श्रावस्ती  हिन्दी देवनागरी में पढ़ें।

shravasti vishay soochi
shravasti
prachin jain mndir ke avashesh, shravasti
vivaran bharat ke uttar pradesh rajy ke gonda-baharaich zilon ki sima par shravasti zile men yah bauddh evn jain tirth sthan sthit hai.
rajy uttar pradesh
zila shravasti
nirman kal prachin kal se hi ramayan, mahabharat, jain, bauddh adi anek ullekh
bhaugolik sthiti uttar- 27.517073°; poorv- 82.050619°
marg sthiti shravasti balaramapur se 17 ki.mi., lakhanoo se 176 ki.mi., kanapur se 249 ki.mi., ilahabad se 262 ki.mi., dilli se 562 ki.mi. ki doori par hai.
prasiddhi puravashesh. aitihasik evn pauranik sthal.
kab jaen aktoobar se march
kaise pahunchen havaee jahaz, rel, bas adi se pahuncha ja sakata hai.
havaee adda lakhanoo havaee adda
relave steshan balaramapur relave steshan
bas adda mega tarminas gonda, shravasti shahar se 50 kilomitar ki doori par hai
yatayat taiksi aur bas
kya dekhen puravashesh
Map-icon.gif googal manachitr
snbndhit lekh jetavan, shobhanath mandir, kaushal mahajanapad adi
bhasha hindi, angrezi aur urdoo
any janakari 'shravasti' n keval bauddh aur jain dharmon ka ek mahattvapoorn kendr tha apitu yah brahman dharm evn ved vidya ka bhi ek mahattvapoorn kendr tha.
bahari kadiyan adhikarik vebasait

shravasti bharat ke uttar pradesh rajy ke gonda-baharaich zilon ki sima par sthit yah jain aur bauddh ka tirth sthan hai. gonda - balaramapur se 12 mil pashchim men adhunik 'sahet-mahet' ganv hi shravasti hai. pahale yah kaushal desh ki doosari rajadhani thi. aisi pauranik manyata hai ki bhagavan ram ke putr lav kush ne ise apani rajadhani banaya tha. shravasti bauddh jain donon ka tirth sthan hai, tathagat (buddh) shravasti men rahe the, yahan ke shreshthi 'anathapindak' ne bhagavan buddh ke liye 'jetavan vihar' banavaya tha, ajakal yahan bauddh dharmashala, math aur mandir hai.

parichay

mana gaya hai ki shravasti ke sthan par aj adhunik 'sahet-mahet' gram hai, jo ek-doosare se lagabhag dedh pharlang ke antar par sthit hain. yah buddhakalin nagar tha, jisake bhagnavashesh uttar pradesh rajy ke, baharaich evn gonda zile ki sima par, rapti nadi ke dakshini kinare par phaile hue hain. anushrutiyon ke anusar sooryavnshi raja shravast ke nam par is nagari ka namakaran kar shravasti nam ki sngya di gayi, tab se ye ilaka shravasti ke nam se jana jata hai. jngalon ke bich gufa men rahakar rahagiron ko lootane ke bad unaki oongali katakar mala pahanane vale ek durdant dakoo angulimal ko rapti nadi ke kinare base isi sthan par bhagavan buddh ne apani ishvariy shaktiyon ke bal par nastik se astik banakar apana anuyayi banaya tha. ye vahi ilaka hai, jahan par gautam buddh ne apane jivan kal ke sabase jyada basnt bitaye the.

sthiti

prachin shravasti ke avashesh adhunik ‘sahet’-‘mahet’ namak sthanon par prapt hue hain.[1] yah nagar 27°51’ uttari akshansh aur 82°05’ poorvi deshantar par sthir tha.[2] ‘sahet’ ka samikaran ‘jetavan’ se tatha ‘mahet’ ka prachin 'shravasti nagar' se kiya gaya hai. prachin tila evn bhagnavashesh gonda evn baharaich zilon ki sima par bikhare pade hain, jahan balaramapur steshan se pahuncha ja sakata hai. baharaich evn balaramapur se isaki doori kramash: 26 evn 10 mil hai.[3] ajakal ‘sahet’[4] ka bhag baharaich zile men aur ‘mahet’ gonda zile men padata hai. balaramapur - baharaich marg par sadak se 800 phut ki doori par ‘sahet’ sthit hai jabaki ‘mahet’ 1/3 mil ki doori par sthit hai.[5] vinsent smith ne sarvapratham shravasti ka samikaran charada se kiya tha jo ‘sahet-mahet’ se 40 mil uttar-pashchim men sthit hai.[6] lekin jetavan ke utkhanan se govind chnd gahadaval ke 1128 ee. ke ek abhilekh ki prapti se isaka samikaran ‘sahet-mahet’ se nishchit ho gaya hai.[7]

namakaran

  • savatthi, snskrit shravasti ka pali aur arddhamagadhi roop hai.[8] bauddh granthon men is nagar ke nam ki utpatti ke vishay men ek any ullekh bhi milata hai. inake anusar savatth (shravast) namak ek rishi yahan par rahate the, jinaki badi oonchi pratishtha thi. inhin ke nam ke adhar par is nagar ka nam shravasti pad gaya tha.
khatti, shravasti
  • panini (lagabhag 500 ee.poorv) ne apane prasiddh vyakaran-granth 'ashtadhyayi' men saf likha hai ki- "sthanon ke nam vahan rahane vale kisi vishesh vyakti ke nam ke adhar par pad jate the."
  • mahabharat ke anusar shravasti ke nam ki utpatti ka karan kuchh doosara hi tha. shravast namak ek raja huye jo ki prithu ki chhathin pidhi men utpann huye the. vahi is nagar ke janmadata the aur unhin ke nam ke adhar par isaka nam shravasti pad gaya tha. puranon men shravastak nam ke sthan par shravast nam milata hai. mahabharat men ullikhit yah parampara uparyukt any paramparaon se kahin adhik prachin hai. atev usi ko pramanik manana uchit bat hogi. bad men chal kar kosal ki rajadhani, ayodhya se hatakar shravasti la di gee thi aur yahi nagar kosal ka sabase pramukh nagar ban gaya.
  • brahman sahity, mahakavyon evn puranon ke anusar shravasti ka namakaran shravast ya shravastak ke nam ke adhar par hua tha. shravastak yuvanashv ka putr tha aur prithu ki chhathi pidhi men utpann hua tha.

vikas

hamare kuchh prachin granthon ke anusar kosal ka yah pradhan nagar sarvada ramanik, darshaniy, manoram aur dhanadhany se snpann tha. isamen sabhi tarah ke upakaran maujood the. isako dekhane se lagata tha, mano devapuri alakananda hi sakshat dharatal par utar aee ho. nagar ki sadaken chaudi thin aur in par badi savariyan bhali bhanti a sakati thin. nagarik shrringar-premi the. ve hathi, ghode aur palaki par savar hokar rajamargon par nikala karate the. isamen rajakiy koshthagar[9] bane huye the, jinamen ghi, tel aur khane-pine ki chizen prabhoot matra men ekatr kar li gee thin.[10] vahan ke nagarik gautam buddh ke bahut bade bhakt the. 'milindaprashn' namak granth men chadhav-badhav ke sath kaha gaya hai ki isamen bhikshuon ki snkhya 5 karod thi. isake alava vahan ke tin lakh sattavan hazar grihasth bauddh dharm ko manate the. is nagar men 'jetavan' nam ka ek udyan tha, jise vahan ke 'jet' namak rajakumar ne aropit kiya tha. is nagar ka anathapindak namak seth jo buddh ka priy shishy tha, is udyan ke shantimay vatavaran se bada prabhavit tha. usane ise kharid kar bauddh sngh ko dan kar diya tha.[10] bauddh granthon men katha ati hai ki is poonjipati ne jetavan ko utani mudraon men kharida tha


vithika


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. arkiyolajikal sarve aauf indiya riportas, bhag 1, prishth 330; evn bhag 11, prishth 78
  2. em. venktarammaiya, shravasti, arkiyolajikal sarve aauph indiya, dilli 1981, prishth 1
  3. vimalacharan laha, prachin bharat ka aitihasik bhoogol, uttar pradesh hindi grnth akadami, lakhanoo, 1972, prishth 210
  4. jetavan
  5. di memayars aauph d arkiyolaaujikal sarve aauph indiya, bhag 50, dilli 1935 men uddhrit vimalacharan laha ka lekh ‘shravasti in indiyan litarechar’, prishth 1
  6. jarnal aauf d raauyal eshiyatik sosaiti, 1900, prishth 9
  7. arkiyolaaujikal sarve aauf indiya enual riportas 1907-08, prishth 131-132; vishuddhanand pathak, histri aauf koshal, motilal banarasidas, varanasi, 1963 ee., prishth 63
  8. sinh, daau. ashok kumar uttar pradesh ke prachinatam nagar (hindi). bharatadiskavari pustakalay: vani prakashan, nee dilli, 98-124.
  9. kothar
  10. 10.0 10.1 hamare purane nagar |lekhak: daau. uday narayan ray |prakashak: hindustan ekedemi, ilahabad |prishth snkhya: 43-46 |
  • aitihasik sthanavali | vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar

snbndhit lekh