सत्यमेव जयते  हिन्दी देवनागरी में पढ़ें।

satyamev jayate
bharat ka rashtriy pratik
vivaran bharat ka 'adarsh rashtriy vaky' hai- "satyamev jayate". yah bharat ke rashtriy pratik ke niche devanagari lipi men ankit hai.
arth 'satyamev jayate' arthat "saty ki sadaiv hi vijay hoti hai".
grahya grnth 'mundakopanishad'
prasiddhi bharat ka 'adarsh rashtriy vaky'
pratik shasan evn prashasan ki shuchita ka pratik
any janakari 'satyamev jayate' ko rashtrapatal par lane aur usaka prachar karane men pndit madanamohan malaviy ki mahattvapoorn bhoomika rahi thi.

satyamev jayate bharat ka 'rashtriy adarsh vaky' hai, jisaka arth hai- "saty ki sadaiv hi vijay hoti hai". yah bharat ke rashtriy pratik ke niche devanagari lipi men ankit hai. 'satyamev jayate' ko rashtrapatal par lane aur usaka prachar karane men pndit madanamohan malaviy ki mahattvapoorn bhoomika rahi thi. vedant evn darshan grnthon men jagah-jagah sath asath ka prayog hua hai. sath shabd usake lie prayukt hua hai, jo srishti ka mool tattv hai, sada hai, jo parivartit nahin hota, jo nishchit hai. is sath tattv ko brahm athava paramatma kaha gaya hai.

itihas

sampoorn bharat ka adarsh vaky 'satyamev jayate' uttar bharatiy rajy uttar pradesh ke varanasi ke nikat sthit saranath men 250 ee. poo. men maury samrat ashok dvara banavaye ge sinh stambh ke shikhar se liya gaya hai, kintu is shikhar men yah adarsh vaky nahin hai. 'satyamev jayate' moolatah 'mundakopanishad' ka sarvgyat mntr hai. 'mundakopanishad' ke nimn shlok se 'satyamev jayate' liya gaya hai-

satyamev jayate nanritn satyen pntha vitato devayanah.
yenakramantyrishayo hyaptakama yatr satsatyasy paramn nidhanamh॥[1]

adarsh sootr vaky

prachin bharatiy sahity ke 'mundakopanishad' se liya gaya yah adarsh sootr vaky aj bhi manav jagat ki sima nirdharit karata hai. 'saty ki sadaiv vijay ho' ka viparit hoga- 'asaty ki parajay ho'. saty-asaty, sabhyata ke arambh se hi dharm evn darshan ke kendr bindu bane huye hain. 'ramayan' men bhagavan shriram ki lnka ke raja ravan par vijay ko asaty par saty ki vijay bataya gaya aur pratik svaroop aj bhi ise 'dashahara' parv ke roop men sare bharat men manaya jata hai tatha ravan ka putala jalakar saty ki vijay ka shnkhanad kiya jata hai. vishv prasiddh mahakavy 'mahabharat' men bhi ek shrikrishn ke netritv aur panch pandavon ki sau kauravon aur attharah akshauhini sena par vijay ko saty ki asaty par vijay bataya gaya. kalantar men ved aur puran ke virodhiyon ne bhi saty ko 'pnchashil' v 'pnchamahavrat' ka pramukh ang mana.[2]

gandhiji ka kathan

'saty' ek behad satvik kintu jatil shabd hai. dhaee aksharon se nirmit yah shabd utana hi saral hai, jitana ki 'pyar' shabd, lekin is marg par chalana utana hi kathin hai, jitana ki sachche pyar ke marg par chalana. rashtrapita mahatma gandhi, jinhen saty ka sabase bada vyavaharavadi upasak mana jata hai, unhonne saty ko eeshvar ka paryayavachi kaha. gandhiji ne kaha tha ki- "saty hi eeshvar hai evn eeshvar hi saty hai." yah vaky gyan, karm evn bhakti ke yog ki triveni hai. saty ki anubhooti agar gyan yog hai to ise vastavik jivan men utarana karmayog evn antatah saty roopi sagar men doobakar isaka rasasvadan lena hi bhakti yog hai. shayad yahi karan hai ki lagabhag sabhi dharm saty ko kendr bindu banakar hi apane naitik aur samajik niyamon ko pesh karate hain.

dharm ka pratik

saty ka viparit asaty hai. saty agar dharm hai to asaty adharm ka pratik hai. hindoo dharm ke pavitr grnth 'gita' men bhagavan shrikrishn kahate hain ki- jab-jab is dhara par adharm ka abhyuday hota hai, tab-tab main is dhara par janm leta hoon. bharat sarakar ke rajakiy chihn 'ashok chakr' ke niche likha 'satyamev jayate' shasan evn prashasan ki shuchita ka pratik hai. yah har bharatiy ko ahasas dilata hai ki saty hamare liye ek tathy nahin varanh hamari snskriti ka sar hai. sahity, film evn lok vidhaon men bhi antatah saty ki vijay ka hi udghosh hota hai.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mundakopanishadh tritiy mundak shlok 6
  2. 2.0 2.1 yadav, krishn kumar. satyamev jayate (hindi). . abhigaman tithi: 11 mee, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah