शचीन्द्रनाथ सान्याल  हिन्दी देवनागरी में पढ़ें।

shachindranath sanyal
shachindranath sanyal
poora nam shachindranath sanyal
janm 1893
janm bhoomi banaras, uttar pradesh, british bharat
mrityu 7 faravari, 1942
abhibhavak harinath sanyal aur vasini devi
nagarikata bharatiy
prasiddhi svatntrata senani
jel yatra do bar kale pani ki saza huee.
vishesh yogadan apane 1908 men pandrah varsh ki ayu men kashi men 'anushilan samiti' ki sthapana ki. ise bngal ki 'anushilan samiti' ki shakha ke roop men hi sthapit kiya gaya tha.
any janakari shachindranath ne varsh 1923 men "hindustan ripablikan esosieshan" ki sthapana ki thi.

shachindranath sanyal (angrezi: Sachindranath Sanyal, janm- 1893, banaras, uttar pradesh, british bharat; mrityu- 7 faravari, 1942) bharat ki azadi ke lie sngharsh karane vale prasiddh krantikari the. ve rashtriy v krantikari andolanon men sakriy bhagidar hone ke sath hi krantikariyon ki nee pidhi ke pratinidhi bhi the. isake sath hi ve 'gadar parti' aur 'anushilan sngathan' ke doosare svatntrata sngharsh ke prayason ke mahanh karyakarta aur sngathanakarta the. varsh 1923 men unake dvara khade kie gaye "hindustan ripablikan esosieshan" ko hi bhagat sinh evn any sathiyon ne "hindustan samajavadi prajatantrik sngh" ke roop men vikasit kiya. shachindranath sanyal ko jivan men do bar 'kala pani' ki saza mili. unhonne 'hindustan ripablikan esosieshan' ke gathan ke sath hi desh bandhuon ke nam ek apil jari ki thi, jisamen unhonne bharat ke poorn svatntrata ke lakshy ke sath aur sampoorn eshiya ke mahasngh banane ki parikalpana bhi prastut ki thi.

janm tatha parivar

shachindranath sanyal ka janm 1893 ee. men uttar pradesh ke varanasi (adhunik banaras) men hua tha. inake pita ka nam harinath sanyal tatha mata ka nam vasini devi tha. shachindranath ke any bhaiyon ke nam the- ravindranath, jitendranath aur bhoopendranath. inamen bhoopendranath sanyal sabase chhote the. pita harinath sanyal ne apane sabhi putron ko bngal ki krantikari snstha 'anushilan samiti' ke karyon men bhag lene ke lie protsahit kiya tha. isi ka parinam tha ki shachindranath ke bade bhaee ravindranath sanyal 'banaras shadayntr kes' men najaraband rahe. chhote bhaee bhoopendranath sanyal ko 'kakori kand' men panch varsh qaid ki saza huee aur tisare bhaee jitendranath 1929 ke 'lahaur shadayntr kes' men bhagat sinh adi ke sath abhiyukt the.

krantikari jivan ki shuruat

shachindranath ka shuruati jivan desh ki rashtravadi andolanon ki paristhitiyon men bita. 1905 men "bngal vibhajan" ke bad khadi huee british samrajyavad virodhi lahar ne us samay ke bachchon aur navayuvakon ko rashtravad ki shiksha v prerana dene ka mahanh kary kiya. shachindranath sanyal aur unake poore parivar par isaka prabhav pada. isake phalasvaroop hi 'chapekar' bandhuon ki tarah 'sanyal bandhu' bhi samrajyavad virodhi rashtravadi dhara ke sath dridhata ke sath khade rahe. shachindranath ke pita ki mrityu 1908 men ho gayi. is samay unaki ayu matr pandrah sal thi. isake vavajood shachindranath n keval desh ki svatntrata ke lie pratibaddh hokar svayn age badhate rahe apitu pita ke saman hi apane tinon bhaiyon ko bhi isi marg par le chalane men saphal rahe. 'kale pani' ki saza ke dauran apane krantikari jivan aur samakalin krantikariyon ke jivan evn gatividhiyon par likhi apani pustak "bndi jivan" ki bhoomika men shachindranath ne svayn likha hai ki- "jab main balak hi tha, tabhi mainne snkalp kar liya tha ki bharatavarsh ko svadhin kiya jana hai aur isake lie mujhe samarik jivan vyatit karana hai". isi uddeshy ko apanakar shachindranath vaicharik evn vyaharik jivan men nirntar age badhate rahe.[1]

anushilan samiti ki sthapana

varsh 1908 men hi apani pandrah varsh ki ayu men shachindranath sanyal ne kashi men 'anushilan samiti' ki sthapana ki. ise bngal ke krantikariyon ke anushilan samiti ki shakha ke roop men sthapit kiya gaya tha. halanki bngal ki samiti se kashi ki samiti ka koee sambandh nahin ho paya tha. vaise bhi is samiti ka prarambhik svaroop vyayamashala ka tha. bad men jab bngal ki 'anushilan samiti' ko avaidh ghoshit kar diya gaya to unhonne apani snstha ka nam "yng mains esosieshan" kar liya, jo vyayamashala se age badhakar british virodhi krantrikari sngathan banane laga. yah esoshiesan shachindranath dvara apane boote par khada kiya gaya ek navayuvak rashtravadi sngathan tha. 'bngal vibhajan' ke virodh ke sath british samrajyavad virodhi bhavanaen us samay ke janajivan men teji se prabhavit ho rahi thin. lokamany tilak dvara diya gaya yah nara ki "svarajy hamara janm siddh adhikar hai aur ise ham lekar rahenge", jan-jan ka nara ban gaya tha. desh ke poorab se lekar pashchim aur uttar se lekar dakshin tak svadhinata aur svaraj ki abhootapoorv lahar uth khadi huee thi.

rasabihari bos se bhent

shachindranath sanyal 1911 men pandicheri men aravind ghosh se milane gaye, kintu unase mulaqat nahin ho payi. ab unhonne sabase pahale bngal ke krantikariyon ke sath sampark banane ka prayas kiya. san 1912 men unhonne bngal ki yatra ki. ve dhaka ke makhanasen se mile, par unase milakar shachindranath ka man sntusht nahin hua, kyonki ve dharm ke adhar par rajanitik kary ki baten kar rahe the. shachindranath ko yah bat pasnd nahin aee. phir 1913 men ve bngal ki 'anushilan samiti' ke netaon se milane gaye, uname shashank mohan, shirish aur pratul ganguli pramukh the. inhin ke jariye shachindranath ka parichay chandranagar men rah rahe prasiddh krantikari rasabihari bos se hua. shachindranath sanyal ki asadharan karm shakti, saralata, tatparata aur tivrata ko bhanp kar hi rasabihari bos ne unhen "lattoo" ka upanam de diya. shachindranath men koot-koot kar bhari vidroh ki bhavanaon ke sath adamy kriyashilata ke chalate hi unhen kee krantikari sathi barood se bhara anar bhi kahate the.[1]

sngathan ka vistar

age ke krantikari jivan men shachindranath sanyal, rasabihari bos ke anany sahayogi ke roop men age badhe. navambar, 1914 men ye donon hi ek bam parikshan ke dauran ghayal ho gaye. thik hone ke bad pun: apane kary men jut gaye. ab donon ne milakar sngathan ka vistar rajasthan tak kiya. rajasthan men pahale se hi ek rashtravadi sngathan kam kar raha tha. ise khada karane men pramukh bhoomika mahanh rashtravadi shyamaji krishn varma ki thi. krishn varma ab lndan men rahakar pravasi rashtravadi netrittv ka kary sambhale hue the. rajasthan ke us samay ke krantikariyo men arjun lal sethi, bal mukund rav, gopal sinh, kesari sinh barahath, joravar sinh barahath, pratap sinh, chhote lal tatha motichandr adi pramukh the. shachindranath ne inhen sath lekar rajasthan men sngathan ke vistar ke sath-sath dilli men bhi sngathan ke vistar ka kary kiya.

giraftari

krantikari sngathanon ke vistar ka pramukh uddeshy desh men doosare 'svatntrata sngram' ko khada karana tha. usake lie british shasan ke viruddh deshavyapi sainy bagavat karana zaroori tha. bahut kam hi log yah janate hain ki 1857 ke 'pratham svatntrata sngram' ke bad doosare svatntrata sngram ki vidhivat taiyari varshon se chal rahi thi. amerika v kanada men base pravasi bharatiyon ne 'gadar parti' ke roop men is uddeshy ko age badhate rahane ka kam kiya tha, to desh ke bhitar bngal se pnjab tak ke krantikari sngathanon ne isaki jimmedari snbhali huee thi. desh ke bhitar is svatntrata sngram ke ek pramukh snyojak rasabihari bos bhi the aur shachindranath sanyal inake dahine hath bane hue the. 'gadar parti' aur krantikari sngathanon ne 1914 se shuroo hue pratham vishvayuddh men angrezon ke phnse hone ke chalate kamazor pad rahe angrezi shasan ke viruddh hindustani sainikon ke vidroh ke jariye desh ko poori tarah se svatntrat kara lene ka nirnay liya hua tha. 21 faravari, 1915 ko is sainy vidroh aur svatntrata sngram ko arambh karane ki taiyari pakki kar li gayi thi. lekin gaddaron aur sarakar ke bhediyon ke chalate is yojana ka pata british hukoomat ko lag gaya. bhari snkhya men british sarakar dvara giraftari aur daman ka chakr chalaya gaya. isi ke phalasvaroop shachindranath sanyal ko 26 joon, 1915 ko pakad liya gaya.

kale pani ki saza

faravari, 1916 men unhen "kala pani" ki saza sunaee gayi. isamen unhen ajanm karavas evn sari sampatti jabt karane ka adesh hua. unake chhote bhaee ravindranath sanyal aur jitendranath sanyal ki bhi giraphtari huee. ravindranath ko do varsh ki saza huee. do varsh bad bhi unhen apane ghar men najarabnd rakha gaya. jitendranath ka arop siddh nahin ho saka. bad men unhonne chandrashekhar azad aur bhagat sinh ke sath kam kiya. char varshon tak andaman ki selyular jel men rahane ke bad shachindranath ke mama ne unaki man ki taraf se mafiname ki arji di aur us par karavaee ke bad shachindranath sanyal jel se chhoot kar vapas a gaye. shachindranath ne andaman men qaidiyon ke prati kie jate rahe amanaviy vyavahar ki charcha us samay ke diggaj kangresi lidaron se ki thi.[1]

sngathan ka kary

vinayak damodar savarakar v any qaidiyon ko chhudane ke lie shachindranath ne nagapur jakar vinayak damodar ke bhaee daauktar narayan savarakar ke sath milakar prayas kie. kintu kangres ke netaon ki udasinata ke chalate unake prayas vyarth ho gaye. ab shachindranath bikhare hue krantikari sngathanon ko ek jut karane ke prayas men pun: jut gaye. isake lie ve apane poorv parichit jadoo gopal mukharji, arun chandr guha, vipin chandr ganguli, manornjan gupt v narendranath bhattachary se mile aur sngathan ke kary ko ek bar phir se age badhaya. lekin bad men ghar ki arthik sthiti bigadane ke phalasvaroop shachindranath sanyal ko vardhaman zile ke ek ganv men eet bhatte ki shuruat karani padi, kintu unaka yah kam nahin chal saka. tatpashchath rel vibhag men naukari ki. phir use bhi tyagakar jamashedapur men lebar yooniyan ka kam snbhala, lekin krantikari tevar v sngathan ke abhyast shachindranath vahan par bhi tik nahin sake. ve pun: uttar bharat men krantikari sngathanon ko banane ke lie nikal pade. unhonne purane krantikariyon ke sath sampark karane aur sath hi kaaulej ke naujavanon se bhi sampark sadhane ka kam jari rakha. unhen yah dekhakar badi nirasha huee ki yuvak hnsi-majak v khelon men hi mast rahate hain. rajanitik v sahity ke prashnon par ve dilachaspi nahin lete hain, jabaki desh andolanon ke daur se gujar raha tha. giraphtari ka abhas hone par shachindranath pun: kalakatta (vartaman kolakata) chale aye. lekin usake pahale 1923 tak unhonne pnjab v snyukt prant men pachchis kranti kendron ki sthapana kar di thi.

pun: kale pani ki saja

dilli ke adhiveshan men unhonne parti ka nam "hindustan ripablikan esosieshnn" rakha tha. bad men chandrashekhar azad, bhagat sinh tatha unake sathiyon ne isaka nam evn roopantaran "hindustan prajatantrik samajavadi sngathan" ke roop men kar diya. dilli ke isi adhiveshan men shachindranath sanyal ne desh ke bandhuon ke nam ek apil jari ki. isamen unhonne sampoorn bharat ke lie poorn svatntrata ka lakshy aur bhavishy men sampoorn eshiya ka mahasngh banane ka vichar prastut kiya. unake dvara "rivolyooshanari" likha gaya parcha ek hi din men rngoon se peshavar tak banta gaya tha. is parche ka uddeshy yah dikhana tha ki desh ki svatntrata ke lie krantikari sngharsh anivary hai aur usake lie desh men ek brihad sngathan avashyak hai. parche ko likhane aur vitarit karane ke arop men unhen faravari, 1925 men do varsh ki saza huee. chhootane ke bad 'kakori kand' ke kes men unhen pun: giraphtar kiya gaya aur dubara kale pani ki saza di gayi.[1]

nidhan

varsh 1937-1938 men kangres mntrimndal ne jab rajanitik qaidiyon ko riha kiya to usame shachindranath bhi riha ho gaye. lekin unhen ghar par najarabnd kar diya gaya. kathin parishram, karavas aur phir chintaon se ve kshay rog se grast ho gaye. san 1942 men bharat ka yah mahanh krantikari jarjar sharir ke sath chir nidra men so gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 athak krantikari v sngathanakarta shachindranath sanyal (hindi). . abhigaman tithi: 6 faravari, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah