स्कन्द षष्ठी  हिन्दी देवनागरी में पढ़ें।

skand shashthi
bhagavan kartikey
vivaran 'skand shashthi' ke vrat men shiv parvati ke putr bhagavan kartikey ka poojan kiya jata hai. kartikey ke poojan se rog, rag, duahkh aur daridrata ka nivaran hota hai.
anuyayi hindoo aur pravasi bharatiy
tithi kartik mah, krishn paksh ki shashthi tithi.
snbndhit devata kartikey
pauranik ullekh skndapuran ke narad-narayan snvad men sntan prapti aur sntan ki pidaon ka shaman karane vale is vrat ka vidhan bataya gaya hai.
snbndhit lekh shiv-parvati, tamilanadu
any janakari kartikey ki pooja mukhyat: bharat ke dakshini rajyon aur visheshakar tamilanadu men hoti hai. bhagavan kartikey ke sabase prasiddh mndir tamilanadoo men hi sthit hain.

skand shashthi ka vrat kartik mas men krishn paksh ki shashthi tithi ko kiya jata hai. 'tithitattv'[1] ne chaitr shukl paksh ki shashthi ko 'skand shashthi' kaha hai.[2] yah vrat 'sntan shashthi' nam se bhi jana jata hai. kuchh log ashadh mah ki shukl paksh ki shashthi tithi ko skand shashthi manate hain.[3] skndapuran ke narad-narayan snvad men sntan prapti aur sntan ki pidaon ka shaman karane vale is vrat ka vidhan bataya gaya hai. ek din poorv se upavas karake shashthi ko 'kumar' arthath kartikey ki pooja karani chahie.[4] tamil pradesh men skandashashthi mahattvapoorn hai aur isaka sampadan mandiron ya kinhin bhavanon se hota hai.

prachinata evn pramanikata

is vrat ki prachinata evn pramanikata svayn parilakshit hoti hai. is karan yah vrat shraddhabhav se manaya jane vale parv ka roop dharan karata hai. sknd shashthi ke snbndh men manyata hai ki raja sharyati aur bhargav rishi chyavan ka bhi aitihasik kathanak isase juda hai. kahate hain ki sknd shashthi ki upasana se chyavan rishi ko ankhon ki jyoti prapt huee. brahmavaivartapuran men bataya gaya hai ki sknd shashthi ki kripa se priyavrat ka mrit shishu jivit ho jata hai. skand shashthi pooja ki paurannik parampara hai. bhagavan shiv ke tej se utpann balak skand ki chhah kritikaon ne stanapan kara kar raksha ki thi. inake chhah mukh hain aur unhen 'kartikey' nam se pukara jane laga. puran v upanishad men inaki mahima ka ullekh milata hai.[5]

nirnayamrit men itana aur aya hai ki bhadrapad ki shashthi ko dakshinapath men kartikey ka darshan lene se brahmahatya jaise gambhir papon se mukti mil jati hai.[6] hemadri[7], krityaratnakar[8] ne brahm puran se uddharan dekar bataya hai ki skand ki utpatti amavasya ko agni se huee thi, ve chaitr shukl paksh ki shashthi ko pratyaksh hue the, devon ke dvara senanayak banaye gaye the tatha tarakasur ka vadh kiya tha, at: unaki pooja, dipon, vastron, alnkaranon, murgon (khilaunon ke roop men) adi se ki jani chahie athava unaki pooja bachchon ke svasthy ke lie sabhi shukl shashthiyon par karani chahie. tithitattv [9] ne chaitr shukl paksh ki shashthi ko skandashashthi kaha hai.[10]

kab karen

yah vrat pratyek mas ki krishn paksh ki shashthi tithi ko kiya jata hai. varsh ke kisi bhi mas ke shukl paksh ki shashthi ko yah vrat arnbh kiya ja sakata hai. vaise chaitr athava ashvin mas ki shashthi ko is vrat ko arnbh karane ka prachalan adhik hai.[11]

avashyak samagri

bhagavan shaligram ji ka vigrah, kartikey ka chitr, tulasi ka paudha (gamale men laga hua), tanbe ka lota, nariyal, pooja ki samagri, jaise- kunkum, akshat, haldi, chndan abir, gulal, dipak, ghi, itr, pushp, doodh, jal, mausami phal, meva, mauli asan ityadi. yah vrat vidhipoorvak karane se suyogy sntan ki prapti hoti hai. sntan ko kisi prakar ka kasht ya rog ho to yah vrat sntan ko in sabase bachata hai.

poojan

sknd shashthi ke avasar par shiv-parvati ko pooja jata hai. mndiron men vishesh pooja-archana ki jati hai. isamen sknd dev (kartikey) ki sthapana karake pooja ki jati hai tatha akhnd dipak jalae jate hain. bhakton dvara sknd shashthi mahatmy ka nity path kiya jata hai. bhagavan ko snan karaya jata hai, ne vastr pahanae jate hain aur unaki pooja ki jati hai. is din bhagavan ko bhog lagate hain, vishesh kary ki siddhi ke lie is samay ki gee pooja-archana vishesh phaladayi hoti hai. isamen sadhak tntr sadhana bhi karate hain, isamen mans, sharab, pyaj, lahasun ka tyag karana chahie aur brahmachary ka snyam rakhana avashyak hota hai.

katha

bhagavan kartikey ki janm katha ke vishay men puranon men gyat hota hai ki jab daityon ka atyachar or atnk phail jata hai aur devataon ko parajay ka samana karana padata hai. jis karan sabhi devata bhagavan brahma ke pas pahunchate hain aur apani raksharth unase prarthana karate hain. brahma unake du:kh ko janakar unase kahate hain ki tarak ka ant bhagavan shiv ke putr dvara hi snbhav hai, parntu sati ke ant ke pashchath bhagavan shiv gahan sadhana men lin hue rahate hain. indr aur any dev bhagavan shiv ke pas jate hain, tab bhagavan shiv unaki pukar sunakar parvati se vivah karate hain. shubh ghadi aur shubh muhoort men shiv ji aur parvati ka vivah ho jata hai. is prakar kartikey ka janm hota hai aur kartikey tarakasur ka vadh karake devon ko unaka sthan pradan karate hain.[5]

mahattv

bhagavan sknd shakti ke adhidev hain, devataon ne inhen apana senapatitv pradan kiya tha. mayoor par asin devasenapati kumar kartik ki aradhana dakshin bharat me sabase jyada hoti hai, yahan par yah 'murugan' nam se vikhyat hain. pratishtha, vijay, vyavastha, anushasan sabhi kuchh inaki kripa se sampann hote hain. skandapuran ke mool upadeshta kumar kartikey hi hain tatha yah puran sabhi puranon men sabase vishal hai. sknd bhagavan hindoo dharm ke pramukh devon me se ek hain. sknd ko kartikey aur murugan namon se bhi pukara jata hai. dakshin bharat men pooje jane vale pramukh devataon men se ek bhagavan kartikey shiv parvati ke putr hain. kartikey bhagavan ke adhikatar bhakt tamil hindoo hain. inaki pooja mukhyat: bharat ke dakshini rajyon aur visheshakar tamilanadu men hoti hai. bhagavan sknd ke sabase prasiddh mndir tamilanadoo men hi sthit hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. tithitattv 35
  2. smritikaustubh (93
  3. sknd shashthi (hindi) astrobix.com. abhigaman tithi: 14 aprail, 2017.
  4. nirnayasindhu (49); purusharthachintamani (101); smritikaustubh (138
  5. 5.0 5.1 skand shashthi (hindi). . abhigaman tithi: 23 aktoobar, 2013.
  6. krityaratnakar (275-277
  7. hemadri kal, 622
  8. krityaratnakar 119
  9. tithitattv 35
  10. smritikaustubh (93
  11. sknd shashthi vrat (hindi). . abhigaman tithi: 23 aktoobar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah