शान्तरक्षित बौद्धाचार्य  हिन्दी देवनागरी में पढ़ें।

achary shantarakshit suprasiddh svatantrik madhyamik achary the. unhonne 'yogachar svatantrik madhyamik' darshanaprasthan ki sthapana ki. unaka ek matr granth 'tattvasngrah' snskrit men upalabdh hai. unhonne 'madhyamakalankar karika' namak madhyamik granth evn us par svavritti ki bhi rachana ki thi. inhin men unhonne apane vishisht madhyamik drishtikon ko spasht kiya. kintu ye granth snskrit men upalabdh nahin hain, lekin usaka bhot bhasha ke adhar par snskrit roopantaran 'tibbati-snsthan', saranath se prakashit hua tha, jo upalabdh hai.

janm tatha kal

achary shantarakshit 'vangabhoomi' (adhunik bngaladesh) ke dhaka mandal ke antargat vikramapura anumandal ke 'jahor' namak sthan men kshatriy kul men utpann hue the. ye nalanda ke nimantran par tibbat gaye the aur vahan bauddh dharm ki sthapana ki. athavin shatabdi pray: inaka kal mana jata hai.

shishy

achary kamalashil aur achary haribhadr shantarakshit ke pramukh shishy the. achary haribhadr virachit 'abhisamayalankar' ki tika 'alok' snskrit men upalabdh hai. yah atyant vistrit tika hai, jisamen 'abhisamayalankar' ki sphutartha tika bhi likhi hai, jo atyant pramanik mani jati hai. tibbat men abhisamay ke adhyayan ke prasng men usi ka pathan-pathan prachalit hai. usaka bhot bhasha se snskrit men roopantaran ho gaya hai aur yah 'kendriy uchch tibbati shiksha snsthan', saranath se prakashit hai.

rachanaen

achary shantarakshit ne apani rachanaon men bahyarthon ki satta manane vale bhavavivek ka khandan kiya aur vyavahar men vigyptimatrata ki sthapana ki. unaki ray men ary nagarjun ka yahi vastavik abhipray tha. yadyapi achary shantarakshit bahyarth nahin manate the, phir bhi 'bahyarthashoonyata' unake matanusar paramarth saty nahin hai, jaise ki vigyanavadi use paramarth saty manate hain, apitu vah snvriti saty ya vyavahar saty hai. bhavavivek ki bhanti ve bhi 'paramarthat:' ni:svabhavata' ko paramarth saty manate the. vyavahar men ve sakar vigyanavadi rahe. vigyanavad ka shantarakshit par atyadhik prabhav tha. ve chandrakirti ki ni:svabhavata ko paramarthasaty nahin manate the. bhavavivek ki bhanti ve svatantr anuman ka prayog bhi svikar karate the. shantarakshit alayavigyan ko nahin manate. svasnvedan ka pratipadan unhonne apani rachanaon men kiya tha, at: ve svasnvedan svikar karate the.

kritiyan

achary shantarakshit bharatiy darshanon ke prakand pandit the. yah unake 'tattvasngrah' namak granth se spasht hota hai. is granth men unhonne pray: bauddhetar bharatiy darshanon ko poorvapaksh ke roop men prastut kar bauddh drishti se unaka khandan kiya. is granth ke anushilan se bharatiy darshanon ke aise-aise paksh prakashit hote hain, jo is samay pray: aparichit se ho gaye hain. vastut: yah granth bharatiy darshanon ka mahakosh hai. inaki any rachanaon men 'madhyamakalankarakarika' evn usaki svavritti hai. isake madhyam se unhonne 'yogachar svatantrik' madhyamik shakha ka pravartan kiya tha.

tantrik

shantarakshit vyavaharik sadhak aur prasiddh tantrik bhi the. tattvasiddhi, vadanyay ki vipanchitartha vritti evn hetuchakradamaroo bhi unake granth mane jate hain.

nidhan

shantirakshit lagabhag assi se adhik varshon tak jivit rahe the aur tibbat men hi unaka dehavasan hua.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah