विश्व परिवार दिवस  हिन्दी देवनागरी में पढ़ें।

vishv parivar divas
vishv parivar divas ka pratik chihn
vivaran kisi bhi samaj ka kendr parivar hi hota hai. parivar hi har umr ke logon ko sukoon pahunchata hai.
tithi 15 mee
uddeshy samooche snsar men logon ke bich parivar ki ahamiyat batane ke lie har sal 15 mee ko antarrashtriy parivar divas manaya jata hai.
shuruat snyukt rashtr amerika ne 1994 ko antarrashtriy parivar varsh ghoshit kiya tha. 1995 se yah silasila jari hai.
snbndhit lekh matri divas, bal divas, pitri divas
any janakari is din ke lie jis pratik chihn ko chuna gaya hai, usamen hare rng ke ek gol ghere ke bichon bich ek dil aur ghar ankit kiya gaya hai.

vishv parivar divas (angrezi: International Day of Families) 15 mee ko manaya jata hai. prani jagat men parivar sabase chhoti ikaee hai ya phir is samaj men bhi parivar sabase chhoti ikaee hai. yah samajik sngathan ki maulik ikaee hai. parivar ke abhav men manav samaj ke snchalan ki kalpana bhi dushkar hai. pratyek vyakti kisi n kisi parivar ka sadasy raha hai ya phir hai. usase alag hokar usake astitv ko socha nahin ja sakata hai. hamari snskriti aur sabhyata kitane hi parivartanon ko svikar karake apane ko parishkrit kar le, lekin parivar snstha ke astitv par koee bhi anch nahin aee. vah bane aur ban kar bhale toote hon lekin unake astitv ko nakara nahin ja sakata hai. usake svaroop men parivartan aya aur usake moolyon men parivartan hua lekin usake astitv par prashnachihn nahin lagaya ja sakata hai. ham chahe kitani bhi adhunik vicharadhara men ham pal rahe ho lekin ant men apane snbndhon ko vivah snstha se jod kar parivar men parivartit karane men hi sntushti anubhav karate hain.[1]

itihas

snyukt rashtr amerika ne 1994 ko antarrashtriy parivar varsh ghoshit kiya tha. samooche snsar men logon ke bich parivar ki ahamiyat batane ke lie har sal 15 mee ko antarrashtriy parivar divas manaya jane laga hai. 1995 se yah silasila jari hai. parivar ki mahatta samajhane ke lie vibhinn karyakram ayojit kie jate hain. is din ke lie jis pratik chihn ko chuna gaya hai, usamen hare rng ke ek gol ghere ke bichon bich ek dil aur ghar ankit kiya gaya hai. isase spasht hai ki kisi bhi samaj ka kendr parivar hi hota hai. parivar hi har umr ke logon ko sukoon pahunchata hai.[2]

  • atharvaved men parivar ki kalpana karate hue kaha gaya hai,

anuvratah pituah putro matra bhavatu snmanaah.
jaya patye madhumatin vachn vadatu shantivamh‌॥

arthat pita ke prati putr nishthavan ho. mata ke sath putr ekaman vala ho. patni pati se madhur tatha komal shabd bole.
parivar kuchh logon ke sath rahane se nahin ban jata. isamen rishton ki ek mazaboot dor hoti hai, sahayog ke atoot bndhan hote hain, ek-doosare ki suraksha ke vade aur irade hote hain. hamara yah farz hai ki is rishte ki garima ko banae rakhen. hamari snskriti men, parnpara men parivarik ekata par hamesha se bal diya jata raha hai. parivar ek snsadhan ki tarah hota hai. parivar ki kuchh aham zimmedariyan bhi hoti hain. is snsadhan ke kee tatv hote hain.[2]

doolan yah parivar sab, nadi nav snjog.
utari pare jahn-tahn chale, sabai bataoo log॥
[2]

  • jainendr ne itastat men kaha hai,

“parivar maryadaon se banata hai. paraspar karttavy hote hain, anushasan hota hai aur us niyat parampara men kuchh janon ki ikaee hit ke asapas jutakar vyooh men chalati hai. us ikaee ke prati har sadasy apana atmadan karata hai, izzat khanadan ki hoti hai. har ek usase labh leta hai aur apana tyag deta hai”.[2]

har sal ki thim

is din ke lie har sal ki thim
varsh thim (vishayavastu)
2013 "samajik ekata aur ant: pidhigat ekajutata"
2012 "kary-parivar sntulan sunishchit karana"
2011 "parivarik garibi aur samajik bahishkaran ke lie bhidana"
2010 "duniya bhar ke parivaron par palayan ka prabhav"
2009 "mataen aur parivar: ek badalati duniya men chunautiyan"
2008 "pita aur parivar: jimmedariyan aur chunautiyan"
2007 "parivar aur vyakti vikalangon sahit"
2006 "parivar badalana: chunautiyan aur avasar"
2005 "echaeevi / eds aur parivar bhalaee"
2004 "parivar ke antararashtriy varsh ki dasavin varshaganth: ladaee ke lie ek phremavark"
2003 "2004 men parivar ke antararashtriy varsh ki dasavin varshaganth ke palan ke lie taiyari"
2002 "parivar aur boodhe: avasar aur chunautiyan"
2001 "parivar aur svaynsevak: samajik samnjasy bilding"
2000 "parivar: ejenton aur vikas ke labharthiyon"
1999 "sabhi umr ke lie parivar"
1998 "parivar: manavadhikar ke shikshakon aur pradata"
1997 partanaraship ke adhar par "parivar bilding"
1996 "parivar: sabase pahale garibi aur beghar pidit"

bharatiy parivar

Family.jpg

bharat mukhyat: ek krishi pradhan desh hai. yahan ki parivarik rachana krishi ki avashyakataon ko dhyan men rakhakar ki gayi hai. isake atirikt bharatiy parivar men parivar ki maryada aur adarsh parnparagat hai. vishv ke kisi any samaz men grihasth jivan ki itani pavitrata, sthayipan, aur pita - putr, bhaee - bhaee aur pati - patni ke itane adhik v sthayi snbndhon ka udaharan prapt nahin hota. vibhinn kshetron, dharmon, jatiyon men sampatti ke adhikar, vivah aur vivah vichchhed adi ki pratha ki drishti se anek bhed pae jate hain, kintu phir bhi 'snyukt parivar' ka adarsh sarvamany hai. snyukt parivar men snbndhi pati - patni, unaki avivahit sntanon ke ati rikt adhik vyapak hota hai. adhikatar parivar men tin pidhiyon aur kabhi kabhi isase bhi adhik pidhiyon ke vyakti ek hi ghar men, anushasan men aur ek hi rasoeeghar se snbndh rakhate hue sammilit snpatti ka upabhog karate hain aur ek sath hi parivar ke dharmik krityon tatha snskaron men bhag lete hain. musalamanon aur eesaiyon men snpatti ke niyam bhinn hain, phir bhi snyukt parivar ke adarsh, parnparaen aur pratishtha ke karan inaka sampatti ke adhikaron ka vyavaharik paksh parivar ke snyukt roop ke anukool hi hota hai. snyukt parivar ka karan bharat ki krishi pradhan arthavyavastha ke atirikt prachin parnparaon tatha adarsh men nihit hai. ramayan aur mahabharat ki gathaon dvara yah adarsh jan jan preshit hai.

parivar snstha ka vikas

vivah ka parivar ke svaroopon se gahan snbndh hai. 'levis margan' jaise vikasavadiyon ka mat hai ki manav samaj ki prarnbhik avastha men vivah pratha prachalit nahin thi aur samaj men poorn kamachar ka prachalan tha. isake bad samay ke sath sath dhire dhire samajik vikas ke kram men 'yooth vivah', jisamen kee purushon aur kee striyon ka samoohik roop se pati patni hona), 'bahupati' vivah, 'bahupatni' vivah aur 'ek patni' ya 'ek pati' ki vyavastha samaj men vikasit huee. vastut: 'bahuvivah' aur 'ekapatni' ki pratha asabhy evam sabhy donon hi samajon men paee jati hai. at: yah mat susnt pratit nahin hota. manav shishu ke palan poshan ke lie ek dirgh avadhi apekshit hai. pahale shishu ki balyavastha men hi doosare any chhote shishu utpann hote rahate hain. garbhavastha aur prasooti ke samay men mata ki dekh-rekh ka hona avashyak hai. pashuon ki bhanti manushy men rati ki koee vishesh ritu nishchit nahin hai. at: snbhavana hai ki manav samaj ke arnbh men ya to poora samuday hi ya keval pati patni aur shishuon ka samooh hi parivar kahalata tha.

inhen bhi dekhen: parivar evn pita


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. vishv parivar divas ! (hindi) (ech.ti.em.el) mera sarokar. abhigaman tithi: 15 mee, 2011.
  2. 2.0 2.1 2.2 2.3 vishv parivar divas par kuchh vichar! (hindi) (ech.ti.em.el) vichar. abhigaman tithi: 15 mee, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah