शिक्षक दिवस  हिन्दी देवनागरी में पढ़ें।

shikshak divas
Teacher's-Day.jpg
vivaran bharat men 'shikshak divas' pratyek varsh 5 sitambar ko manaya jata hai. vishv ke vibhinn desh alag-alag tarikhon men 'shikshak divas' ko manate hain.
tithi 5 sitambar
smriti divas sarvapalli radhakrishnan
uddeshy shikshak divas apane guruon ke samman men manaya jata hai. is din pratyek chhatr ko apane guru ko man-samman dene aur unaki agya manane ka pran lenna chahie.
vishesh bharat men jahan 'shikshak divas' 5 sitnbar ko manaya jata hai, vahin 'antararashtriy shikshak divas' ka ayojan 5 aktoobar ko hota hai.
snbndhit lekh sarvapalli radhakrishnan, rashtrapati
any janakari shikshak divas duniya bhar men manaya jata hai, lekin sabane isake lie ek alag din nirdharit kiya hai. kuchh deshon men is din avakash rahata hai to kahin-kahin yah kamakaji din hi rahata hai.

shikshak divas (angrezi: Teachers' Day) guru ki mahatta batane vala pramukh divas hai. bharat men 'shikshak divas' pratyek varsh 5 sitambar ko manaya jata hai. shikshak ka samaj men adaraniy v sammananiy sthan hota hai. bharat ke dvitiy rashtrapati daauktar sarvapalli radhakrishnan ke janm divas aur unaki smriti ke upalakshy men manaya jane vala 'shikshak divas' ek parv ki tarah hai, jo shikshak samuday ke man-samman ko badhata hai. hindoo pnchang ke anusar guru poornima ke din ko 'guru divas' ke roop men svikar kiya gaya hai. vishv ke vibhinn desh alag-alag tarikhon men 'shikshak divas' ko manate hain. bahut sare kaviyon, gadyakaron ne kitane hi panne guru ki mahima men rng dale hain.

mahattv

guru govind dou khade kake lagoo pay
balihari guru apane govind diyo batay.

kabiradas dvara likhi gee ukt pnktiyan jivan men guru ke mahattv ko varnit karane ke lie kafi hain. bharat men prachin samay se hi guru v shikshak parnpara chali a rahi hai. guruon ki mahima ka vrittant grnthon men bhi milata hai. jivan men mata-pita ka sthan kabhi koee nahin le sakata, kyonki ve hi hamen is rngin khoobasoorat duniya men late hain. unaka rin ham kisi bhi roop men utar nahin sakate, lekin jis samaj men rahana hai, usake yogy hamen keval shikshak hi banate hain. yadyapi parivar ko bachche ke prarnbhik vidyalay ka darja diya jata hai, lekin jine ka asali salika use shikshak hi sikhata hai. samaj ke shilpakar kahe jane vale shikshakon ka mahattv yahin samapt nahin hota, kyonki vah na sirf vidyarthi ko sahi marg par chalane ke lie prerit karate hain, balki usake saphal jivan ki ninv bhi unhin ke hathon dvara rakhi jati hai.

shikshak ka man-samman

guru, shikshak, achary, adhyapak ya tichar ye sabhi shabd ek aise vyakti ko vyakhyatit karate hain, jo sabhi ko gyan deta hai, sikhata hai. inhin shikshakon ko man-samman, adar tatha dhanyavad dene ke lie ek din nirdharit hai, jo ki 5 sitnbar ko 'shikshak divas' ke roop men jana jata hai. sirf dhan ko dekar hi shiksha hasil nahin hoti, balki apane guru ke prati adar, samman aur vishvas, gyanarjan men bahut sahayak hota hai.[1] 'shikshak divas' kahane-sunane men to bahut achchha pratit hota hai, lekin kya ham isake mahattv ko samajhate hain. shikshak divas ka matalab sal men ek din apane shikshak ko bhent men diya gaya ek gulab ka phool ya ‍koee bhi upahar nahin hai aur yah shikshak divas manane ka sahi tarika bhi nahin hai. yadi shikshak divas ka sahi mahattv samajhana hai to sarvapratham hamesha is bat ko dhyan men rakhen ki ap ek chhatr hain aur ‍umr men apane shikshak se kafi chhote hai. aur phir hamare snskar bhi to yahi sikhate hai ki hamen apane se badon ka adar karana chahie. apane guru ka adar-satkar karana chahie. hamen apane guru ki bat ko dhyan se sunana aur samajhana chahie. agar apane krodh, eershya ko tyag kar apane andar snyam ke bij boen to nishh‍chit hi hamara vyavahar hamen bahut oonchaiyon tak le jaega aur tabhi hamara 'shikshak divas' manane ka mahattv bhi sarthak hoga.[2]

prerana srot

snt kabir ke shabdon se bharatiy snskriti men guru ke uchch sthan ki jhalak milati hai. bharatiy bachche prachin kal se hi achary devo bhavah ka bodh-vaky sunakar hi bade hote hain. mata-pita ke nam ke kul ki vyavastha to sare vishv ke matri ya pitri sattatmak samajon men chalati hai, parantu gurukul ka vidhan bharatiy snskriti ki anoothi visheshata hai. kachche ghade ki bhanti skool men padhane vale vidyarthiyon ko jis roop men dhalo, ve dhal jate hain. ve skool men jo sikhate hain ya jaisa unhen sikhaya jata hai, ve vaisa hi vyavahar karate hain. unaki manasikata bhi kuchh vaisi hi ban jati hai, jaisa vah apane as-pas hota dekhate hain. saphal jivan ke lie shiksha bahut upayogi hai, jo guru dvara pradan ki jati hai. guru ka snbndh keval shiksha se hi nahin hota, balki vah to har mod par apane chhatr ka hath thamane ke lie taiyar rahata hai. use sahi sujhav deta hai aur jivan men age badhane ke lie prerit karata hai.

mali roopi shikshak

shikshak us mali ke saman hai, jo ek bagiche ko bhinn-bhinn roop-rng ke phoolon se sajata hai. jo chhatron ko kanton par bhi muskurakar chalane ko protsahit karata hai. unhen jine ki vajah samajhata hai. shikshak ke lie sabhi chhatr saman hote hain aur vah sabhi ka kalyan chahata hai. shikshak hi vah dhuri hota hai, jo vidyarthi ko sahi-galat v achchhe-bure ki pahachan karavate hue bachchon ki antarnihit shaktiyon ko vikasit karane ki prishthabhoomi taiyar karata hai. vah prerana ki phuharon se balak roopi man ko sinchakar unaki ninv ko majaboot karata hai tatha usake sarvangin vikas ke lie unaka marg prashast karata hai. kitabi gyan ke sath naitik moolyon v snskar roopi shiksha ke madhyam se ek guru hi shishy men achchhe charitr ka nirman karata hai. ek aisi parnpara hamari snskriti men thi, isalie kaha gaya hai ki-

"guru brahma, gururvishnu gururdevo maheshvarah.
guruah sakshat parabrahm tasmaiah shri guruveah namah."

kee rishi-muniyon ne apane guruon se tapasya ki shiksha ko pakar jivan ko sarthak banaya. ekalavy ne dronachary ko apana manas guru manakar unaki pratima ko apane saksham rakh dhanurvidya sikhi. yah udaharan pratyek shishy ke lie preranadayak hai.

guru-shishy parnpara

guru-shishy parnpara bharat ki snskriti ka ek aham aur pavitr hissa hai, jisake kee svarnim udaharan itihas men darj hain. lekin vartaman samay men kee aise log bhi hain, jo apane anaitik karanamon aur lalachi svabhav ke karan is parnpara par gahara aghat kar rahe hain. 'shiksha' jise ab ek vyapar samajhakar becha jane laga hai, kisi bhi bachche ka ek maulik adhikar hai, lekin apane lalach ko shant karane ke lie aj tamam shikshak apane gyan ki boli lagane lage hain. itana hi nahin vartaman halat to isase bhi badatar ho ge hain, kyonki shiksha ki ad men kee shikshak apane chhatron ka sharirik aur manasik shoshan karane ko apana adhikar hi man baithe hain. kintu kuchh aise guru bhi hain, jinhonne hamesha samaj ke samane ek anukaraniy udaharan pesh kiya hai. pray: sakht aur akkhad svabhav vale yah shikshak andar se behad komal aur udar hote hain. ho sakata hai ki kisi chhatr ke jivan men kabhi na kabhi ek aise guru ya shikshak ka agaman hua ho, jisane usake jivan ki disha badal di ya phir jivan jine ka sahi dhng sikhaya ho.[3]

rochak janakari

  • bharat men jahan 'shikshak divas' 5 sitnbar ko manaya jata hai, vahin 'antararashtriy shikshak divas' ka ayojan 5 aktoobar ko hota hai.
  • rochak tathy yah bhi hai ki shikshak divas duniya bhar men manaya jata hai, lekin sabane isake lie ek alag din nirdharit kiya hai. kuchh deshon men is din avakash rahata hai to kahin-kahin yah kamakaji din hi rahata hai.
  • yoonesko ne 5 aktoobar ko 'antararashtriy shikshak divas' ghoshit kiya tha. sal 1994 se hi ise manaya ja raha hai. shikshakon ke prati sahayog ko badhava dene aur bhavishy ki pidhiyon ki avashyakataon ko poora karane ke lie shikshakon ke mahatv ke prati jagarookata lane ke makasad se isaki shuruat ki gee thi.
  • chin men 1931 men 'neshanal sentral yoonivarsiti' men shikshak divas ki shurooat ki gee thi. chin sarakar ne 1932 men ise svikriti di. bad men 1939 men kanfyooshiyas ke janmadivas, 27 agast ko shikshak divas ghoshit kiya gaya, lekin 1951 men is ghoshana ko vapas le liya gaya.
  • sal 1985 men 10 sitambar ko shikshak divas ghoshit kiya gaya. ab chin ke jyadatar log phir se chahate hain ki kanphyooshiyas ka janm divas hi shikshak divas ho.
  • roos men 1965 se 1994 tak aktoobar mahine ke pahale ravivar ke din shikshak divas manaya jata raha. sal 1994 se vishv shikshak divas 5 aktoobar ko hi manaya jane laga.
  • amerika men mee ke pahale poorn saptah ke mngalavar ko shikshak divas ghoshit kiya gaya hai aur vahan saptah bhar isake ayojan hote hain.
  • thailaind men har sal 16 janavari ko 'rashtriy shikshak divas' manaya jata hai. yahan 21 navnbar, 1956 ko ek prastav lakar shikshak divas ko svikriti di gee thi. pahala shikshak divas 1957 men manaya gaya tha. is din yahan skoolon men avakash rahata hai.
  • eeran men vahan ke prophesar ayatullah morteja motehari ki hatya ke bad unaki yad men 2 mee ko shikshak divas manaya jata hai. motehari ki 2 mee, 1980 ko hatya kar di gee thi.
  • turki men 24 navnbar ko shikshak divas manaya jata hai. vahan ke pahale rashtrapati kamal ataturk ne yah ghoshana ki thi.
  • maleshiya men shikshak divas 16 mee ko manaya jata hai, vahan is khas din ko 'hari guru' kahate hain.[4]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. shikshak divas (hindi) (ech.ti.em.el) hindi ki prasiddh rachanayen. abhigaman tithi: 28 agast, 2010.
  2. shikshak divas ka mahattv (hindi) (ech.ti.em) vebaduniya. abhigaman tithi: 28 agast, 2010.
  3. guru ke prati vyakt karen apani bhavanaen (hindi). . abhigaman tithi: 25 agast, 2013.
  4. shikshak divas, rochak janakariyan (hindi). . abhigaman tithi: 25 agast, 2013.

snbndhit lekh