सत्ता का रंग -आदित्य चौधरी  हिन्दी देवनागरी में पढ़ें।

Bharatkosh-copyright-2.jpg
fesabuk par bharatakosh (nee shuruat) bharatakosh fesabuk par adity chaudhari adity chaudhari
satta ka rng -adity chaudhari

Shershah-suri.jpg

        giragit aur kharabooze men kya farq hai ?
        giragit mahaul dekhakar rng badalata hai aur kharabooza, kharabooze ko dekhakar rng badalata hai.
hamare netaon ke bhi do hi prakar hote hain aur inamen farq bhi vahi hota hai jo giragit aur kharabooze men...
        n jane kitane sal purani bat hai ki n jane kis desh ke ek sultan ne apani pasnd ka mahal banavane ka huqm diya. bis sal men mahal banakar taiyar ho gaya. ab itana hi kam baqi rah gaya tha ki mahal ke bahari daravaze par sultan ka nam likh diya jaye. agale din sultan mahal dekhane ane vala tha.
        lekin ye kya ? subah ko dekha to pata chala ki mahal ke bahari daravaze par to sultan ki bajay 'inna' ka nam likha hua hai, aur phir rozana yahi hone laga ki nam likha jata tha sultan ka lekin vah badal jata tha inna ke nam se....
        kaun tha 'inna' ? inna ek phate-hal gulam tha aur isane bhi mahal banane men mazadoori ki thi. inna, eemanadar aur rahamadil hone ke sath-sath ek aisa gayak bhi tha, jisake git poori saltanat men mashahoor the. usake dil men chidiyon aur janavaron ke lie bepanah muhabbat thi. chidiyon ka pinjare men rahana aur ghodon ko daudane ke lie kodon se pita jana pasnd nahin karata tha inna. sachamuch bahut rahamadil tha inna.
        ye bat sultan tak pahunchi ki sari saltanat men isi ka charcha hone laga hai. sultan ne apani malika aur vazir se salah ki. poori yojana ke sath malika is garib 'inna' ke ghar ja dhamaki. hazar inkar-isarar ke bad inna ko mahal men le jaya gaya aur zabardasti saltanat ka vazir banaya gaya.
        inna ne vazir banate hi tamam faraman jari kar die- jaise ki koee garib basi khana nahin khaega, kisi janavar ko kode nahin lagae jaenge, chidiyan pinjaron men nahin rahengi. garib phate-chithade nahin pahanenge adi-adi.
        is adesh ka palan, malika aur purane vazir ki 'chal' ke anusar kiya gaya. kuchh aise hua ki garib janata se khana chhina jane laga. taza khana unako mil nahin pata tha aur basi khana is naye adesh ne bnd kara diya, sath hi dnd bhi diya jane laga. jo bhi phate kapadon men dikhata use pita jata aur usake kapade utar die jate. ghodon ko kodon ke bajay any sadhanon se pita jane laga. kul mila kar yah hua ki hahakar mach gaya.
        is bat ki khabar inna ko di gee ki padosi desh hamala kar sakate hain aur ghodon ke bina yuddh nahin ho sakata, kyonki ghode bina koda lagaye chalenge hi nahin to yuddh kaise lada jaega ? 
        inna ab vo inna nahin raha tha. mahal ki aram aur ayyashi ki zindagi, jisamen laziz khana, umda sharab aur manornjan ke lie nartakiyan shamil thin, ne inna ko poori tarah badal diya tha. aye din inna ko apane faramanon ko badalana padata tha. jng ke lie taiyar karane ke lie ghodon ko phir se kode laga kar daudane ka adesh inna ne jari kiya aur inna ka poora vyaktitv ab thik vaisa hi ho gaya tha jaisa ki kisi zalim shasak ka ho sakata hai.
        do sal guzar gaye the, ab sultan ne inna ko bulavakar usase tamam saval kie aur use koee surila gana sunane ke lie kaha. do sal sharab pine aur aram ki zindagi bitane vala inna ab sirf phati avaz men hi ga paya. yah likhane ki zaroorat nahin hai ki mahal ke daravaze se inna ka nam mitakar jab sultan ka nam dobara likha gaya to vah badal kar inna nahin hua.
inna ka qissa asal men asagar vajahat ke natak 'inna ki avaz' ka saransh hai. 

bat sirf itani si hai ki 'satta' ki ek 'apani bhasha' aur 'apani snskriti' hoti hai aur satta men bane rahane ke kuchh niyam hote hain. in bhasha, snskriti aur niyamon ka prayog kiye bina satta chal nahin sakati. jabaki satta prapt karane ke lie koee niyam nahin hai. satta prapt karane ke lie vibhinn tarike apanaye ja sakate hain aur apanaye jate bhi hain.

kuchh udaharanon par ek drishti dali jay:
       
        - mugal badashah ko harane ke bad sherashah soori jab dilli ki gaddi par baitha to kahate hain ki sabase pahale vah shahi bag ke talab men apana chehara dekhakar yah parakhane gaya ki usaka matha badashahon jaisa chauda hai ya nahin ! 
jab sherashah se poochha gaya "apake badashah banane par kya-kya kiya jay ?" 
tab sherashah ne kaha "vahi kiya jay jo badashah banane par kiya jata hai!" 
ek sadharan se zamidar parivar men janma ye 'farid' jab humayoon ko harakar 'badashah sherashah soori' bana to usane sabase pahale yahi socha ki usaka acharan bilkul badashahon jaisa hi ho. sherashah ne sadaken, saray, pyaoo adi vikas kary to kie, lekin hinduon par lagane vale kar 'jaziya' ko nahin hataya, kyonki afagani sahayogiyon ko khush rakhana zyada zaroori tha.     
        - ab samakalin paristhitiyan dekhen to pata chalata hai ki jo neta gandhi ji ke ashram men baithe unake naye vaktavy ko sunane ke lie unaka munh taka karate the, ve hi neta bharat ke svatntr hote hi rajakaj men itane vyast ho gaye ki apani upeksha se aghae gandhi ji ko kahana pada ki mujhe doodh men se makkhi ki tarah nikal kar phenk diya gaya hai.
        - apatakal ke khilaf jayaprakash narayan ke andolan se janmi janata parti sarakar ne matr dhaee sal men hi dam tod diya. bharat ki janata ne bade ashchary se apane netaon ko satta ke lie naye naye jhagadon men lipt dekha aur janata parti ki sarakar se janata ki yah ummid ki desh men koee aisa krantikari parivartan hoga, jisase bharat ki janata ki samriddhi aur vikas hoga, dhara ka dhara rah gaya. satta prapt karane se pahale jo usool aur adarsh nibhae jate hain, ve satta prapti ke bad bhi nibha pana bahut kathin ho jata hai.
        - kahate hain ki aurngazeb ne marane se pahale kuchh nasihaten di thin. jinamen se ek yah bhi thi ki badashah ko vade karane to chahie, lekin un vadon ko nibahane ki fikr karane ki zaroorat badashah ko nahin hai. sidhi si bat hai rajaniti ka uddeshy hota hai 'satta' aur satta ke raste men agar koee janata se kiya hua vada ata hai to vah vada to toda hi jayega n. bharat vibhajan ke daur men mahatma gandhi ne kaha tha ki mere sharir ke do tukade ho sakate hain, lekin bharat ke nahin. bharat ke do nahin balki tin tukade hue aur gandhi ji dekhate rahe.    
        - jab ham sadak par paidal chal rahe hote hain to ham svat: hi paidal chalane valon ke samooh ke sadasy hote hain. hamari sahaj sahanubhooti paidal chalane valon ki or rahati hai aur kar valon ka samooh hamen apana nahin lagata. hamen paidal chalate samay sadak par chalati karon aur unake malikon ka apane viruddh pratit hona svabhavik hi hai. jab ham kar men baithe hon to aisi ichchha hoti hai ki kash ye paidal, saikil, riksha, tange n hote to pharrate se hamari kar ja sakati ! is snbndh men ek qissa bahut sahi baithata hai-

        ek ganv men bhaynkar badh a gee. charon taraf tabahi ho gee, tamam makan toot ge. badhate hue pani se bachane ke lie ek purane mazaboot makan ki chhat par saikadon ganv vale ja chadhe. chhat par pahunchane ke sabhi raste bnd the, sirf ek bans ki sidhi lagi huee thi. usi sidhi se chadh kar ganv ka sarapnch bhi chhat par pahunch gaya. ye sarapnch hamesha samaj sudhar ki baten kiya karata tha, lekin chhat par akar jab isane sidhi oopar khinch li to sabako ashchary hua. usase poochha gaya-
"sarapnch ji apane aisa kyon kiya ? sidhi oopar khinch li to ab aur log kaise chadhenge ?"
"tum logon ko maloom nahin hai. yah makan meri janakari men bana tha aur isaki chhat utani mazaboot nahin hai jitana ki tum samajh rahe ho, aur adhik log chadhe to bojh zyada ho jaega aur chhat toot jaegi. isalie mainne sidhi khinch li... n sidhi dikhegi aur n koee aur chadhega" sarapnch ne samajhaya.
        apako aisa nahin lagata ki is ganv ka qissa asal men jagah-jagah rozana hi ghatata hai. kabhi bhid bhari relagadi men to kabhi bas men aur sabase zyada to zindagi men saphalata prapt karane ki daud men. har koee jaise sidhi ko chhupa dena chahata hai...

is saptah itana hi... agale saptah kuchh aur...
-adity chaudhari
snsthapak evn pradhan sampadak

adity chaudhari ki rachanaen
sampadakiy lekh kavitaen vidiyo / fesabuk apadets
sampark- ee-mel: [email protected]   •   fesabuk

tika tippani aur sndarbh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah



llpp