शंकर दत्तात्रेय देव  हिन्दी देवनागरी में पढ़ें।

shnkar dattatrey dev (janm- 4 janavari, 1894, pune) maharashtr ke prasiddh gandhivadi neta aur svatntrata senani the. unhonne marathi bhasha men anek patron ka prakashan aur snpadan bhi kiya hai.

parichay

maharashtr ke prasiddh gandhivadi neta evn svatntrata senani shnkar dattatrey dev ka janm 4 janavari 1894 ee. ko pune jile ki bhor namak ek chhoti riyasat men ek nirdhan parivar men hua tha. dhaee varsh ki umr men hi inaki mata ka dehant ho gaya aur nana ne unaki dekhabhal ki. ve kuchh din pune men padhane ke bad badauda a gaye aur kaaulej men padaee ki. yahan par vinoba bhave, chhaganalal joshi, en. vi. gadagil jaise unake sahapathi the. gandhiji ke ahvan par shnkar ne kanoon ki padhaee ko chhodakar jivan parynt svatntrata sngram aur gandhiji ke rachanatmak karyon men jud gaye. maharashtr men pradesh kangres kameti ki sthapana ka shrey shnkar dattatrey ko hai.[1]

svatntrata sngram aur jel yatra

1919 men shnkar ne daau. rajendr prasad ke sath chnparan (bihar) ke ganv men ghoomakar kisanon ki dasha ka adhyayan kiya phir ve senapati bapte ke sath pune ke satyagrah men sammilit ho gaye aur giraphtar kar lie ge. 1923 men unhen giraphtar kar liya gaya to jel men ashadh ekadashi ke din vrat rakhane aur kam n karane ke karan unhen jel men hi 30 benton ki kathor saja di gee. bent se mar khate-khate behosh hone tak ve mahatma gandhi ki jay bolate rahe. 1923 se 1925 tak unhonne baradoli ke kisan satyagrah ke snchalan men saradar patel ka sath diya. 1927 men angrejon ki 'phoot dalo aur raj karo' ki niti ka virodh karane par unhen 2 varsh ki saja phir bhogani padi. usake bad 1930 ke namak satyagrah, 1940 ke vyaktigat satyagrah aur 1942 ke 'bharat chhodo andolan' men bhi ve jel ge.

rachanatmak kary

shnkar dattatrey dev rachanatmak karyakarta to the hi unhonne rachanatmak karyakartaon ke prashikshan ke lie pune jile men ek ashram ki sthapana ki thi. vinoba bhave dvara snchalit bhoodan andolan ke bhi sakriy karyakarta the. ve ek achchhe lekhak bhi the. unhonne marathi bhasha ke anek patron ka prakashan aur snpadan kiya. kangres sngathan se unaka nikat ka snbndh tha 1946 se 1950 tak ve kangres ke mahasachiv the. snpoorn jivan desh seva karane ke liye ve ajivan avivahit rahe.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 822 |

bahari kadiyan

snbndhit lekh