वी. शांता  हिन्दी देवनागरी में पढ़ें।

vi. shanta
vi. shanta
poora nam daau. vishvanathan shanta
janm 11 march, 1927
janm bhoomi mailapur, madras (vartaman chennee)
karm bhoomi bharat
karm-kshetr chikitsak
vidyalay neshanal garls haeeskool (chennee), madras medikal kaaulej.
puraskar-upadhi 'padmashri' (1986), 'padmabhooshan' (2005), 'reman maigsese puraskar' (2005), 'padm vibhooshan' (2015).
vishesh yogadan vi. shanta ne desh ke pahale shishu kainsar klinik ki ninv rakhi.
nagarikata bharatiy
any janakari vi. shanta ka parivar prabuddh aur khyati prapt logon se ujagar tha. 'nobel puraskar' prapt vaigyanik es. chandrashekhar unake mama aur prasiddh vaigyanik tatha nobel puraskar vijeta si. vi. raman unake nana ke bhaee the.
adyatan‎

vi. shanta (angrezi: V. Shanta, janm- 11 march, 1927, mailapur, madras) bharat ki aisi mahila hain, jinhen unake janakalyanakari karyon ke lie varsh 2005 men 'reman maigsese puraskar' diya gaya tha. unaka poora nam daau. vishvanathan shanta hai. bharat men kainsar ke rogiyon ki snkhya badhati ja rahi hai. vishesh roop se purushon men gale, phephadon tatha pet ka kainsar, pramukhata se dekha jata hai jo tambakoo ke karan hota hai. striyon men gardan tatha stan ka kainsar sabase jyada dekha jata hai. isake bavajood lambe samay se is disha men koee khojaparak kam tatha isake ilaj ke lie koee thos kadam nahin uthaya gaya hai. daau. vi. shanta ne 'chennee kainsar intith‌yoot' men is or bahut kam kiya aur is upekshit kshetr men ilaj tatha anusndhan donon ko apane nirdeshan men sampann kiya. unako unake dvara janakalyanakari kary ke lie maigsese puraskar pradan kiya gaya.

parichay

daau. vi. shanta ka janm 11 march, 1927 ko madras (vartaman chennee) ke mailapur men hua tha. unaka parivar prabuddh aur khyati prapt logon se ujagar tha. 'nobel puraskar' prapt vaigyanik es. chandrashekhar unake mama the aur prasiddh vaigyanik tatha nobel puraskar vijeta si. vi. raman unake nana ke bhaee. is nate unake samane uchch adarsh ke udaharan bachapan se hi the. vi. shanta ki skooli shiksha chennee men neshanal garls haeeskool se huee, jo ab sivasvami hayar sekendari skool ban gaya hai. shanta ki bachapan se daauktar banane ki ichchha thi. unhonne 1949 men madras medikal kaaulej se grejueshan kiya tatha 1955 men unaka post grejueshan em.di. poora hua.[1]

kainsar instityoot ke lie kary

isi dauran 1954 men di. muttulakshmi redh‌di ne kainsar intityoot ki sthapana ki thi. vi. shanta ne pablik sarvis kamishan ki pariksha men saphal hokar vuman end children haauspital men sevarat hone ka adesh pa liya tha, jo ki ek behad sammanit upalabdhi thi. lekin jab kainsar intityoot ka vikalp samane aya to unhonne bahuton ko naraj karate hue vuman end children haauspital ka prastav chhodakar kainsar intith‌yoot ka kam hi svikar kar liya. 13 aprail, 1955 ko vi. shanta kainsar intityoot ke parisar men pahunchi aur vahin jam geen. yah shanta ki manaviy snvedana ka ek praman bana. instityoot jab shuroo hua tha, tab usake pas ek chhoti-si bilding thi, bahut thode chikitsa prabandh the tatha unake sath keval ek aur daauktar thin, jinaka nam krishnamoorti tha. pahale tin varsh vi. shanta ne vahan avaitanik staauph ki tarah kam kiya usake bad unhen do sau rupaye pratimah tatha aspatal ke parisar men hi avas diya gaya.

is snsthan men vi. shanta ne desh ke pahale shishu kainsar klinik ki ninv rakhi. shanta ne desh men kiya jane vala pahala adhyayan sarvekshan kiya aur usake adhar par desh men pahala aisa karyakram banaya gaya, jisaka uddeshy tha ki ganvon men, kainsar ki ekadam shuruati stej par hi pahachan ki ja sake. vi. shanta ne us kainsar instityoot men rahate hue apane bhitar ke gahare junoon ka parichay diya. unhonne jab tambakoo ko purushon men kainsar paida karane vale tatv ki tarah jana to kainsar par rok-tham ki jid men unhonne purushon ke lie tambakoo chhudane vala klinik khol diya.[1]

shodh kary

vi. shanta ka rujhan anusndhan tatha prayog ki or bhi barabar raha. bahut shramasadhy adhyayan ke bad unhonne ‘kanbineshan therepi’ ko ajamane ka kadam uthaya. bharat men tab tak aisa prayog kabhi nahin hua tha, lekin achchhe parinam ke hausale ne vi. shanta ko utsahit kiya aur unhonne isaka sahara liya. yah ek soojhaboojh ke sath uthaya gaya kadam tha, lekin isake parinam ka pata pahale se nahin tha. vi. shanta ka kadam saphal raha aur kanbineshan thairepi ne chamatkari natije dikhae. is saphalata ke jariye munh ke kainsar par niyantran aur usake ilaj ki rah banani shuroo huee. is saphalata se vi. shanta ki khoj vritti thami nahin balki tej ho gee. unhonne gale, gardan tatha stan ke kainsar par gaharaee se shodh kiya tatha unhonne shishuon men rakt rog lyookemiya ko apana lakshy banaya. unhonne apane prayogon ke parinam antararashtriy medikal jaranals men prakashit karae aur duniya-bhar se snvad shuroo kiya aur 1975 men unhonne is snsthan ko bharat ka pahala ‘rijanal kainsar risarch sentar end tritament sentar’ bana diya.

anuvanshik kainsar klinik

vi. shanta ka hausala abhi bhi thama nahin tha. 1984 men unhonne snsthan ka vistar ek post grejuet kaaulej bana kar kiya. isamen shanta ne kainsar visheshgyon ko prashikshan dena shuroo kiya. is kaaulej se prashikshit hokar saikadon daauktar vishvabhar men kainsar ke khilaph apana kam kar rahe hain. varsh 1980 men shanta ne yah prayas bhi shuroo kiya ki is kainsar snsthan ko yoorop, uttari amerika, japan adi deshon ki sajhedari men vishvastariy kendr bana diya jae. inhonne is bat ki bhi kalpana ki ki vahan ek atyadhunik takanik tatha yantron se yukt prayogashala bhi bane, jo sharir ke bhitar kisi bhi jagah ki tasvir lekar visheshgyon ke samane sthiti ki sahi janakari rakhe. is akanksha ke sath vi. shanta athak roop se anudan, svikritiyon tatha rin chhoot adi jutane men lag gee. unhonne ganvon men narson ko bhi is sima tak prashikshit karane ka kam kiya ki ve bhi gardan ki sthiti ke hisab se rog ke lakshanon ko pakad saken. is tarah prayasapoorvak unhonne varsh 2000 men desh ki pahali anuvanshik kainsar klinik kholi, jo virasat men ae kainsar rog ko samajhe aur kaboo kar sake.

barah bistaron vale aspatal se shuroo hokar vi. shanta ka kainsar instityoot char sau se jyada bistaron vala bana. usamen di. mutulakshmi kaaulej aauph aaun kolojik sainsej sthapit hua, jisamen sookshm janch-parakh ki sabhi suvidhaen upalabdh ho sakin. jahan svasthy sevaen bharat men behad vyavasayik raste par chal padi hon, vahin shanta ka yah snsthan sath pratishat garib rogiyon ko n keval riyayati kimat par ilaj de raha hai, balki unake ane-jane ke kharch ka bhi dhyan unhen yatra bhatta adi dekar kiya ja raha hai. is snsthan men ek svaichchhik ikaee bhi kam karati hai, jo kainsar ke rogiyon ko bhavatmak sahara dene ka kam karati hai. batachit se unaka atmabal v atmavishvas badhati hai. kyonki kainsar ke bare men yah am dharana hai ki isaka marij nishchit roop se maut ke kagar par hota hai. aise men ilaj ke sath aise manovaigyanik sahare ka bahut mahattv hota hai. us istith‌yoot ke parisar men aise bahut se log mil jaenge jo apane jivan ko di. shanta ki bhent manate hain.[1]

puraskar v samman

  1. padmashri - 1986
  2. padmabhooshan - 2005
  3. reman maigsese puraskar - 2005
  4. padm vibhooshan - 2015

vi. shanta 'vishv svasthy sngathan' ki salahakar samiti ki sadasy hain. doosari bahut-si rashtriy antararashtriy snsthaen inhen sammanit kar chuki hain.

jivan-darshan

di. vi. shanta ka apana jivan-darshan hai. vah chaubis ghante kam karane ka hausala rakhati hain. unaka man tab dukhata hai, jab mandiron aur tirthayatraon par beharami se paise kharch kar dene vale log chikitsa snsthan ke lie kuchh dene se katarate hain. jabaki shanta ki nigah men yah sabase badi eeshvar bhakti hai. shanta ke lie unaka jivan-darshan unaka abhisht hai, vah kahati hain ki- "snsthan ke daravaje par koee kamazor, hara hua tatha bhayabhit marij dikhe, to usake lie unaka pahala kadam yahi hoga ki ap usake dard men hissedar ho jaen."[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 daau. vishvanathan shanta ka parichay (hindi) kaise aur kya. abhigaman tithi: 06 aktoobar, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah