सरोजिनी नायडू  हिन्दी देवनागरी में पढ़ें।

(सरोजनी नायडू se punarnirdeshit)
sarojini nayadoo vishay soochi
sarojini nayadoo
sarojini nayadoo
poora nam sarojini nayadoo
any nam bharat kokila
janm 13 faravari, 1879
janm bhoomi haidarabad, andhr pradesh
mrityu 2 march, 1949
mrityu sthan ilahabad, uttar pradesh
abhibhavak aghoranath chattopadhyay evn varada sundari
pati/patni daau. em. govindarajalu nayadoo
sntan jayasoory, padmaja nayadoo, ranadhir aur lilamani
nagarikata bharatiy
prasiddhi rashtriy neta, kangres adhyaksh
parti kangres
pad pratham rajyapal (uttar pradesh)
vidyalay madras vishvavidyalay, kingz kaaulej lndan, gartan kaaulej, kaimbrij
bhasha angrezi, hindi, bngala aur gujarati
puraskar-upadhi kesar-e-hind
vishesh yogadan nari-mukti ki samarthak
rachanaen d goldan threshahold, bard aph taim, brokan ving
any janakari lagabhag 13 varsh ki ayu men sarojini ne 1300 padon ki 'jhil ki rani' namak lnbi kavita aur lagabhag 2000 pnktiyon ka ek vistrit natak likhakar angrezi bhasha par apana adhikar siddh kar diya.
adyatan‎

sarojini nayadoo (angrezi: Sarojini Naidu, janm- 13 faravari, 1879, haidarabad; mrityu- 2 march, 1949, ilahabad) suprasiddh kavayitri aur bharat desh ke sarvottam rashtriy netaon men se ek thin. vah bharat ke svadhinata sngram men sadaiv age rahin. unake sngi sathi unase shakti, sahas aur oorja pate the. yuva shakti ko unase age badhane ki prerana milati thi. bachapan se hi kushagr-buddhi hone ke karan unhonne 13 varsh ki ayu men ledi aauf di lek namak kavita rachi. ve 1895 men uchch shiksha prapt karane ke lie inglaind geen aur padhaee ke sath-sath kavitaen bhi likhati rahin. goldan thraishold unaka pahala kavita sngrah tha. unake doosare tatha tisare kavita sngrah bard aauph taim tatha brokan ving ne unhen ek suprasiddh kavayitri bana diya.

'shram karate hain ham
ki samudr ho tumhari jagriti ka kshan
ho chuka jagaran
ab dekho, nikala din kitana ujjval.'

ye pnktiyan sarojini nayadoo ki ek kavita se hain, jo unhonne apani matribhoomi ko sambodhit karate hue likhi thi.

jivan parichay

sarojini nayadoo ka janm 13 faravari, sanh 1879 ko haidarabad men hua tha. aghoranath chattopadhyay aur varada sundari ki ath sntanon men vah sabase badi thin. aghoranath ek vaigyanik aur shikshashastri the. vah kavita bhi likhate the. mata varada sundari bhi kavita likhati thin. apane kavi bhaee harindranath chattopadhyay ki tarah sarojini ko bhi apane mata-pita se kavita–srijan ki pratibha prapt huee thi. aghoranath chattopadhyay 'nizam kaaulej' ke snsthapak aur rasayan vaigyanik the. ve chahate the ki unaki putri sarojini angrezi aur ganit men nipun hon.

sahityik parichay

sarojini nayadoo apani shiksha ke dauran inglaind men do sal tak hi rahin kintu vahan ke pratishthit sahityakaron aur mitron ne unaki bahut prashnsa ki. unake mitr aur prashnsakon men 'edamnd gaaus' aur 'arthar simans' bhi the. unhonne kishor sarojini ko apani kavitaon men gambhirata lane ki ray di. vah lagabhag bis varsh tak kavitaen aur lekhan kary karati rahin aur is samay men, unake tin kavita-sngrah prakashit hue. unake kavita sngrah 'bard aauf taim' aur 'brokan ving' ne unhen ek prasiddh kavayitri banava diya. sarojini nayadoo ko bharatiy aur angrezi sahity jagat ki sthapit kavayitri mana jane laga tha kintu vah svayn ko kavi nahin manati thin.

rajanitik jivan

desh ki rajaniti men qadam rakhane se pahale sarojini nayadoo dakshin afrika men gandhi ji ke sath kam kar chuki thi. gandhi ji vahan ki jatiy sarakar ke viruddh sngharsh kar rahe the aur sarojini nayadoo ne svaynsevak ke roop men unhen sahayog diya tha. bharat lautane ke bad turant hi vah rashtriy andolan men sammilit ho gee. shuroo se hi vah gandhi ji aur bharatiy rashtriy kangres ke prati vafadar rahin. unhonne vidyarthi aur yuvaon ki sabhaon men bhashan die. anek shaharon aur ganvon men mahilaon aur am sabhaon ko sambodhit kiya. sarojini nayadoo ka svasthy kabhi achchha nahin raha. lekin unaka manobal dridh tha. yuvavastha men nahin, balki badi umr hone par bhi vah josh aur utsah ke sath kam karati rahin. yah dekhakar sab vismit rah jate the. unake sathiyon aur prashnsakon ko hairani hoti thi ki itani ajey shakti unhonne kahan se paee hai.

svatntrata sngram men yogadan

sarojini nayadoo aur mahatma gandhi

vastav men sanh 1930 ke prasiddh namak satyagrah men sarojini nayadoo gandhi ji ke sath chalane vale svaynsevakon men se ek thin. gandhi ji ki giraphtari ke bad gujarat men dharasana men lavan-patal ki piketing karate hue jab tak svayn giraphtar n ho geen tab tak vah andolan ka snchalan karati rahin. dharasana vah sthan tha jahan pulis ne shantimay aur ahinsak satyagrahiyon par ghor atyachar kie the. sarojini nayadoo ne us paristhiti ka bade sahas ke sath samana kiya aur apane bejod vinodi svabhav se vatavaran ko sajiv banaye rakha. namak satyagrah khatm kar diya gaya. gandhi-iravin samajhaute par gandhi ji aur bharat ke vaisaray laaurd iravin ne hastakshar kiye. yah ek rajanitik samajhauta tha. bad men gandhi ji ko sanh 1931 men lndan men hone vale doosare golamej sammelan men ane ke lie amntrit kiya gaya. usamen bharat ki sv-shasan ki mang ko dhyan men rakhate hue snvaidhanik sudharon par charcha hone vali thi. us samay gandhi ji ke sath, sammelan men shamil hone vale anek logon men se sarojini nayadoo bhi ek thin. sanh 1935 ke bharat sarakar ke ekt ne bharat ko kuchh snvaidhanik adhikar pradan kie. lambi bahas ke bad, kangres, desh ki prantiy vidhanasabhaon men pravesh karane ke lie taiyar ho gayi. usane chunach lade aur desh ke adhikatar pranton men apani sarakaren banaee jinhen antarim sarakaron ka nam diya gaya.

Blockquote-open.gif sarojini nayadoo ka yah manana tha ki bharatiy nari kabhi bhi kripa ki patr nahin thi, vah sadaiv se samanata ki adhikari rahi hain. unhonne apane in vicharon ke sath mahilaon men atmavishvas jagrat karane ka kam kiya. Blockquote-close.gif

nirbhik vyaktitv

sarojini nayadoo ne bhay kabhi nahin jana tha aur n hi nirasha kabhi unake samip aee thi. vah sahas aur nirbhikata ka pratik thin. pnjab men sanh 1919 men jaliyanvala bag men hue hatyakand ke bare men kaun nahin janata hoga. am sabhaon par janaral dayar ke dvara lagay ge pratibndh ke virodh men jama hue saikadon nar-nariyon ki nirdayata se hatya kar di gee thi. vaise bhi raaulet ekt ke parit hone se desh men pahale se hi kafi tanav tha. is ekt ne nyayadhish ko rajanitik muqadamon ko bina kisi pairavi ke phaisala karane aur bina kisi qanooni karravaee ke sndigdh rajanitigyon ko jel men dalane ki chhoot de di thi. jaliyanvala hatyakand ko lekar samast desh men krodh bhadak utha. us pashavik atyachar ki gurudev ravindranath taigor ke man men ugr pratikriya huee aur unhonne apani 'nait hud' ki padavi lauta di. sarojini nayadoo ne bhi apana 'kaisar-e-hind' ka khitab vapas kar diya jo unhen samajik sevaon ke liy kuchh samay pahale hi diya gaya tha. ahamadabad men gandhi ji ke sabaramati ashram men svadhinata ki pratigya par hastakshar karane vale arambhik svayn sevakon men vah ek thin. gandhiji shuroo men yah nahin chahate the ki mahilaen satyagrah men sakriy roop se bhag len. unaki pravrittiyon ko gandhi ji kataee, svadeshi, sharab ki dukanon par dharana adi tak simit rakhana chahate the. lekin sarojini nayadoo, kamala devi chattopadhyay aur us samay ki desh ki pramukh mahilaon ke agrah ko dekhate hue unhen apani ray badal deni padi.

smriti men dak tikat

sarojini nayadoo ke samman men jari dak tikat

13 faravari, 1964 ko bharat sarakar ne unaki jaynti ke avasar par unake samman men 15 ne paise ka dak tikat bhi chalaya. is mahanh deshabhakt ko desh ne bahut samman diya. sarojini nayadoo ko visheshat: 'bharat kokila', 'rashtriy neta' aur 'nari mukti andolan ki samarthak' ke roop men sadaiv yad kiya jata rahega.

mrityu

sarojini nayadoo ki jab 2 march sanh 1949 ko mrityu huee to us samay vah rajyapal ke pad par hi thin. lekin us din mrityu to keval deh ki huee thi. apani ek kavita men unhonne mrityu ko kuchh der ke lie thahar jane ko kaha tha.....

mere jivan ki kshudha, nahin mitegi jab tak
mat ana he mrityu, kabhi tum mujh tak.

unaka jivan labhadayak aur paripoorn tha. us jivan se unhen atmasntushti prapt huee thi ya nahin yah to koee nahin bata sakata lekin jitana unake jivan ke bare men janate hain usase itana to zaroor kaha ja sakata hai ki unhonne apane jivan ko ek uddeshy diya tha aur usi ke anuroop vah jiti rahi thin. aisa jivan bahut logon ko nasib nahin hota. 'git ke vishad se jivan ka vishad' mita dene ke lie vah prayas karati rahin. usi tarah unhonne jivan bitaya. ane vali pidhiyan isi roop men unhen yad karati rahengi. unhen yad rakhane ka yahi ek dhng hai- 'sarojini nayadoo jo prem aur git ke lie jiti rahin.' jaisa gandhi ji ne kaha tha, sachche arthon men vah 'bharat kokila' thin.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah