वीरेंद्र नाथ चटर्जी  हिन्दी देवनागरी में पढ़ें।

virendr nath chatarji (janm- dhaka, mrityu- 1946) antarrashtriy khyati ke prasiddh krantikari evn svatntrata senani the. ve jivan parynt videshon men isalie bhatakate rahe ki kisi prakar angreji samrajyavad ko bharat se ukhad phenka jae.

parichay

antarrashtriy khyati ke prasiddh krantikari virendr nath chatarji ka janm dhaka ke ek prasiddh parivar men hua tha. unake pita daauktar adyoranath chatarji nijam kaaulej, haidarabad men profesar the. bharat kokila shrimati sarojini nayadoo virendranath ki bahan thi. padmaja nayadoo inaki bhatiji thin jo svatntrata ke bad pashchim bngal ki rajyapal rahin. pita ne unhen aee. si. es. ki pariksha pas karane ke lie lndan bheja tha. usamen saphalata n milane par virendr kanoon ki padhaee karane lage. isi vakt chatarji ka snpark savarakar se hua aur unake jivan ki disha badal gee. raja mahendr pratap, madam bhikaji kama, lala haradayal, shyamaji krishn varma adi ke snpark ka bhi in par prabhav pada.[1]

gatividhiyan

virendr nath chatarji ki rajanitik gatividhiyon ko dekhakar unhen laau kaaulej se nishkasit kar diya gaya. nishkasit hone ke bad ve poori tarah se bharat ko svatntr karane ke paksh men jut gaye. jarmani aur roos ki yatra isi uddeshy se ki. chatarji peris men madam bhikhaji kama ke 'vndemataram' samooh se bhi jude rahe. isi samay ve kamyunist vicharon ke prabhav men a gaye. pratham vishvayuddh ke bad soviyat kranti ki or bharat ke any krantikariyon ka bhi akarshan hua.

roos yatra

1920 men roos samarthak krantikariyon ke neta ke roop men virendr nath chatarji ne masko ki yatra ki. lenin aur trataski inase bahut prabhavit hue. masko men unhonne bharat ki ajadi ke lie ek sngathan banane ka prayatn kiya. apas men matabhed ho jane se yah kam age nahin badh saka. virendr nath ka kahana tha ki abhi bharat ki paristhitiyan sarvahara kranti ke anukool nahin hai, atah hamen rashtriy svatntrata andolan ka samarthan karana chahie . lenin unake is vichar se sahamat the. parantu any ke sahamat n hone se isamen pragati nahin ho saki.

shesh jivan

anuman hai ki virendr nath chatarji ka shesh jivan roos men hi bita yadyapi isaka koee pakka saboot upalabdh nahin hai. kuchh logon ka kahana hai ki trataski se chatarji ki nikatata dekhakar stalin ne unhen jel men dalaba diya tha. yah bhi kaha jata hai ki apane jivan ke antim dinon men unhonne soviyat sngh ki nagarikata le li thi.

mrityu

bataya jata hai ki bimari ke karan virendr nath chatarji ka 1946 men nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 813 |

bahari kadiyan

snbndhit lekh