श्यामलाल गुप्त 'पार्षद'  हिन्दी देवनागरी में पढ़ें।

shyamalal gupt 'parshad'
shyamalal gupt ‘parshad' ke samman men jari dak tikat
poora nam shyamalal gupt ‘parshad'
janm 16 sitambar, 1893
janm bhoomi naraval, kanapur
mrityu 10 agast, 1977
abhibhavak vishveshvar gupt (pita)
karm bhoomi bharat
karm-kshetr svatntrata senani, patrakar, samajasevi evn adhyapak
mukhy rachanaen 'vijayi vishv tirnga pyara', 'svatantr bharat', 'pnjab kesari'.
vishay deshabhakti
bhasha hindi
puraskar-upadhi padm shri
vishesh yogadan jhndagit (vijayi vishv tirnga pyara) ki rachana
nagarikata bharatiy
any janakari parshad ji 1916 se 1947 tak poornat: samarpit karmath svatntrata sngram senani rahe.

shyamalal gupt ‘parshad’ (angrezi: Shyamlal Gupta 'Parshad', janm: 16 sitambar 1893; mrity: 10 agast, 1977) bharatiy svatntrata sngram ke ek senani, patrakar, samajasevi evn adhyapak the. shyamalal gupt ‘parshad', bharatiy svatantrata sngram ke dauran utprerak jhanda git 'vijayi vishv tirnga pyara' ke rachayita the.

jivan parichay

shyamalal gupt ka janm 16 sitambar, 1893 ko kanapur zile ke naraval kasbe men sadharan vyavasayi vishveshvar gupt ke ghar par hua tha. ye apane panch bhaiyon men sabase chhote the. inhonne midil ki pariksha ke bad visharad ki upadhi hasil ki. jisake pashchath zila parishad tatha nagarapalika men adhyapak ki naukari prarnbh ki parantu donon jagahon par tin sal ka baaund (anubndh) bharane ki naubat ane par naukari se tyagapatr de diya. varsh 1921 men ganesh shnkar vidyarthi ke snpark men aye tatha rashtriy svatntrata andolan men sahabhagita ki. apane ek vyngy rachana likhi jisake liye tatkalin angrezi sarakar ne apake upar 500 rupaye ka jurmana lagaya. apane varsh 1924 men jhndagan ki rachana ki jise 1925 men kanapur men kangres ke sammelan men pahali bar jhndarohan ke samay is git ko sarvajanik roop se samoohik roop se gaya gaya. yah jhndagit is prakar hai-

vijayi vishv tirnga pyara
jhnda uncha rahe hamara
sada shakti barasane vala
viron ko harshane vala
shanti sudha sarasane vala
matribhoomi ka tan man sara
jhnda uncha rahe hamara ...poora padhane ke lie klik karen

karyakshetr

ve bachapan se hi pratibhasnpann the. prakriti ne unhen kavita karane ki kshamata sahaj roop men pradan ki thi. jab ve panchavi kaksha men the tab unhonne yah kavita likhi:-

paropakari purush muhim men pavan pad pate dekhe,
unake sundar nam svarn se sada likhe jate dekhe.

pratham shreni men midil pas hone ke bad unhonne pita ke karobar men sahayog dena arnbh kar diya. sath hi kisi prakar padhaee bhi jari rakhi aur hindi sahity sammelan ki visharad pariksha bhi uttirn kar li. 15 varsh ki avastha se hi ve harigitika, savaiya, ghanakshari adi chhndon men sundar rachana karane lag ge the. parshadaji ki sahityik pratibha aur deshabhakti ki bhavana ne unhen patrakarita ki or unmukh kar diya. unhonne 'sachiv' namak masik patr ka prakashan snpadan arnbh kar diya. sachiv ke pratyek ank ke mukhaprishth par parshadaji ki nimn pnktiyan pramukhata se prakashit hoti thin -

ram rajy ki shakti shanti sukhamay svatntrata lane ko
liya 'sachiv' ne janm desh ki paratntrata mitane ko[1]

jhndagit ki rachana

san 1923 men fatehapur zila kangres ka adhiveshan hua. sabhapati ke roop men padhare motilal neharoo ko adhiveshan ke doosare din hi avashyak kary se bnbee jana pada. unake sthan par sabhapatitv snbhalane vale ganesh shnkar vidyarthi ko angrez sarakar ke virodh men bhashan dene ke karan jel jana pada. kangres ne us samay tak jhnda to 'tirnga jhnda' tay kar liya tha par jan-man ko prerit kar sakane vala koee jhndagit nahin tha. shri ganesh shnkar vidyarthi parshad ji ki deshabhakti aur kavy-pratibha donon se hi prabhavit the, unhonne parshadaji se jhndagit ki rachana karane ko kaha. kavy-rachana aisi chiz to hai nahin ki jab chaha ho gee. parshadaji pareshan, samay sima men kaise likha jae? kag़j-kalam lekar likhane baith ge. rat ko nau baje kuchh shabd kagaz par utarane shuroo ho ge. kuchh samay bad ek git taiyar ho gaya jo is prakar tha-

rashtr gagan ki divy jyoti rashtriy pataka namo namo.

rachana ban gee thi, achchhi bhi thi, par parshadaji ko laga bat bani nahin. laga, git samany jan-samuday ke lie upayukt nahin tha. thakakar vah let ge. par vyagrata ke karan nind nahin aee. jagate-sote, karavaten badalate-badalate rat do baje laga- jaise rachana umad rahi hai. vah uthakar likhane baith ge. kalam chal padi. svayn parshadaji ke anusar, "git likhate samay mujhe yahi mahasoos hota tha ki bharat mata svayn baithakar mujhe ek-ek shabd likha rahi hai."[1] is tarah unaki kalam se nikala ‘‘vijayi vishv tirnga pyara, jhnda ooncha rahe hamara.’’ is git ko lekar parshad ji agale din subah hi vidyarthi ji ke pas pahunch ge. ganesh shnkar vidyarthi ko yah git bahut pasnd aya aur unhonne parshad ji ki jamakar tariph ki. isake bad yah git mahatma gandhi ke pas bheja gaya jinhonne ise chhota karane ki salah di. san 1938 men kangres ke haripura adhiveshan men adhyaksh ke roop men netaji subhash chndr bos ne ise jhnda git ke roop men svikar kiya aur unake sath maujood panch hajar se adhik logon ne ise poore jajbe ke sath gaya.[2]parshad ji ke bare men apane udgar vyakt karate hue neharoo ji ne kaha tha- 'bhale hi log parshadaji ko nahin janate honge parntu samoocha desh rashtriy dhvaj par likhe unake git se parichit hai.'

svatntrata sngram men yogadan

amar shahid ganesh shnkar vidyarthi aur sahityakar pratap narayan mishr ke sannidhy men ane par shyamalal ji ne adhyapan, pustakalayadhyaksh aur patrakarita ke vividh janaseva kary kie. parshad ji 1916 se 1947 tak poornat: samarpit karmath svatntrata sngram senani rahe. ganeshaji ki prerana se apane fatehapur ko apana karyakshetr banaya aur bad men apani lagan aur nishtha ke adhar par san 1920 men ve fatehapur zila kangres ke adhyaksh bane. is dauran 'namak andolan' tatha 'bharat chhodo andolan' ka pramukh snchalan kiya tatha zila parishad kanapur men bhi ve 13 varshon tak rahe. asahayog andolan men bhag lene ke karan parshadaji ko rani yashodhar ke mahal se 21 agast 1921 ko giraftar kiya gaya. zila kalektar dvara unhen durdant krantikari ghoshit karake kendriy karagar agara bhej diya gaya. 1930 men namak andolan ke silasile men pun: giraftar hue aur kanapur jel men rakhe ge. parshadaji satat svatntrata senani rahe aur 1932 men tatha 1942 men pharar rahe. 1944 men ap pun: giraftar hue aur jel bhej die ge. is tarah ath bar men kul chh: varshon tak rajanaitik bndi rahe. svadhinata andolan men bhag lene ke dauran ve choti ke rashtriy netaon- motilal neharoo, mahadev desaee, ramanaresh tripathi aur any netaon ke snpark men ae.[1]

samaj seva

rajanitik karyon ke alava parshadaji samajik karyon men bhi agrani rahe. unhonne dosar vaishy intar kalej evn anathalay, balika vidyalay, ganesh sevashram, ganesh vidyapith, dosar vaishy mahasabha, vaishy patr samiti adi ki sthapana evn snchalan kiya. isake sath hi stri shiksha v dahej virodh men apane sakriy yogadan kiya. apane vidhava vivah ko samajik manyata dilane men sakriy yogadan kiya. parshadaji ne vaishy patrika ka jivan bhar snpadan kiya. ramacharitamanas unaka priy grnth tha. ve shreshth 'manas marmgy' tatha prakhyat ramayani bhi the. ramayan par unake pravachan ki prasiddh door-door tak thi. bharat ke pratham rashtrapati daau. rajendr prasad ji ko unhonne snpoorn ramakatha rashtrapati bhavan men sunaee thi. naraval, kanapur aur phatehapur men unhonne ramalila ayojit ki.[1]bharat bhoomi se unaka prem azadi ke bad utpann huee paristhitiyon men unhonne ek naye git ki rachana 1972 men ki jise 12 march ko lakhanoo ke katyayini karyakram men sunaya.

 dekh gatividhi desh ki main
maun man se ro raha hoon
aj chintit ho raha hoon
bolana jinako n ata tha,
vahi ab bolate hai
ras nahin vah desh ke,
utthan men vish gholate hain

samman aur puraskar

1973 men unhen 'padm shri' se alnkrit kiya gaya. unaki mrityu ke bad kanapur aur naraval men unake anekon smarak bane. naraval men unake dvara sthapit balika vidyalay ka nam 'padmashri shyamalal gupt 'parshad' rajakiy balika intar kalej kiya gaya. phoolabag, kanapur men 'padmashri' shyamalal gupt 'parshad' pustakalay ki sthapana huee. 10 agast, 1994 ko phoolabag men unaki adamakad pratima sthapit ki gee. isaka anavaran unake 99ven janmadivas par kiya gaya. jhndagit ke rachayita, aise rashtrakavi ko pakar desh ki janata dhany hai.

nidhan

10 agast 1977 ki rat ko is samajasevi, rashtrakavi ka nidhan ho gaya. ve 81 varsh ke the. svatntr bharat ne unhen samman diya aur 1952 men lal qile se unhonne apana prasiddh 'jhnda git' gaya. 1972 men lal qile men unaka abhinndan kiya gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 parshad aur jhndagit- 'jhnda ooncha rahe hamara' (hindi) abhivyakti. abhigaman tithi: 17 sitambar, 2013.
  2. is tarah racha gaya ‘vijayi vishv tirnga pyara’ (hindi) vebavarta. abhigaman tithi: 17 sitambar, 2013.

snbndhit lekh