विश्व जनसंख्या दिवस  हिन्दी देवनागरी में पढ़ें।

vishv janasnkhya divas
World-Population-Day.jpg
vivaran 'vishv janasnkhya divas' pratyek varsh 11 julaee ko manaya jata hai. har rashtr men is din ka vishesh mahatv hai, kyoonki aj duniya ke har vikasashil aur vikasit donon tarah ke desh janasnkhya visphot se chintit hain.
manane ki tithi 11 julaee
shuruat 11 julaee, 1987
uddeshy atyadhik tez gati se badhati janasnkhya ke prati logon men jagarookata lane ke uddeshy se hi yah divas manaya jata hai.
vishesh chin ke bad bharat 1.2 arab janasnkhya ke sath vishv men doosare nnbar par hai. visheshgyon ne chinta jataee hai ki agar bharat ki janasnkhya isi dar se badhati rahi to 2030 tak yah vishv men pratham sthan par a jayega.
any janakari 11 julaee, 1987 men vishv ki janasnkhya 5 arab ko par kar gee thi. tab snyukt rashtr ne janasnkhya vriddhi ko lekar duniya bhar men jagarookata phailane ke lie 'vishv janasnkhya divas' manane ka nirnay liya tha.

vishv janasnkhya divas (angrezi: World Population Day) pratyek varsh 11 julaee ko manaya jata hai. atyadhik tez gati se badhati janasnkhya ke prati logon men jagarookata lane ke uddeshy se hi yah divas manaya jata hai. yah jagarookata manav samaj ki nee pidhiyon ko behatar jivan dene ka sndesh deti hai. bachchon ko behatar shiksha, svasthy, vatavaran sahit any avashyak suvidhaen bhavishy men dene ke lie chhote parivar ki mahati avashyakata nirantar badhati ja rahi hai. prakritik snsadhanon ka samuchit dohan kar manav samaj ko sarvashreshth banae rakhane aur har insan ke bhitar insaniyat ko barakarar rakhane ke lie yah bahut zaroori ho gaya hai ki 'vishv janasnkhya divas' ki mahatta ko samajha jae.

shuruat

'vishv janasnkhya divas' varsh 1987 se manaya ja raha hai. 11 julaee, 1987 men vishv ki janasnkhya 5 arab ko par kar gee thi. tab snyukt rashtr ne janasnkhya vriddhi ko lekar duniya bhar men jagarookata phailane ke lie yah divas manane ka nirnay liya. tab se is vishesh din ko har sal ek yad aur parivar niyojan ka snkalp lene ke din ke roop men yad kiya jane laga. har rashtr men is din ka vishesh mahatv hai, kyoonki aj duniya ke har vikasashil aur vikasit donon tarah ke desh janasnkhya visphot se chintit hain. vikasashil desh apani abadi aur janasnkhya ke bich talamel baithane men maththapachchi kar rahe hain, to vikasit desh palayan aur rojagar ki chah men bahar se akar rahane vale sharanarthiyon ki vajah se pareshan hain.[1]

janasnkhya visphot

aj vishv ki janasnkhya lagabhag 7 arab se bhi zyada hai. bharat ki janasnkhya lagabhag 1 arab, 21 karod, 1 lakh, 93 hazar, 422 hai.[2] bharat ki pichhale dashak ki janasnkhya vriddhi dar 17.64 pratishat hai. vishv ki kul abadi ka adha ya kahen isase bhi adhik hissa eshiyaee deshon men hai. chin, bharat aur any eshiyaee deshon men shiksha aur jagarukata ki kami ki vajah se janasnkhya visphot ke gnbhir khatare saph dikhaee dene lage hain. sthiti yah hai ki agar bharat ne apani janasnkhya vriddhi dar par rok nahin lagaee to vah 2030 tak duniya ki sabase badi abadi vala desh ban jaega.

bharat men bachchon ki janm dar

bharat men har ek minat men 25 bachche paida hote hain. yah ankada un bachchon ka hai, jo aspatalon men janm lete hain. abhi isamen ganvon aur kasbon ke gharon men paida hone vale bachchon ki snkhya nahin judi hai. ek minat men 25 bachchon ka janm yah saph karata hai ki aj chahe bharat men kitani bhi pragati huee ho ya bharat shikshit hone ka dava kare, kintu yah bhi ek sachchaee hai ki ab bhi desh ke logon men jagarukata nam matr ki hi aee hai. jagarukata ke nam par bharat men kee karyakram chalae ge- 'ham do hamare do' ka nara lagaya gaya, lekin log 'ham do hamare do' ka bord to divar par laga dekh lete hain, lekin ghar jakar use bilkul bhool jate hain aur tisare ki taiyari men jut jate hain. bharat men garibi, shiksha ki kami aur berojagari aise aham karak hain, jinaki vajah se janasnkhya ka yah visphot pratidin hota ja raha hai. aj janasnkhya visphot ka atnk is kadar chha chuka hai ki 'ham do hamare do' ka nara bhi ab asaphal sa ho gaya hai. isalie bharat sarakar ne naya nara diya hai- "chhota parivar, snpoorn parivar". chhote parivar ke kee phayade hain- bachchon ko achchhi paravarish milati hai, achchhi shiksha se ek bachcha do bachchon ke barabar kama sakata hai, bachche aur man ka svasthy hamesha achchha rahata hai, jisase davaiyon ka atirikt kharcha bachata hai. yah aise phayade hain, jo ek chhote parivar men hote hain.[1]

janasnkhya ki sthiti

sampoorn vishv men chin ko apani 1.3 arab janasnkhya ke chalate vishv men pratham sthan hasil hai. vahin doosari or bharat bhi apani 1.2 arab janasnkhya ke sath vishv men doosare nnbar par hai. visheshgyon ne chinta jataee hai ki agar bharat ki janasnkhya isi dar se badhati rahi to 2030 tak use vishv men pratham sthan hasil ho jayega. abhi hal ke janasnkhya parinamon ke anusar bharat ki abadi 120 karod se adhik hai, jo amerika, indoneshiya, brajil, pakistan aur bangladesh ki kul jannsakhya se jyada hai. dhyan dene yogy hai ki bharat ke kee rajy vikas men bhale hi pichhe hon, parantu unaki janasnkhya vishv ke kee desho ki janasnkhya se adhik hai, jaise- tamilanadu ki janasnkhya frans ki janasnkhya se adhik hai to vahin odisha arjentina se age hai. madhy pradesh ki janasnkhya thaeelaind se jyada hai to maharashtr meksiko ke barabar a raha hai. uttar pradesh ne brajil ko pichhe chhoda hai to rajasthan ne itali ko pachhada hai. gujarat ne dakshin aphrika ko aur pashchim bngal ne viyatanam ko pichhe chhoda hai. yahi nahin bharat ke chhote-chhote rajyon, jaise- jharakhand, uttarakhand, keral, asam ne bhi kee deshon, jaise- uganda, aaustriya, kanada, uzbekistan ko bahut pichhe chhod diya hai. apani is upalabdhi ke sath yah kah sakate hai ki bharat men janasnkhya ke adhar par vishv ke kee desh basate hai. parantu yah bhi sach hai ki bharat ke pas vishv ka matr 2.4 pratishat kshetr hai, parinamatah snsadhanon ke mamale men ham kahin zyada pichhe hai, jisase chintit hokar ek bar poorv gramin mntri raghuvnsh prasad ne yahan tak kah diya tha ki- "bhale hi kshetr aur snsadhan ke mamale men amerika hamase age ho, parantu janasnkhya ke karan kee amerika bharat men maujood hai."[3]

svasthy seva par asar

desh ki badhati janasnkhya se svasthy seva bhagavan bharose hi hai, agar aisa mana jay to koee atishyokti nahin hogi. ek taraph jahan chikitsa-paryatan ko badhava dene ki bat ki jati hai to vahin desh ka doosara paksh kuchh aur hi bayan karata hai, jisaka andaza aye din desh ke vibhinn bhagon se aye rajadhani dilli ke sarakari aspatalon ke age jama bhid ko dekhakar lagaya ja sakata hai, jahan ek chhoti bimari ki ilaj ke lie gramin ilake ke logon ko dilli sthit ems ana padata hai. bharat ki svasthy seva ke prati janasnkhya niyntran par laparavahi ki tasvir se andaza lagaya ja sakata hai. aj bhi gramin kshetron men shaharon ki apeksha mrityu-dar jyada hai. ek akade ke mutabik ajadi ke itane varshon ke bad bhi ilaz ke abhav men prasav kal men 1000 me 110 mahilaye dam tod deti hain. dhyan dene yogy hai ki yooenephapie ke karyakari nideshak ne prasav svasthy seva par chintit hote hue kaha hai ki- "vishv bhar men pratidin lagabhag 800 se adhik mahilaye prasav ke samay dam tod deti hain. vishv svasthy sngathan ki agar mane to prasav ke samay dam todane vali mahilao men 99 pratishat mahilaye vikashasil deshon se sambndhit hain, jabaki prayah unhen bachaya ja sakata hai." siaeee ke akadon ke anuroop shishu mrityu-dar sabase kam monaiko desh men hai, jahan 1.8 bachche hi kal-grasit hote hain. vahin bharat men sthiti bilakul ulti hai. bharat men aj bhi ek hajar bachchon men se 46 bachche kal ke shikar ho jate hain aur 40 pratishat se adhik bachche kuposhan ke shikar ho jate hain.[3]

shishu mrityu dar

bachchon ko janm dene vali man ke sharir se jab bar-bar janm lete bachchon ke roop men pranik tatv bahar nikalata hai, tab vah kramash: adhik kamazor bachchon ko janm dene ko vivash hoti hai. ye kamazor bachche agar ek varsh ki umr tak nahin bach pate, to hamari shishu mrityu dar badh jati hai. shishu mrityu dar philahal chhattisagadh men 70 pratishat prati hajar jivit janm hai, jo ki gramin kshetr men, jahan janm dar adhik hai aur shiksha ka star kam hai, 85 hai, tatha shaharon men 51 hai. shishu ko janm dete hue kamazor mata ki mrityu bhi ho sakati hai. yahan adhikatar prasav gharon men aprashikshit daee ke dvara hota raha hai, jahan bhavi mata ki akasmik paricharya, raktadan, shaly chikitsa ki koee vyavastha nahin hoti. aj bhi chhag men 14 lakh gramin parivar garibi rekha ke niche jite hain, aise men mata ki khurak men tatha adhik bachchon vale parivar men khanapan ki aparyaptata to bani hi rahati hai.[4]

roji-rojagar par prabhav

ek bachche ke janm ke pichhe ek mahila ko kam se kam tin mah ki roji gnvani hoti hai. jitane adhik bachche honge, utani hi yah avadhi badhati jayegi. janasnkhya badhane se rojagar ke oopar dabav aur bhi badhega. dekha jata hai ki berojagaron ki pnji men 8 lakh nam darj hai, jabaki vigat varsh bhar men mushkil se 6-7 hajar logon ko rojagar mil paya hai. gramin kshetr men rojagar ke avasar ghatane par log shaharon ki or palayan karate hain. shaharon men ekaek badhi janasnkhya ke avas ki vyavastha snbhav n hone se log jhonpad-pattiyon men ya malin bastiyan bana kar jaise taise avas karane lagate hain. isase manav garima ko thes pahunchati hai aur manav adhikaron ka hanan hota hai. asvasthyakar paristhitiyon ke karan logon men bimari phailati hai. bachchon ko shiksha v sahi paravarish nahin mil pati. din-pratidin badhati huee janasnkhya se manav ke khane-pine ki vastuon par bhi asar pada hai aur rojagar ke avasar simit ho ge hain.

prakritik snsadhanon ka dohan

amerika ke deli nyooj men chhapi ek riport ke anusar janavaron ki prajatiyon men 30 pratishat tak ki giravat aee hai, kyonki manav ne adhik se adhik prakritik snsadhanon ka dohan shuroo kar diya hai. lagatar ki ja vanon ki kataee se vrikshon ki snkhya men kami ho rahi hai. sath hi sath peyajal ki samasya bhi manav ki samane sir uthaye khadi hai. is riport men yahan tak kaha gaya hai ki agar manav dvara prakritik snsadhanon ka dohan isi prakar hota raha aur janasnkhya men vriddhi isi raftar se badhati rahi to varsh 2030 tak manav ko prithvi jaise do grahon ki avashyakata aur padegi.

parivar niyojan karyakram

vishv ki betahasa badhati huee janasnkhya ko rokane men 'parivar niyojan karyakram' karagar aur anukaraniy pahal hai. bharatiy prachinatam manyataon men bachchon ko eeshvar ki kripa ka svaroop mana jata hai, kintu vaigyanik avishkaron aur vigyan ke badhate prabhav se aj ka am vyakti bhi yah janane aur samajhane laga hai ki bachchon ke janm ko niyntrit kiya ja sakata hai. bachchon ke janm ko niyntrit karane ke lie svasthy vibhag dvara kee prakar ke sadhan ni:shulk upalabdh karae jate hain. parivar niyojan ke lie upalabdh sadhan upayog ke adhar par mukhyat: do prakar ke hote hain- sthayi evn asthayi. parivar niyojan ke sthayi sadhan men mahila evn purush nasabndi sabase karagar aur upayukt mani jati hai. en.es.vhi, bina chira ke purush nasabndi hai. yah ek saral evn surakshit vidhi hai, jisamen un nason ke donon siron ko katakar bandh diya jata hai, jisase shukranuon ka pravah hota hai. aisa karane se shukranuon ka pravah vrishan se rook jata hai aur garbhadharan nahin hota. bina chire ke nasabndi ke lie aise vyakti patr hote hain, jinaka parivar poora ho chuka ho, arthath jinhen aur bachchon ki chah n ho. isake lie sthaee garbh nirodhak sadhan apanane vale dampatti upayukt mane jate hain.[2]

isi prakar mahilaon dvara bhi nasabndi karakar sthayi roop se parivar niyojan karaya ja sakata hai. mahila nasabndi ke lie bhi adhunikatam vidhiyon ka upayog kar ise karagar aur kashtarahit banaya gaya hai. mahila nasabndi vartaman men tin prakar se ki jati hai. chikitsakon ke anusar sailipingo plasti, tayooboktomi evn laigeshan paddhati se mahilaon ki nasabndi ki jati hai. mahilaon ko nasabndi ke dauran chikitsiy paramarsh tatha samay-samay par mahila svasthy karyakarta dvara die jane vale paramarsh ko dhyanapoorvak apanana hoga. chikitsakon ke anusar bina chire ke purush nasabndi ke kee labh hain. ise nanastich vaisektomi (en.es.vhi.ti.) bhi kahate hai. is vidhi me kisi prakar ka chira ya tanka nahin lagaya jata, keval sarason ke dane ke barabar chhed kar nasabndi kiya jata hai. is poori prakriya men 5 se 10 minat tak ka samay lagata hai aur adha ghnte pashchath snbndhit vyakti apane ghar vapas ja sakata hai. yah ek surakshit vidhi hai aur isase manushy ki kamechchha men koee kami nahin hoti tatha kisi prakar ki sharirik shithilata bhi nahin ati. bina chire ki nasabndi karane vale dnpatti ko lagabhag tin mah ke lie koee bhi asthayi garbh nirodhak sadhan ka upayog karana chahie. tin mah bad viry parikshan karane ke pashchath shukranuhinata ki sthiti men asthayi sadhan bnd kar dena chahie. parivar niyojan ke asthayi sadhan ke roop men mukhy roop se kaauparati, kandom, garbh nirodhak goliyan adi sadhanon ka upayog kiya ja sakata hai. vartaman men parivar niyojan ke kee sadhan bazar men prachalit hain, kintu kisi bhi sadhan ke upayog se pahale chikitsiy janch kara lena jyada phayademnd sabit hota hain. in sadhanon ka upayog kar do bachchon ke bich men paryapt avadhi ka antar sunishchit kiya ja sakata hai.

'vishv janasnkhya divas' ke avasar par har dampatti ko janasnkhya sthirikaran ke lie apane yogadan par vichar karana hoga. janasnkhya visphot ko rokane ke lie avashyakatanusar parivar niyojan ke sadhanon ko apanakar manav samaj ke uttarottar vikas men apani sahabhagita sunishchit karani hogi. manushy ko jivan ki moolabhoot avashyakataon ke sath hi sath sarvangin vikas ke avasar upalabdh hon, isake lie janasnkhya sthirikaran avashyak hai.[2]

janasnkhya ek varadan

bharat ki badhati huee janasnkhya ka ek doosara pahaloo bhi hai. chinta ki bajay yah ane vale samay men varadan bhi ban sakati hai. agar ham poonjipatiyon ki manen to ane vale samay men khapat ki bahulata ke chalate bharat vishv ka sabase bada bazar hoga. parinamatah vishv ke bade-bade udyogapatiyon ki najar bharat par hogi. jisaki shuruat vaishvikaran ke nam par ho chuki hai. udaharanarth- aautomobaeel, shitapey jaisi knpaniyan bharat ke har nagarik tak apani pahunch banane ko bekarar hai to vahin bharatiy bazaron men mobaeel knpaniyon ki badh-si a gayi hai. aur to aur bharatiy tyoharon ka bhi poonjikaran kar samay-samay par bazar lok lubhavane tarike nikalakar unhen akarshit karane ka prayas karata hai. arthik sudhar ke nam par pratyaksh videshi nivesh jaise bharat-sarakar vishv ke lie har snbhav rasta kholana chah rahi hai. itana hi nahin duniya ke bade-bade vyapari aj bharat men ana chahate hain. gujarat isaka pramukh udaharan hai. dhyan dene yogy hai ki gujarat sarakar kee videshi knpaniyon ke sath samajhaute kar apane yahan unaki poonji nivesh karakar vikas men bharat ke sabhi rajyon se age hai. itana hi nahin agar ham ek gair sarakari sngathan ke akadon ki manen to ane vale samay men bharat men navayuvakon, navadampattiyon ki bahulata hogi, jisake chalate ye bazar ka kendr bidu honge aur inhen dhyan men rakhakar vastuon ka nirman kiya jayega.

bharat men seva-kshetr sasta hone ke karan yahan par pratishthit kapaniyon ne apane-apane kaaul sentar sthapit kiye hain, jisase lakhon logon ko rojagar upalabdh hai. bharat alag-alag snskritiyon, bhashaon aur vividhata bhare vishayon vala bazar hai. bazar ki yah vividhata hi vaishvikaran ke daur men manornjan knpaniyon ko sthaniy bhashaon aur snskriti ke hisab se vastuon ko bechane ka mauka deti hai. baharahal donon pakshon ko dhyan men rakhakar janasnkhya men ho rahi betahasa vriddhi ke chalate sarakar ko kuchh thos kadam uthane chahie, jisase ki janasakhya visphot ke karan ham kisi bhayanak tasvir se roobaroo hone na ho paen. isake sath-sath bharat sarakar ko prathamik shiksha ke alava kaushal-vikas evn anusndhan-kendrit shiksha par aur adhik dhyan dene ki zaroorat hai, jisase ki bharat men ne-ne avishkar aur anusndhan ko badhava mile. kyonki jitane adhik parivar shikshit evn jagarook honge, utani hi shishu mrityur aur prasav ke samay hone vali mahilaon ki maut ki sambhavanayen bhi kam hongi. jagarookata ko lekar bharat sarakar ka "pals-poliyo unmoolan" ka abhiyan sarahaniy evn anukaraniy hai. dhyan dene yogy hai ki 'vishv svasthy sngathan' ne bharat ko pals-poliyo jaisi gnbhir bimari se mukt ghoshit kiya hai. isi tarz par sarakar ko aur adhik prayas sabhi kshetron men karane chahie, chahe vah garibi-unmoolan ho, shiksha ho athava svasthy, jisase 'vishv janasnkhya divas' ka bharat men sahi uddeshy aur adhik badh jaye.[3]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 ek visphot jo pratidin hota hai (hindi). . abhigaman tithi: 09 julaee, 2013.
  2. 2.0 2.1 2.2 vishv janasnkhya divas par vishesh (hindi). . abhigaman tithi: 09 julaee, 2013.
  3. 3.0 3.1 3.2 bharat men vishv janasnkhya divas ke mayane (hindi). . abhigaman tithi: 09 julaee, 2013. 
  4. vishv janasnkhya divas par kuchh saval (hindi). . abhigaman tithi: 09 julaee, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah