वैष्णव आन्दोलन  हिन्दी देवनागरी में पढ़ें।

vaishnav andolan uttar bharat men vishnu ke do avatar ram aur krishn ke prati bhakti bhavana ko lekar chalaya gaya bhakti andolan tha. krishn ki bal lila aur gokul ki gopiyon aur visheshatah radha ke sath rasalila bhakt kaviyon ka priy kavy ban gaya. ise atma aur paramatma ke bich prem ke anek roopon ke pratik ke roop men unhonne prayukt kiya. prarambhik soofiyon ki bhanti hi chaitany mahaprabhu ne sngit mandaliyan jodi aur kirtan ko adhyatmik anubhooti ke lie prayukt kiya, jisamen eeshvar ka nam lene se bahy snsar ki sudh nahin rahati.

vishnu ki shreshthata

bharat men sabase pramukh devata the 'savita'. indr aur vishnu usi ke alag-alag roop the. indr ki kalpana vishnu se pahale hi kar li gayi thi. unaki pratishtha bhi vishnu se adhik thi. isalie vishnu indravaraj ya indr ke anuj kahalate the. pooja ki drishti se shiv prachinatam hain. shakti ya durga unaki sahachari hain. brahma to ved ke pradata hi hain. sabase sambandhit sahity tha-saur, brahm, shaiv aur devi ya kalika puran. kintu 'vaishnav andolan' ke tej pravah ne sabako baha diya. gupt kal men vaishnav dharm ko rajy-samman prapt hua. puranon ke naye snskaran hue, jinamen vishnu ko sarvopari thaharaya gaya. avataron ki kalpana bhi isi prakar ki gayi ki ram aur krishn ko vishnu ka poorn avatar siddh kar diya gaya. krishn ki pratishtha ke lie mahabharat men draupadi chiraharan aur govardhan-dharan ki kathaen gadhi gayin aur mahabharat men prakshipt kar di geen. ekalavy ki katha bhi mahabharat ke anshon men hai. ramayan ke shnbook aur sita ke nirvasan vala uttarakand, balakand ka 80 pratishat bhag aur ayodhya kand ka jabalopadesh ye sab bad men ramayan men prakshipt kiye gaye, yadyapi yah prakshepan eesa ki prarambhik sadiyon men hi ho gaya tha.[1]

andolan ki vyapakata

chhathi sati ke lagabhag 'vaishnav andolan' jo ek bar prarambh hua to vaidik snhitaon aur gambhir darshanik sahity ko ek kinare dhakel kar ghar-ghar ja pahuncha aur charon or vyapt ho gaya. shatabdiyon se yagyik kriyaon aur 'shaiv sampradayon' pashupat, kalamukh, lakulish, lingayat, aur shakt darshan ki rukshata aur nirasata se trast samaj kisi aisi vicharadhara ki talash men hi tha, jo usaki komal bhavanaon aur snvedanaon ko tripti de sake. jati-panti aur oonch-nich ki bhavana tatha adambaron se mukt vaishnav upasana tapati baloo par pratham varsha jal ke saman ayi. yadyapi vah ram-krishn donon ko aradhy man kar chali thi, phir bhi palada krishn ka hi bhari tha. parantu ram katha men kavyatatvon ki prachurata hone se vivekashil varg men ramacharit ko kahin adhik samman mila.

ekapatnivrat, janakalyan aur shaury ke sath daya, dharm, vinay adi men vishvas rakhane vali janata ne ramacharit men apani-apani ayu aur sthiti ke anusar mata-pita, bandhu, sakha, rakshak, vir adi sabhi parivarik adarshajanon ke darshan kar liye. ramayan ka kathanak bhi apane men bharat ki charon dishaon ko samete tha. kekay janapad, uttar-dakshin kosal, mithila pradesh, sara adivasi kshetr, nasik, kishkindha aur shrilnka ka sinhali bhag nagar aur vanavasi janon ka paraspar milan aur pashchatvarti shaiv-vaishnav sngharsh ki poorv chhaya bhi. bas ram ki katha ghar-ghar men phail gayi.[1]

bhakt kaviyon ka yogadan

aisa mana jata hai ki chaitany mahaprabhu ne vrindavan sahit sare bharat ka bhraman kiya tha. vrindavan men unhonne krishn bhakti ki punahsthapana ki. parantu, unhonne apana adhikansh samay gaya men vyatit kiya tha. unaka prabhav vyapak tha. poorvi bharat men to yah prabhav aur bhi gahara tha. inake kirtanon men hindoo aur musalaman donon jate the. inamen nimn jatiyon ke log bhi hote the. chaitany ne dharmik grnthon ya moortipooja ka virodh nahin kiya, lekin unhen paramparavadi bhi nahin kaha ja sakata. gujarat ke narasinh mehata, rajasthan ki mira, pashchimi uttar pradesh ke sooradas aur bngal tatha udisa ke chaitany ka lakshy giti-kavy aur prem ki adabhut oonchaee par pahuncha, jo varn aur jati ki simaon ko par kar gaya. ye snt apane mat men ane ke lie bina kisi bhed-bhav ke sab ka svagat karate the. yah chaitany ke jivan se ekadam saf ho jata hai. chaitany ka janm 'nadiya' men hua tha. vahin unaki shiksha huee. nadiya us samay vedantik tarkavad ka pramukh kendr tha lekin 22 sal ki ayu men chaitany ki jivan dhara badal gee. ve gaya gaye the aur vahin unhonne ek vairagi se krishn bhakti ki diksha li. ve eeshvar ke gahare nashe men kho gaye aur nirantar krishn ka nam japane lage.

ye sab snt hindoo dharm ke vishal dhanche men hi rahe. unake darshanik siddhant vedant ke addhaitavad ki hi shakhaen thin, jo eeshvar aur usaki srishti ko ek hone par hi bal deta hai. vedant darshan par anek vicharakon ne apane-apane vichar vyakt kie the, kintu bhakt kaviyon ko sabase adhik prabhavit karane vale vedantik sambhvatah vallabh the. vallabh telng brahman the. unaka samay pndrahavin shatabdi ka ant aur solahavin shatabdi ka prarambh mana jata hai.

manaviy drishtikon

in bhakt kaviyon ka drishtikon manaviy tha. unhonne udaratam manaviy bhavanaon par bal diya. ye bhavanaen thin prem aur pratyek roop men sundarata. any asampradayikon ki bhanti ye bhakti-kavi bhi varn vyavastha ko bhedane men asaphal rahe. phir bhi ve use kuchh dhila karane men saphal hue, jisase ekata ke lie ek adhar taiyar hua, jise bahut se log samajh sakate the.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 bharatiy snskriti sngrah (hindi). . abhigaman tithi: 01 aprail, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah