सोहन सिंह भकना  हिन्दी देवनागरी में पढ़ें।

sohan sinh bhakana
sohan sinh bhakana
poora nam sohan sinh bhakana
any nam baba sohan sinh bhakana
janm janavari, 1870
janm bhoomi amritasar
mrityu 20 disambar, 1968
mrityu sthan khutaraee khurd, amritasar, pnjab
pati/patni bhaee karam sinh, ram kaur
nagarikata bharatiy
prasiddhi svatntrata senani
jel yatra 13 aktoobar, 1914
vishesh yogadan sohan sinh ji ne krantikariyon ko sngathit karane tatha astr-shastr ekatr karake bharat bhejane ki yojana ko karyanvit liya.
any janakari lala haradayal ne amerika men 'paisifik kost hindi esosiyeshan' namak ek snstha banaee thi, jisake adhyaksh sohan sinh ji the.

baba sohan sinh bhakana (angrezi: Sohan Singh Bhakna, janm- janavari, 1870, amritasar; mrityu- 20 disambar, 1968) bharat ki azadi ke lie sngharsharat krantikariyon men se ek the. ve amerika men gathit 'gadar parti' ke prasiddh neta the. lala haradayal ne amerika men 'paisifik kost hindi esosiyeshan' nam ki ek snstha banaee thi, jisaka adhyaksh sohan sinh bhakana ko banaya gaya tha. isi snstha ke dvara 'gadar' namak samachar patr bhi nikala gaya aur isi ke nam par age chalakar snstha ka nam bhi 'gadar parti' rakha gaya. apani krantikari gatividhiyon ke karan sohan sinh ji ko giraphtar kar ajivan karavas ki saza sunaee gee thi. angrez sarakar unhen poore 16 varsh tak jel men rakhana chahati thi, kintu unake svasthy ko girata dekh sarakar ko unhen riha karana pada.

janm tatha shiksha

baba sohan sinh bhakana ka janm janavari, 1870 ee. men amritasar zile, pnjab ke 'khutaraee khurd' namak ganv men ek snpann kisan parivar men hua tha. unake pita ka nam bhaee karam sinh aur man ka nam ram kaur tha. sohan sinh ji ko apane pita ka pyar adhik samay tak prapt nahin ho saka. jab ve matr ek varsh ke the, tabhi pita ka dehant ho gaya. unaki man rani kaur ne hi unaka palan-poshan kiya. anrabh men unhen dharmik shiksha di gee. ye shiksha unhonne ganv ke hi gurudvare se prapt ki. gyarah varsh ki umr men praimari skool men bharti hokar unhonne urdoo padhana anrabh kiya.

vivah

jab sohan sinh das varsh ke the, tabhi unaka vivah bishan kaur ke sath ho gaya, jo lahaur ke samip ke ek zamindar kushal sinh ki putri thin. sohan sinh ji ne solah varsh ki umr men apani skooli shiksha poorn ki. ve urdoo aur farasi men daksh the. yuva hone par sohan sinh bure logon ki sngat men pad gaye. unhonne apani snpoorn paitrik snpatti sharab pine aur any vyarth ke karyon men gavan di. kuchh samay bad unaka snpark baba keshavasinh se hua. unase milane ke bad unhonne sharab adi ka tyag kar diya.

videsh yatra

apani ajivika ki khoj men ab sohan sinh amerika ja pahnche. unake bharat chhodane se pahale hi lala lajapataray adi any deshabhakt rashtriy andolan anrabh kar chuke the. isaki bhanak baba sohan sinh ke kanon tak bhi pahunch chuki thi. sohan sinh 40 varsh ki umr men san 1907 men amerika pahunche. vahan unhen ek mil men kam mil gaya. lagabhag 200 pnjab nivasi vahan pahale se hi kam kar rahe the. kintu in logon ko vetan bahut kam milata tha aur videshi unhen tiraskar ki drishti se dekhate the. sohan sinh ji ko yah samajhate der nahin lagi ki unaka yah apaman bharat men angrezon ki gulami ke karan ho raha hai. atah unhonne desh ki azadi ke lie svayn ke sngathan ka nirman karana arambh kar diya.

krantikari gatividhiyan

krantikari lala haradayal amerika men hi the. unhonne 'paisifik kost hindi esosiyeshan' namak ek snstha banaee. baba sohan sinh usake adhayaksh aur lala haradayal mntri bane. sab bharatiy is snstha men sammilit ho ge. san 1857 ke svadhinata sngram ki smriti men is snstha ne 'gadar' nam ka patr bhi prakashit kiya. isake atirikt 'ailane jng', 'naya jamana' jaise prakashan bhi kie ge. age chalakar snstha ka nam bhi 'gadar parti' kar diya gaya. 'gadar parti' ke antargat baba sohan sinh ne krantikariyon ko sngathit karane tatha astr-shastr ekatr karake bharat bhejane ki yojana ko karyanvit karane men age badh kar bhag liya. 'kamagatamaroo prakaran' jahaz vali ghatana bhi is silasile ka hi ek hissa thi.

giraphtari

bharatiy sena ki kuchh tukadiyon ko kranti men bhag lene ke taiyar kiya gaya tha. kintu mukhabiron aur kuchh deshadrohiyon dvara bhed khol dene se yah sara kiya dhara bekar gaya. baba sohan sinh bhakana ek any jahaz se kalakatta (vartaman kolakata) pahunche the. 13 aktoobar, 1914 ee. ko unhen bhi giraphtar kar liya gaya. yahan se unhen poochhatachh ke lie lahaur jel bhej diya gaya. in sab krantikariyon par lahaur men mukadama chalaya gaya, jo 'pratham lahaur shadayntr kes' ke nam se prasiddh hai.

ajivan karavas

baba sohan sinh ko ajivan karavas ki saza sunaee gee aur unhen andaman bhej diya gaya. vahan se ve koyambatoor aur bhakhada jel bheje ge. us samay yahan mahatma gandhi bhi bnd the. phir ve lahaur jel le jae ge. is dauran unhonne ek lambe samay tak yatanapoorn jivan vyatit kiya.

rihaee

16 varsh jel me bitane par bhi angrez sarakar ka irada unhen jel men hi sada dalane ka tha. is par baba sohan sinh ne anashan arambh kar diya. isase unaka svasthy bigadane laga. yah dekhakar atatah angrezi sarakar ne unhen giha kar diya.

nidhan

rihaee ke bad baba sohan sinh 'kamyunist parti' ka prachar karane lage. dvitiy vishv yuddh anrabh hone par sarakar ne unhen phir giraphtar kar liya tha, lekin san 1943 men riha kar diya. 20 disambar, 1968 ko baba sohan sinh bhakana ka dehant ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah