संगठन की शक्ति

sangathan ki shakti panchatantr ki prasiddh kahaniyoan mean se ek hai jisake rachayita achary vishnu sharma haian.

kahani

          ek van mean bahut bada ajagar rahata tha. vah bahut abhimani aur atyant kroor tha. jab vah apane bil se nikalata to sab jiv usase darakar bhag khade hote. usaka muanh itana vikaral tha ki kharagosh tak ko nigal jata tha. ek bar ajagar shikar ki talash mean ghoom raha tha. sare jiv to use bil se nikalate dekhakar hi bhag chuke the. use kuchh n mila to vah krodhit hokar phuphakarane laga aur idhar-udhar khak chhanane laga. vahian nikat mean ek hirani apane navajat shishu ko pattiyoan ke dher ke niche chhipakar svayan bhojan ki talash mean door nikal gee thi.
ajagar ki phuphakar se sookhi pattiyaan udane lagi aur hirani ka bachcha najar ane laga. ajagar ki najar us par padi hirani ka bachcha us bhayanak jiv ko dekhakar itana dar gaya ki usake muanh se chikh tak n nikal paee. ajagar ne dekhate-hi-dekhate navajat hiran ke bachche ko nigal liya. tab tak hirani bhi laut aee thi, par vah kya karati? aankhoan mean aansoo bhar jad hokar door se apane bachche ko kal ka gras banate dekhati rahi.
hirani ke shok ka thikana n raha. usane kisi-n kisi tarah ajagar se badala lene ki than li. hirani ki ek nevale se dosti thi. shok mean doobi hirani apane mitr nevale ke pas gee aur ro-rokar use apani dukhabhari katha sunaee. nevale ko bhi bahut du:kh hua. vah dukh-bhare svar mean bola 'mitr, mere bas mean hota to maian us nich ajagar ke sau tukade kar dalata. par kya karean, vah chhota-mota saanp nahian hai, jise maian mar sakooan vah to ek ajagar hai. apani pooanchh ki phatakar se hi mujhe adhamara kar dega. lekin yahaan pas mean hi chitianyoan ki ek baanbi haian. vahaan ki rani meri mitr haian. usase sahayata maangani chahie.'
hirani nirash svar mean vilap kiya “par jab tumhare jitana bada jiv us ajagar ka kuchh bigadane mean samarth nahian haian to vah chhoti-si chianti kya kar legi?”
nevale ne kaha 'aisa mat socho. usake pas chiantiyoan ki bahut badi sena haian. sangathan mean badi shakti hoti haian.'
hirani ko kuchh asha ki kiran najar aee. nevala hirani ko lekar chianti rani ke pas gaya aur use sari kahani sunaee. chianti rani ne soch-vicharakar kaha 'ham tumhari sahayata kareange . hamari baanbi ke pas ek sankarila nukile pattharoan bhara rasta hai. tum kisi tarah us ajagar ko us raste se ane par majaboor karo. baki kam meri sena par chhod do.'
nevale ko apani mitr chianti rani par poora vishvas tha isalie vah apani jan jokhim mean dalane par taiyar ho gaya. doosare din nevala jakar saanp ke bil ke pas apani boli bolane laga. apane shatru ki boli sunate hi ajagar krodh mean bharakar apane bil se bahar aya. nevala usi sankare raste vali disha mean dauda. ajagar ne pichha kiya. ajagar rukata to nevala mudakar phuphakarata aur ajagar ko gussa dilakar phir pichha karane par majaboor karata. isi prakar nevale ne use sankarile raste se gujarane par majaboor kar diya. nukile pattharoan se usaka sharir chhilane laga. jab tak ajagar us raste se bahar aya tab tak usaka kafi sharir chhil gaya tha aur jagah-jagah se khoon tapak raha tha.
usi samay chiantiyoan ki sena ne us par hamala kar diya. chiantiyaan usake sharir par chadhakar chhile sthanoan ke nange maans ko katane lagian. ajagar tadap utha. apana sharir patakane laga jisase aur maans chhilane laga aur chiantiyoan ko akraman ke lie ne-ne sthan milane lage. ajagar chiantiyoan ka kya bigadata? ve hajaroan ki ginati mean us par toot pad rahi thian. kuchh hi der mean kroor ajagar ne tadap-tadapakar dam tod diya.

sikh- sangathan shakti b de-b doan ko dhool chata deti hai.