सुभद्रा कुमारी चौहान  हिन्दी देवनागरी में पढ़ें।

subhadra kumari chauhan
Subhadra-Kumari-Chauhan.jpg
poora nam subhadra kumari chauhan
janm 16 agast, 1904
janm bhoomi nihalapur, ilahabad, uttar pradesh
mrityu 15 pharavari, 1948
mrityu sthan sadak durghatana (nagapur - jabalapur ke madhy)
abhibhavak pita- thakur ramanath sinh
pati/patni thakur lakshman sinh
sntan sudha chauhan, ajay chauhan, vijay chauhan, ashok chauhanat aur mamata chauhan
karm bhoomi bharat
karm-kshetr lekhak
mukhy rachanaen 'mukul', 'jhansi ki rani', bikhare moti adi.
vishay samajik, deshaprem
bhasha hindi
puraskar-upadhi sekasariya puraskar
prasiddhi svatntrata senani, kavayitri, kahanikar
vishesh yogadan rashtriy svatntrata sngram men sakriy bhoomika nibhate hue, us anand aur josh men subhadra ji ne jo kavitaen likhin, ve us andolan men striyon men ek nayi prerana bhar deti hain.
nagarikata bharatiy
any janakari bharatiy tatarakshak sena ne 28 apral, 2006 ko subhadra kumari chauhan ko sammanit karate hue navin niyukt tatarakshak jahaz ko un ka nam diya hai.[1]
adyatan‎ 11:59, 24 march 2011 (IST)
inhen bhi dekhen kavi soochi, sahityakar soochi
subhadra kumari chauhan ki rachanaen

subhadra kumari chauhan (angrezi: Subhadra Kumari Chauhan, janm: 16 agast, 1904; mrityu: 15 pharavari, 1948) hindi ki suprasiddh kavayitri aur lekhika thin. unake do kavita sngrah tatha tin katha sngrah prakashit hue, par unaki prasiddhi 'jhansi ki rani' kavita ke karan hai. subhadra ji rashtriy chetana ki ek sajag kavayitri rahin, kintu unhonne svadhinata sngram men anek bar jel yatanaen sahane ke pashchath apani anubhootiyon ko kahani men bhi vyakt kiya. vatavaran chitran-pradhan shaili ki bhasha saral tatha kavyatmak hai, is karan unaki rachana ki sadagi hridayagrahi hai.

'chamak uthi sanh sattavan men
vah talavar purani thi
bundele harabolon ke munh
hamane suni kahani thi
khoob ladi maradani vah to
jhansi vali rani thi.[2]

vir ras se ot prot in pnktiyon ki rachayita subhadra kumari chauhan ko 'rashtriy vasnt ki pratham kokila' ka virud diya gaya tha. yah vah kavita hai jo jan-jan ka knthahar bani. kavita men bhasha ka aisa riju pravah milata hai ki vah balakon-kishoron ko sahaj hi knthasth ho jati hain. kathani-karani ki samanata subhadra ji ke vyaktitv ka pramukh ang hai. inaki rachanaen sunakar maranasann vyakti bhi oorja se bhar sakata hai.[3] aisa nahin ki kavita keval samany jan ke lie grahy hai, yadi kavy-rasik usamen kavyatv khojana chahen to vah bhi hai -

huee virata ki vaibhav ke sath sagaee jhansi men.

lakshmibaee ki virata ka rajamahalon ki samriddhi men ana jaisa ek manikanchan yog tha, kadachit usake lie 'virata aur vaibhav ki sagaee' se upayukt prayog doosara nahin ho sakata tha. svatntrata sngram ke samay ke jo aganit kavitaen likhi geen, unamen is kavita aur makhanalal chaturvedi 'ek bharatiy atma' ki pushp ki abhilasha ka anupam sthan hai. subhadra ji ka nam maithilisharan gupt, makhanalal chaturvedi, balakrishn sharma navin ki yashasvi parampara men adar ke sath liya jata hai. vah bisavin shatabdi ki sarvadhik yashasvi aur prasiddh kavayitriyon men agrani hain.

jivan parichay

subhadra kumari chauhan ka janm nagapnchami ke din 16 agast 1904 ko ilahabad ke pas nihalapur ganv men hua tha. unake pita ka nam 'thakur ramanath sinh' tha. subhadra kumari ki kavy pratibha bachapan se hi samane a gee thi. apaka vidyarthi jivan prayag men hi bita. 'krasthavet garls kaaulej' men apane shiksha prapt ki. 1913 men nau varsh ki ayu men subhadra ki pahali kavita prayag se nikalane vali patrika 'maryada' men prakashit huee thi. yah kavita 'subhadrakunvari' ke nam se chhapi. yah kavita ‘nim’ ke ped par likhi gee thi. subhadra chnchal aur kushagr buddhi thi. padhaee men pratham ane par usako inam milata tha. subhadra atynt shighr kavita likh dalati thi, mano unako koee prayas hi n karana padata ho. skool ke kam ki kavitaen to vah sadharanataya ghar se ate-jate tange men likh leti thi. isi kavita ki rachana karane ke karan se skool men usaki badi prasiddhi thi.

bachapan

subhadra aur mahadevi varma donon bachapan ki saheliyan thin. donon ne ek-doosare ki kirti se sukh paya. subhadra ki padhaee navin kaksha ke bad chhoot gee. shiksha samapt karane ke bad navalapur ke suprasiddh 'thakur lakshman sinh' ke sath apaka vivah ho gaya.[4] balyakal se hi sahity men ruchi thi. pratham kavy rachana apane 15 varsh ki ayu men hi likhi thi. subhadra kumari ka svabhav bachapan se hi dabng, bahadur v vidrohi tha. vah bachapan se hi ashiksha, andhavishvas, jati adi roodhiyon ke viruddh ladin.

vivah

1919 ee. men unaka vivah 'thakur lakshman sinh' se hua, vivah ke pashchath ve jabalapur men rahane lagin. subhadrakumari chauhan apane natakakar pati lakshmanasinh ke sath shadi ke dedh varsh ke hote hi satyagrah men shamil ho geen aur unhonne jelon men hi jivan ke anek mahattvapoorn varsh guzare. grihasthi aur nanhe-nanhe bachchon ka jivan snvarate hue unhonne samaj aur rajaniti ki seva ki. desh ke lie kartavy aur samaj ki zimmedari snbhalate hue unhonne vyaktigat svarth ki bali chadha di-

n hone doongi atyachar, chalo main ho jaoon balidan.

subhadra ji ne bahut pahale apani kavitaon men bharatiy snskriti ke pranatatvon, dharmanirapeksh samaj ka nirman aur sanpradayik sadbhav ka vatavaran banane ke prayatnon ko rekhankit kar diya tha-

mera mndir, meri masjid, kaba-kashi yah meri
pooja-path, dhyan jap-tap hai ghat-ghat vasi yah meri.
krishnachndr ki kridaon ko, apane angan men dekho.
kaushalya ke matrimod ko, apane hi man men lekho.
prabhu eesa ki kshamashilata, nabi muhammad ka vishvas
jiv daya jin par gautam ki, ao dekho isake pas.

jabalapur se makhanalal chaturvedi 'karmavir' patr nikalate the. usamen lakshman sinh ko naukari mil geen. subhadra bhi unake sath jabalapur a geen. subhadra ji sas ke anushasan men rahakar sughad grihini banakar sntusht nahin thin. unake bhitar jo tej tha, kam karane ka utsah tha, kuchh naya karane ki jo lagan thi, usake lie ghar ki sima bahut chhoti thi. subhadra ji men likhane ki pratibha thi aur ab pati ke rup men unhen aisa vyakti mila tha jisane unaki pratibha ko panapane ke lie uchit vatavaran dene ka prayatn kiya.

svatntrata men yogadan

1920-21 men subhadra aur lakshman sinh akhil bharatiy kangres kameti ke sadasy the. unhonne nagapur kangres adhiveshan men bhag liya aur ghar-ghar men kangres ka sndesh pahunchaya. tyag aur sadagi men subhadra ji safed khadi ki bina kinari dhoti pahanati thin. gahanon aur kapadon ka bahut shauq hote hue bhi vah choodi aur bindi ka prayog nahin karati thi. un ko sada veshabhoosha men dekh kar bapoo ne subhadra ji se poochh hi liya, 'ben! tumhara byah ho gaya hai?' subhadra ne kaha, 'han!' aur phir utsah se bataya ki mere pati bhi mere sath ae hain. isako sunakar ba aur bapoo jahan ashvast hue vahan kuchh naraz bhi hue. bapoo ne subhadra ko danta, 'tumhare mathe par sindoor kyon nahin hai aur tumane choodiyan kyon nahin pahanin? jao, kal kinare vali sadi pahanakar ana.' subhadra ji ke sahaj snehi man aur nishchhal svabhav ka jadoo sabhi par chalata tha. unaka jivan prem se yukt tha aur nirntar nirmal pyar bantakar bhi khali nahin hota tha.
1922 ka jabalapur ka 'jhnda satyagrah' desh ka pahala satyagrah tha aur subhadra ji ki pahali mahila satyagrahi thin. roz-roz sabhaen hoti thin aur jinamen subhadra bhi bolati thin. 'taims aauph indiya' ke snvadadata ne apani ek riport men unaka ullekh lokal sarojini kahakar kiya tha. subhadra ji men bade sahaj dhng se gnbhirata aur chnchalata ka adbhut snyog tha. ve jis sahajata se desh ki pahali stri satyagrahi banakar jel ja sakati thin, usi tarah apane ghar men, bal-bachchon men aur grihasthi ke chhote-mote kamon men bhi rami rah sakati thin.
lakshmanasinh chauhan jaise jivanasathi aur makhanalal chaturvedi jaisa path-pradarshak pakar vah svatntrata ke rashtriy andolan men barabar sakriy bhag leti rahin. kee bar jel bhi geen. kafi dinon tak madhy prant asembali ki kangres sadasya rahin aur sahity evn rajanitik jivan men saman roop se bhag lekar ant tak desh ki ek jagarook nari ke roop men apana kartavy nibhati rahin. gandhi ji ki asahayog ki pukar ko poora desh sun raha tha. subhadra ne bhi skool se bahar akar poore man-pran se asahayog andolan men apane ko do roopon men jhonk diya -

  1. desh - sevika ke roop men
  2. deshabhakt kavi ke roop men.

jaliyanvala bag,’ 1917 ke nrishns hatyakand se unake man par gahara aghat laga. unhonne tin agney kavitaen likhin. ‘jaliyanvale bag men vasnt’ men unhonne likha-

parimalahin parag dag-sa bana pada hai
ha! yah pyara bag khoon se sana pada hai.
ao priy rituraj! kintu dhire se ana
yah hai shok sthan yahan mat shor machana.
komal balak mare yahan goli kha-khakar
kaliyan unake lie girana thodi lakar.[5]

san 1920 men jab charon or gandhi ji ke netritv ki dhoom thi, to unake ahvan par donon pati-patni svatntrata andolan men sakriy bhag lene ke lie katibaddh ho ge. unaki kavitaee isilie azadi ki ag se jvalamayi ban gee hai.[6]

rachanaen

unhonne lagabhag 88 kavitaon aur 46 kahaniyon ki rachana ki. kisi kavi ki koee kavita itani adhik lokapriy ho jati hai ki shesh kavitaee prayah gaun hokar rah jati hai. bachchan ki 'madhushala' aur subhadra ji ki is kavita ke samay yahi hua. yadi keval lokapriyata ki drishti se hi vistar karen to unaki kavita pustak 'mukul' 1930 ke chhah snskaran unake jivan kal men hi ho jana koee samany bat nahin hai. inaka pahala kavy-sngrah 'mukul' 1930 men prakashit hua. inaki chuni huee kavitaen 'tridhara' men prakashit huee hain. 'jhansi ki rani' inaki bahucharchit rachana hai. rashtriy andolan men sakriy bhagidari aur jel yatra ke bad bhi unake tin kahani sngrah prakashit hue-

  1. 'bikhare moti (1932)
  2. unmadini (1934)
  3. sidhe-sade chitr (1947)


in katha sngrahon men kul 38 kahaniyan (kramashah pndrah, nau aur chaudah). subhadra ji ki samakalin stri-kathakaron ki snkhya adhik nahin thin.

striyon ki prerana

rashtriy svatntrata sngram men sakriy bhoomika nibhate hue, us anand aur josh men subhadra ji ne jo kavitaen likhin, ve us andolan men ek nayi prerana bhar deti hain. striyon ko sambodhan karati yah kavita dekhie--

"sabal purush yadi bhiru banen, to hamako de varadan sakhi.
abalaen uth paden desh men, karen yuddh ghamasan sakhi.
pndrah koti asahayoginiyan, dahala den brahmand sakhi.
bharat lakshmi lautane ko , rach den lnka kand sakhi.."

asahayog andolan ke lie yah ahvan is shaili men tab hua hai, jab stri sashaktikaran ka aisa adhik prabhav nahin tha.

Blockquote-open.gif 1922 ka jabalapur ka 'jhnda satyagrah' desh ka pahala satyagrah tha aur subhadra ji ki pahali mahila satyagrahi thin. roz-roz sabhaen hoti thin aur jinamen subhadra bhi bolati thin. 'taims aauph indiya' ke snvadadata ne apani ek riport men unaka ullekh lokal sarojini kahakar kiya tha. Blockquote-close.gif

deshaprem

viron ka kaisa ho vasant' unaki ek or prasiddh desh-prem ki kavita hai, jisaki shabd-rachana, lay aur bhav-garbhita anokhi thi. 'svadesh ke prati', 'vijayadashami', 'vidaee', 'senani ka svagat', 'jhansi ki rani ki sadhi mapar', 'jaliyan vale bag men basant' adi shreshth kavitv se bhari unaki any sashakt kavitaen hain.

rashtrabhasha prem

'rashtrabhasha' ke prati bhi unaka gahara sarokar hai, jisaki sajag abhivyakti 'matri mandir men', namak kavita men huee hai, yah unaki rashtrabhasha ke utkarsh ke lie chinta hai -

'us hindoo jan ki garavini
hindi pyari hindi ka
pyare bharatavarsh krishn ki
us pyari kalindi ka
hai usaka hi samaroh yah
usaka hi utsav pyara
main ashchary bhari ankhon se
dekh rahi hoon yah sara
jis prakar kngal balika
apani man dhanahita ko
tukadon ki mohataz aj tak
dukhini ki us dina ko"

kavy men premanubhuti

Blockquote-open.gif subhadrakumari chauhan nari ke roop men hi rahakar sadharan nariyon ki akankshaon aur bhavon ko vyakt karati hain. bahan, mata, patni ke sath-sath ek sachchi desh sevika ke bhav unhonne vyakt kie hain. unaki shaili men vahi saralata hai, vahi akritrimata aur spashtata hai jo unake jivan men hai. Blockquote-close.gif

taral jivananubhutiyon se upaji subhadra kumari chauhan ki kavita ka prem doosara adhar-stambh hai. yah prem dvimukhi hai. shaishav - bachapan se prem aur doosara dampaty prem, 'tisare' ki upasthiti ka yahan par saval hi nahin hai.

bachapan se prem

shaishav se prem par jitani sundar kavitaen unhonne likhi hain, bhaktikal ke bad ve atulaniy hain. nirdosh aur alhad bachapan ko jis prakar smriti men basakar unhonne madhurata se abhivyakt kiya hai, ve kabhi purani n padane vali kavita hai. udaharanarth -

"bar-bar ati hai mujhako
madhur yad bachapan teri",
"a ja bachapan, ek bar phir
 de do apani nirmal shanti
vyakul vyatha mitane vali
vah apani prakrit vishranti."

apani sntati men manushy kis prakar 'mera naya bachapan kavita' kavita men marmik abhivyakti pata hai-

"main bachapan ko bula rahi thi
bol uthi bitiya meri
nndan van si phool uthi
yah chhoti-si kutiya meri.."

shaishav sambandhi in kavitaon ki ek aur bahut badi visheshata hai, ki ye 'bitiya pradhan' kavitaen hain - kanya bhroon-hatya ki bat to ham aj zor-shor se kar rahe hain, kintu bahut hi chupachap, bina mukharata ke, subhadra is vichar ko sahajata se vyakt karati hain. yahan 'agale janam mohe bitiya n kijo' ka bhav nahin, apitu snsar ka samast sukh beti men dekha gaya hai. 'balika ka parichay' bitiya ke mahatv ko is prakar prasthapit karati hai-

"dipashikha hai andhakar ki
ghani ghata ki ujiyali
oosha hai yah kamal-bhring ki
hai patajhad ki hariyali."

kaha jata hai ki unhonne apani putri ka kanyadan karane se mana kar diya ki 'kanya koee vastu nahin ki usaka dan kar diya jae.' stri-svatntry ka kitana bada pag tha vah.

dampaty prem

prem ki kavitaon men jivan-sathi ke prati atoot prem, nishtha evn ragatmakata ke darshan hote hain- 'priyatam se', 'chinta', 'manuhar radhe.', 'ahat ki abhilasha', 'prem shrrikhala', 'aparadhi hai kaun', 'dand ka bhagi banata kaun', adi unaki bahut sundar prem kavitaen hain. dampaty ki roothane aur manuhar karati 'priyatam se' kavita ka yah ansh dekhie-

"zara-zara si baton par
mat rooko mere abhimani
lo prasann ho jao
galati mainne apani sab mani
main bhoolon ki bhari pitari
aur daya ke tum agar
sada dikhaee do tum hnsate
chahe mujhase karo n pyar.[7]"
apane aur priy aur bich kisi 'tisare' ki upasthiti unake lie poorn asahaniy hai. 'manini radh', kavita men vyakt yah akrosh poore sahity men viral hai-
"khooni bhav uthen usake prati
jo hon priy ka pyara
usake lie hriday yah mera
ban jata hatyara."
dampaty ki visham, virtul aur gopan sthitiyon ki jis akunth bhav se abhivyakti subhadra kumari chauhan ne ki hai, vah badi marmik ban padi hai-
"yah marm-katha apani hi hai
auron ki nahin sunaoongi
tum rootho sau-sau bar tumhen
pairon pad sada manaoongi
bas, bahut ho chuka, kshama karo
avasad hata do ab mera
kho diya jise mad jise mad men mainne
lao, de do vah sab mera."

bhakti bhavana

unaka bhakti-bhav bhi prabal hai. poorn man se prabhu ke sammukh sarvatm samarpan ki isase sundar, sahaj abhivyakti nahin ki ja sakati-

"dev! tumhare kee upasak
kee dhng se ate
men bahumooly bhent v
kee rng ki late hain."

prakriti prem

prakriti se bhi subhadra kumari chauhan ke kavi ka gahan anurag raha hai--'nim', 'phool ke prati', 'murajhaya phool' adi men unhonne prakriti ka chitran bade sahaj bhav se kiya hai. is prakar subhadra kumari chauhan ki kavita ka falak atyant vyapak hai, kintu phir bhi.........khoob ladi mardani, vah to jhansi vali rani thi, unaki akshay kirti ka aisa stambh hai jis par kal ki bat apana koee prabhav nahin chhod payegi, yah kavita jan-jan ka hridayahar bani hi rahegi.

bal kavitaen

subhadra kumari chauhan ke samman men jari dak tikat

subhadra ji ne matritv se prerit hokar bahut sundar bal kavitaen bhi likhi hain. yah kavitaen bhi unaki rashtriy bhavanaon se ot prot hain. 'sabha ka khel' namak kavita men, khel-khel men rashtriy bhav jagane ka prayas is prakar kiya hai -

sabha-sabha ka khel aj ham khelenge,
jiji ao main gandhi ji, chhote neharu, tum sarojini ban jao.
mera to sab kam lngoti gamachhe se chal jaega,
chhote bhi khaddar ka kurta peti se le aega.
mohan, lalli pulis banenge,
ham bhashan karane vale ve lathiyan chalane vale,
ham ghayal marane vale.

is kavita men bachchon ke khel, gandhi ji ka sndesh, neharu ji ke man men gandhi ji ke prati bhakti, sarojini nayadoo ki sanpradayik ekata snbndhi vicharadhara ko badi khoobi se vyakt kiya gaya hai. asahayog andolan ke vatavaran men pale-badhe़ bachchon ke lie aise khel svabhavik the. prasiddh hindi kavi gajanan madhav muktibodh ne subhadra ji ke rashtriy kavy ko hindi men bejod mana hai- kuchh vishesh arthon men subhadra ji ka rashtriy kavy hindi men bejod hai. kyonki unhonne us rashtriy adarsh ko jivan men samaya hua dekha hai, usaki pravritti apane antahkaran men paee hai, atah vah apane samast jivan-snbndhon ko usi pravritti ki pradhanata par ashrit kar deti hain, un jivan snbndhon ko us pravritti ke prakash men chamaka deti hain.… subhadrakumari chauhan nari ke roop men hi rahakar sadharan nariyon ki akankshaon aur bhavon ko vyakt karati hain. bahan, mata, patni ke sath-sath ek sachchi desh sevika ke bhav unhonne vyakt kie hain. unaki shaili men vahi saralata hai, vahi akritrimata aur spashtata hai jo unake jivan men hai. unamen ek or jahan nari-sulabh gunon ka utkarsh hai, vahan vah svadesh prem aur deshabhiman bhi hai jo ek kshatriy nari men hona chahie.

nari samaj ka vishvas

subhadra ji ki beti sudha chauhan ka vivah prasiddh sahityakar premachnd ke putr amritaray se hua tha jo svayn achchhe lekhak the. sudha ne unaki jivani likhi- mila tej se tej.[8] subhadra ji ka poora jivan sakriy rajaniti men bita. vah nagar ki sabase purani karyakarti thin. 1930 - 31 aur 1941 - 42 men jabalapur ki am sabhaon men striyan bahut badi snkhya men ekatr hoti thin jo ek naya hi anubhav tha. striyon ki is jagriti ke pichhe subhadra ji thin jo unaki taiyar ki gee toli ke anavarat prayas ka phal tha. sanh 1920 se hi ve sabhaon men parde ka virodh, roodhiyon ke virodh, chhuachhoot hatane ke paksh men aur stri-shiksha ke prachar ke lie bolati rahi thin. un sabase bahut-si baton men alag hokar bhi vah unhin men se ek thin. unamen bharatiy nari ki sahaj shil aur maryada thi, is karan unhen nari samaj ka poora vishvas prapt tha. vicharon ki dridhata ke sath-sath unake svabhav aur vyavahar men ek lachilapan tha, jisase bhinn vicharon aur rahan-sahan valon ke dil men bhi unhonne ghar bana liya tha.

kahani lekhan

subhadra ji ne kahani likhana arnbh kiya kyonki us samay snpadak kavitaon par parishramik nahin dete the. snpadak chahate the ki vah gady rachana karen aur usake lie parishramik bhi dete the. samaj ki anitiyon se judi jis vedana ko vah abhivyakt karana chahati thin, usaki abhivyakti ka ek matr madhyam gady hi ho sakata tha. atah subhadra ji ne kahaniyan likhin. unaki kahaniyon men desh-prem ke sath-sath samaj ki vidroopata, apane ko pratishthit karane ke lie sngharsharat nari ki pida aur vidroh ka svar dekhane ko milata hai. ek hi varsh men unhonne ek kahani sngrah 'bikhare moti' bana dala.[9] 'bikhare moti' sngrah ko chhapavane ke lie vah ilahabad geen. is bar bhi sekasariya puraskar unhen hi mila- kahani sngrah 'bikhare moti' ke lie. unaki adhikansh kahaniyan saty ghatana par adharit hain. desh-prem ke sath-sath unamen garibon ke lie sachchi sahanubhooti dikhati hai.

antim rachana

Blockquote-open.gif unaki mrityu par makhanalal chaturvedi ne likha ki subhadra ji ka aj chal basana prakriti ke prishth par aisa lagata hai mano narmada ki dhara ke bina tat ke puny tirthon ke sare ghat apana arth aur upayog kho baithe hon. Blockquote-close.gif

main achhoot hoon, mndir men ane ka mujhako adhikar nahin hai.
kintu devata yah n samajhana, tum par mera pyar nahin hai॥
pyar asim, amit hai, phir bhi pas tumhare a n sakoongi.
yah apani chhoti si pooja, charanon tak pahuncha n sakoongi॥
isilie is andhakar men, main chhipati-chhipati aee hoon.
tere charanon men kho jaoon, itana vyakul man laee hoon॥
tum dekho pahichan sako to tum mere man ko pahichano.
jag n bhale hi samajhe, mere prabhu! meman ki jano॥

  • yah kavita kavayitri ki antim rachana hai.[10]

du:khad nidhan

14 pharavari ko unhen nagapur men shiksha vibhag ki miting men bhag lene jana tha. daauktar ne unhen rel se n jakar kar se jane ki salah di. 15 pharavari 1948 ko dopahar ke samay ve jabalapur ke lie vapas laut rahin thin. unaka putr kar chala raha tha. subhadra ne dekha ki bich sadak par tin-char murgi ke bachche a gaye the. unhonne achakachakar putr se murgi ke bachchon ko bachane ke lie kaha. ekadam tezi se katane ke karan kar sadak kinare ke ped se takara gee. subhadra ji ne ‘beta’ kaha aur vah behosh ho gee. aspatal ke sivil sarjan ne unhen mrit ghoshit kiya. unaka chehara shant aur nirvikar tha manon gahari nind so gee hon. 16 agast 1904 ko janmi subhadra kumari chauhan ka dehant 15 pharavari 1948 ko 44 varsh ki ayu men hi ho gaya. ek snbhavanapoorn jivan ka ant ho gaya.

unaki mrityu par makhanalal chaturvedi ne likha ki subhadra ji ka aj chal basana prakriti ke prishth par aisa lagata hai mano narmada ki dhara ke bina tat ke puny tirthon ke sare ghat apana arth aur upayog kho baithe hon. subhadra ji ka jana aisa maloom hota hai mano ‘jhansi vali rani’ ki gayika, jhansi ki rani se kahane gee ho ki lo, phirngi khaded diya gaya aur matribhoomi azad ho gee. subhadra ji ka jana aisa lagata hai mano apane matritv ke dugdh, svar aur ansuon se unhonne apane nanhe putr ko kathor uttaradayitv saunpa ho. prabhu kare, subhadra ji ko apani prerana se hamare bich amar karake rakhane ka bal is pidhi men ho.

samman aur puraskar

  • inhen 'mukul' tatha 'bikhare moti' par alag-alag sekasariya puraskar mile.
  • bharatiy tatarakshak sena ne 28 apral 2006 ko subhadra kumari chauhan ko sammanit karate hue navin niyukt tatarakshak jahaz ko un ka nam diya hai.[1]
  • bharatiy dak tar vibhag ne 6 agast 1976 ko subhadra kumari chauhan ke samman men 25 paise ka ek dak-tikat jari kiya tha.[11]
  • jabalapur ke nivasiyon ne chnda ikattha karake nagarapalika prangan men subhadra ji ki adamakad pratima lagavaee jisaka anavaran 27 navnbar 1949 ko kavayitri aur unaki bachapan ki saheli mahadevi varma ne kiya. pratima anavaran ke samay bhadant anand kausalyayan, harivnsharay bachchan ji, daau. ramakumar varma aur ilachndr joshi bhi upasthit the. mahadevi ji ne is avasar par kaha, nadiyon ka koee smarak nahin hota. dipak ki lau ko sone se madh dijie par isase kya hoga? ham subhadra ke sndesh ko door-door tar phailaen aur acharan men usake mahatv ko manen- yahi asal smarak hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 subhadra kumari chauhan (angrezi) (ech.ti.em.el) iloveindia.com/indian-heroes. abhigaman tithi: 15 march, 2011.
  2. jhansi ki rani - subhadrakumari chauhan (hindi) (ech.ti.em.el) hindi kunj. abhigaman tithi: 17 march, 2011.
  3. subhadrakumari chauhan (hindi) kavyanchal. abhigaman tithi: 17 march, 2011.
  4. subhadrakumari chauhan (hindi) (ech.ti.em.el) milanasagar. abhigaman tithi: 17 march, 2011.
  5. jaliyanvala bag men basnt - subhadra kumari chauhan (hindi) (ech.ti.em.el) hindi kunj. abhigaman tithi: 17 march, 2011.
  6. subhadrakumari chauhan (hindi) (ech.ti.em.el) svaraj snsthan. abhigaman tithi: 16 march, 2011.
  7. priyatam se (hindi) (ech.ti.em.el) kavitakosh. abhigaman tithi: 18 march, 2011.
  8. subhadra kumari chauhan -bachapan, vivah: mila tej se tej (hindi) (ech.ti.em.el) hindi chitthe evn paaudakast. abhigaman tithi: 15 march, 2011.
  9. subhadra kumari chauhan ki katha drishti (hindi) (ech.ti.em.el) rachanakar. abhigaman tithi: 16 march, 2011.
  10. prabhu tum mere man ki jano (hindi) (ech.ti.em.el) kavitakosh. abhigaman tithi: 22 march, 2011.
  11. khoob ladi mardani ka pratiroop thin subhadra (hindi) (ech.ti.em.el) jagaran yahoo. abhigaman tithi: 15 march, 2011.

snbndhit lekh