विश्व खाद्य दिवस  हिन्दी देवनागरी में पढ़ें।

vishv khady divas
vishv khady divas
vivaran 'vishv khady divas' pratyek varsh '16 aktoobar' ko manaya jata hai. yah divas vishv men logon ko khadyann ki mahatta samajhane aur usaki barbadi rokane ke lie prerit karata hai.
tithi 16 aktoobar
shuruat 1980
uddeshy is divas ka mukhy uddeshy khadyann utpadan badhane ke lie vikasashil deshon ke madhy takaniki evn vittiy sahayog badhana aur vikasit deshon se adhunik takaniki madad upalabdh karana hai.
any janakari 'snyukt rashtr khady aur krishi sngathan' ke anusar 2002 ki tulana men khadyannon ki kimaton men 140 pratishat ki bhari-bharakam vriddhi huee hai. isaki vajah se disambar 2007 se 40 desho ko khadyann snkat ka samana karana pad raha hai.

vishv khady divas pratyek varsh '16 aktoobar' ko manaya jata hai. is divas ko manate hue battis varsh ho chuke hain, lekin duniya bhar men bhookhe pet sone valon ki snkhya men kami nahin aee hai. yah snkhya aj bhi tezi se badhati ja rahi hai. vishv men aj bhi kee log aise hain, jo bhookhamari se joojh rahe hain. is mamale men vikasashil ya vikasit deshon men kisi tarah ka koee farq nahin hai. vishv ki abadi varsh 2050 tak nau arab hone ka anuman lagaya ja raha hai aur isamen qarib 80 phisadi log vikasashil deshon men rahenge. aise men kis tarah khady suraksha sunishchit ki jae, yah ek bada prashn hai. duniya men ek taraf to aise log hain, jinake ghar men khana khoob barbad hota hai aur phenk diya jata hai. vahin doosari or aise logon ki bhi kami nahin hai, jinhen ek samay ka bhojan bhi nahin mil pata. khadyann ki isi samasya ko dekhate hue '16 aktoobar' ko har sal 'vishv khady divas' manane ki ghoshana ki gee thi.

shuruat

vishv samaj ke sntulit vikas ke lie yah avashyak hai ki manushy ka sarvangin vikas ho. vishv men logon ko sntulit bhojan ki itani matra mile ki ve kuposhan ke dayare se bahar nikal kar ek svasth jivan ji saken. logon ko sntulit bhojan mil sake, isake lie avashyak hai ki vishv men khadyann ka utpadan bhi paryapt matra men ho. din par din vishv ki janasnkhya men ho rahi vriddhi aur khady padarthon ke simit bhndar ko dekhate hue khadyann utpadan badhane ki zaroorat mahasoos ki gee. ise dhyan men rakhate hue snyukt rashtr ne 16 aktoobar, 1945 ko rom men "khady evn krishi sngathan" (epheo) ki sthapana ki. snsar men vyapt bhukhamari ke prati logon men jagarookata phailane evn ise khatm karane ke lie 1980 se 16 aktoobar ko 'vishv khady divas' ka ayojan shuroo kiya gaya.[1]

uddeshy

'vishv khady divas' ka mukhy uddeshy duniya se bhukhamari ko khatm karana hai. aj bhi vishv men karodon log bhukhamari ke shikar hain. vartaman samay men yah bahut avashyak ho gaya hai ki vishv se bhukhamari mitane ke lie atyadhunik tarike se kheti ki jaye. 'vishv khady divas' ka uddeshy khadyann utpadan badhane ke lie vikasashil deshon ke madhy takaniki evn vittiy sahayog badhana aur vikasit deshon se adhunik takaniki madad upalabdh karana hai. snyukt rashtr ki tamam snsthaon dvara vikasashil deshon men garibi evn bhookhamari se nipatane ke lie tamam prayas bhi shuroo kie ge hain. khasataur par afrika mahadvip ke ravanda, burundi, naijiriya, senegal, somaliya aur iritriya adi deshon men jahan yah samasya kafi bhayavah hai.

tezi se badhati bhukhamari

duniya bhar men bhookhe pet sone valon ki snkhya tezi se badhati ja rahi hai. 'snyukt rashtr khady aur krishi sngathan' ke anusar 2002 ki tulana men khadyannon ki kimaton men 140 pratishat ki bhari-bharakam vriddhi huee hai. isaki vajah se disambar 2007 se 40 desho ko khadyann snkat ka samana karana pad raha hai. haiti aur maiksiko men lakhon log isake khilaf sadakon par utar ae. vahin kee deshon men dnge aur lootapat ki ghatanaen bhi huee. snyukt rashtr sngh ne in deshon men khady snkat ke karan samajik aur rajanitik uthal-puthal yani 'yuddh jaisi sthiti' paida hone ki chetavani di hai. indoneshiya, aivari kost, senegal, philipins, morokko jaise deshon men sthiti kharab hai. ek riport ke anusar bharat men bhi dal, khady tel aur chini ki bhari kami 2011 ke bad paida ho jayegi. arjun sen gupta kamiti ke anusar desh men 77 pratishat phisadi log 20 rupaye rojana se kam men apana guzara karate hain. socha ja sakata hai ki 15 rupaye kilo ata aur 18 rupaye kilo chaval bhi is tabake ke lie kafi mahnga hai.[2]

jahan ek taraf sthiti itani bhaynkar hai, vahin kuchh tathy bhukhamari ko munh chidate nazar ate hain. 'garjiyan' men chhapi vishv baink ki ek gopaniy riport ke anusar amir deshon dvara jaiv eedhan ke istemal se khady ke damon men 75 phisadi[3] ki vriddhi huee hai. makka se ethenol banane vale amerika ne pichhale tin sal ke dauran duniya ke kul makka utpadan ka 75 pratishat hissa hadap kar liya. kanada men kimat kam hone ki vajah se 1,50,000 sooaron ko marane par 5 karod daaular kharch kie ge. bharat ki sarakari vyavastha bhi pichhe nahin hai. 'bharatiy khady nigam' ne mana hai ki usake godamon men har sal 50 karod rupaye ka 10.40 lakh mitrik tan anaj kharab ho jata hai. yah anaj har sal sava karod logon ki bhookh mita sakata hai! duniya men khane-pine ki kami nahin, balki unake sahi bntavare ki kami hai.

bharat men khadyann ki samasya

khadyann ki kami ne vishv ke sarvochch sngathanon aur sarakaron ko bhi sochane par vivash kar diya hai. bharat men hal hi men "khady suraksha bil" laya gaya hai, lekin is bil ka pas hona ya na hona isaki saphalata nahin hai. sab janate hain ki bharat men khadyann ki kami koee khas mudda nahin hai, balki sarvajanik apoorti pranali aur khadyann bhndaran ki samasya asali samasya hai. bharat men lakhon tan anaj khule men sad raha hai. yah sab aise samay ho raha hai, jab karodon log bhookhe pet so rahe hain aur chhah sal se chhote bachchon men se 47 phisadi kuposhan ke shikar hain. aisa nahin hai ki bharat men khady bhndaran ke lie koee kanoon nahin hai. 1979 men 'khadyann bachao' karyakram shuroo kiya gaya tha. isake tahat kisanon men jagarookata paida karane aur unhen saste damon par bhndaran ke lie tnkiyan upalabdh karane ka lakshy rakha gaya tha, lekin isake bavajood aj bhi lakhon tan anaj barbad hota hai.

badhati abadi aur bhukhamari

sava arab abadi vale bharat jaise desh men, jahan sarakari akalanon ke anusar 32 karod log garibi rekha ke niche jivan yapan kar rahe hain. epheo ke anusar, bharat men 2009 men 23 karod 10 lakh log charam bhookhamari ka samana kar rahe the. aj bhi sthiti men koee badalav nahin aya hai. desh men khadyann ka utpadan bade star par hone ke bavajood bahut badi abadi bhukhamari ka snkat jhel rahi hai. teji se arthik mahashakti banane ki or agrasar bharat ka vishv bhukhamari soochakank men 88 deshon men 66van sthan hai. bharat men rajy star par to aur bhi vyapak asamanata dekhane ko milati hai. jharakhand, uttar pradesh, chhattisagadh, odisha aur rajasthan adi men bhookh evn kuposhan se pidit logon ki snkhya any bhagon se adhik hai. abadi badhane evn khadyann ki sthir paidavar ke karan desh men prati vyakti anaj ki khapat ghatati ja rahi hai. yooniseph ki ek riport ke anusar bharat men pratidin 5000 bachche kuposhan ke shikar hote ja rahe hain. jan vitaran pranali ke madhyam se garibon ko milane vala anaj bhrashtachar ki bhent chadh raha hai. krishi kshetr lagatar sarakari upeksha ka shikar ho raha hai. aj desh ki arthavyavastha men krishi kshetr ki hissedari matr 14 phisadi hai aur is par 55 phisadi kamagaron ki ajivika chalati hai. aj krishi kshetr kabhi ek phisadi, do phisadi ya phir rinatmak dar se vriddhi kar raha hai. ajadi ke 65 varsh bit jane ke bad bhi aj sath phisadi kheti varsha ke sahare ho rahi hai.[4]

khadyann ki barbadi

hal hi men hue ek shodh se yah pata chala hai ki bharat men vivah adi samarohon men khane ki jabaradast barbadi hoti hai. shodh men paya gaya ki sirph bngaloor shahar men huee shadiyon men qarib 950 tan khady padarth barbad hua. samasya sirph khana phenkane ki hi nahin hai, shadiyon ke bhojan men kailauri bhi zaroorat se jyada hoti hai. bharat men jahan kuposhan ki badi samasya hai to phir zaroorat se jyada kailauri vala khana khilana bhi ek tarah ki barbadi hai. vishv khady utpadan par ek taja riport ke anusar bharat men majaboot arthik pragati ke bavajood bhukhamari ki samasya se nipatane ki raphtar bahut dhimi hai. snyukt rashtr khady aur krishi sngathan ki riport ke anusar duniya men khadyann ka itana bhndar hai, jo pratyek stri, purush aur bachche ka pet bharane ke lie paryapt hai, lekin isake bavajood karodon log aise hain, jo dirgh kalik bhukhamari aur kuposhan ya alp poshan ki samasya se joojh rahe hain.

kya sirph krishi utpad badha kar aur khadyann ko badha kar ham bhookh se apani ladaee ko sahi disha de sakate hain. chahe vishv ke kisi kone men is saval ka javab han ho, lekin bharat men is saval ka javab na hai aur is na ki vajah hai, khadyannon ko rakhane ke lie jagah ki kami. yoon to bharat vishv men khadyann utpadan men chin ke bad doosare sthan par pichhale dashakon se bana hua hai, lekin yah bhi sach hai ki yahan prativarsh karodon tan anaj barbad hota hai. sarakari ankadon ke anusar lagabhag 58,000 karod rupaye ka khadyann bhndaran adi takaniki ke abhav men nasht ho jata hai. bhookhi janasnkhya in khadyannon par tak lagae baithi rah jati hai. kul utpadit khady padartho men keval do pratishat hi snsadhit kiya ja raha hai. bharat men lakhon tan anaj khule men sad raha hai. yah sab aise samay ho raha hai, jab karodon log bhookhe pet so rahe hain aur chhah sal se chhote bachchon men se 47 phisadi kuposhan ke shikar hain.

hal

bhookh ki vaishvik samasya ko tabhi hal kiya ja sakata hai, jab utpadan badhaya jae. sath hi usase jude any pahaluon par bhi saman roop se najar rakhi jae. khadyann suraksha tabhi snbhav hai, jab sabhi logon ko har samay, paryapt, surakshit aur poshak tatvon se yukt khadyann mile, jo unaki ahar snbndhi avashyakataon ko poora kar sake. sath hi kuposhan ka rishta garibi, ashiksha, berojagari, adi se bhi hai. isalie kee morchon par ek sath majaboot ichchhashakti ka pradarshan karana hoga.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. vishv khady divas par vishesh (hindi). . abhigaman tithi: 02 sitambar, 2013.
  2. kal vishv khady(hin) divas hai (hindi). . abhigaman tithi: 02 sitambar, 2013.
  3. amerika ka dava sirf 3 phisadi ka hai.
  4. janasnkhya, vishv khady divas (hindi). . abhigaman tithi: 02 sitambar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah