सी. डी. देशमुख  हिन्दी देवनागरी में पढ़ें।

si. di. deshamukh
daau. chintamani dvarakanath deshamukh
poora nam daau. chintamani dvarakanath deshamukh
janm 14 janavari, 1896
janm bhoomi rayagadh zila, maharashtr
mrityu 2 aktoobar, 1982
mrityu sthan haidarabad, andhr pradesh
abhibhavak dvarakanath deshamukh aur bhagirathi baee
pati/patni roshina (1919-1949), durgabaee deshamukh (1953-1981)
sntan 1
shiksha snatak
vidyalay kainbrij vishvavidyalay
puraskar-upadhi padm vibhooshan, reman maigsese puraskar
vishesh yogadan rizarv baink ko niji sheshan dharakon ke baink se ek rashtriy baink ke roop men badale jane men apana mahattvapoorn yogadan diya.
nagarikata bharatiy
pad aee.si.es. adhikari, bharatiy rizarv baink ke gavarnar, svatntr bharat ke tisare vitt mntri
any janakari si.di. deshamukh ko snskrit bhasha se lagav gahara tha jisamen inaka ek kavita sngrah prakashit bhi hua tha, halanki vah kee videshi bhashaon ke bhi gyata the.
adyatan‎

chintamani dvarakanath deshamukh (angrezi: Chintamani Dwarakanath Deshmukh, janm: 14 janavari, 1896; mrityu: 2 aktoobar, 1982) british shasan ke adhin aee.si.es. adhikari aur bharatiy rizarv baink ke tisare gavarnar the. british raj ne unhen 'sar' ki upadhi di thi. isake pashchath unhonne kendriy mntrimndal men bharat ke tisare vittamntri ke roop men bhi seva ki. si.di. deshamukh 'vishvavidyalay anudan ayog' ke adhyaksh aur dilli vishvavidyalay ke upakulapati banaye ge the. unako 1975 men rashtrapati ne 'padm vibhooshan' ke alnkaran se sammanit kiya tha. unhonne kee pustaken bhi likhin.

jivan parichay

chintamani dvarakanath deshamukh ka janm maharashtr ke rayagadh zile men 14 janavari, 1896 ee. ko hua. inake pita dvarakanath deshamukh ek sammanit vakil the tatha unaki man bhagirathi baee ek dharmik mahila thi. deshamukh ne 1912 men bnbee vishvavidyalay se maitrik ki pariksha pratham shreni men pas ki. sath hi unhonne snskrit ki jagannath shnkar set chhatravritti bhi hasil ki. 1917 men unhonne kainbrij vishvavidyalay se nechural sains se, vanaspati shastr, rasayan shastr tatha bhoogarbh shastr lekar, grejueshan pas kiya. sath hi unhonne vanaspati shastr men phraink smart prais bhi jita. 1918 men landan men ayojit indiyan sivil sarvis ki pariksha men vah baithe aur unhen saphal ummidavaron men pahala sthan mila. landan men chhattiyan bitane ke dauran deshamukh ne doosari golamej kanphrens men bataur ek sekretari kam kiya. us kanphrens men mahatma gandhi bhi bhag le rahe the. us kanphrens men sentral pravins tatha betar sarakar ki or se ek gyapan rakha gaya jise deshamukh ne taiyar kiya tha. yah gyapan sar ato nimeyyar dvara ki jane vali janch se sambandhit tha, jisake adhar par bharat sarakar ke ekt 1935 ke antargat kendr tatha rajyon ke bich vittiy sambandhon ki niti tay ki jani thi. yah gyapan itana soojh-boojh bhara tatha yogyatapoorn tha ki usaki sabane prashnsa ki aur deshamukh ki rajanitik halake men tatha vittiy prashasan kshetr men pahachan ban gee. bagavani unaka priy shauk tha. snskrit bhasha se unaka lagav gahara tha aur unaka snskrit bhasha men ek kavita sngrah prakashit bhi hua tha, halanki vah kee videshi bhashaon ke bhi gyata the.
si.di. deshamukh (baen)

bharatiy rizarv baink ke gavarnar

1939 men deshamukh rizarv baink ke layajan aauphisar bane. inaka kam baink, vyavastha tatha sarakar ke bich talamel banae rakhana tha. tin mahine ke bhitar hi apani kary kushalata ke karan deshamukh baink ke sentral bord ke sekretari bana die ge. do varsh bad vah dipti gavarnar bane tatha 11 agast 1943 ko unhen gavarnar bana diya gaya. yah pad unhonne 30 joon 1949 tak sambhala. apane karyakal men deshamukh ek behad prabhavi gavarnar siddh hue. unhonne rizarv baink ko niji sheshan dharakon ke baink se ek rashtriy baink ke roop men badale jane men apana mahattvapoorn yogadan diya. deshamukh ne bainkon ki gatividhiyon ko snyojit karane ke lie aisa kanooni dhancha taiyar karake diya jo bina kisi, badha ke lambe samay tak chal sake. isi ke adhar par rin nitiyan sthapit ki geen aur indastriyal phainens karaporeshan aauph indiya ka gathan ho saka. aisa snvaidhanik dhancha bainking udyog ke lie bahut upayogi siddh hua. chintaman deshamukh ne gramin vittiy rin bhi tay kiya jo rizarv baink ke krishi rin karyakramon se talamel baithane men saphal hua aur ganv ke rin pane valon, tatha rizarv baink ki vyavastha men kisi hichakichahat ki bhi gunjaish nahin rah gee. deshamukh ki is soojhaboojh bhari yukti ki badi prashnsa ki gee aur kaha gaya ki isase poori vyavastha men amool parivartan aya hai, jo labhakari hai. julaee 1944 men chintaman deshamukh bretan vuds kanphres men bhag le rahe the. vahan inaki sakriy bhoomika se snyukt rashtrasngh ki ikaee intaranaishanal maaunitari phnd (IMF) ki sthapana sambhav huee. isi tarah intaranaishanal baink phaaur rikanstrakshan end davalepament ki sthapana bhi huee. in donon snsthanon ke gavarnars bord ke sadasy ke roop men deshamukh ne das varshon tak kam kiya aur peris men 1950 men jab in donon snsthanon ki snyukt varshik baithak huee usamen deshamukh ne adhyaksh ka dayitv sambhala.

svatntr bharat ke tisare vittamntri

sitambar 1949 men bharat ke tatkalin pradhanamantri javaharalal neharoo ne deshamukh ko bharat ka speshal phainenshiyal ambesdar banakar amerika tatha yoorop men bhej diya. vahan deshamukh ne amarika se gehoon ki udhar yojana par nirnayak batachit ki. usi sal varsh ke ant men neharoo ji ne yojana ayog ki sadasyata ka prastav diya. 1 aprail 1920 men jab ayog shuroo hua deshamukh usake sadasy bane. jaldi hi deshamukh ne snsad men vittamntri ka pad sambhala jahan vah julaee 1956 tak bane rahe. unake is mntri pad sambhal ne ke dauran desh ki vittiy yojanaon aur unake drishtikon men bade vyapak parivartan ae jinaka prabhav vikas ki gati par spasht dekha gaya. deshamukh ne desh ki pahali aur doosari pnchavarshiy yojanaon men mahattvapoorn yogadan diya. chintaman deshamukh ne vittiy snrachana men samajik niyantran ki jagah banaee jisase naya kampani ekt banaya ja saka. inpiriyal baink ka rashtriyakaran hua aur jivan bima kampaniyon ki snkalpana ki ja saki. varsh 1956 se 1960 ke bich jab chintaman deshamukh vishvavidyalay anudan ayog ke cheyaramain the, tab shiksha tatha samaj sevaon ke kshetr men mahattvapoorn sudhar samane ae jinase vishvavidyalayon ke kary star men deshavyapi vikas dekha ja saka.[1]

any mahattvapoorn yogadan

si. di. deshamukh ke samman men dak tikat

varsh 1956 se 1960 ke bich jab chintaman deshamukh vishvavidyalay anudan ayog ke cheyaramain the, tab shiksha tatha samaj sevaon ke kshetr men mahattvapoorn sudhar samane ae jinase vishvavidyalayon ke kary star men deshavyapi vikas dekha ja saka. chintaman march 1960 se pharavari 1967 tak dilli vishvavidyalay ke upakulapati bhi rahe. unake karyakal men dilli vishvavidyalay ne uchchatar shiksha ke kshetr men bejod nam kamaya. vittiy karyakshetr tatha shiksha kshetr ke atirikt deshamukh vividh vibhagon men karyarat rahe. 1945 se 1964 tak lagatar vah indiyan staitistakal intityoot ke president rahe. 1965 men unhonne indiyan ikanomik groth nyoo dilli men president ka pad snbhala. 1957 se 1960 tak vah neshanal buk trast ke aaunareri cheyaramain bhi rahe. 1959 men inhonne indiya intaraneshanal sentar ki sthapana ki jisaka ajivan adhyaksh inhen banaya gaya. chintaman deshamukh ne 1959 se 1973 tak bord aauph gavarnars aauph edaministretiv staauph kaaulej aauph indiya haidarabad aguvaee ki. is tarah vah ekasath ek bar men kee-kee padon ka dayitv sambhalate rahe. apane karyabhar se mukt hone ke bad chintaman deshamukh apane parivar men magn ho ge.[1]

samman aur puraskar

nidhan

daau. chintamani dvarakanath deshamukh ka nidhan 2 aktoobar, 1982 ko ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 si. di. deshamukh ka jivan parichay (hindi) Kaise Aur Kya kaise aur kya. abhigaman tithi: 26 agast, 2016.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah