सारंगधर दास  हिन्दी देवनागरी में पढ़ें।

sarngadhar das
Blankimage.png
poora nam sarngadhar das
janm 19 aktoobar, 1887
janm bhoomi dhenakanal riyasat british bharat
mrityu 18 sitnbar, 1957
smarak bi.e.
nagarikata bharatiy
dharm hindoo
andolan bharat chhodo andolan
shiksha rasayan aur krishi men uchch digri
parti samajavadi
any janakari 1948 men ve samajavadi parti men sammilit ho ge aur lokasabha ke lie chun kar vahan apane parti ke neta rahe the.
adyatan‎ 04:31, 6 janavari-2017 (IST)

sarngadhar das (angrezi: Sarangadhar Das, janm- 19 aktoobar, 1887, dhenakanal riyasat british bharat; mrityu- 18 sitnbar, 1957) svatntrata senani the. inhonne udisa men udyog sthapit kiya tha. sarngadhar das 'bharat chhodo andolan' men giraphtar hue the aur 1946 tak jel men bnd rahe. sarngadhar das udisa asembali ke sadasy chune ge the. 1948 men ve samajavadi parti men sammilit ho ge aur lokasabha ke sadasy rahe the. unhonne kendr sarakar ke karmachariyon ke sngh ki adhyakshata bhi ki.[1]

janm evn shiksha

sarngadhar das ka udisa ki deshi riyasat dhenakanal men 19 aktoobar, 1887 ko janm hua tha. inaka jivan shiksha, udyog aur rajaniti tinon kshetron men bada sngharsh poorn tha. katak se bi.e. pas karane ke bad age ke adhyayan ke lie chhatravritti lekar sarngadhar das japan ge. ve varsh bhar tokyo ke tekanikal instityoot men rah kar amarika pahunche aur kailiphaaurniya yoonivarsiti se rasayan aur krishi men uchch digri prapt ki. kuchh varshon tak amerika aur barma ki chini milon men kam karane ke bad sarngadhar das bharat vapas a ge.

chini mil ki sthapana

bharat akar sarngadhar das ne apane ganv harikrishnapur ke nikat ek chini mil ki sthapana ki. us adivasi kshetr ki unnati ke lie yah varadan siddh huee. isase adivasiyon ki arthik halat sudhari aur usake bich sarngadhar das ka prabhav bhi badha. unake badhate prabhav se riyasat dhenakalal ka shasak snkit ho utha.

british atyacharon ke khilaph avaz

1928 men jab sarngadhar das ilaj ke lie kalakatta ge the, riyasat ke shasak ne jhoothe abhiyog lagakar unaki chini mil ke ganne ke kheton ko jabt kar ke nilam kara diya. lautane par is anyay ki shikayat jab unhonne riyasat ke british paaulitikal ejent aur bihar-udisa ke gavarnar se ki to vahan bhi koee sunavaee nahin huee thi. is par sarngadhar das ne janata ko sngathit karake riyasat ke atyacharon ka samana karane ka nishchay kiya.

unhonne udisa rajy men 'prajamndal' banaya jis ka pahala sammelan 1931 ee. men pattabhi sitaramayya ki adhyakshata men hua tha. isake bad prant ki any riyasaton par bhi isaka prabhav pada aur log apane adhikaron ke lie sngathit hone lage. kee jagah khula sngharsh hua aur logon ko pulis ki goliyan jhelani padin. is prakar sarngadhar das jinhonne udisa men udyog sthapit karane ka kam arnbh kiya tha, videshi sarakar aur usake samarthak deshi rajavadon ke viruddh svatntrata sngram men sammilit ho ge. 'bharat chhodo andolan' men ve giraphtar hue aur 1946 tak jel men bnd rahe the.

rajanaitik jivan

jel se chhootane par sarngadhar das udisa asembali ke sadasy chune ge. 1948 men ve samajavadi parti men sammilit ho ge aur lokasabha ke lie chun kar vahan apane parti ke neta rahe. sarngadhar das ne kendr sarakar ke karmachariyon ke sngh ki adhyakshata bhi ki thi.

nidhan

18 sitnbar, 1957 ko sarngadhar das ka dehant ho gaya.

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |snkalan: bharatakosh pustakalay |prishth snkhya: 916 |

snbndhit lekh