaki savarnon ke lie 50.5 pratishat hi naukari ke avasar rah gaye the. kyonki es. si. aur es. ti. ke lie 22.5 pratishat pahale se hi arakshan tha. is arakshan niti ko uchch shiksha ke avasaron par bhi lagoo hona tha.

mndal kamishan ki sifarishen lagoo hote hi chhatr bhadak uthe. savarn jati ke naujavanon ko lag raha tha ki unaka bhavishy andhakaramay ho gaya hai. naujavan yah mang kar rahe the ki es. si. evn es. ti. arakshan ki samiksha ki jae aur arakshan ka labh prapt kar savarnon ke barabar a chuke logon ko us soochi se nikal diya jae. ab samasya aur bhi jatil ho gee thi. chhatr hinsak andolan karane lage. anek chhatron ne to atmadah bhi kar liya. tab merath ke kisan neta mahendr sinh tikait ne naujavanon ka ahvan kiya ki un netaon ko sabak sikhao jinhonne mndal kamishan ki sifarishen lagoo ki hain. dilli men avyavastha phail gee. chhatron par ankush lagana pulis ke boote se bahar ho gaya tha. aisi sthiti men uchchatam nyayalay ne 1 aktoobar, 1990 ko mndal kamishanash ke prativedan ko lagoo karane par rok laga di.

in sabaka parinam vi. pi. sinh ke lie ghatak siddh hua. phir 10 navambar, 1990 ko 58 sansadon ne chandrashekhar ke paksh men pala badal liya. aise men vi. pi. sinh ko pradhanamntri ka pad chhodane ke lie vivash hona pada. usake bad vi. pi. sinh sadaiv ke lie hashiye par chale ge.

nidhan

is dauran vi. pi. sinh gurdon ki bimari se pidit rahe. unhonne kisanon aur visthapiton ki samasyaon ko adhar banakar apana rajanitik qad pun: banane ka prayas kiya. lekin inaka sharir sath nahin de raha tha. 27 navambar, 2008 ko 77 varsh ki avastha men vi. pi. sinh ka nidhan dilli ke 'apolo haauspital' men ho gaya. inhen pichhale 17 varshon se blad kainsar tha. inake livar ne bhi kary karana bnd kar diya tha. inhen mrityu se 6 mah poorv apolo haauspital men bharti karavaya gaya tha. vah apane pichhe patni sunita kumari tatha do putron abhay sinh aur ajay sinh ko chhod ge.

vishvanath pratap sinh ki do kavitaen prastut hain-

mufalis

mufalis se ab chor ban raha hoon
par is bhare bazar se churaoon kya,
yahan vahi chizen saji hain
jinhen lutakar main mufalis ho chuka hoon.

aeena

mere ek taraf chamakadar aeena hai
usamen cheharon ki chahal-pahal hai,
use duniya dekhati hai
doosari or koee nahin
use main akele hi dekhata hoon.



bharat ke pradhanamntri
Arrow-left.png poorvadhikari
rajiv gandhi
vishvanath pratap sinh uttaradhikari
chandrashekhar
Arrow-right.png


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh