सम्पूर्णानंद  हिन्दी देवनागरी में पढ़ें।

sampoornannd
daau. sampoornannd
poora nam daau. sampoornannd
janm 1 janavari, 1889
janm bhoomi varanasi, uttar pradesh
mrityu 10 janavari, 1969
abhibhavak munshi vijayannd aur anndi devi
nagarikata bharatiy
prasiddhi svatntrata senani, rajaneta, lekhak
parti bharatiy rashtriy kangres
pad uttar pradesh ke poorv mukhyamntri aur rajasthan ke poorv rajyapal
kary kal mukhyamntri (uttar pradesh)- 28 disnbar 1954 se 7 disnbar 1960 tak; rajyapal (rajasthan)- 16 apral 196216 apral 1967
shiksha bi.esasi. el.ti.
bhasha hindi, snskrit, farasi
vishesh yogadan sampoornanand snskrit vishvavidyalay ki sthapana men vishesh yogadan diya.
mukhy rachanaen antarrashtriy vidhan, samajavad, hindoo dev parivar ka vikas, aryon ka adi desh, jivan aur darshan adi
any janakari 'maryada' nam ki hindi patrika aur 'tude' namak angrezi dainik ka snpadan bhi kiya.

sampoornannd (angrezi: Sampurnanand, janm:1 janavari, 1889, varanasi; mrityu: 10 janavari, 1969) prasiddh svatntrata senani aur rajaneta the, jo uttar pradesh ke mukhyamntri aur rajasthan ke rajyapal bhi rahe the. daau. sampoornannd kushal tatha nirbhik rajaneta evn sarvatomukhi pratibha vale sahityakar evn adhyapak the. unaki itihas, puran, darshan, rajaniti, samajashastr adi men gahari paith thi. adhyatmik vishayon men bhi unaki badi ruchi thi. ve samajavadi vicharon ke vyakti the aur 1934 men kangres ke andar 'samajavadi parti' ke gathan men achary narendr dev ke sath unaka bhi pramukh hath tha.

jivan parichay

prasiddh rajaneta aur vidvan daau. snpoornannd ka janm 1 janavari, 1889 ee. ko varanasi men hua tha. unake pita ka nam munshi vijayannd aur mata ka nam anndi devi tha. pitamah bakhshi sadannd kashi naresh ke divan the. kinaram baba ke ashirvad se sab purushon ke nam ke sath 'annd' shabd lagane laga. pita munshi vijayannd sarakari karmachari the. snpoornannd ji ne 18 varsh ki umr men bi.esasi. ki pariksha pas ki. apane adhyavasay se inhonne farasi aur snskrit ka bhi achchha gyan prapt kar liya.

sampoornannd ke samman men jari dak tikat

karyakshetr

el.ti. karane ke bad ve adhyapan ki or pravritt hue. kuchh din tak harishchndr haee skool aur mishan skool men padhaya. phir raja mahendr pratap dvara sthapit prem mahavidyalay vrindavan men vigyan ke adhyapak rahe. kuchh samay bad rajakumaron ke deli kaaulej, indaur men ganit ke adhyapak bane. 1918 men maharaja bikaner ne doogar kaaulej ka pradhanachary banakar unhen bikaner bula liya. 1921 tak ve bikaner rahe aur phir asahayog andolan men bhag lene ke lie pad tyag diya. varanasi ane par ap rashtriy andolan ke sath sahity seva ki or bhi abhimukh hue. unhonne 'maryada' nam ki hindi patrika aur 'tude' namak angrezi dainik ka snpadan kiya. 1923 men ve kashi vidyapith men darshan shastr ke prophesar niyukt hue aur svatntrata prapti tak is pad par bane rahe.

svatntrata sngram evn rajaniti men yogadan

daau. snpoornannd ne pratyek svatntrata sngram men bhag liya aur har bar jel gaye. 1927 men ve svarajy parti ke tikat par prantiy vidhan parishad ke sadasy chune gaye. 1937 men pradesh ki vidhan sabha ke lie unaka nirvachan hua. govind ballabh pntaji ke pratham mntrimandal ke sadasy pyare lal sharma ke tyagapatr dene par snpoornannd ji ko shiksha mntri ke roop men mntri parishad men liya gaya. unhonne grih, arth tatha soochana mntri ke roop men bhi kam kiya. govind ballabh pnt ke kendr sarakar men chale jane par 1955 men daau. snpoornannd uttar pradesh ke mukhyamntri bane aur 1961 men unhonne is pad se istipha de diya. 1962 men unhen rajasthan ka rajyapal banaya gaya. aur 1967 men is pad se avakash grahan kiya.

samajavadi vyaktitv

daau. snpoornannd ki itihas, puran, darshan, rajaniti, samajashastr adi men gahari paith thi. adhyatmik vishayon men bhi unaki badi ruchi thi. ve samajavadi vicharon ke vyakti the aur 1934 men kangres ke andar 'samajavadi parti' ke gathan men achary narendr dev ke sath unaka bhi pramukh hath tha. ve tin bar uttar pradesh kangres ke sachiv rahe. 1940 ke pune hindi sahity sammelan ki unhonne adhyakshata ki. apane mntritv kal men unhonne hindi ke unnayan ke lie anek yojanaen arnbh kin. 'hindi samiti' (jo ab hindi snsthan kahalati hai) unhin ki arambh ki huee hai. varanasi ka snskrit vishvavidyalay bhi unhin ke shasan kal men bana. ve bade svatntr aur nirbhik vicharon ke vyakti the. bhasha aur antarrashtriy rajaniti ke mamalon men unhonne anek bar neharoo ji ki niti ka sarvajanik roop se pratikar kiya tha.

rachanaen

lekhak ke roop men daau. snpoornannd ne apani gahari chhap chhodi hai. unhonne lagabhag 45 pustakon ki rachana ki hai, jinamen se pray: hindi bhasha men hain. gandhi ji ki pahali jivani 'karmavir gandhi' nam se unhonne hi likhi thi. unake any pramukh grnth hain-

  • antarrashtriy vidhan
  • samajavad
  • chidvilas
  • ganesh
  • jyotirvinod
  • hindoo dev parivar ka vikas
  • kuchh smritiyan
  • kuchh sphut vichar
  • vyakti aur raj
  • aryon ka adi desh
  • bhautik vigyan
  • maharaja chhatrasal
  • antariksh yatra
  • jivan aur darshan
  • yogadarshan.

unaki kavitaon ka ek sngrah bhi kashi nagari pracharini sabha ne prakashit kiya.

nidhan

kushal tatha nirbhik rajaneta evn sarvatomukhi pratibha vale sahityakar evn adhyapak daau. snpoornannd ka 10 janavari, 1969 ko nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh