शांता सिन्हा  हिन्दी देवनागरी में पढ़ें।

shanta sinha
shanta sinha
poora nam shanta sinha
janm 7 janavari, 1950
janm bhoomi nellor, andhr pradesh
karm bhoomi bharat
karm-kshetr samajik karyakarta
vidyalay usmaniya yoonivarsiti, javaharalal yoonivarsiti
puraskar-upadhi 'elart shnkar intaraneshanal ejukeshan avard' (1999), 'padmashri' (1999), 'reman maigsese puraskar' (2003).
vishesh yogadan shanta sinha ne "mamidipudi vainkataragaiya phaundeshan" namak snstha ki sthapana ki hai. poore andhr pradesh se bal majadoori khatm karake har ek bachche ko skool bhejane ki parampara dalana hi isaka lakshy hai.
nagarikata bharatiy
any janakari shanta sinha ka dhyan keval bal-shramikon par hi nahin hai, balki unaki soch men praudh shiksha ka bhi poora sthan hai. shanta sinha bharat sarakar ke is tarah bahut-se ayojanon se judi huee hain.
adyatan‎ 12:59, 06 aktoobar-2016 (IST)

shanta sinha (angrezi: Shantha Sinha, janm- 7 janavari, 1950, nellor, andhr pradesh) antararashtriy khyati prapt balashram virodhi bharatiy karyakarta hain. shaharon tatha ganvon men garibi ka jo parinam garibi ko sthayi banae rakhane ki buniyad banata hai, vah hai bal majadoori. jin garib parivaron ke bachche garibi ke bavajood unake mata-pita ki soch ke chalate skool tak pahunchate hain, vahan garibi ke din thode rah jate hain. shanta sinha ne is nishkarsh ko poore andhr pradesh men vyapak roop se phailane ka kam kiya. unhonne logon ki is dharana ko toda ki garibon ke bachchon ke kam kie bina parivar ka gujara nahin ho sakata. is tarah unhonne apani snstha "mamidipudi vainkatarngaiya phaundeshan" (emavief) ki sekretari ke nate bal majadoori par akunsh lagaya aur bachchon ko skool ki rah par dalane ki vyavastha ki. unhonne is kary ko tamam virodh ke bavajood snkalpapoorvak nibhaya, isake lie unhen varsh 2003 'reman maigsese puraskar' pradan kiya gaya.

parichay

shanta sinha ka janm 7 janavari, 1950 ko andhr pradesh ke nellor men hua tha. unhonne poletikal sains men usmaniya yoonivarsiti se 1972 men em.e. ki pariksha pas ki tatha 1976 men unhonne javaharalal yoonivarsiti se daauktret ki upadhi prapt ki. shanta sinha bahut shuroo se hi bal majadoori ki sthiti ko dekhakar bechain rahati thin aur unake man men isake lie kuchh thos kary karane ka vichar bar-bar ata tha. 1987 men vah haidarabad yoonivarsiti men thin. tabhi yoonivarsiti ke vistar karyakram men pramukh ke nate unhen mauka mila aur unhonne tin mahine chalane vale ek kainp ka ayojan kiya, jisamen bandhua majadoori se mukt karae ge bachchon ko skool bhejane ki taiyari karaee gee. unaka yah anubhav utsahajanak raha.[1]

'mamidipudi vainkataragaiya phaundeshan' ki sthapana

1991 men unhonne apana vichar apane parivar ke samane rakha aur apane dada ji ke nam par ek snstha sthapit ki. us snstha ka nam "mamidipudi vainkataragaiya phaundeshan" rakha gaya. is snstha ka lakshy bana ki poore andhr pradesh se bal majadoori khatm karake har ek bachche ko skool bhejane ki parampara dalani hai. apane is kam ki shuruat shanta ne rngareddi zile ke garibi se grast ganvon se ki. shanta ki snstha ke sadasy vahan ke sthaniy logon se mile. vahan inaka anubhav bahut chunauti bhara raha. snstha ke log is talash men the ki vah bal majadoori kar rahe bachchon ke parivar se milakar unhen bachchon ko skool bhejane ke lie prerit karen. is koshish men sabaki dharana yahi thi ki is garibi men kam men lage parivar ke sadasy ko kam se hata kar skool bhejana kaise sambhav hai…? un parivaron ke lie unake bachche jo majadoori kar rahe the, vah parivar ke ek kamaoo sadasy jaise the. bal ya bachapan jaise visheshan unaki jindagi men koee mayane nahin rakhate the. unhen yah lagata tha ki padhaee, skool, sab paise vale parivaron ki baten hain, jab ki emavief ki taraph se snstha ke logon ka kahana tha ki padh-likh kar hi garibi se chhutakara paya ja sakata hai. yah sthiti emavief tatha shanta ke lie kathin thi, jise un logon ko har hal men jitana tha.

kaimp ayojan v anudan

shanta sinha ne har nahin mani. inhonne is kam ke lie transishan kaimp lagae. apane sath skool ke adhyapakon tatha sthaniy adhikariyon ko liya, taki unake samajhane ka adhik prabhav pade. shanta sinha ne yah bhi prabndh kiya ki unake sath ve malik log bhi aen, jinake pas bachchon ne kabhi kam kiya ho. is tarah lambe samay tak emavief dvara yah kary kiya jata raha, ki logon ki dharana badale aur ve bachchon ki padhaee ko mahattvapoorn manen. shanta tatha unake sahayogiyon ke athak prayas se unhen sthaniy tatha antar rashtriy anudan milane laga aur 1997 tak unake lie panch sau ganvon men emavief ki gatividhiyan phail geen. dhire-dhire shanta sinha ke asthayi skool jo bachchon ko shuruati daur ki taiyari karane ke lie khole ge the, itane vikasit ho ge ki unamen taiyar bachche samany skoolon men lie ja saken. unhen buniyadi taur par samany skoolon jaise hi git aur kavitaen sikhaee geen. akhabaron tatha svaichchhik adhyapakon ne bachchon men unaki prarambhik kshamataen vikasit ki aur unamen khud-b-khud ruchipoorvak padhane ki adat dalavaee. unhen padhane men anand ane laga, vah is sthiti tak pahunch ge. phir unako dhire-dhire aupacharik pathh‌yakram ke lie taiyar kiya gaya, jisake lie vah samany skoolon men jane layak ban ge the.[1]

shanta sinha ka aisa manana tha ki ye bachche to buniyadi skoolon se nikale hain, unhen niyamit skoolon men jana chahie, n ki ‘part taim skoolon’ men. part taim skool, is star tak bachchon men vah utsah nahin sncharit karate, jitana unhen is samay chahie. isalie shanta sinha ki koshish rahi ki vah samany skoolon ke roop men pablik skoolon ki manasikata men aise bachchon ke lie ek jagah svikar karen aur unhen barabar samajhakar, vyavahar karen. isake lie shanta sinha ki tim, jisamen bachchon ke mata-pita, unake shikshak, kuchh chune hue adhikarigan tatha vah svayn prayasarat rahin ki aise bachchon ke lie anukool skoolon ki talash ki ja sake, tatha unhen, is abhiyan men joda ja sake. is kram men shanta sinha varsh 2000 tak karib dhaee lakh aise bachchon ki shiksha ki vyavastha kar paee, jo pahale kabhi bal-shramik the.

praudh shiksha ka dhyan

apane is abhiyan men shanta sinha ka dhyan keval bal-shramikon par nahin tha, balki unaki soch men praudh shiksha ka poora sthan tha. shanta sinha bharat sarakar ke is tarah bahut se ayojanon se judi huee thin. assi ke dashak ke dauran shanta haidarabad yoonivarsiti men poletikal sains vibhag se judi huee thin aur unaka dhyan is or poori tarah se kendrit tha ki kam men lage hue vayask/praudh kamagaron ko kis tarah se is disha men ekajut kiya jae.

shramik vidyapith ki nideshak

shanta sinha shramik vidyapith ki nideshak rahin. yahan se judane ke bad unhen is pareshan kar dene vale tathy ki janakari mili ki chalis pratishat bandhua majadoor bachche hain, tab tak desh men ek bhi aisi ejensi kam nahin kar rahi thi, jo poori tarah se is disha men samarpit ho. tab shanta sinha ne yah chunauti svikar ki aur bal-shramikon tatha bal bndhua-majadooron ko mukt karane ka bida utha liya.

samman v puraskar

emavief ke buniyadi skoolon tatha usake any karyakramon ka andhrapradesh bhar men bharapoor vistar evn vikas hua hai aur unaka prabhav sarvatr dekha jane laga hai. shanta sinha ko 1999 men 'elart shnkar intaraneshanal ejukeshan avard' diya gaya, jo amerika dvara pradan kiya jata hai. unhen varsh 1999 men hi bharat sarakar ne 'padmashri' ki upadhi se bhi alnkrit kiya. unhen varsh 2003 'reman maigsese puraskar' pradan kiya gaya. unaki sakriyata abhi bhi thami nahin hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 shanta sinha ka jivan parichay (hindi) kaise aur kya. abhigaman tithi: 05 aktoobar, 2016.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah