सर्वपल्ली राधाकृष्णन  हिन्दी देवनागरी में पढ़ें।

sarvapalli radhakrishnan vishay soochi
sarvapalli radhakrishnan
Sarvepalli-Radhakrishnan.jpg
poora nam daau. sarvapalli radhakrishnan
janm 5 sitnbar, 1888
janm bhoomi tirootani, tamilanadu
mrityu 17 aprail, 1975
mrityu sthan chennee, tamilanadu
mrityu karan svasthy kharab
abhibhavak sarvapalli virasvami, sitamma
pati/patni sivakamoo
sntan panch putr, ek putri
nagarikata bharatiy
parti svatntr
pad bharat ke doosare rashtrapati
kary kal 13 mee, 1962 se 13 mee, 1967
shiksha em.e.
vidyalay krishchiyan mishanari snstha lutharn mishan skool, madras krishchiyan kaaulej
puraskar-upadhi bharat ratn

daau. sarvapalli radhakrishnan (angrezi: Sarvepalli Radhakrishnan, janm: 5 sitnbar 1888; mrityu: 17 aprail, 1975) svatntr bharat ke pratham uparashtrapati aur doosare rashtrapati the. unhonne daauktar rajendr prasad ki gauravashali parampara ko age badhaya. unaka karyakal 13 mee, 1962 se 13 mee, 1967 tak raha. unaka nam bharat ke mahanh rashtrapatiyon ki pratham pnkti men sammilit hai. unake vyaktitv aur krititv ke lie sampoorn rashtr inaka sadaiv rini rahega. daau. sarvapalli radhakrishnan ka janm tamilanadu ke tirootani gram men, 5 sitnbar 1888 ko hua tha. inaka janmadivas 5 sitnbar aj bhi poora rashtr 'shikshak divas' ke roop men manata hai. daauktar sarvapalli radhakrishnan bharatiy snskriti ke gyani, ek mahanh shikshavid, mahanh darshanik, mahanh vakta hone ke sath hi sath vigyani hindoo vicharak the. daauktar radhakrishnan ne apane jivan ke 40 varsh ek shikshak ke roop men vyatit kie the. vah ek adarsh shikshak the.

janm

daauktar sarvapalli radhakrishnan ka janm tamilanadu ke tirootani gram men, jo madras ,ab chennee se lagabhag 64 ki॰ mi॰ ki doori par sthit hai, 5 sitnbar 1888 ko hua tha. yah ek brahman parivar se snbndhit the. inaka janm sthan ek pavitr tirthasthal ke roop men vikhyat raha hai.[1] daauktar sarvapalli radhakrishnan ke purakhe pahale 'sarvapalli' namak gram men rahate the aur 18vin shatabdi ke madhy men unhonne tirootani gram ki or nishkraman kiya tha. lekin inake purakhe chahate the ki unake nam ke sath unake janmasthal ke gram ka bodh bhi sadaiv rahana chahie. isi karan inake parijan apane nam ke poorv 'sarvapalli' dharan karane lage the.

daauktar sarvapalli radhakrishnan ek garib kintu vidvan brahman ki doosari sntan ke roop men paida hue. inake pita ka nam 'sarvapalli virasvami' aur mata ka nam 'sitamma' tha. inake pita rajasv vibhag men vaikalpik karyalay men kam karate the. in par bade parivar ke bharan-poshan ka dayitv tha. inake panch putr tatha ek putri thi. radhakrishnan ka sthan in sntatiyon men doosara tha. inake pita kafi kathinaee ke sath parivar ka nirvahan kar rahe the. is karan balak radhakrishnan ko bachapan men koee vishesh sukh nahin prapt hua.

vidyarthi jivan

daauktar sarvapalli radhakrishnan ka balyakal tirootani evn tiroopati jaise dharmik sthalon par hi vyatit hua. inhonne pratham ath varsh tirootani men hi gujare. yadyapi inake pita purane vicharon ke insan the aur unamen dharmik bhavanaen bhi thin, isake bavajood unhonne radhakrishnan ko krishchiyan mishanari snstha lutharn mishan skool, tiroopati men 1896-1900 ke madhy vidyadhyayan ke lie bheja. phir agale 4 varsh (1900 se 1904) ki shiksha velloor men huee. isake bad inhonne madras krishchiyan kaaulej, madras men shiksha prapt ki. vah bachapan se hi medhavi the.

in 12 varshon ke adhyayan kal men daauktar radhakrishnan ne baibil ke mahattvapoorn ansh bhi yad kar lie. isake lie inhen vishisht yogyata ka samman pradan kiya gaya. is umr men inhonne vir savarakar aur svami vivekanand ka bhi adhyayan kiya. inhonne 1902 men maitrik star ki pariksha uttirn ki aur inhen chhatravritti bhi prapt huee. isake bad inhonne 1904 men kala snkay pariksha pratham shreni men uttirn ki. inhen manovigyan, itihas aur ganit vishay men vishesh yogyata ki tippani bhi uchch praptankon ke karan mili. isake alava krishchiyan kaaulej, madras ne inhen chhatravritti bhi di. unhonne darshan shastr men em.e. kiya aur sanh 1916 men madras rejidensi kaaulej men darshanashastr ke sahayak pradhyapak niyukt hue. vah pradhyapak bhi rahe. daau. radhakrishnan ne apane lekhon aur bhashanon ke madhyam se vishv ko bharatiy darshan shastr se parichit karaya. sare vishv men unake lekhon ki prashnsa ki gee.

dampaty jivan

us samay madras ke brahman parivaron men kam umr men hi shadi sampann ho jati thi aur radhakrishnan bhi usake upavad nahin rahe. 1903 men 16 varsh ki ayu men hi unake vivah door ke rishte ki bahan 'sivakamoo' ke sath sampann ho gaya. us samay unaki patni ki ayu matr 10 varsh ki thi. atah tin varsh bad unaki patni ne unake sath men rahana arambh kar diya. yadyapi unaki patni sivakamoo ne paramparagat roop se shiksha prapt nahin ki thi, lekin unaka telugu bhasha par achchha adhikar tha. vah angrezi bhasha bhi likh-padh sakati thin. 1908 men radhakrishnan dampati ko sntan ke roop men putri ki prapti huee. 1908 men hi unhonne kala snatak ki upadhi pratham shreni men prapt ki aur darshan shastr men vishisht yogyata prapt ki. shadi ke 6 varsh bad hi 1909 men inhonne kala men snatakottar pariksha bhi uttirn kar li. inaka vishay darshan shastr hi raha. uchch adhyayan ke dauran vah apani niji amadani ke lie bachchon ko tyooshan padhane ka kam bhi karate rahe. 1908 men inhonne em. e. ki upadhi prapt karane ke lie ek shodh lekhan kiya. is samay inaki ayu matr bis varsh ki thi. isase shastron ke prati inaki gyan-pipasa badhi. shighr hi inhonne vedon aur upanishadon ka bhi gahan adhyayan kar liya. inhonne hindi aur snskrit bhasha ka bhi ruchipoorvak adhyayan kiya.

patni ka dehant

daauktar radhakrishnan ko bachapan se hi pustakon se prem tha. is karan tabhi spasht ho gaya tha ki yah balak bada hokar vidvatta evn mahanata ka varan avashy karega. unaka svabhav snkochi tha, atah vah ghar ke samajik samarohon men utsah evn ullas ka anubhav nahin karate the. yah inake parivar ke gahare snskaron ka hi prabhav raha ki jivan bhar shakahari rahe. inhonne kabhi bhi dhoomrapan athava madyapan nahin kiya. parivar men pratham putri paida hone ke bad agale pandrah varshon men radhakrishnan dampati ko chhah any santanen huee. is dauran inaki patni ka jivan parivar tatha pati ke lie poornataya samarpit raha. lekin 26 navambar, 1956 ko inaki patni ka dehant ho gaya. is prakar 53 varsh tak sath nibhane vali jivan-sngini ka inhen vichhoh bhi sahan karana pada. patni ki antim kriya sampann karane ke bad jab vah laute to unhonne ek tippani ki- ek lambe adhyay ka ant ho gaya. jivan ke nazuk rishton ko bhi unhonne darshan shastr ki paribhashaon ke anusar anubhoot kiya tha.

hindoovadita ka gahara adhyayan

shiksha ka prabhav jahan pratyek insan par nishchit roop se padata hai, vahin shaikshik snsthan ki gunavatta bhi apana prabhav chhodati hai. krishchiyan snsthaon dvara us samay pashchimi jivan moolyon ko vidyarthiyon men gahare tak sthapit kiya jata tha. yahi karan hai ki krishchiyan snsthaon men adhyayan karate hue radhakrishnan ke jivan men uchch gun samahit ho ge. lekin unamen ek any parivartan bhi aya jo ki krishchiyan snsthaon ke karan hi tha. kuchh log hindutvavadi vicharon ko hey drishti se dekhate the aur unaki alochana karate the. unaki alochana ko daauktar radhakrishnan ne chunauti ki tarah liya aur hindoovadita ka gahara adhyayan karana arambh kar diya. daauktar sarvapalli radhakrishnan yah janana chahate the ki vastutah kis snskriti ke vicharon men chetanata hai aur kis snskriti ke vicharon men jadata hai. tab svabhavik antarprgya dvara is bat par dridhata se vishvas karana arambh kar diya ki bharat ke doorasth sthanon par rahane vale garib tatha anapadh vyakti bhi prachin saty ko janate the. is karan radhakrishnan ne tulanatmak roop se yah jan liya ki bharatiy adhyatm kafi samriddh hai aur krishchiyan mishanariyon dvara hindutv ki alochanaen niradhar hain. isase inhonne yah nishkarsh nikala ki bharatiy snskriti dharm, gyan aur saty par adharit hai jo prani ko jivan ka sachcha sndesh deti hai.

bharatiy snskriti

daauktar sarvapalli radhakrishnan ne yah jan liya tha ki jivan chhota hai aur isamen vyapt khushiyan anishchit hain. is karan vyakti ko sukh-dukh men samabhav se rahana chahie. vastutah mrityu ek atal sachchaee hai, jo ki amir-garib sabhi ko apana gras banati hai tatha kisi bhi prakar ka varg-vibhed nahin karati hai. sachcha gyan vahi hai jo apake andar ke agyan ko samapt kar sakata hai. sadagipoorn sntoshavritti ka jivan amiron ke ahnkari jivan se behatar hai, jinamen asntosh ka nivas hai. ek shant mastishk behatar hai, taliyon ki un gadagadahaton se jo snsadon evn darabaron men sunaee deti hain. is karan daauktar sarvapalli radhakrishnan bharatiy snskriti ke naitik moolyon ko samajh pane men saphal rahe, kyonki vah mishanariyon dvara ki gee alochanaon ke saty ko svayn parakhana chahate the. isilie kaha gaya hai ki alochanaen parishuddhi ka kary karati hain. sabhi mataen apane bachchon men uchch snskar dekhana chahati hain. is karan ve bachchon ko eeshvar par vishvas rakhane, pap se door rahane evn musibat men phnse logon ki madad karane ka path padhati hain. daauktar sarvapalli radhakrishnan ne yah bhi jana ki bharatiy snskriti men sabhi dharmon ka adar karana sikhaya gaya hai aur sabhi dharmon ke lie samata ka bhav bhi hindoo snskriti ki vishisht pahachan hai. is prakar unhonne bharatiy snskriti ki vishisht pahachan ko samajha aur usake kafi nazadik ho ge.

jivan darshan

daauktar radhakrishnan samooche vishv ko ek vidyalay manate the. unaka manana tha ki shiksha ke dvara hi manav mastishk ka sadupayog kiya ja sakata hai. at: vishv ko ek hi ikaee manakar shiksha ka prabndhan karana chahie. briten ke edinabara vishvavidyalay men diye apane bhashan men daauktar sarvapalli radhakrishnan ne kaha tha ki 'manav ko ek hona chahie. manav itihas ka snpoorn lakshy manav jati ki mukti hai. jab deshon ki nitiyon ka adhar poore vishv men shanti ki sthapana ka prayatn ho.' daau. radhakrishnan apani buddhi se poorn vyakhyaon, anndadayak abhivyakti aur halki gudagudane vali kahaniyon se chhatron ko mntramugdh kar dete the. uchch naitik moolyon ko apane acharan men utarane ki prerana vah apane chhatron ko dete the. vah jis bhi vishay ko padhate the, pahale svayn usaka gahan adhyayan karate the. darshan jaise gnbhir vishay ko bhi vah apani shaili se saral, rochak aur priy bana dete the.

vyavasayik jivan

daau. sarvapalli radhakrishnan, indira gandhi evn kumarasvami kamaraj

21 varsh ki umr arthat 1909 men radhakrishnan ne madras presidensi kaaulej men kanishth vyakhyata ke taur par darshan shastr padhana arambh kiya. yah unaka param saubhagy tha ki unako apani prakriti ke anukool ajivika prapt huee thi. yahan unhonne 7 varsh tak n keval adhyapan kary kiya balki svayn bhi bharatiy darshan aur bharatiy dharm ka gaharaee se adhyayan kiya. un dinon vyakhyata ke lie yah avashyak tha ki adhyapan hetu vah shikshan ka prashikshan bhi prapt kare. is karan 1910 men radhakrishnan ne shikshan ka prashikshan madras men lena arambh kar diya. is samay inaka vetan matr 37 rupaye tha. darshan shastr vibhag ke tatkalin profesar radhakrishnan ke darshan shastriy gyan se kafi abhibhoot hue. unhonne unhen darshan shastr ki kakshaon se anupasthit rahane ki anumati pradan kar di. lekin isake badale men yah shart rakhi ki vah unake sthan par darshan shastr ki kakshaon men padha den. tab radhakrishn ne apane kaksha sathiyon ko terah aise prabhavashali vyakhyan die, jinase vah shiksharthi chakit rah ge. inaki vishay par gahari pakad thi, darshan shastr ke sambandh men inaka drishtikon spasht tha aur inhonne upayukt shabdon ka chayan bhi kiya tha. 1912 men daauktar sarvapalli radhakrishnan ki 'manovigyan ke avashyak tatv' shirshak se prakashit huee jo kaksha men die ge unake vyakhyanon ka sngrah tha. is pustak ke dvara inaki yah yogyata pramanit huee ki pratyek pad ki vyakhya karane ke lie inake pas shabdon ka atul bhandar tha aur smaran shakti bhi atyant vilakshan thi.

pratham bhent

radhakrishnan ki mahatma gandhi se pratham bhent 1915 men huee thi. unake vicharon se prabhavit hokar radhakrishnan ne rashtriy andolan ke samarthan men lekh bhi likhe. vah kabhi bhi kisi parti se nahin jude, lekin nirbhay hokar rashtraprem ko abhivyakt karate the. bad men inhonne gandhi ji ko abhivyakt karate hue kaha tha – "manushy ke sarvottam prayason men gandhi ji ki avaz sadaiv anashvar rahegi aur snsar ke sabhi manavon men shreshtam bhi hogi." yahan par avaz ka ashay gandhi ji ki samagr soch se kiya gaya tha. yadyapi radhakrishnan british sarakar ki naukari kar rahe the, tathapi desh ki svatntrata ke lie vah khvahishamnd the. dvitiy vishv yuddh ke bad unhonne angrezon se yah asha rakhi thi ki ve desh ko svatntr kar denge. vah angrezon se yah ashvasan bhi chahate the ki dvitiy vishv yuddh ke bad ve bharat ko gulami se mukt kar denge.

sthanantaran

1916 men daauktar sarvapalli radhakrishnan ka sthanantaran anantapur ho gaya. yahan yah chhah mah tak rahe. isake bad punah presidensi kaaulej men profesar ke roop men laute. 1972 men vah darshan shastr ke profesar ke roop men 'kanpharm' kie ge aur inaka sthanantaran rajamundri men kar diya gaya. yahan par inake adhyapan ko kafi prasiddh papt huee. inhonne darshan shastr jaise bojhil vishay ko manornjan ka svaroop pradan kar apane chhatron ko mitr ki tarah padhaya. vah pratyek chhatr ko ek vishisht upanam se pukarate the. radhakrishnan ne apane shiksharthiyon ki adhikatam madad ki. yahi karan hai ki shiksharthi unaka hriday se adar karate the. 1918 men vah 'nyoo maisoor yoonivarsiti' men 'edishanal profesar' ki haisiyat se niyukt hue aur vahan par 13 varshon (1921) tak adhyapan kary kiya.

ravindranath taigor se bhent

darshan shastr ke marmgy ke taur par daauktar sarvapalli radhakrishnan ki pahachan qayam ho chuki thi. julaee, 1918 men maisoor pravas ke samay unaki bhent ravindranath taigor se huee. is mulakat ke bad vah taigor se kafi abhibhoot hue. unake vicharon ki abhivyakti hetu daauktar radhakrishnan ne 1918 men 'ravindranath taigor ka darshan' shirshak se ek pustak likhi jo 'maikamilan prakashan' dvara prakashit huee. isake bad unhonne doosari pustak 'd rin aph rilijan in kntenparari philaausphi' likhi. is pustak ne unhen antarrashtriy star par pahachan di. is pustak ko bharat ke shiksharthiyon ne 'atmatattv gyan' ki pustak ke roop men svikar kiya. yahi nahin, ise inglaind tatha amerika ke vishvavidyalayon men bhi behad pasand kiya gaya. ek bar maisoor men inake shiksharthiyon ne inase poochha tha-kya ap uchch adhyayan ke lie videsh jana pasand karenge? tab inaka prerak javab tha - nahin, lekin vahan shiksha pradan karane ke lie avashy hi jana chahoonga.

maitripoorn sambandh

vidyarthiyon ke sath radhakrishnan ke sambandh maitripoorn rahate the. jab vah apane avas par shaikshik gatividhiyon ka snchalan karate the, to ghar par ane vale vidyarthiyon ka svagat hath milakar karate the. vah unhen padhaee ke dauran svayn hi chay dete the aur sathi ki bhanti unhen ghar ke dvar tak chhodane bhi jate the. radhakrishnan men prophesar hone ka rnchamatr bhi ahnkar nahin tha. unaka manana tha ki jab guru aur shishy ke madhy snkoch ki doori n ho to adhyapan ka kary adhik shreshthatapoorvak kiya ja sakata hai. daauktar sarvapalli radhakrishnan ke aise maitri sambandhon ke karan ek misal bhi qayam huee, jo ki bahut hi anokhi thi. darasal jab unako kalakatta men sthanantarit hona tha, tab vidaee ka koee bhi karyakram ayojit nahin kiya gaya. isake lie unhonne mana kar diya. inake vidyarthiyon ne bagghi ke dvara inhen steshan tak pahunchaya tha. is bagghi men ghode nahin jute the, balki vidyarthiyon ke dvara hi us bagghi ko khinchakar relave steshan tak le jaya gaya. unaki vidaee ke samay maisoor steshan ka pletapharm 'sarvapalli radhakrishnan ki jay ho' ke naron se goonj utha tha. vahan par maujood logon ki ankhon men ashru the. radhakrishnan bhi us adabhut prem ke vashibhoot hokar apane ansoo rok nahin pae the. guru evn vidyarthiyon ka aisa sambandh vartaman yug men kam hi dekhane ko prapt hota hai.

alochanaon ka samana

isake bad daauktar sarvapalli radhakrishnan ne kolakata men 1921 se 1931 tak samay vyatit kiya. inhen kolakata ke 'king jaaurj pncham vishvavidyalay' men manasik evn naitik darshan shastr ka prophesar niyukt kiya gaya. is dauran unhonne bharat ki shaikshik seva men abhivriddhi karane ka bhi kary kiya. yahan par vah gurudev ravindranath taigor ke sampark men bhi rahe. taigor ke vicharon ka kafi prabhav radhakrishnan par pada. kalakatta vishvavidyalay ke sabhi sngathanon aur vibhagon ko unnat karane ke lie inhonne sakriy bhoomika nibhaee. yoorop ke vidvan bhi inake darshan shastriy vicharon se kafi prabhavit hue. inake vicharon men vishay ki spashtata hoti thi. yah sambodhan men klishtata ka samavesh nahin karate the. inaki bhasha men vidyarjit vidvatta ka aisa chamatkar hota tha ki shrota mntramugdh hokar sunata rah jata tha. lekin vartaman yug men alochana to snsar ke rachayita ki bhi hoti hai. is karan daauktar radhakrishnan ko bhi alochanaon ka samana karana pada. inake alochakon ka kahana tha ki radhakrishnan ne darshan shastr ko naya kuchh bhi nahin diya hai, bharat ke adhyatmik darshan ki prachinata ko hi ujagar kiya hai. pashchim ke sammukh unhonne bharatiy adhyatm ko matr angrezi bhasha men udadhrit karane ka hi kary kiya hai, lekin radhakrishnan ne apane alochakon ko kabhi bhi spashtikaran dene ki avashyakata mahasoos nahin ki. isake bad inaka ek lekh 'enasaiklopidiya britainika' ke 14ven snskaran men prakashit hua jo ek badi upalabdhi thi.

rajanitik jivan

yah sarvapalli radhakrishnan ki hi pratibha thi ki svatntrata ke bad inhen snvidhan nirmatri sabha ka sadasy banaya gaya. vah 1947 se 1949 tak isake sadasy rahe. is samay yah vishvavidyalayon ke cheyaramain bhi niyukt kie ge. akhil bharatiy kangresajan yah chahate the ki sarvapalli radhakrishnan gair rajanitik vyakti hote hue bhi snvidhan sabha ke sadasy banaye jaen. javaharalal neharoo chahate the ki radhakrishnan ke snbhashan evn vaktritv pratibha ka upayog 14 - 15 agast, 1947 ki ratri ko kiya jae, jab snvidhan sabha ka aitihasik satr ayojit ho. radhakrishnan ko yah nirdesh diya gaya ki vah apana sambodhan ratri ke thik 12 baje samapt karen. usake pashchath snvaidhanik snsad dvara shapath li jani thi.

rajanayik kary

sarvapalli radhakrishnan ne aisa kiya aur thik ratri 12 baje apane sambodhan ko viram diya. pndit neharoo aur radhakrishnan ke alava kisi any ko isaki janakari nahin thi. azadi ke bad unase agrah kiya gaya ki vah matribhoomi ki seva ke lie vishisht rajadoot ke roop men soviyat sngh ke sath rajanayik karyon ki poorti karen. is prakar vijayalakshmi pndit ka inhen naya uttaradhikari chuna gaya. pndit neharoo ke is chayan par kee vyaktiyon ne ashchary vyakt kiya ki ek darshan shastri ko rajanayik sevaon ke lie kyon chuna gaya? unhen yah sndeh tha ki daauktar radhakrishnan ki yogyataen saunpi gee zimmedari ke anukool nahin hain. lekin bad men sarvapalli radhakrishnan ne yah sabit kar diya ki maausko men niyukt bharatiy rajanayikon men vah behatarin the. vah ek gair paramparavadi rajanayik the. jo mntranaen der ratri hoti thin, vah unamen ratri 10 baje tak hi bhag lete the, kyonki usake bad unake shayan ka samay ho jata tha. jab radhakrishnan ek shikshak the, tab vah niyamon ke dayaron men nahin bndhe the. kaksha men yah 20 minat deri se ate the aur das minat poorv hi chale jate the. inaka kahana tha ki kaksha men inhen jo vyakhyan dena hota tha, vah 20 minat ke paryapt samay men sampann ho jata tha. isake uparant bhi yah vidyarthiyon ke priy evn adaraniy shikshak bane rahe.

soviyat sngh se vida

daauktar sarvapalli radhakrishnan ko stalin se bhent karane ka durlabh avasar do bar prapt hua. 14 janavari, 1945 ke din vah pahala avasar aya, jab stalin ke nimntran par vah unase mile. stalin ke hriday men 'philasphar rajadoot' ke prati gahara samman tha. inaki doosari mulakat 5 aprail, 1952 ko huee. jab bharatiy rajadoot soviyat sngh se vida hone vale the. vida hote samay radhakrishnan ne stalin ke sir aur pith par hath rakha. tab stalin ne kaha tha – tum pahale vyakti ho, jisane mere sath ek insan ke roop men vyavahar kiya hain aur mujhe amanav athava daity nahin samajha hai. tumhare jane se main du:kh ka anubhav kar raha hoon. main chahata hoon ki tum dirghayu ho. main zyada nahin jina chahata hoon. is samay stalin ki ankhon men nami thi. phir chhah mah bad hi stalin ki mrityu ho gee.

uparashtrapati

1952 men soviyat sngh se ane ke bad daauktar radhakrishnan uparashtrapati nirvachit kie ge. snvidhan ke antargat uparashtrapati ka naya pad srijit kiya gaya tha. neharoo ji ne is pad hetu radhakrishnan ka chayan karake punah logon ko chaunka diya. unhen ashchary tha ki is pad ke lie kangres parti ke kisi rajanitigy ka chunav kyon nahin kiya gaya. uparashtrapati ke roop men radhakrishnan ne rajyasabha men adhyaksh ka padabhar bhi sambhala. sanh 1952 men ve bharat ke uparashtrapati banae ge. bad men pndit neharoo ka yah chayan bhi sarthak siddh hua, kyonki uparashtrapati ke roop men ek gair rajanitigy vyakti ne sabhi rajanitigyon ko prabhavit kiya. snsad ke sabhi sadasyon ne unhen unake kary vyavahar ke lie kafi saraha. inaki sadashayata, dridhata aur vinodi svabhav ko log aj bhi yad karate hain. sitnbar, 1952 men inhonne yoorop aur midil eest deshon ki yatra ki taki ne rashtr hetu mitr rashtron ka sahayog mil sake.

yatraen

1956 men daauktar sarvapalli radhakrishnan ki patni ka dehant ho gaya. tab ek putr aur panch putriyon ka dayitv in par a gaya. in zimmedariyon ko nibhate hue 1957 men yah doosari bar bhi uparashtrapati nirvachit hue. is karyakal ke dauran radhakrishnan ne chin, mngoliya, hangakang aur inglaind ki yatraen kin. 1961 men inhen jarmani ke pustak prakashan dvara diya jane vala 'vishv shanti puraskar' bhi prapt hua. is dauran inhonne rajyasabha ka snchalan kafi kushalata ke sath kiya. tab pndit pnt ko kahana pada - rajyasabha inake hathon ka khilauna matr hai.

mahattvapoorn pad

  • daau. radhakrishnan ne anek mahattvapoorn padon par kary kiya. ve peris men yoonesko namak snstha ki karyasami‍ti ke adhyaksh bhi rahe. yah snstha 'snyukt rashtr sngh' ka ek ang hai aur poore vishv ke logon ki bhalaee ke lie anek kary karati hai.
  • daau. radhakrishnan sanh 1949 se sanh 1952 tak roos ki rajadhani masko men bharat ke rajadoot pad par rahe. bharat roos ki mitrata badhane men unaka bhari yogadan raha tha.

shikshak divas

sarvapalli radhakrishnan ke samman men dak tikat

hamare desh men daauktar radhakrishnan ke janmadin 5 sitnbar ko prativarsh 'shikshak divas' ke roop men manaya jata hai. is din samast desh men bharat sarakar dvara shreshth shikshakon ko puraskar pradan kiya jata hai. daauktar sarvapalli radhakrishnan gair rajanitik vyakti hote hue bhi desh ke rashtrapati bane. isase yah sabit hota hai ki yadi vyakti apane kshetr men sarvashreshth kary kare to bhi doosare kshetr usaki pratibha se aprabhavit nahin rahate. daauktar radhakrishnan bahuayami pratibha ke dhani hone ke sath hi desh ki snskriti ko pyar karane vale vyakti the. unhen ek behatarin shikshak, darshanik, deshabhakt aur nishpaksh evn kushal rashtrapati ke roop men yah desh sadaiv yad rakhega. rashtrapati banane ke bad kuchh shishy aur prashnsak unake pas ge aur unhonne nivedan kiya tha ki ve unaka janmadin 'shikshak divas' ke roop men manana chahate hain. daauktar radhakrishnan ne kaha, 'mera janmadin 'shikshak divas' ke roop men manane ke apake nishchay se main svayn ko gauravanvit anubhav karoonga.' tabhi se 5 sitnbar desh bhar men shikshak divas ke roop men manaya ja raha hai. sanh 1967 tak rashtrapati ke roop men vah desh ki seva karate rahe. ek bar vikhyat darshanik pleto ne kaha tha- rajaon ka darshanik hona chahie aur darshanikon ko raja. pleto ke is kathan ko 1962 men daauktar sarvapalli radhakrishnan ne tab sach kar dikhaya, jab vah bharat ke doosare rashtrapati nirvachit hue. is prakar ek darshanik ne raja ki haisiyat prapt ki. 13 mee, 1962 ko 31 topon ki salami ke sath hi inaki rashtrapati ke pad par tajaposhi huee. is sndarbh men bharat sarakar ke dvara gajat men ek adhisoochana prakashit huee, jo vishisht bhag dvitiy, varg 3 upasarg dvitiy dinank 17 mee, 1962 ki es. o. snkhya 1858 ke antargat thi. barted rasel jo vishv ke jane-mane darshanik the, vah radhakrishnan ke rashtrapati banane par apani pratikriya ko rok nahin pae. unhonne kaha tha – yah vishv ke darshan shastr ka samman hai ki mahanh bharatiy ganarajy ne daauktar sarvapalli radhakrishnan ko rashtrapati ke roop men chuna aur ek darshanik hone ke nate main visheshat: khush hoon. pleto ne kaha tha ki darshanikon ko raja hona chahie aur mahanh bharatiy ganarajy ne ek darshanik ko rashtrapati banakar pleto ko sachchi shrriddhanjali arpit ki hai.

1962 men gris ke raja ne jab bharat ka rajanayik daura kiya to daauktar sarvapalli radhakrishnan ne unaka svagat karate hue kaha tha – maharaj, ap gris ke pahale raja hain, jo ki bharat men atithi ki tarah ae hain. alekjendar yahan animntrit mehaman banakar ae the.[2]

ghoshana

rashtrapati banane ke bad radhakrishnan ne bhi poorv rashtrapati daauktar rajendr prasad ki bhanti svaichchhik adhar par rashtrapati ke vetan se katauti karaee thi. unhonne ghoshana ki ki saptah men do din koee bhi vyakti unase bina poorv anumati ke mil sakata hai. is prakar rashtrapati bhavan ko unhonne sarvahara varg ke lie khol diya. rashtrapati banane ke bad vah eeran, afaganistan, inglaind, amerika, nepal, yoogoslaviya, chekoslovakiya, roomaniya tatha ayaralaind bhi ge. vah amerika ke rashtrapati bhavan 'vhait haus' men helikaauptar se atithi ke roop men pahunche the. isase poorv vishv ka koee bhi vyakti vhait haus men helikaauptar dvara nahin pahuncha tha.

karyakal

bharat ke pratham rashtrapati daauktar rajendr prasad ki tulana men radhakrishnan ka karyakal kafi kathinaiyon se bhara tha. inake karyakal men jahan bharat-chin yuddh aur bharat-pakistan yuddh hue, vahin par do pradhanamntriyon ki pad par rahate hue mrityu bhi huee. 1962 men jab chin ne bharat par akraman kiya tha to bharat ki apamanajanak parajay huee thi. us samay vi. ke. krishnamenan bharat ke rakshamntri the. tab pndit neharoo ko daauktar sarvapalli radhakrishnan ne hi majaboor kiya tha ki krishnamenan se istifa talab karen, jabaki neharoo ji aisa nahin chahate the.

chin ke sath yuddh men parajit hone ke bad daauktar sarvapalli radhakrishnan pndit neharoo ki bhi alochana ki thi. beshak vah pndit neharoo ke kafi nikat the, lekin unhonne alochana ke sthan par alochana ki aur margadarshan ki avashyakata hone par margadarshan bhi kiya. yah radhakrishnan hi the jinhonne pndit neharoo ko majaboor kiya tha ki vah lalabahadur shastri ko kendriy mntrimandal men sthan pradan karen. us samay kamaraj yojana ke antargat shastri ji bina vibhag ke mntri the. pndit neharoo ke gambhir roop se bimar rahane ke bad pradhanamntri karyalay shastriji ke paramarsh se hi chalata tha.

snvaidhanik vyavastha

sarvapalli radhakrishnan
Sarvepalli Radhakrishnan

daauktar sarvapalli radhakrishnan ke karyakal men hi pndit neharoo aur shastriji ki pradhanamntri ke pad par rahate hue mrityu huee thi. lekin donon bar naye pradhanamntri ka chayan sugamatapoorvak kiya gaya. jabaki donon bar uttaradhikari ghoshit nahin tha aur n hi snvaidhanik vyavastha men koee nirdesh tha ki aisi sthiti men kya kiya jana chahie.

1967 ke ganatntr divas par daauktar sarvapalli radhakrishnan ne desh ko sambodhit karate hue yah spasht kiya tha ki vah ab kisi bhi satr ke lie rashtrapati nahin banana chahenge. yadyapi kangres ke netaon ne unase kafi agrah kiya ki vah agale satr ke lie bhi rashtrapati ka dayitv grahan karen, lekin radhakrishnan ne apani ghoshana par poori tarah se amal kiya.

avakashakalin jivan

daauktar radhakrishnan rashtrapati ke roop men apane karyakal poorn karane ke bad griharajy ke shahar madras chale ge. vahan unhonne poorn avakashakalin jivan vyatit kiya. 1968 men unhen bharatiy vidya bhavan ke dvara sarvashreshth samman dete hue sahity akadami ki sadasyata pradan ki gee. daauktar radhakrishnan ne ek sadharan bharatiy insan ki tarah apana jivan guzara tha. vah paramparagat veshabhoosha men rahate the. vah safed vastr dharan karate the aur us par koee bhi dag nahin hota tha. vah sir par dakshin bharatiy pagadi pahanate the, jo ki bharatiy snskriti ka pratik banakar sare vishv men jani gee. radhakrishnan sadharan khana khate the aur jivan paryant shakahari rahe. unhonne ek behatarin lekhak ke roop men 150 se adhik rachanaen likhin.

samman aur puraskar

apane darshan shastriy vicharon ke prakashan dvara sarvapalli radhakrishnan ne pashchim ka dhyan apani or akrisht kiya. inhen 1922 men 'aauksaphord vishvavidyalay' dvara 'di hindoo vyoo aauph laiph' vishay par vyakhyan dene ke lie amntrit kiya gaya. inhonne lndan men british empayar ke antargat ane vali yoonivarsatiyon ke sammelan men kalakatta yoonivarsati ka pratinidhitv bhi kiya. 1926 men radhakrishnan ne yoorop aur amerika ki yatraen bhi kin. inaka sabhi sthanon par shanadar svagat kiya gaya. inhen aksaphord, kaimbrij, harvard, prinsatan aur shikago vishvavidyalayon ke dvara sammanit bhi kiya gaya. daauktar radhakrishnan ko yoorop evn amerika ke pravas ke pratyek kshanon ki smriti thi. inglaind ke samacharon patron ne inake vaktavyon ki adar ke sath prashnsa ki. unaki tippaniyon se prakat hota tha ki sarvapalli radhakrishnan ek aisi pratibha hain jo n keval bharat ke darshan shastr ki vyakhya kar sakata hai balki pashchim ka darshan shastr bhi unaki pratibha ke dayare men a jata hai. ek shikshavidh ke roop men unako asim pratibha ka dhani mana gaya. bharat ke pratham rashtrapati daau. rajendr prasad ji ne mahanh darshanik shikshavid aur lekhak daau. radhakrishnan ko desh ka sarvochch alnkaran bharat ratn pradan kiya.

manad upadhiyan

jab daauktar radhakrishnan yoorop evn amerika pravas se punah bharat laute to yahan ke vibhinn vishvavidyalayon dvara unhen manad upadhiyan pradan kar unaki vidvatta ka samman kiya gaya. 1928 ki shit ritu men inaki pratham mulaqat pndit javahar lal neharoo se us samay huee, jab vah kangres parti ke varshik adhiveshan men sammilit hone ke lie kolakata ae hue the. yadyapi sarvapalli radhakrishnan bharatiy shaikshik seva ke sadasy hone ke karan kisi bhi rajanitik snbhashan men hissedari nahin kar sakate the, tathapi unhonne is varjana ki koee paravah nahin ki aur bhashan diya. 1929 men inhen vyakhyan dene hetu 'menechestar vishvavidyalay' dvara amntrit kiya gaya. inhonne menachestar evn lndan men kee vyakhyan die. inaki shiksha sambandhi upalabdhiyon ke dayare men nimnavat snsthanik seva karyon ko dekha jata hai-

  1. daauktar radhakrishnan valteyar vishvavidyalay, andhr pradesh ke 1931 se 1936 tak vais chansalar rahe.
  2. aksaphord vishvavidyalay ke 1936 se 1952 tak prophesar rahe.
  3. kalakatta vishvavidyalay ke antargat ane vale jaaurj pncham kaaulej ke prophesar ke roop men 1937 se 1941 tak kary kiya.
  4. 1939 se 1948 tak banaras ke hindoo vishvavidyalay ke chansalar rahe.
  5. 1953 se 1962 tak dilli vishvavidyalay ke chansalar rahe.
  6. 1940 men pratham bharatiy ke roop men british akadami men chune ge.
  7. 1948 men yoonesko men bharatiy pratinidhi ke roop men apani upasthiti darj karaee.
daau. sarvapalli radhakrishnan evn daau. zakir husain e.em.yoo. ke vidyarthiyon ke sath

yogadan

shiksha ke kshetr men daau. radhakrishnan ka amooly yogadan sadaiv avismaraniy rahega. ve bahumukhi pratibha ke dhani the. vah ek vidvan, shikshak, vakta, prashasak, rajanayik, deshabhakt aur shiksha shastri the. apane jivan men anek uchch padon par rahate hue bhi vah shiksha ke kshetr men apana yogadan dete rahe. unaka kahana tha ki yadi shiksha sahi prakar se di jae to samaj se anek buraiyon ko mitaya ja sakata hai.

nidhan

sarvapalli daau. radhakrishnan ne lambi bimari ke bad 17 aprail, 1975 ko pratahkal antim sans li. vah apane samay ke ek mahanh darshanik the. desh ke lie yah apoorniy kshati thi.

jivani ka prakashan

daauktar radhakrishnan ke putr daauktar es. gopal ne 1989 men unaki jivani ka prakashan kiya. isake poorv daauktar sarvapalli radhakrishnan ke vyaktitv tatha jivan ki ghatanaon ke sambandh men kisi ko bhi adhikadhik janakari nahin thi aur n hi unake rishton ke bare men kuchh maloom tha. bad men svayn unake putr ne bhi mana ki unake pita ki vyaktigat zidngi ke vishay men likhana ek badi chunauti thi aur ek nazuk mamala bhi. lekin daauktar es. gopal ne pita ke sath apane sambandhon ko bhi jivani men rekhankit kiya. 1952 men nyooyark men 'laibreri aauf living philosaphars' ke nam se ek shrinkhala di gee jisamen sarvapalli radhakrishnan ke bare men adhikarik roop se likha gaya tha. svayn radhakrishnan ne usamen darj samagri ka kabhi khndan nahin kiya. march 1975 men daauktar sarvapalli radhakrishnan ko tempalatan puraskar se sammanit kiya gaya, jo ki dharm ke kshetr men utthan ke lie pradan kiya jata hai. is puraskar ko grahan karane vale yah pratham gair-eesaee sampraday ke vyakti the.

inhen bhi dekhen: sarvapalli radhakrishnan ka darshan



bharat ke rashtrapati
Arrow-left.png poorvadhikari
rajendr prasad
sarvapalli radhakrishnan uttaradhikari
zakir husain
Arrow-right.png
panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. vaise daauktar sarvapalli radhakrishnan ka manana tha ki unaka janm 20 sitnbar 1887 ko hua tha. lekin sarakari kagazaton men ankit unaki janmatithi ko hi adhikarik janmatithi mana jata hai.
  2. alekjendar ne bharat par akraman kiya tha aur vah hamalavar ki haisiyat se aya tha

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah